تۇتاس رايوننىڭ ىندەتتەن ساقتانۋ جاعدايىنىڭ ۇدايى جاقسارۋعا بەت الۋ اۋقىمى ۇزدىكسىز كەڭەيدى
كوپتەگەن جەرلەر قالىپتى ءوندىرىس، تۇرمىس ءتارتىبىن ورنىقتى، ءتارتىپتى تۇردە قالپىنا كەلتىرە باستادى
□ انار بۇلت \ شينجياڭ گازەتىنىڭ تىلشىلەرى
2022.11.29 14:04 كەلۋ قاينارى : شينجياڭ گازەتى
”بۇگىن تۋعان كۇن بالكۇلشەسىنە تاپسىرىس الدىق، ءتاتتى تاعامدار قوياتىن سورەلەردى تولتىرۋ قاجەت، ءبىز ساعات 8دەن اسا دۇكەنگە كەلىپ بولدىق“. 11 - ايدىڭ 27 - كۇنى ءۇرىمجى قالاسى چاڭچۇن سولتۇستىك جولى يۇييۋان يىنشياڭ شاعىن اۋماعىنىڭ ساۋدا كوشەسىندەگى ”ليحۋامىڭ“ قاقتاما دۇكەنىنىڭ قوجايىنى گىڭ لۋ جۇبايىمەن دۇكەندە قاۋىرت جۇمىسقا كىرىستى. گىڭ لۋ 11 - ايدىڭ 26 - كۇنى حابارلاندىرۋدى العاننان كەيىن 11 - ايدىڭ 27 - كۇنى تاڭ اتىسىمەن دۇكەنگە كەلىپ، تازالىق ىستەپ، زارارسىزداندىرىپ، ءتۇرلى دايىندىق قىزمەتتەرىن ويداعىداي ىستەگەندىكتەرىن ايتتى.
كەزەكتە رايونىمىزدىڭ ىندەتتەن ساقتانۋ جاعدايىنىڭ ۇدايى جاقسارۋعا بەت الۋ اۋقىمىنىڭ كەڭەيۋىنە ىلەسە، ءۇرىمجى سياقتى جەرلەر قالىپتى ءوندىرىس، تۇرمىس ءتارتىبىن ورنىقتى، ءتارتىپتى تۇردە قالپىنا كەلتىرە باستادى.
11 - ايدىڭ 26 - كۇنى تۇستەن بۇرىن ءۇرىمجى قالالىق حالىق ۇكىمەتىنىڭ اقپارات كەڭسەسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشىپ، تومەن حاۋىپ - قاتەرلى اۋماقتارداعى تۇرعىنداردىڭ تۇرمىس ءتارتىبىن كەزەڭگە ءبولىپ ءتارتىپتى تۇردە قالپىنا كەلتىرۋدى ايقىندادى. ءبىرىنشى كەزەڭدە تومەن حاۋىپ - قاتەرلى اۋماقتاعى تۇرعىنداردىڭ عيمارات، كورپۋس بويىنشا ۋاقىت كەزەڭىنە ءبولىنىپ ىلگەرىندى - كەيىندى عيماراتتان ءتۇسىپ ءتارتىپتى قيمىلداۋىنا بولادى، شاعىن اۋماق ىشىندەگى جەمىس - جيدەك، كوكونىس دۇكەندەرى، قولايلى دۇكەندەر، شاشتارازدار، ازىق - تۇلىك ءوندىرۋ - وڭدەۋ ورىندارى سياقتى تۇرمىستى قامتاماسىزداندىراتىن تيجارات ورىندارى جالپى بەتتىك زارارسىزداندىرىپ، ميكروب جويىپ، الەۋمەتتىك اۋماقتىڭ باعالاۋىنان ءوتىپ، تولىمدى بولعاننان كەيىن سىرتقا اشىلادى.
