لي كىچياڭ، لي جانشۋ موڭعۇليانىڭ زۇڭتۇڭى حورەلسۋحپەن جەكە - جەكە كەزدەستى
2022.11.29 16:01 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 28 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 28 - كۇنى تۇستەن بۇرىن حالىق سارايىندا جۇڭگوعا مەملەكەت ىستەرىمەن ساپارلاي كەلگەن موڭعۇليانىڭ زۇڭتۇڭى حورەلسۋحپەن كەزدەستى.
لي كىچياڭ مىنانى ءبىلدىردى: جۇڭگو مەن موڭعۇليا − تاۋ - وزەندەرى جالعاسقان دوس كورشىلەر، دوستىق سەلبەستىكتى دامىتۋدىڭ شارت - جاعدايى وزگەشە، كوپ جاقتان ءبىرىن - ءبىرى تولىقتاۋ ابزالدىعى كورنەكتى. ءتوراعا شي جينپيڭ زۇڭتۇڭ مىرزامەن كەڭەس وتكىزىپ، ەكى ەل قاتىناسىنىڭ دامۋىن جاپپاي جوسپارلايدى. جۇڭگو جاق موڭعۇليامەن قارىم - قاتىناسىنا باستان - اياق ايرىقشا ءمان بەرىپ، جۇڭگو - موڭعۇليا قارىم - قاتىناسىن توڭىرەكتىك ديپلوماتيانىڭ ماڭىزدى ورنىنا قويادى، موڭعۇليامەن جوعارى جىكتەگىلەردىڭ بارىس - كەلىسىن جيىلەتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ماسەلەلەرىنە قۇرمەت ەتىپ، دامۋ ستراتەگياسىن ۇشتاستىرۋدى كۇشەيتىپ، ءار سالاداعى ءوزارا ءتيىمدى سەلبەستىكتى تەرەڭدەتىپ، وڭىرلىك جانە حالىقارالىق ىستەردەگى قارىم - قاتىناستى، سايكەسۋدى كۇشەيتىپ، جۇڭگو - موڭعۇليا قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن قول ۇستاسا ىلگەرىلەتۋدى قالايدى.
لي كىچياڭ مىنالاردى اتاپ كورسەتتى: جۇڭگو مەن موڭعۇليانىڭ سەلبەستىگى ءوڭىردىڭ ورنىقتىلىعى مەن دامۋىنا ءتيىمدى بولۋمەن بىرگە، دۇنيە ءجۇزىنىڭ بەيبىتشىلىگىنە بەلسەندى كۇش قوسادى. جۇڭگو جاق موڭعۇليا جاقپەن بىرگە ەكى ەلدىڭ ەكونوميكا - ساۋدا سەلبەستىك دەڭگەيىن قۇلشىنا جوعارىلاتىپ، نەگىزدىك قۇرىلعى قۇرىلىسى، كومىر سياقتى ەنەرگيا اشۋ سەلبەستىگىن كۇشەيتىپ، ەنەرگيا حاۋىپسىزدىگى مەن قامداۋدىڭ ورنىقتى بولۋىن بىرگە قورعاۋدى قالايدى. شەكارا وتكەلدەرىندە زات وتكىزۋ، تەمىر جول شەكارا وتكەلدەرىن تۇتاستىرۋ سياقتى سەلبەستىكتەردى بەلسەنە ىلگەرىلەتۋ كەرەك. ەكى ەلدىڭ شولەيتتەنۋدەن ساقتانۋ جانە ونى تىزگىندەۋ سەلبەستىگىن كۇشەيتىپ، كليمات وزگەرىسىنىڭ سايىسىنا قۇلشىنا توتەپ بەرۋ كەرەك.
