بۇقارالىق قىزمەتتى بەتپە - بەت، ىقىلاس قويا، ناقتاپ ويداعىداي ىستەيىك
□ يۋە يانيۇن
2022.12.01 16:45 كەلۋ قاينارى : شينجياڭ گازەتى
ىندەتپەن ءبىر رەتكى اسا جاپالى شايقاستان كەيىن، ءۇرىمجى، كورلا، شىحىزى قاتارلى جەرلەردە كوپتەن كۇتكەن تىرشىلىك تىنىسى قايتا جانداندى. شۇعىل جاعدايعا توتەپ بەرۋ بويىنشا ساقتانۋ - تىزگىندەۋدەن ساقتانۋ - تىزگىندەۋدى ۇدايىلاندىرۋعا دەيىنگى وتپەلى شەشۋشى كەزەڭدە، بۇقارانىڭ قيىنشىلىقتارى مەن تالاپ - تىلەكتەرىندە دە وزگەرىس تۋىلدى، مۇندايدا بۇقارالىق قىزمەتتى بەتپە - بەت، ىقىلاس قويا، ناقتاپ ويداعىداي ىستەۋ وتە - موتە ماڭىزدى.
ءوندىرىس، تۇرمىس ءتارتىبىنىڭ بىرتىندەپ قالپىنا كەلە باستاۋى ادامدى شاتتاندىردى، الايدا، بۇرىنعى تىرشىلىكتى قالپىنا كەلتىرۋ قىزمەتكەرلەردى شاقىرىپ اكەلۋمەن، ماشينالاردى قايتا قوزعالتۋمەن عانا جۇزەگە اسا سالمايدى. قايتادان ىسكە قايتا كىرىسۋدە ءار سالا، ءار كاسىپ، ءار شوعىر نە اناداي، نە مىناداي قيىنشىلىقتارعا جولىعادى، مىسالى، كەيبىر يكەمدى جۇمىستانۋشىلاردىڭ جۇمىستانۋى قيىن بولۋ ماسەلەسى، ءىشىنارا جەكە ساۋدا - ونەركاسىپشىلەردىڭ، شاعىن، ۇساق كاسىپورىنداردىڭ اينالمالى قارجىسى تاپشى بولۋ سياقتىلار. بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن كوڭىل تورىنە قويىپ، بۇقارانىڭ تالاپ - تىلەكتەرىنە بەتپە - بەت، ىقىلاس قويا، ناقتاپ جاۋاپ قايتارىپ شەشكەندە عانا، ءوندىرىستى، تۇرمىستى قايتا باستاۋعا جالىندى دا ومىرشەڭدىك كۇش ۇستەۋگە بولادى.
بەتپە - بەت − العى شارت. قازىر ينتەرنەت ينفورماتسيا تەحنيكاسىنىڭ قولدانىلۋى بارىنشا جالپىلاستى دەي تۇرعانمەن، بۇقارالىق قىزمەتتى ويداعىداي ىستەۋدە ءتىلتاقتا ارقىلى سويلەسۋ بەتپە - بەت سويلەسۋدىڭ ورنىن استە باسا المايدى. ءتىلتاقتا ارقىلى سويلەسۋ كەيبىر تارتىپتەنگەن، توسىن ماسەلەلەردى شەشۋگە ءتيىمدى، ال، بۇقارانىڭ ارمانىن، ويلاعانىن، كۇتكەنىن شىنايى ۇعىسۋ ءۇشىن، ءسوز جوق، بەتپە - بەت سويلەسۋ كەرەك. مىسالى، قازىر جۇمىستى، ءوندىرىستى قالپىنا كەلتىرۋدە، ساۋدانى، بازاردى قايتا باستاۋدا كاسىپورىندار، ساۋدا دۇكەندەرى، ەرەن بازارلارى مەن ءار سالا، ءار كاسىپتەگى ەڭبەكشىلەر قانداي قيىنشىلىقتارعا جولىعىپ وتىر؟ بۇلاردىڭ ىشىندە قايسىلارى جالپىلىق قاجەتتىلىك، قايسىلارى جەكەلىك قاجەتتىلىك؟ قايسىلارى كوز الداعى قاجەتتىلىك، قايسىلارى ۇزاق ۋاقىتتىق قاجەتتىلىك؟ باسشى كادرلار تەك الدىڭعى شەپكە بارىپ، بۇقارامەن بەتپە - بەت سويلەسكەندە عانا، بۇقارانىڭ قيىنشىلىقتارىنداعى، تالاپ - تىلەكتەرىندەگى جاڭا وزگەرىستەردى دالمە - ءدال يەلەپ، وسى ارقىلى قىزمەتتىڭ مەجەلىلىگىن، باعىتتامالىلىعىن جانە ناقتى ونىمدىلىگىن كۇشەيتە الادى، بۇل ءارى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋداعى نەگىزدىك قىزمەت بولىپ تابىلادى.
