بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ريادقا جەتتى

تۇڭعىش كەزەكتى جۇڭگو - اراب ەلدەرى باسشىلار ماجىلىسىنە، جۇڭگو - شىعاناق اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناسادى ءارى ساۋد ارابياسىندا مەملەكەتتىك ساپاردا بولادى

2022.12.08 16:14     كەلۋ قاينارى : حالىق تورابى


  سول جەر ۋاقىتى بويىنشا 12 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن ريادقا جەتتى، ساۋد ارابياسىنىڭ پاتشاسى سالماننىڭ ۇسىنىسىمەن تۇڭعىش كەزەكتى جۇڭگو - اراب ەلدەرى باسشىلار ماجىلىسىنە، جۇڭگو - شىعاناق اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناسادى ءارى ساۋد ارابياسىندا مەملەكەتتىك ساپاردا بولادى. سۋرەتتە: شي جينپيڭ ارناۋلى ۇشاقپەن ريادحاليد پاتشا اۋەجايىنا جەتكەن كەزدە ساۋد ارابياسى رياد ولكەسىنىڭ باستىعى فەسار حانزادا، سىرتقى ىستەر ءۋازىرى فەسار حانزادا، جۇڭگو ىستەرى ءۋازىرى رۋمەيان قاتارلى پاتشا اۋلەتىنىڭ ماڭىزدى مۇشەلەرى مەن ۇكىمەتتىڭ جوعارى دارەجەلى ءمانساپتىلارى ىستىق ىقىلاسپەن قارسى الۋدا. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  «حالىق گازەتى»، 12 - ايدىڭ 7 - كۇنى، رياد (تىلشىلەر دۋ شاڭزى، گۋان كىجياڭ). سول جەر ۋاقىتى بويىنشا 12 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن ريادقا باردى، الداعى جەردە ساۋد ارابياسىنىڭ پاتشاسى سالماننىڭ ۇسىنىسىمەن تۇڭعىش كەزەكتى جۇڭگو – اراب ەلدەرى باسشىلار ماجىلىسىنە، جۇڭگو – شىعاناق اراب ەلدەرى سەلبەستىك كوميتەتىنىڭ باسشىلار ماجىلىسىنە قاتىناسادى ءارى ساۋد ارابياسىندا مەملەكەتتىك ساپاردا بولادى.

  شي جينپيڭ وتىرعان ارناۋلى ۇشاق ساۋد ارابياسىنىڭ اۋە كەڭىستىگىنە كىرگەننەن كەيىن ساۋد ارابياسى اۋە ارمياسىنىڭ 4 سوعىس ۇشاعى كەڭىستىككە كوتەرىلىپ قورعاپ ۇشتى. ارناۋلى ۇشاق ريادتىڭ كەڭىستىگىنە كىرگەننەن كەيىن «ساۋد ارابياسى قىرانى» اتتى 6 قوناق كۇتۋ ۇشاعى بىرگە ۇشتى.

  شي جينپيڭ ارناۋلى ۇشاقپەن ريادحاليد پاتشا اۋەجايىنا جەتكەندە ساۋد ارابياسى جاقتىڭ سالتاناتپەن قىزۋ قارسى الۋىنا بولەندى. اۋەجايدا 21 رەت قۇرمەت ساليۋتى اتىلدى، قوناق كۇتۋ ۇشاعى جۇڭگونىڭ مەملەكەت تۋىنا سيمۆول بولعان قىزىل - سارى ەكى ءتۇستى لەنتانى كەڭىستىكتەن شىعاردى. قۇرمەت قاراۋىلى كۇلگىن كىلەمنىڭ ەكى جاعىندا ساپ تۇزەپ تۇردى، جۇڭگو مەن ساۋد ارابياسىنىڭ مەملەكەت تۋى جەلبىرەپ تۇر. ساۋد ارابياسى ولكەسىنىڭ باستىعى فەسار حانزادا، سىرتقى ىستەر ءۋازىرى فەسار حانزادا، جۇڭگو ىستەرى ءۋازىرى رۋمەيان قاتارلى پاتشا اۋلەتىنىڭ ماڭىزدى مۇشەلەرى مەن ۇكىمەتتىڭ جوعارى دارەجەلى ءمانساپتىلارى ىستىق ىقىلاسپەن قارسى الدى.

  شي جينپيڭ جازباشا ءسوز سويلەپ، جۇڭگو ۇكىمەتى مەن حالقى اتىنان ساۋد ارابياسى ۇكىمەتى مەن حالقىنا شىنايى سالەم جولدادى جانە ىزگى تىلەك ءبىلدىردى. شي جينپيڭ بىلاي دەپ اتاپ كورسەتتى: جۇڭگو مەن ساۋد ارابياسى ديپلوماتيالىق قارىم - قاتىناس ورناتقان 32 جىلدان بەرى ەكى جاقتىڭ ستراتەگيالىق ءوزارا سەنىمدىلىگى ۇزدىكسىز بەكەمدەلىپ، ءار سالاداعى ناقتى سەلبەستىكتە سۇبەلى تابىستارعا قول جەتكىزدى، اسىرەسە، 2016 - جىلى ەكى ەل جالپى بەتتىك ستراتەگيالىق سەرىكتەستىك قارىم - قاتىناس ورناتقاننان بەرى مەن سالمان پاتشامەن بىرگە جۇڭگو - ساۋد ارابياسى قارىم - قاتىناسىنىڭ قارىشتاپ دامۋعا قول جەتكىزۋىنە جەتەكشىلىك ەتىپ، ەكى ەل حالىقتارىنا باقىت جاراتۋمەن بىرگە، ءوڭىردىڭ بەيبىتشىلىگىن، ورنىقتىلىعىن، گۇلدەنىپ - دامۋىن دا پارمەندى جەبەدىم. ساپار كەزىندە مەن سالمان پاتشامەن جانە پاتشا مۇراگەرى مۇحاممەدپەن ەكى جاقتى قارىم - قاتىناس، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو - ساۋد ارابياسى قارىم - قاتىناسىنىڭ دامۋ بەتالىسىن بىرگە جوبالايمىن. مەن تۇڭعىش كەزەكتى جۇڭگو - اراب ەلدەرى باسشىلار ماجىلىسىنە جانە جۇڭگو - شىعاناق اراب ەلدەرى سەلبەستىك كوميتەتى باسشىلار ماجىلىسىنە قاتىناسىپ، اراب ەلدەرىنىڭ جانە شىعاناق سەلبەستىك قوعامى ەلدەرىنىڭ باسشىلارىمەن بىرگە جۇڭگو - اراب ەلدەرى، جۇڭگو – شىعاناق ەلدەرى قاتىناسىنىڭ تىڭ ساتىعا كوتەرىلۋىن ىلگەرىلەتۋدى كۇتەمىن.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ۋاڭ ي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى حى ليفىڭ قاتارلى ساپارلاستارى وسى ۇشاقپەن بىرگە باردى.

  جۇڭگونىڭ ساۋد ارابياسىنداعى باس ەلشىسى چىن ۋەيچيڭ دە اۋەجايعا بارىپ قارسى الدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار