جۇڭگو ساۋدا - ونەركاسىپشىلەر بىرلەستىگىنىڭ مەملەكەتتىك 13 - قۇرىلتايى اشىلدى
لي چياڭ ج ك پ ورتالىق كوميتەتى، مەملەكەتتىك كەڭەس اتىنان قۇتتىقتاۋ ءسوزىن سويلەدى
2022.12.12 17:03 كەلۋ قاينارى : حالىق تورابى
«حالىق گازەتى»، 12 - ايدىڭ 11 - كۇنى، بەيجيڭ. جۇڭگو ساۋدا - ونەركاسىپشىلەر بىرلەستىگىنىڭ مەملەكەتتىك 13 - قۇرىلتايى 12 - ايدىڭ 11 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي چياڭ اشىلۋ سالتىنا قاتىناستى ءارى ج ك پ ورتالىق كوميتەتى، مەملەكەتتىك كەڭەس اتىنان قۇتتىقتاۋ ءسوزىن سويلەدى (قۇتتىقتاۋ ءسوزىنىڭ تولىق مازمۇنىن «حالىق گازەتىنىڭ» 4 - بەتىنەن وقي الاسىزدار).
قۇتتىقتاۋ سوزىندە مىنالار اتاپ كورسەتىلدى: پارتيانىڭ 19 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى «ەكىدەن استە اۋىتقىماۋدا» تاباندى بولىپ، حالىقتىق شارۋاشىلىقتىڭ دامۋىن سۇيەمەلدەيتىن ءبىرقىدىرۋ رەفورما شارالارىن شىعارىپ، حالىقتىق شارۋاشىلىقتىڭ دامۋىنا ۇزدىكسىز تاماشا ورتا ازىرلەدى، ەلىمىزدىڭ حالىقتىق شارۋاشىلىعىنىڭ كولەمى مەن ناقتى قۋاتى بارىنشا جوعارىلاپ، دامۋدى ىلگەرىلەتۋ، جۇمىستانۋدى ارتتىرۋ، حالىق تۇرمىسىن جاقسارتۋ، جاڭالىق جاراتۋدى جەبەۋ، رەفورمانى تەرەڭدەتۋ، ەسىكتى ايقارا اشۋ سياقتى جاقتاردا ورنىن وگەيسىتۋگە بولمايتىن ماڭىزدى رول اتقاردى. ءار دارەجەلى ساۋدا - ونەركاسىپشىلەر بىرلەستىگى كورنەكتى ۇلەس قوستى.
قۇتتىقتاۋ سوزىندە بىلاي دەلىندى: پارتيانىڭ 20 - قۇرىلتايى جاڭا داۋىردەگى، جاڭا ساپارداعى پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا العا باسۋ بەتالىسىن كورسەتتى، ارەكەت باعدارناماسىن بەلگىلەدى. ءار دارەجەلى ساۋدا - ونەركاسىپشىلەر بىرلەستىگى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيانىڭ باسشىلىعىندا باستان - اياق تاباندى بولىپ، يدەيا - ساياسي جەتەكشىلىكتى ۇزدىكسىز كۇشەيتىپ، مۇرات - سەنىم تاربيەسىن تەرەڭدەتىپ، قالىڭ حالىقتىق شارۋاشىلىق قايراتكەرلەرىن جۇڭگوشا سوتسياليزم ىستەرىنىڭ تولىمدى قۇرىلىسشىلارى بولۋعا جەتەكتەپ، ەلىمىزدىڭ سوتسياليستىك نەگىزگى ەكونوميكالىق تۇزىمىندە تاباندى بولىپ، «ەكىدەن استە اۋىتقىماۋ» باعىتىن مىقتاپ يگەرىپ، پارتكوم مەن ۇكىمەتتىڭ حالىقتىق شارۋاشىلىقتىڭ اقاۋسىز دامۋىن جەبەۋ جونىندەگى باعىت - ساياساتتار مەن زاڭ - ەرەجەلەردى بەلگىلەۋىنە، ۇگىتتەۋىنە، تياناقتاندىرۋىنا كومەكتەسىپ، قاراستى ساۋدا قوعامدارىنىڭ پارتيا قۇرىلىسى قىزمەتىن تىڭعىلىقتى ىلگەرىلەتىپ، حالىقتىق كاسىپورىنداردىڭ پارتيا قۇرىلىسى قىزمەتىنە ات سالىستى جانە وعان قولداۋ كورسەتتى؛ حالىقتىق كاسىپورىنداردىڭ ساپالى دامۋىن قۇلشىنا جەبەپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە، جوعارى دەڭگەيدەگى سىرتقا ەسىك اشۋعا، ولشەمدەندىرۋ قۇرىلىسىنا، دامۋ مەن حاۋىپسىزدىكتى ءبىر تۇتاس جوسپارلاۋعا دەم بەردى؛ حالىقتىق كاسىپورىنداردى بىرگە بايۋدى جەبەۋگە بەلسەنە جەتەكتەپ، حالىقتىق شارۋاشىلىق قايراتكەرلەرىن حالىقتى وزەك ەتكەن دامۋ يدەياسىن امالياتتا ايگىلەپ، حالىقتىق كاسىپورىنداردى «10 مىڭ كاسىپورىن 10 مىڭ قىستاقتى گۇلدەندىرۋ» ارەكەتىنە بەلسەنە ات سالىسۋعا جەتەكتەپ، اۋىل - قىستاقتىڭ گۇلدەنۋىنە دەم بەرىپ، حالىقتىق كاسىپورىنداردىڭ جۇمىستانۋدى ورنىقتىرۋداعى، كىرىستى ارتتىرۋدى جەبەۋدەگى ماڭىزدى رولىن ساۋلەلەندىرىپ، جاراسىمدى ەڭبەك قاتىناسىن ورناتتى؛ اكىمشىلىك پەن ساۋدانىڭ ەتەنە، پاك قاتىناسىن جاپپاي ورناتۋدى ىلگەرىلەتىپ، ساۋداعا ىڭعايلى، كاسىپورىندارعا تيىمدىلىك جاسايتىن ساياسات ورتاسىن، ءادىل، جاريالى زاڭمەن باسقارۋ ورتاسىن، ءادىل باسەكەلەسەتىن بازار ورتاسىن، ساۋداگەرلەردىڭ كوڭىلىن ورنىقتىراتىن قوعامدىق ورتانى قالىپتاستىردى؛ وزىندىك قۇرىلىستى تىڭعىلىقتى ىلگەرىلەتىپ، قاراستى ساۋدا قوعامى رەفورماسىن ۇزدىكسىز تەرەڭدەتىپ، وسى زامانعى ساۋدا قوعامى ءتۇزىمى قۇرىلىسىن ىلگەرىلەتۋ جونىندە ىزدەنىس جاساپ، جۇڭگوشا ساۋدا قوعامى ۇيىمىن جەتىلدىرىپ جانە دامىتىپ، بىرلىكساپ قىزمەتىنىڭ ساۋدا قوعامى ۇيىمىن ءونىمدى قامتۋىن ىلگەرىلەتتى. جاڭا كەزەكتى مەملەكەتتىك ساۋدا - ونەركاسىپشىلەر بىرلەستىگىنىڭ باسشىلىق قۇرىلىمى مەن باسشىلىق القاسى وسكەلەڭ ساياسي جاۋاپكەرلىك سەزىممەن جانە رەفورما جاساپ، جاڭالىق اشۋ رۋحىمەن سەنىمدى بەكەمدەپ، تىڭعىلىقتى قىزمەت ىستەپ، قايراتتانا ءىس تىندىرىپ، ساۋدا - ونەركاسىپشىلەر بىرلەستىگى ىستەرىنىڭ دامۋىندا ۇزدىكسىز جاڭا جاعداي اشتى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين دەموكراتيالىق پارتيا - توپتاردىڭ ورتالىق كوميتەتتەرى اتىنان قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەلىندى: دەموكراتيالىق پارتيا - توپتار دا، ساۋدا - ونەركاسىپشىلەر بىرلەستىگى دە − وتانشىلدىق بىرلىكساپتىڭ ماڭىزدى قۇرامداس بولەگى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ رۋحىن جانە باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن جاقسى ىستەۋ جونىندەگى ماڭىزدى يدەياسىن مۇقيات ۇيرەنىپ، دايەكتىلەندىرىپ، وزەكتى ارقاۋ ەتۋدە، جالپى جاعدايعا قىزمەت وتەۋدە تاباندى بولىپ، ءوز ارتىقشىلىقتارىن ساۋلەلەندىرىپ، ىنتىماقتاسا العا ۇمتىلىپ، ءورىس اشا جاڭالىق اشىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تىڭ دا اناعۇرلىم زور ۇلەس قوسۋ كەرەك.
