جياڭ زىمين جولداسقا ازا ءبىلدىرۋ جينالىسى بەيجيڭدەگى حالىق سارايىندا ايبىندى وتكىزىلدى
شي جينپيڭ ازا ءبىلدىرۋ ءسوزىن سويلەدى
2022.12.07 16:27 كەلۋ قاينارى : حالىق تورابى
 |
12 - ايدىڭ 6 - كۇنى ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭدەگى حالىق سارايىندا جياڭ زىمين جولداسقا ازا ءبىلدىرۋ جينالىسىن ايبىندى وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ازا ءبىلدىرۋ جينالىسىندا ازا ءبىلدىرۋ ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
|
لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان ازا ءبىلدىرۋ جينالىسىنا قاتىناستى، ساي چي جينالىستى باسقاردى
جياڭ زىمين جولداس بىزبەن ماڭگىلىككە قوشتاستى. ونىڭ ارداقتى ەسىمى، ەڭبەگى، يدەياسى، ونەگەسى تاريحقا ماڭگى جازىلادى، ۇرپاقتار بويى حالىقتىڭ جۇرەگىنەن وشپەيدى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك
شينحۋا اگەنتتىگى، 12 - ايدىڭ 6 - كۇنى، بەيجيڭ. پارتيامىز، ارميامىز، بۇكىل ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ باستى جاراتۋشىسى جياڭ زىمين جولداس بۇل دۇنيەمەن ماڭگىلىككە قوشتاسىپ، بۇكىل ەلدەگى ءار ۇلت حالقىن شەكسىز قايعىعا باتىردى. 12 - ايدىڭ 6 - كۇنى تۇستەن بۇرىن ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى حالىق سارايىندا جياڭ زىمين جولداسقا ازا ءبىلدىرۋ جينالىسىن ايبىندى وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جينالىسقا قاتىناستى. جينالىس بۇكىل ەل بويىنشا راديو - تەلەۆيزيادا، اقپارات توراپ بەكەتتەرىندە ناق مايداندا ۇستىنەن تاراتىلدى. بۇكىل ەل بويىنشا جوعارىدان تومەنگە دەيىن، ءار ۇلت حالقى جياڭ زىمين جولداسقا قايعىلى ازا ءبىلدىردى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ازا ءبىلدىرۋ جينالىسىندا ازا ءبىلدىرۋ ءسوزىن سويلەگەندە مىنانى دارىپتەدى: ءبىز جياڭ زىمين جولداستى قادىرلەيمىز، جياڭ زىمين جولداستى ساعىنىشپەن ەسكە الامىز، ويتكەنى ول ءومىر بويى جۇرەك قانى مەن زەيىن - زەردەسىن جۇڭگو حالقىنا ارناپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتى قۇدىرەتتەندىرۋ، حالىقتى باقىتقا كەنەلتۋ ىستەرىنە ءبارىن ارناپ، اقتىق دەمىنە دەيىن كۇرەس جۇرگىزدى. اسىرەسە، پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى 13 جىلدا پارتيامىز بەن مەملەكەتىمىزدىڭ قول جەتكىزگەن وراسان زور تابىستارىن جياڭ زىمين جولداستىڭ اسقاق كەمەڭگەرلىگىنەن، شەشۋشى رولىنان، ەرەن ساياسي باسشىلىق ونەرىنەن بولە قاراۋعا بولمايدى. جياڭ زىمين جولداس پارتيا مەن حالىققا وشپەس ەڭبەك ءسىڭىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قادىرلەۋىنە جانە حالىقارالىق قوعامنىڭ جاپپاي القاۋىنا يە بولدى.
بۇگىن بۇكىل ەل بويىنشا تۋ جارتىلاي ءتۇسىرىلىپ، ازا ءبىلدىرىلىپ، بارلىق الەۋمەتتىك كوڭىل اشۋ قيمىلى توقتاتىلدى. ازا ءبىلدىرۋ جينالىسى حالىق سارايىنىڭ ۇلكەن زالىندا وتكىزىلدى. جينالىس الاڭى ايبىندى دا جىم - جىرت بەينەگە شومدى. ءتوراعالار مىنبەسى سۇرعىلت رەڭدى نەگىز ەتىپ، مىنبەنىڭ ماڭدايشاسىنا ىلىنگەن قارا كەرمە تۋعا اق ءتۇستى جازۋمەن «جياڭ زىمين جولداسقا ازا ءبىلدىرۋ جينالىسى» دەگەن جازۋ جازىلعان. ءتوراعالار مىنبەسىنىڭ ءدال ورتاسىنا جياڭ زىمين جولداستىڭ رەڭدى ۇلكەن سۋرەتى ىلىنگەن. جياڭ زىمين جولداستىڭ سۇيەك كۇلى سالىنعان قوبديشا سۋرەتتىڭ الدىنداعى گۇل شوعىرلارىنىڭ اراسىنا قويىلعان، سۇيەك كۇلى قوبديشاسىنا جۇڭگو كوممۋنيستىك پارتياسىنىڭ نارت قىزىل تۋى جابىلعان. جياڭ زىمين جولداستىڭ حانىمى ۋاڭ يەپيڭنىڭ بۇكىل وتباسى مۇشەلەرىمەن بىرگە قۇرمەتپەن ارناعان گۇل شارباعى جياڭ زىمين جولداستىڭ سۇيەك كۇلى قوبديشاسىنىڭ الدىنا قويىلعان. 6 قۇرمەت قاراۋىلى مىلتىقتارىن سەرت ۇستاپ ەكى جاقتا ءۇنسىز تۇردى.
ءتوراعالار مىنبەسىنىڭ ەكى جاعىنا شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلى جولداستار جانە ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى قۇرمەتپەن ارناعان گۇل شەڭبەرلەرى قويىلعان.
زالدىڭ 2 - قاباتىنداعى مىنبەنىڭ ماڭدايشاسىنا ىلىنگەن سارى جيەكتى قارا كەرمە تۋعا اق ءتۇستى جازۋمەن «بۇكىل پارتيا، بۇكىل ارميا، بۇكىل ەلدەگى ءار ۇلت حالقى شىنايى قادىرلەيتىن جياڭ زىمين جولداس ماڭگى جاسايدى!» دەگەن جازۋ جازىلعان. 3 - قاباتتاعى مىنبەنىڭ ماڭدايشاسىنا ىلىنگەن سارى جيەكتى قارا كەرمە تۋعا اق ءتۇستى جازۋمەن «شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ باسشىلىعىندا، جياڭ زىمين جولداستىڭ مۇراتىنا مۇراگەرلىك ەتىپ، جاڭا داۋىردەگى جۇڭگوشا سوتسياليزم ۇلى ءىسىن العا ىلگەرىلەتەيىك!» دەگەن جازۋ جازىلعان.
ءتوراعالار مىنبەسىنىڭ ەكى جاعىنا ورتالىق پەن مەملەكەت ورگاندارىنىڭ تاراۋلارى، ءارقايسى حالىقتىق ۇيىمدار، ازاتتىق ارميانىڭ ءارقايسى ورىندارى جانە قارۋلى ساقشى قوسىندارى، ورتالىق باسقاراتىن فينانس قۇرىلىمدارى، ورتالىق باسقاراتىن كاسىپورىندار، ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى، ولكە، اۆتونوميالى رايون، توتە قاراستى قالالاردىڭ پارتيا كوميتەتتەرى، حالىق قۇرىلتايلارى، ۇكىمەتتەرى، ساياسي كەڭەستەرى، شياڭگاڭ ەرەكشە اكىمشىلىك رايونى ۇكىمەتى، اۋمىن ەرەكشە اكىمشىلىك رايونى ۇكىمەتى، سونداي - اق جياڭ زىمين جولداستىڭ اتا مەكەنى، كوزى تىرىسىندەگى دوستارى قۇرمەتپەن ارناعان گۇل شەڭبەرلەرى قويىلعان.
