شي جينپيڭ ساۋد ارابياسىنىڭ پاتشاسى سالمانمەن كەزدەستى
2022.12.09 16:34 كەلۋ قاينارى : حالىق تورابى
سول جەر ۋاقىتى بويىنشا 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ ريادتىڭ پاتشا سارايىندا ساۋد ارابياسىنىڭ پاتشاسى سالمانمەن كەزدەستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
«حالىق گازەتى»، 12 - ايدىڭ 8 - كۇنى، رياد (تىلشىلەر دۋ شاڭزى، گۋان كىجياڭ). سول جەر ۋاقىتى بويىنشا 12 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ رياد پاتشا سارايىندا ساۋد ارابياسىنىڭ پاتشاسى سالمانمەن كەزدەستى.
شي جينپيڭ بىلاي دەپ اتاپ كورسەتتى: اراعا 6 جىل سالىپ ساۋد ارابياسىنا تاعى دا ساپارلاي كەلگەنىمە وتە قۋانىشتامىن. مەنىڭ وتكەن جولعى ساۋد ارابياسىنا ساپارىم ءالى ەسىمدە. مەن جۇڭگو مەن ساۋد ارابياسىنىڭ قارىم - قاتىناسىن دامىتۋ جونىندە كەلىسكەن ماڭىزدى ورتاق تانىمىمىزدىڭ ناقتى سەلبەستىك تابىسىنا اينالعانىن قۋانىشپەن كورىپ وتىرمىن. جۇڭگو مەن ساۋد ارابياسىنىڭ سەلبەستىگىنىڭ كەڭ بولاشاعى بار. جۇڭگو جاق ساۋد ارابياسىن كوپ ۇيەكتەنگەن دۇنيە جۇزىندەگى ماڭىزدى كۇش ساناپ، ساۋد ارابياسىمەن جان - جاقتى ستراتەگيالىق سەرىكتەستىك قارىم - قاتىناستى دامىتۋعا ايرىقشا ءمان بەرەدى. جۇڭگو جاق ساۋد ارابياسى جاقپەن ستراتەگيالىق بايلانىستى ۇزدىكسىز كۇشەيتىپ، ءار سالاداعى سەلبەستىكتى تەرەڭدەتىپ، ەكى ەلدىڭ دامۋ مۇددەسىنە قىزمەت ەتىپ، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋدى قالايدى.
سالمان مىنانى ءبىلدىردى: ءتوراعا شي جينپيڭنىڭ ساۋد ارابياسىنا تاعى دا ساپارلاي كەلگەنىن قىزۋ قارسى الامىن، ءسىزدىڭ 2016 - جىلعى ساۋد ارابياسىنداعى ساپارىڭىز ەستەن كەتپەيدى. تاياۋ جىلداردان بەرى ساۋد ارابياسى مەن جۇڭگونىڭ ستراتەگيالىق ۇشتاسۋى جانە ءار سالاداعى سەلبەستىگى تاماشا ىلگەرىلەۋشىلىككە قول جەتكىزدى، ەكى جاق كوپتەگەن ماسەلەدە ماڭىزدى ورتاق تانىمعا يە بولدى، جۇڭگونىڭ مۇددەسى ساۋد ارابياسىنىڭ مۇددەسى دە بولىپ تابىلادى. مەن جۇڭگومەن قارىم - قاتىناستى دامىتۋعا ايرىقشا ءمان بەرەمىن، ءتوراعا شي جينپيڭمەن بىرگە قۇلشىنىپ، ساۋد ارابياسى مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتىپ، دوس ەكى ەلدىڭ حالىقتارىن باقىتقا كەنەلتۋدى قالايمىن، بۇل ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، تىنىشتىعىن جۇزەگە اسىرۋعا دا ءتيىمدى.
ەكى ەل باسشىلارى «جۇڭحۋا حالىق رەسپۋبليكاسى مەن ساۋد ارابياسىنىڭ جان - جاقتى ستراتەگيالىق سەرىكتەستىك قارىم - قاتىناس كەلىسىمىنە» قول قويىپ، ەكى جىلدا ءبىر رەت مەملەكەت باسشىلارىنىڭ ديدارلاسۋىن وتكىزۋگە ماقۇل بولدى.
ديڭ شۋەشياڭ، ۋاڭ ي جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
