شي جينپيڭ قاتارلى پارتيا مەن مەملەكەتتىڭ باسشى جولداستارى شيپاحاناعا بارىپ جياڭ زىمين جولداستىڭ سۇيەگىمەن قوشتاستى ءارى سۇيەگىن باباۋشاندا ورتەۋگە جەتكىزىستى
2022.12.06 16:22 كەلۋ قاينارى : حالىق تورابى
 |
12 - ايدىڭ 5 – كۇنى، جياڭ زىمين جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداستىڭ سۇيەگىمەن قوشتاستى ءارى جياڭ زىمين جولداستىڭ سۇيەگىن باباۋشان توڭكەرىستىك قۇرباندار قابىرستانىندا ورتەۋگە جەتكىزىستى. حۋ جينتاۋ دا شيپاحاناعا بارىپ جياڭ زىمين جولداستىڭ سۇيەگىمەن قوشتاستى
جۇڭگو حالىق ازاتتىق ارمياسى باس شيپاحاناسىنان باباۋشانعا دەيىن، استاناداعى ءار سالا جۇرتشىلىعى جولدىڭ ەكى جاعىنا كەلىپ، قادىرلى جياڭ زىمين جولداسپەن قوشتاسىپ، جياڭ زىمين جولداسقا دەگەن تەرەڭ ساعىنىشىن ءبىلدىردى
شينحۋا اگەنتتىگى، 12 - ايدىڭ 5 - كۇنى، بەيجيڭ. پارتيامىز، ارميامىز، بۇكىل ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيىتقىسى، «ۇشكە ۋاكىلدىك ەتۋ» ماڭىزدى يدەياسىنىڭ باستى جاراتۋشىسى جياڭ زىمين جولداستىڭ سۇيەگى 12 - ايدىڭ 5 – كۇنى بەيجيڭدە ورتەلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار جۇڭگو حالىق ازاتتىق ارمياسى باس شيپاحاناسىنا بارىپ، جياڭ زىمين جولداستىڭ سۇيەگىمەن قوشتاستى ءارى جياڭ زىمين جولداستىڭ سۇيەگىن باباۋشان توڭكەرىستىك قۇرباندار قابىرستانىندا ورتەۋگە جەتكىزىستى. حۋ جينتاۋ دا شيپاحاناعا بارىپ جياڭ زىمين جولداستىڭ سۇيەگىمەن قوشتاستى.
جۇڭگو حالىق ازاتتىق ارمياسى باس شيپاحاناسىنىڭ قوشتاسۋ زالى ايبىندى بەينەگە شومدى. اپپاق گۇل شوقتارى، ازالى قارا تورعىن ادامداردىڭ تەرەڭ ساعىنىشىن بىلدىرۋدە. قوشتاسۋ زالىنىڭ جوعارعى جاعىنا «جياڭ زىمين جولداس ماڭگى جاسايدى» دەگەن اق جازۋ جازىلعان قارا ءتۇستى كەرمە تۋ ىلىنگەن، كەرمە تۋدىڭ تومەنگى جاعىندا جياڭ زىمين جولداستىڭ ۇلكەن رەڭدى سۋرەتى قويىلعان. جياڭ زىمين جولداستىڭ سۇيەگىن شوق - شوق گۇلدەر وراپ جاتىر. دەنەسىنە جۇڭگو كوممۋنيستىك پارتياسىنىڭ نارت قىزىل تۋى جابىلعان. 4 قۇرمەت قاراۋىلى قارۋلارىن سەرت ۇستاپ ەكى جاعىندا تۇر. جياڭ زىمين جولداستىڭ سۇيەگىنىڭ الدىنا جياڭ زىمين جولداستىڭ حانىمى ۋاڭ يەپيڭنىڭ بۇكىل وتباسى مۇشەلەرىمەن بىرگە قۇرمەتپەن ارناعان گۇل شارباعى قويىلدى، گۇل شارباعىنىڭ لەنتاسىنا: «ءبىزدىڭ جۇرەگىمىزدە ماڭگى جاسايسىڭ» دەپ جازىلعان. قوشتاسۋ زالىنا شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ جانە ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، ءارقايسى دەموكراتيالىق پارتيا ـ توپتار جانە مەملەكەتتىك ساۋدا - ونەركاسىپشىلەر بىرلەستىگى، حالىقتىق ۇيىمدار، استاناداعى ءار سالا بۇقاراسى قۇرمەتپەن ارناعان گۇل شەڭبەرلەرى قويىلدى.