ىقىلاس قويۋ − تەتىك. ءىس جۇزىندىك قىزمەتتە، ءبىز كەيبىر كادرلاردىڭ وقۋ ماعلۇماتى جوعارى، قىزمەتتە كەيبىر جاڭا ادىستەردى دە يگەرگەنىمەن، بۇقارالىق قىزمەتكە كەلگەندە ىلعي دا تۇمسىعى تاسقا ءتيىپ قالاتىنىن بايقايمىز، مۇنىڭ سەبەبى نە؟ سەبەبى، ولار بۇقارانىڭ ىسىنە ىقىلاس قويا بىلمەيدى! بۇقارا قاتتى ابىرجىپ تۇرسا دا، كادرلارىمىز كورسە دە كورمەسكە سالىپ، كەرباقپالىق تانىتىپ، ”شۇعىل ءىستى شۇعىل بىتىرەتىن“، ”ەرەكشە ءىستى ەرەكشە جولمەن بىتىرەتىن“ پوزيتسيا كورسەتە المايدى، بۇيتسە، بۇقارالىق قىزمەتتى قايتىپ جاقسى ىستەي الادى؟ قازىر ءار دارەجەلى باسشى كادرلار تەك بۇقارانىڭ اراسىنا بارىپ، بۇقارانىڭ ىسىنە ىقىلاس قويىپ، بۇقارانىڭ ناقتى قاجەتى بويىنشا قىزمەتتى جوسپارلاعاندا جانە ويلاستىرعاندا عانا، حالىق بۇقاراسىنا دەگەن سۇيىسپەنشىلىگىن كۇشەيتىپ، حالىق ءۇشىن ىستەيتىن ىنتا - ىقىلاسپەن جانە جاۋاپكەرشىلىك ارقالاۋ رۋحىمەن بۇقارانىڭ قيىن وتكەلدەن وتۋىنە بار زەيىن - زەردەسىن، كۇش - قۋاتىن سالىپ كومەكتەسە الاتىن بولادى.
ناقتى بولۋ − ءتۇبىرلى تالاپ. مەيلى بەتپە - بەت كەلۋ، الدە ىقىلاس قويۋ بولسىن، بارلىعىنىڭ ماقساتى تەك بۇقارا ءۇشىن قيىن ماسەلەلەردى ناقتى شەشىپ، ناقتى ءىس ىستەۋ، ويتپەگەندە، قانشالىق ىشكەرىلەي بەتپە - بەت سويلەسسە دە، قانشالىق مەيىرمەن ىقىلاس قويسا دا، بارلىعى قۇر ءسوز بولىپ قالادى. جاقىندا، اۆتونوميالى رايوندىق پارتكومنىڭ تۇراقتى كوميتەتى ءماجىلىس اشىپ، ىندەتتىڭ ىقپالىنا ۇشىراۋدان قيىنشىلىقتا قالعان بۇقارا مەن جەكە ساۋدا - ونەركاسىپشىلەر، تومەن كىرىستى ادامدار شوعىرى، تۇراقتى كىرىسى جوق ادامدار شوعىرى سياقتىلارعا باعىتتامالى تۇردە كومەكتەسۋ - سۇيەمەلدەۋ شارالارىن ورىستەتۋدى تالاپ ەتتى. قازىر ءۇرىمجى قالاسىنداعى الەۋمەتتىك اۋماق تۇرعىندارىنان كەيبىرەۋلەر ىلگەرىندى - كەيىندى كومەك قاراجاتىن نەمەسە تۇرمىستىق قوسىمشا قاراجاتتى ءوتىنىش ەتىپ الا باستادى، تاعى دا كوپتەگەن ادامدار الەۋمەتتىك اۋماق بەرگەن استىق، ماي، كوكونىس سياقتى زاتتىق ماتەريال جاردەمىن الدى؛ حوتان ايماعى ىندەت كەزىندەگى ءۇيدىڭ جالاقىسىن، قوجالىق اقىنى، اۆتوكولىك توقتاتۋ اقىسىن ازايتۋ، كەشىرىم ەتۋ ساياساتىن جاريالادى، مىنە، بۇلاردىڭ بارلىعى ناقتى شارالار ەسەپتەلەدى. تەك شىنايى يگەرىپ، ناقتى ىستەپ، شىندىققا جۇگىنىپ، ناقتى ءىس ىستەگەندە عانا، ىندەتتىڭ بۇقارانىڭ وندىرىسىنە، تۇرمىسىنا الا كەلگەن ىقپالىن ەڭ تومەن شەككە ءتۇسىرىپ، ءار ۇلت بۇقاراسىنىڭ تاسقىنداعان جىگەرمەن قايتا كىرىسۋىنە مۇمكىندىك جاساۋعا بولادى.
وتپەيتىن قىس بولمايدى. بەتپە - بەت كەلەتىن پوزيتسيا، ىقىلاس قوياتىن مەيىرىم، ناقتى ىستەيتىن تەبىن بولسا، ءبىز، ءسوز جوق، بۇقارانىڭ مويىنداۋى مەن قولداۋىنا يە بولىپ، قيىن وتكەلدەن قول ۇستاسا ءوتىپ، تاعى ءبىر شۋاقتى ”كوكتەمدى“ قارسى الاتىن بولامىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