حورەلسۋح جۇڭگونىڭ 40 نەشە جىلدان بەرى رەفورما جاساپ، ەسىك اشۋدا تاباندى بولىپ قول جەتكىزگەن دامۋ جەتىستىكتەرىن قۇتتىقتاپ، مىنانى ءبىلدىردى: موڭعۇليا مەن جۇڭگو − تاتۋ كورشى، ابزال دوس، سەنىمدى سەرىكتەر. موڭعۇليا جاق جۇڭگو جاقپەن ۇزاق ۋاقىتتىق، ورنىقتى تاتۋ كورشىلىك دوستىق قاتىناستى دامىتۋعا كۇش سالادى، جۇڭگو جاقپەن دامۋ ستراتەگياسىن ۇشتاستىرۋدى كۇشەيتىپ، قول قويىلۋ الدىندا تۇرعان جاڭا نۇسقاداعى موڭعۇليا - جۇڭگو ەكونوميكا - ساۋدا سەلبەستىگىنىڭ ورتا مەرزىمدىك دامۋ باعدارلاماسىن ويداعىداي تياناقتاندىرىپ، ەكى جاقتى ساۋدانىڭ دەڭگەيىن جوعارىلاتۋدى قالايدى. نەگىزدىك قۇرىلعىلار قۇرىلىسى، ەنەرگيا، شولەيتتەنۋدەن ساقتانۋ جانە ونى جونگە سالۋ سياقتى سالالارداعى سەلبەستىكتى تەرەڭدەتۋ كەرەك. زات اينالىمى تاسىمالىن اناعۇرلىم قولايلىلاندىرىپ، شەكارا وتكەلدەرىنىڭ قۋاتىن جوعارىلاتۋ كەرەك. بىرگە قۇلشىنىپ موڭعۇليا مەن جۇڭگونىڭ جالپى بەتتىك ستراتەگيالىق ارىپتەستىك قاتىناسىن تىڭ بەلەسكە كوتەرۋ كەرەك.
ۋاڭ ي، حى ليفىڭ قاتارلىلار كەزدەسۋدە بىرگە بولدى.
شينحۋا اگەنتتىگى، 11 - ايدىڭ 28 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11 - ايدىڭ 28 - كۇنى حالىق سارايىندا موڭعۇليانىڭ زۇڭتۇڭى حورەلسۋحپەن كەزدەستى.
لي جانشۋ مىنانى ءبىلدىردى: جۇڭگو مەن موڭعۇليا − جاقىن كورشىلەر جانە ماڭىزدى سەرىكتەر، ەكى ەل باسشىلارىنىڭ ستراتەگيالىق جەتەكشىلىگىندە جۇڭگو - موڭعۇليا قارىم - قاتىناسىنىڭ، ءسوز جوق، جاڭا داۋىردە تىڭ دامۋعا قول جەتكىزەتىنىنە سەنەمىن. جۇڭگو جاق موڭعۇليا جاقپەن بىرگە ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتىپ، دامۋ ستراتەگياسىن ۇشتاستىرۋدى جانە ساياساتتاردى بايلانىستىرۋدى، سايكەستىرۋدى تەرەڭدەتىپ، گۋمانيتارلىق اۋىس - كۇيىستى جيىلەتىپ، كوپ جاقتى سايكەستىكتى، سەلبەستىكتى ىشكەرىلەي ورىستەتۋدى قالايدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگى − ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋىنىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنىڭ ەڭ ءتۇبىرلى ساياسي كەپىلى. جۇڭگو جاق موڭعۇليا جاقپەن زاڭ شىعارۋ قۇرىلىمدارىنىڭ جوعارى جىكتەگىلەرىنىڭ بارىس - كەلىسىن ۇزدىكسىز جالعاستىرىپ، تىلدەسۋ مەن سەلبەستىكتى كۇشەيتىپ، ەكى ەلدىڭ ءار سالاداعى ناقتى سەلبەستىگىن زاڭ شىعارۋ جاعىنان قامتاماسىز ەتۋدى قالايدى.
حورەلسۋح ج ك پ 20 - قۇرىلتايىنىڭ ءساتتى اشىلعانىن قۇتتىقتاپ، موڭعۇليانىڭ جۇڭگومەن ۇزاق ۋاقىت تاتۋ كورشىلىك دوستىقتى بەكەمدەۋدى، ءوزارا ءتيىمدى سەلبەستىكتى كۇشەيتۋدى، موڭعۇليا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىن ۇزدىكسىز تەرەڭدەتۋدى قالايتىنىن ءبىلدىردى.
بايماچىلين كەزدەسۋدە بىرگە بولدى.
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