تۇستەن بۇرىن ساعات 10 دا ازالى مۋزىكا ءۇنى ىشىندە شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار كەۋدەلەرىنە اق گۇل تاعىپ، بىلەكتەرىنە قارالى جەڭدىك كيىپ، قوشتاسۋ زالىنا بارىپ، جياڭ زىمين جولداستىڭ سۇيەگىنىڭ الدىندا ىززەتپەن تۇردى. شي جينپيڭ قاتارلىلار جياڭ زىمين جولداستىڭ سۇيەگىنە 3 رەت تاعزىم ەتىپ، جياڭ زىمين جولداسقا دەگەن وسكەلەڭ قۇرمەتتەرى مەن تەرەڭ ساعىنىشتارىن ءبىلدىردى. وسىدان كەيىن شي جينپيڭ قاتارلىلار جياڭ زىمين جولداستىڭ حانىمى ۋاڭ يەپيڭنەن جانە تۋىس - تۋعاندارىنان شىنايى حال سۇرادى.
ساعات 10نان 15 مينۋت وتكەندە 8 قۇرمەت قاراۋىلى ازالى مۋزىكا ءۇنى ىشىندە قوشتاسۋ زالىنان باياۋ شىقتى. شي جينپيڭ قاتارلىلار جياڭ زىمين جولداستىڭ سۇيەگىن تابىت ماشيناسىنا شىعارۋدا بىرگە بولدى.
ساعات 10 نان 25 مينۋت وتكەندە شي جينپيڭ قاتارلى پارتيا مەن مەملەكەتتىڭ باسشى جولداستارىنىڭ، جەرلەۋ القاسى كەڭسە مۇشەلەرىنىڭ جانە جياڭ زىمين جولداستىڭ تۋىس - تۋعاندارىنىڭ شىعارىپ سالۋىندا سۇيەك قويىلعان تابىت ماشيناسى باباۋشان توڭكەرىستىك قابىرستانىنا قاراي باياۋ ءجۇردى. تابىت ماشيناسى قوزعالعاندا سول جەردەگى قوشتاسۋشى جولداستار قايعىلى كۇيگە شومىپ، جياڭ زىمين جولداستىڭ سۇيەگى سالىنعان تابىت ماشيناسىنا قۇرمەتپەن قاراپ تۇردى.
كوشە بويلارى تىنىشتىققا شومىپ، بارشا جۇرت قايعىعا باتتى. جۇڭگو حالىق ازاتتىق ارمياسى باس شيپاحاناسىنان باباۋشانعا دەيىن، استاناداعى ءار سالا جۇرتشىلىعى جولدىڭ ەكى جاعالاۋىنا جينالىپ، قادىرلى جياڭ زىمين جولداسپەن قوشتاسىپ، جياڭ زىمين جولداسقا دەگەن تەرەڭ ساعىنىشتارىن ءبىلدىردى.
تۇستەن بۇرىن ساعات 10 نان 45 مينۋت وتكەندە تابىت ماشيناسى باباۋشان توڭكەرىستىك قابىرستانىنا جەتتى. زالدا شي جينپيڭ قاتارلىلار جانە جياڭ زىمين جولداستىڭ تۋىس - تۋعاندارى جياڭ زىمين جولداستىڭ سۇيەگىمەن سوڭعى رەت قوشتاستى.
بۇگىن شيپاحاناعا بارىپ جياڭ زىمين جولداستىڭ سۇيەگىمەن قوشتاسقانداردان تاعى ج ك پ ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك باقىلاۋ كوميتەتىندەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە قارت جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى نەگىزگى جاۋاپتى جولداستار جانە پارتيادا، توپتا جوق قايراتكەرلەردىڭ ۋاكىلدەرى، جياڭ زىمين جولداستىڭ كوزى تىرىسىندەگى دوستارى قاتارلىلار بار.
كەلۋ قاينارى: حالىق تورابى
 |
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ جياڭ زىمين جولداستىڭ حانىمى ۋاڭ يەپيڭگە جانە تۋىستارىنا شىنايى كوڭىل ايتۋدا. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
 |
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار جۇڭگو حالىق ازاتتىق ارمياسىنىڭ باس شيپاحاناسىنا بارىپ، جياڭ زىمين جولداستىڭ سۇيەگىمەن قوشتاسۋدا. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
 |
12 - ايدىڭ 5 - كۇنى جياڭ زىمين جولداستىڭ سۇيەگى بەيجيڭدە ورتەلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، حۋ جينتاۋ قاتارلىلار جۇڭگو حالىق ازاتتىق ارمياسىنىڭ باس شيپاحاناسىنا بارىپ، جياڭ زىمين جولداستىڭ سۇيەگىمەن قوشتاسىپ، جياڭ زىمين جولداستىڭ سۇيەگىن تابىتقا سالۋدا بىرگە بولدى. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