ازا ءبىلدىرۋ جينالىسىن ساي چي باسقاردى. تۇستەن بۇرىن ساعات 10 دا ازا ءبىلدىرۋ جينالىسى باستالدى. بۇكىل زالداعىلار ءۇنسىز تۇرىپ 3 مينۋت ازا ءبىلدىردى. جۇڭگو حالىق ازاتتىق ارمياسىنىڭ اسكەري وركەسترى قايعىلى مۋزىكا ورىندادى، قايعىلى مۋزىكا ءۇنى ناق مايداندا ۇستىنەن تاراتۋ ارقىلى ەلىمىزدىڭ بايتاق الابىن كۇڭىرەنتتى. بۇكىل ەلدىڭ جەر - جەرى شەكسىز قايعىعا شومىپ، ءجۇز ميلليونداعان حالىق ءۇنسىز ءتۇرىپ ازا ءبىلدىردى. اۆتوموبيل، پويەز، كەمە سياقتىلار گۋدوك شالىپ، اۋە شابۋىلىنان قورعانۋ دابىلى اسپان اياسىن جاڭعىرتتى.
ءۇنسىز ازا بىلدىرگەننەن كەيىن حالىق سارايىندا ايبىندى مەملەكەت گيمنى ورىندالدى. ايبىندى اۋەن قالىڭ حالىقتىڭ ورتاق ەركىن، ياعني شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ بەكىمىن ايگىلەدى.
تۇتاس الاڭ قايعىلى بەينەگە شومىپ تۇردى، شي جينپيڭ ازا ءبىلدىرۋ ءسوزىن سويلەدى. شي جينپيڭ ازا ءبىلدىرۋ سوزىندە جياڭ زىمين جولداستىڭ شۇعىلالى ءومىرى مەن وشپەس ەڭبەگىن جوعارى باعالادى. ول بىلاي دەپ اتاپ كورسەتتى: پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن پارتيا 16 - قۇرىلتايىنا دەيىنگى 13 جىلدا حالىقارالىق جاعداي اۋمالى - توكپەلى بولدى، ەلىمىزدىڭ رەفورما جاساپ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىنىڭ اياق الىسى قۇلاشىن كەڭ جايدى. حالىقاراداعى جانە ەل ىشىندەگى توتەنشە كۇردەلى جاعدايدا جياڭ زىمين جولداس پارتيانىڭ ورتالىق كوميتەت باسشىلىق كوللەكتيۆىن باستاپ، ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى ۇلى تۋىن بيىك ۇستاپ، پارتيانىڭ نەگىزگى لۋشيانىنان اۋىتقىماي، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا بەرىك سۇيەنىپ، جۇڭگوشا سوتسياليزمدە بۇلجىماي تاباندى بولدى جانە ونى دامىتتى. جياڭ زىمين جولداس دۇنيە جۇزىندەگى جاڭا اسكەري وزگەرىستەردىڭ دامۋ بەتالىسىن تەرەڭ باعامداپ، جاڭا داۋىردەگى اسكەري ستراتەگيالىق باعىتتى بەلگىلەپ، جۇڭگوشا اسكەري بۇرىلىستى ىلگەرىلەتىپ، جۇڭگوشا جاۋىنگەر قوسىن قۇرۋ جولىمەن اۋىتقىماي ءجۇرىپ، حالىق ارمياسىنىڭ توڭكەرىستەنۋ، وسىزاماندانۋ، جۇيەلىلەنۋ قۇرىلىسىن كۇشەيتۋدى دارىپتەدى. جياڭ زىمين جولداستىڭ تىكەلەي باسشىلىعى مەن زور كۇشپەن ىلگەرىلەتۋىندە ەلىمىزدىڭ مەملەكەت قورعانىسى مەن ارميانى وسىزامانداندىرۋ قۇرىلىسىندا وراسان زور تابىستارعا قول جەتتى. جياڭ زىمين جولداس بۇكىل پارتيانىڭ اقىل - پاراساتىن شوعىرلاندىرا وتىرىپ «ۇشكە ۋاكىلدىك ەتۋ» ماڭىزدى يدەياسىن جاراتىپ، سوتسياليزم دەگەن نە، سوتسياليزمدى قالاي قۇرۋ كەرەك دەگەن ماسەلەگە ىشكەرىلەي جاۋاپ بەرىپ، قانداي پارتيا قۇرۋ، پارتيانى قالاي قۇرۋ دەگەن ماسەلەگە جاسامپازدىقپەن جاۋاپ بەرىپ، ءبىزدىڭ جاڭا ءداۋىر شارت - جاعدايىندا جۇڭگوشا سوتسياليزم ىستەرىن ىلگەرىلەتۋدىڭ، پارتيا قۇرىلىسىن كۇشەيتۋدىڭ زاڭدىلىعى جونىندەگى تانىمىمىزدى تەرەڭدەتتى، جاڭا يدەيا، كوزقاراس، تۇجىرىم ارقىلى ماركسيزم - لەنينيزمددى، ماۋ زىدۇڭ يدەياسىن، دىڭ شياۋپيڭ نازارياسىن جالعاستىردى، بايىتتى جانە دامىتتى.