يۇييۋان يىنشياڭ شاعىن اۋماعى ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) نيڭبو كوشەسى الەۋمەتتىك اۋماعىنا قاراستى اۋماق، وسى الەۋمەتتىك اۋماق پارتكومىنىڭ شۋجيى بيان جيڭنىڭ تانىستىرۋىنشا، قاراستى اۋماقتا ۇلكەندى - كىشىلى ساۋدا تور تۇيىندەرىنەن جالپى 145ى بار بولىپ، كوپتەگەن دۇكەندەر تيجارات باستاعان.
11 - ايدىڭ 27 - كۇنى تۇستەن بۇرىن ءۇرىمجى قالالىق حالىق ۇكىمەتىنىڭ اقپارات كەڭسەسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى. ماجىلىستە 11 - ايدىڭ 28 - كۇنىنەن باستاپ ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ تياناقتاندىرۋ العى شارتىندا، ءۇرىمجى قالاسىنىڭ تومەن حاۋىپ - قاتەرلى اۋماقتاردىڭ جانە بۇقارانىڭ تۇرمىسىنا تىعىز قاتىستى ساۋدا دۇكەندەرى، ەرەن بازارلار، ءدارى - دارمەك دۇكەندەرى، اسحانا، ماي قۇيۋ پۋنكتى، بانكە سياقتى تيجارات ورىندارىنىڭ ءوندىرىس، تيجارات قيمىلدارىن بىرتىندەپ ءتارتىپتى تۇردە قالپىنا كەلتىرەتىندىگى حابارلاندىرىلدى.
”بۇگىن اققۋ كورۋگە تاعى دا كەلدىك“. 11 - ايدىڭ 27 - كۇنى تۇستەن بۇرىن كورلا قالاسىنداعى كونچى وزەنىنىڭ جاعاسىندا قالا تۇرعىندارى قول تەلەفوندارىمەن سۋدا ءجۇزىپ جۇرگەن اققۋلاردى سۋرەتكە ءتۇسىردى. قالا تۇرعىنى جوۋ جۇڭمين: وسى تاماشا ءساتتى ەستەلىككە الىپ الۋ كەرەك، - دەدى.
11 - ايدىڭ 27 - كۇنى ساعات 10نان باستاپ كورلا قالاسى قالىپتى تۇرمىس، ءوندىرىس ءتارتىبىن جالپى بەتتىك ءتارتىپتى تۇردە قالپىنا كەلتىردى.
ساعات 11دە ءتىلشى كاڭدۋ ءمالىسى حۋايۋان كوشەسى الەۋمەتتىك اۋماعى حۋايۋان كوشەسىنە كەلدى، بۇل اراداعى ساۋدا دۇكەندەرىنىڭ باسىم كوبى اشىلىپ قوناق قابىلداي باستاپتى. ديدۋ اجارلاندىرۋ، شاش جاساۋ دۇكەنىندە بىرنەشە شاشتاراز قاربالاس بولىپ جاتىپتى، شىرەت توسىپ تۇرعان حاريدارلار دا بار ەكەن. دۇكەن قوجايىنى تۇستەن كەيىن قاريدارلاردىڭ ءتىپتى دە كوبەيۋ مۇمكىندىگىن ايتتى.
شياڭلي داڭعىلى حۇڭفىڭ بازارىندا كوپتەگەن قالا تۇرعىندارى كوكونىس، جەمىس - جيدەك ساتىپ الىپ جاتتى. حۇڭفىڭ ەرەن بازارىنىڭ ءىشى وتە رەتتى ەكەن، مادەنيەت، دەنە تاربيە بۇيىمدارى اۋماعىندا قالا تۇرعىنى گو حانىم: ”قالام - قاعازدار تولىق، ءتۇرلى تاپسىرما داپتەرلەرىن ساتىپ الۋعا بولادى ەكەن“، - دەدى.