مەملەكەتتىك باس جۇمىسشى ۇيىمى ءتوراعاسىنىڭ ورىنباسارى، شۋجيچۋىنىڭ شۋجيى جياڭ گۋاڭپيڭ حالىقتىق ۇيىمدار اتىنان قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەلىندى: بۇقارالىق ۇيىمدار ىستەرى − پارتيا ىستەرىنىڭ ماڭىزدى قۇرامداس بولەگى. ءبىز بۇرىنعىداي پىكىرلەسۋدى كۇشەيتىپ، تىعىز سەلبەسىپ، ءوزارا قولداۋ كورسەتىپ، باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن جاقسى ىستەۋ جونىندەگى ماڭىزدى يدەياسىن، بۇقارالىق ۇيىمدار قىزمەتى جانە بۇقارالىق ۇيىمدار رەفورماسى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، ورتالىقتىڭ بىرلىكساپ قىزمەتى ءماجىلىسىنىڭ رۋحىن، ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسىنىڭ رۋحىن جانە پارتيا ورتالىق كوميتەتىنىڭ بۇقارالىق ۇيىمدار رەفورماسى، دامۋى جونىندەگى شەشىم، ورنالاستىرۋلارىن دايەكتىلەندىرىپ، تياناقتاندىرىپ، پارتيانىڭ جاپپاي باسشىلىق ەتۋىن قىزمەتتىڭ تۇتاس بارىسىندا، ءار سالادا تياناقتاندىرىپ، بۇقارالىق ۇيىمداردى دامىتۋدىڭ جۇڭگوشا سوتسياليزم جولىمەن ويداعىداي ءجۇرىپ، نازاردى ساياسيلىقتى، العاباسارلىقتى، بۇقارالىقتى ساقتاۋ جانە كۇشەيتۋگە شوعىرلاندىرىپ، رەفورما جاساپ، جاڭالىق اشۋ رۋحىمەن پارتيانىڭ بۇقارالىق ۇيىمدار ىستەرىنىڭ جاڭا جاعدايىن ۇزدىكسىز اشىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت ەتۋىمىز كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ مەملەكەتتىك ساۋدا - ونەركاسىپشىلەر بىرلەستىگىنىڭ 12 - كەزەكتى اتقارۋ كوميتەتى اتىنان قىزمەت بايانداماسىن جاسادى. باياندامادا ساۋدا - ونەركاسىپشىلەر بىرلەستىگىنىڭ 5 جىلدان بەرگى قىزمەتتەرىنە جان - جاقتى شولۋ جاسالعاننان كەيىن، بىلاي دەپ اتاپ كورسەتىلدى: ساۋدا - ونەركاسىپشىلەر بىرلەستىگى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ بىرلىكساپ قىزمەتى ءماجىلىسىنىڭ رۋحىن مۇقيات تياناقتاندىرىپ، «ەكى سالاماتتىقتى» جەبەۋ تاقىرىبىن ارقاۋ ەتىپ، حالىقتىق شارۋاشىلىق قايراتكەرلەرىنىڭ يدەيالىق - ساياسي قۇرىلىستاعى جەتەكشىلىك رولىن، حالىقتىق كاسىپورىنداردىڭ رەفورما، دامۋ بارىسىنداعى قىزمەت وتەۋ رولىن تولىق ساۋلەلەندىرىپ، حالىقتىق شارۋاشىلىقتىڭ ساپالى دامۋىن ىلگەرىلەتىپ، قالىڭ حالىقتىق شارۋاشىلىق قايراتكەرلەرىن وتاندى ءسۇيىپ، كاسىپتى قاستەرلەۋدىڭ، زاڭعا بويسۇنىپ تيجارات جۇرگىزۋدىڭ، يگىلىك جاراتىپ، جاڭالىق اشۋدىڭ، قوعامعا قارىمجى قايتارۋدىڭ تولىمدى ۇلگىسى بولىپ، جۇڭگوشا سوتسياليزم ىستەرىنىڭ تولىمدى قۇرىلىسشىلارى بولىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تىڭ دا اناعۇرلىم زور ۇلەس قوسۋعا بەلسەنە باستاۋ كەرەك.
شى تايفىڭ، ليۋ حى، شىن يۋەيۋە، ما بياۋ، سونداي - اق حۋاڭ مىڭفۋ، جىڭ ۋانتۇڭ، ۋاڭ چينمين قاتارلىلار اشىلۋ سالتىنا قاتىناستى.
وسى رەتكى قۇرىلتاي جۇڭحۋا مەملەكەتتىك ساۋدا - ونەركاسىپشىلەر بىرلەستىگى 12 - كەزەكتى اتقارۋ كوميتەتىنىڭ قىزمەت بايانداماسىن قارايدى، «جۇڭگو ساۋدا - ونەركاسىپشىلەر بىرلەستىگىنىڭ ۋستاۆىن (وزگەرىس ەنگىزىلگەن نۇسقا)» قاراپ ماقۇلدايدى، جۇڭحۋا مەملەكەتتىك ساۋدا - ونەركاسىپشىلەر بىرلەستىگى 13 - كەزەكتى اتقارۋ كوميتەتىن سايلايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
