جۇزدەسپەدى، جاناسپادى، سيفرلاندى
زەردەلى كەدەن سىرتقى ساۋدا كاسىپورىندارىنىڭ اۆتوماتتى كەدەننەن وتۋىنە كۇش ۇستەدى
2022.11.29 14:02 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 27 - كۇنى ۇرىمجىدەن حابارلايدى. ”ءۇرىمجى كەدەنى پاراساتتى كەدەن، زەردەلى شەكارا، زەردەلى ءبولىسۋدى تۇتاستىرۋ قۇرىلىسىن ۇزدىكسىز ىلگەرىلەتىپ، ’ينتەرنەت + تەكسەرۋ‘، يمپورت كەدەن باجى ەسەبىن كەدەننەن قاعازسىز وتكىزۋ سىندى ءبىر قىدىرۋ جاسامپاز شارانى قولدانىپ، سىرتقى ساۋدا كاسىپورىندارىنىڭ اۆتوماتتى كەدەننەن وتۋىنە دەم بەرىپ، ىندەتتىڭ سىرتقى ساۋدا كاسىپورىندارىنا جاسايتىن ىقپالىن ەڭ جوعارى شەكتە ازايتتى“، - دەدى 11 - ايدىڭ 27 - كۇنى ءۇرىمجى كەدەنى كاسىپورىن باسقارۋ جانە تەكسەرۋ باسقارماسىنىڭ ورىنباسار باستىعى ۋاڭ حاييۋان.
11 - ايدىڭ 25 - كۇنى قورعاس ەكونوميكالىق اشۋ رايونىنىڭ بيڭتۋان بولىمشە رايونىندا تۇراتىن بەلگىلى زات تاسىمال ۋاكىلەتشى كاسىپورنىنىڭ قىزمەتكەرى ليۋ شياۋلي كومپيۋتەردە حالىقارالىق ساۋداداعى ”ءبىر تەرەزەلى“ قىزمەت وتەۋگە تىركەلىپ، قازاقستانعا جەتكىزىلەتىن ءتۇرلى بۇيىمداردىڭ ءتىزىمىن جولدادى. ىلە - شالا قورعاس كەدەنىندەگى قىزمەتكەرلەر اقاۋسىز ەكەندىگىن تەكسەرگەننەن كەيىن ينتەرنەت جەلىسىندە وسى توپتاعى زاتتاردى ەكسپورت ەتۋ راسمياتىن ءبىتىردى، سونىمەن وسى تىزىمدىكتەگى زاتتار تيەلگەن اۆتوكولىك قورعاس شەكارا وتكەلىنەن شەكارادان شىقتى. ”قازىر يمپورت - ەكسپورت راسمياتى ينتەرنەتتە جۇزدەسپەي، جاناسپاي بىتىرىلىپ، ۋاقىت وزىندىك قۇنىن تومەندەتىپ، ءبىزدى سيفرلانۋدىڭ كەدەننەن وتۋگە قولايلىلىق جاساۋداعى پايداسىنان شىن مانىندە يگىلىكتەندىردى“، - دەدى ليۋ شياۋلي.
وسى رەتكى ىندەت كەزىندە، تارباعاتاي كەدەنىنىڭ قىزمەتكەرلەرى بەينە ەكراندا بايلانىس جاساۋ تاسىلىمەن بەلگىلى سەرىكتەستىكتىڭ ازىق - تۇلىك حاۋىپسىزدىگىن، تازالىعىن مەڭگەرۋ جۇيەسىنىڭ اينالىمى، ءوندىرىس ورتاسىنىڭ تازالىعى، ءوندىرىس جابدىقتارىن، قۇرىلعىلارىن پايدالانۋ، حيميالىق بۇيىمدار جانە تاجىريبەحانانى باسقارۋ سياقتى جاعدايلارىنا ينتەرنەت جەلىسىندە تەكسەرۋ جۇرگىزدى. ”بۇرىندارى مۇنداي قىزمەتتەر ناق مايداندا جۇمىس باسىندا جۇرگىزىلەتىن“، وسى سەرىكتەستىكتىڭ جاۋاپتىسى ۋ پيڭ بىلاي دەدى: ينتەرنەتتە تەكسەرۋ جۇرگىزۋ ءىس ءبىتىرۋ ۋاقىتىن قىسقارتتى، قىزمەت ونىمدىلىگىن جوعارىلاتتى، سونداي - اق ىندەتتىڭ تارالۋ حاۋىپ - قاتەرىن ازايتتى.
ءداستۇرلى ناق مايداندا جۇمىس جۇرگىزگەنمەن سالىستىرعاندا، ”ينتەرنەت + تەكسەرۋ“ كەڭىستىك، ۋاقىت شەكتەمەسىن بۇزىپ، جازباشا ماتەريالداردى تەكسەرۋ، الاڭ - ورىن جاعدايىن تەكسەرىپ كورۋ، تەكسەرۋ حۇجاتىن جەتكىزۋ سياقتى قىزمەتتەر تۇگەلدەي ينتەرنەتتە جاناسپاۋ ۇلگىسىندە ءبىتىرىلدى، تەكسەرۋ قىزمەت ءتارتىبى دە بۇرىنعى ءبىر قىزمەت كۇنىنەن 2 ساعات كولەمىنە قىسقاردى. كەزەكتە بۇل جۇمىس ۇلگىسى ءۇرىمجى كەدەنىنە قاراستى 11 تاۋەلدى كەدەندە جالپىلاستىرىلا باستادى.
”ىندەت كەزىندە جۇزدەسۋ قيىن بولۋ جاعدايىنا ساي، كەدەن بەلسەندىلىكپەن ’ينتەرنەت +‘ قىزمەت ءتاسىلى ارقىلى زاڭ اتقارۋ، كەدەننەن ءوتۋ، العاشقى وندىرىلگەن جەر كۋالىگىن ءبىتىرۋ سياقتى بۋىنداردى باقىلاۋ - باسقارۋدى مۇمكىندىگىنشە ينتەرنەت جەلىسىندە ءبىتىرۋدى جۇزەگە اسىردى، سونداي - اق ’كاسىپورىندارعا ىركىلىسسىز قىزمەت وتەۋ تۇعىرىن‘ شىعارىپ، كاسىپورىندارعا ينتەرنەت جەلىسىندە قىزمەت وتەپ، ساياسات پايداسىن ونان ارى جارىققا شىعارىپ، ىندەتتىڭ سىرتقى ساۋدا كاسىپورىندارىنا تيگىزەتىن ىقپالىن ەڭ جوعارى شەكتە ازايتتى“، - دەدى ۋاڭ حاييۋان.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