شي جينپيڭ بىلاي دەپ اتاپ كورسەتتى: پارتيا 13 - كەزەكتى ورتالىق كوميتەتىنىڭ 4 - جالپى ماجىلىسىنەن كەيىنگى 13 جىلدا جياڭ زىمين جولداس ەلىمىزدىڭ يەلىك ۇقىعى مەن حاۋىپسىزدىگىنە ساياتىن ءبىرقىدىرۋ حالىقارالىق توسىن وقيعاعا سالماقتىلىقپەن توتەپ بەرىپ، ساياسي، ەكونوميكا سالاسىندا جانە تابيعات دۇنيەسىندە تۋىلعان قيىنشىلىقتار مەن حاۋىپ - قاتەردى جەڭۋىمىزگە، اسىرەسە، ازيا فينانس داعدارىسىنىڭ سوققىسىنا ءساتتى توتەپ بەرىپ، 1998 - جىلعى ەرەكشە اۋىر تاسقىن اپاتى سياقتىلاردى جەڭۋىمىزگە باسشىلىق ەتىپ، رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى كەمەسىنىڭ باستان - اياق دۇرىس بەتالىسپەن تولقىن جارا العا ىلگەرىلەۋىنە كەپىلدىك ەتتى.
شي جينپيڭ مىنالاردى دارىپتەدى: جياڭ زىمين جولداس ۇزاق ۋاقىتتىق توڭكەرىس امالياتى بارىسىندا ايقىن توڭكەرىستىك رۋح پەن توڭكەرىستىك ونەگەنى شىڭدادى. جياڭ زىمين جولداستىڭ توڭكەرىستىك رۋحى مەن توڭكەرىستىك ونەگەسى ءبىزدىڭ جۇرەگىمىزدە ماڭگى ساقتالادى، ءبىزدى العا باسۋعا ماڭگى تاربيەلەيدى جانە جىگەرلەندىرەدى.
شي جينپيڭ مىنالاردى اتاپ كورسەتتى: جياڭ زىمين جولداستىڭ دۇنيەدەن ءوتۋى پارتيامىز، ارميامىز، ەلىمىزدەگى ءار ۇلت حالقى ءۇشىن ولشەۋسىز جوعالتۋ بولدى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن قايعىنى قايراتقا جەڭدىرىپ، جياڭ زىمين جولداستىڭ مۇراتىن جالعاپ، ءىس جۇزىندىك ارەكەتپەن قايعىلى ساعىنىشىمىزدى ءبىلدىرىپ، جۇڭگوشا سوتسياليزم جولىندا پارتيا مەن مەملەكەت ىستەرى دامۋىنىڭ تىڭ داستانىن ۇزدىكسىز جازۋعا ۇندەيدى.
شي جينپيڭ مىنالاردى دارىپتەدى: ماركسيزم − ءبىزدىڭ پارتيا مەن مەملەكەت قۇرۋىمىزداعى، پارتيانى، مەملەكەتتى گۇلدەندىرۋىمىزدەگى ءتۇبىرلى جەتەكشى يدەيامىز. جاڭا جورىقتا ءبىز، ءسوز جوق، ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا، بارلىعىندا ءىس جۇزىندىكتى شىعار ءتۇيىن ەتۋدە تاباندى بولىپ، جۇڭگونىڭ سۇراۋىنا، دۇنيە ءجۇزىنىڭ سۇراۋىنا، حالىقتىڭ سۇراۋىنا، ءداۋىردىڭ سۇراۋىنا ۇزدىكسىز جاۋاپ بەرىپ، ماركسيزمنىڭ جالىندى تىرشىلىك تىنىسى مەن تاسقىنداعان ومىرشەڭدىك كۇشىن باستان - اياق ساقتاۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعى − پارتيا مەن حالىق ىستەرىنىڭ بوران - شاشىندا بوگەلمەي العا باسۋىنىڭ ءتۇبىرلى كەپىلى. جاڭا جورىقتا ءبىز، ءسوز جوق، «ەمتيحان تاپسىرۋ» سەرگەكتىگى مەن تاباندىلىعىن ساقتاپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا قۇرۋ ۇلى رۋحىن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، وزىنە توڭكەرىس جاساۋدى باتىلدىقپەن ىلگەرىلەتىپ، پارتيانىڭ جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ تاريحي اياق الىسىندا باستان - اياق پارمەندى باسشىلىق ۇيىتقى بولۋىنا شىنايى كەپىلدىك ەتۋىمىز كەرەك.
شي جينپيڭ مىنالاردى دارىپتەدى: جۇڭگوشا سوتسياليزم جولى − زامانىمىزداعى جۇڭگونىڭ داۋىرگە نىق قاداممەن ىلەسۋدەگى، ءداۋىردىڭ دامۋىنا جەتەكشىلىك ەتۋدەگى داڭعىل جولى. جاڭا جورىقتا ءبىز، ءسوز جوق، جۇڭگوشا سوتسياليزم جولىندا، پارتيانىڭ نەگىزگى نازارياسىندا، نەگىزگى لۋشيانىندا، نەگىزگى جوباسىندا تاباندى بولىپ، وزىنە سەنۋدە، ءوزىن الۋەتتەندىرۋدە، دۇرىس جولدان تايماي، جاڭالىق اشۋدا تاباندى بولىپ، ءوزىمىز تاڭداعان دۇرىس جولدا كوكىرەك كەرە العا تارتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىمىز كەرەك.
شي جينپيڭ بىلاي دەپ اتاپ كورسەتتى: حالىق − پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. جاڭا جورىقتا ءبىز، ءسوز جوق، حالىقتى بارىنەن جوعارى قويۋدا تاباندى بولىپ، بۇكىل ىنتا - پەيىلمەن حالىق ءۇشىن قىزمەت ىستەپ، حالىقتى وزەك ەتكەن دامۋ يدەياسىن دايەكتىلەندىرىپ، جالپى بارىستىق حالىق دەموكراتياسىن دامىتىپ، حالىق بۇقاراسىمەن ەتەنە بايلانىستى باستان - اياق ساقتاپ، قاي - قاشان دا حالىقپەن تىنىستاس، تاعدىرلاس، جۇرەكتەس بولىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە اناعۇرلىم كورنەكتى، ماندىك ىلگەرىلەۋشىلىككە قول جەتكىزۋىمىز كەرەك.
شي جينپيڭ مىنالاردى دارىپتەدى: رەفورما جاساپ، ەسىك اشۋ − زامانىمىزداعى جۇڭگونىڭ بولاشاعى مەن تاعدىرىن بەلگىلەيتىن شەشۋشى شارا. جاڭا جورىقتا ءبىز، ءسوز جوق، وزگەرىستى دۇرىس تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، جاڭا دامۋ تانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى جەبەپ، رەفورما جاساپ، ەسىك اشۋدى جاپپاي ىلگەرىلەتىپ، جۇڭگوشا سوتسياليزم ءتۇزىمىن ۇزدىكسىز كەمەلدەندىرىپ، مەملەكەتتى باسقارۋ جۇيەسى مەن باسقارۋ قۋاتىن وسىزامانداندىرۋدى ىلگەرىلەتىپ، ابزالدىققا، ىرىقتىلىققا، بولاشاققا ۇزدىكسىز قول جەتكىزۋىمىز كەرەك.
شي جينپيڭ مىنالاردى اتاپ كورسەتتى: جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ گۇلدەنۋى دە جۇڭگوعا مۇقتاج. جاڭا جورىقتا ءبىز، ءسوز جوق، دۇنيە ءجۇزىن كوكەيدە ساقتاۋدا تاباندى بولىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، بۇكىل ادامزاتتىڭ ورتاق قۇنىن ساۋلەلەندىرىپ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتىپ، جاڭاشا حالىقارالىق قاتىناس ورناتۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، دۇنيە جۇزىندەگى بارلىق العاباسار كۇشتەرمەن قول ۇستاسا ىلگەرىلەۋىمىز كەرەك.
شي جينپيڭ مىنالاردى دارىپتەدى: كۇرەس جۇرگىزۋگە، جەڭىسكە جەتۋگە باتىل بولۋ − جۇڭگو كوممۋنيستىك پارتياسى مەن جۇڭگو حالقىنىڭ جەڭىلمەس قۇدىرەتتى رۋحاني كۇشى. جاڭا جورىقتا ءبىز، ءسوز جوق، ۋاقىتپەن جارىساتىن، قايراتتانا ءىس تىندىراتىن كۇرەسكەرلىك بەينەنى جانە نەعۇرلىم قيىن بولعان سايىن سولعۇرلىم العا باساتىن كۇرەسكەرلىك رۋحتى ساقتاپ، تاريحي ىرىقتىلىقتى يگەرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ەرىك - جىگەرىن، قايرات - قارىمىن، سەنىمىن كۇشەيتىپ، بۇرىستىققا يلانباي، جىن - شايتاننان قورىقپاي، قىسىمنان تايسالماي، العا باسۋ جولىنداعى ءتۇرلى قيىنشىلىقتار مەن سىن - سايىستى بار كۇشپەن جەڭۋىمىز كەرەك.
شي جينپيڭ سوڭىندا بىلاي دەدى: جياڭ زىمين جولداس بىزبەن ماڭگىلىككە قوشتاستى. ونىڭ ارداقتى ەسىمى، ەڭبەگى، يدەياسى، ونەگەسى تاريحقا ماڭگى جازىلادى، ۇرپاقتار بويى حالىقتىڭ جۇرەگىنەن وشپەيدى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك (ازا ءبىلدىرۋ ءسوزىنىڭ تولىق مازمۇنى بولەك جاريالاندى).
شي جينپيڭ ازا ءبىلدىرۋ ءسوزىن سويلەگەننەن كەيىن تۇتاس الاڭداعىلار جياڭ زىمين جولداسقا ءۇش رەت تاعزىم ەتتى.
تۇستەن بۇرىن ساعات 10 نان 55 مينۋت وتكەندە ازا ءبىلدىرۋ جينالىسى ايبىندى «ينتەرناتسيونال انىمەن» اياقتادى. وسىدان كەيىن شي جينپيڭ قاتارلىلار جياڭ زىمين جولداستىڭ تۋىس - تۋعاندارىنان شىنايى حال سۇرادى.
ازا ءبىلدىرۋ جينالىسىنا قاتىناسقانداردان ءارى گۇل شەڭبەر ۇسىنعانداردان تاعى ج ك پ ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك باقىلاۋ - تەكسەرۋ كوميتەتىندەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە ساقا جولداستار، دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى نەگىزگى جاۋاپتى جولداستار جانە پارتيادا، توپتا جوق قايراتكەرلەردىڭ ۋاكىلدەرى قاتارلىلار بار. جياڭ زىمين جولداستى جەرلەۋ كوميسسياسىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلىنىڭ ۋاكىلدەرى، ازاتتىق ارميا جانە قارۋلى ساقشى قوسىندارىنداعى كوماندير - جاۋىنگەرلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، جياڭ زىمين جولداستىڭ تۋىس - تۋعاندارى، كوزى تىرىسىندەگى دوس - جاراندارى جانە اۋىلداستارىنىڭ ۋاكىلدەرى قاتارلىلار بولىپ 5 مىڭعا جۋىق ادام ازا ءبىلدىرۋ جينالىسىنا قاتىناستى.
كەلۋ قاينارى: حالىق تورابى
 |
12 - ايدىڭ 6 - كۇنى ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭدەگى حالىق سارايىندا جياڭ زىمين جولداسقا ازا ءبىلدىرۋ جينالىسىن ايبىندى وتكىزدى. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
 |
12 - ايدىڭ 6 - كۇنى ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭدەگى حالىق سارايىندا جياڭ زىمين جولداسقا ازا ءبىلدىرۋ جينالىسىن ايبىندى وتكىزدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جينالىسقا قاتىناستى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