تۇستە كورلا قالاسى تاجى باتىس جولىنا ورنالاسقان كورلا داشيشين كۇڭچۋە كيىم - كەشەك شەكتى جاۋاپكەرشىلىك سەرىكتەستىگىندە جۇمىسشىلار تازالىق ىستەپ جانە زارارسىزداندىرىپ، ميكروب جويىپ جاتىپتى. سەرىكتەستىكتىڭ جاۋاپتىسى جىڭ شۋحۋا: 11 - ايدىڭ 28 - كۇنى ءوندىرىستى قالپىنا كەلتىرىپ، ىلگەرگى تاپىسىرىستاردى تەز ارادا ۇلگىرتىپ تىگۋىمىز كەرەك، - دەدى.
وسى بىرنەشە كۇندە تارباعاتاي ايماعى شيحۋ قالاسىنىڭ جۇمىستى، ءوندىرىستى قالپىنا كەلتىرۋ ىنتاسى ءۇرتىس كۇشەيىپ، ۇلكەندى - كىشىلى كوشەلەر دۋمانعا بولەندى.
”مەن بالامدى ەرتىپ بىرنەشە اڭگىمە كىتاپ ساتىپ العالى كەلدىم“، - دەدى شيحۋ قالاسىنداعى ۋىنيۋان مادەنيەت، دەنە تاربيە بۇيىمدارى دۇكەنىندە بالاسىن ەرتىپ كىتاپ الىپ جاتقان قالا تۇرعىنى جوۋ چين.
”وسى 2 كۇندە الارماندار وتە كوپ بولدى، قالىپتى تۇرمىس ءتارتىبى قالپىنا كەلگەننەن كەيىن ادامدار قيمىلداي باستادى“، - دەدى دۇكەن قوجايىنى شۇي يىڭ.
كەزەكتە شيحۋ قالاسىندا 4933 ەرەن بازار، اسحانا، قولايلى دۇكەن، مادەنيەت، دەنە تاربيە بۇيىمدارى دۇكەنى سياقتىلار تيجاراتتى ءتارتىپتى تۇردە قالپىنا كەلتىردى.
تۇرپان قالاسى گاۋچاڭ رايونى قالىپتى ءوندىرىس، تۇرمىس ءتارتىبىن قالپىنا كەلتىرگەننەن بەرى، كوشەلەردىڭ ومىرشەڭدىك كۇشى جىلدام قالپىنا كەلىپ، ۇلكەندى - كىشىلى دۇكەندەر زارارسىزداندىرۋدى، ميكروب جويۋدى ويداعىداي ىستەپ، جابال تيجارات جۇرگىزدى.
11 - ايدىڭ 27 - كۇنى تۇرپان قالاسى گاۋچاڭ رايونى گاۋچاڭ جولىنىڭ جەر استى كوشەسىندە باسىم كوپ ساندى دۇكەندەر اشىلىپ، تيجارات باستادى، دەنە تەمپەراتۋراسى ولشەنىپ، كودى سكانەرلەگەننەن كەيىن، قاريدارلار تارتىپپەن زات ساتىپ الادى، كەيبىر دۇكەندەر باعانى ارزانداتىپ، ساتۋدى جەبەۋ قيمىلىن ورىستەتتى.
”كەيبىر كيىم - كەشەكتەردىڭ باعاسى كوپ ءتۇسىرىلدى، تاعى قىستىق جاڭا تاۋارلار دا بار. بۇگىن ۇيدەگىلەرمەن بىرگە اسىقپاي ارالاپ، ءبىرتالاي كيىم الدىم”، - دەدى قالا تۇرعىنى ما شياۋچين قۋانا.
ىلە قازاق اۆتونوميالى وبلىسىنىڭ قۇلجا قالاسىندا نەگىزگى الەۋمەتتىك قاتىناس لەنيالارى 11 - ايدىڭ 22 - كۇنىنەن باستاپ جۇمىستى قالپىنا كەلتىردى. قۇلجا قالالىق الەۋمەتتىك قاتىناس (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، باسالقاسى يان يۇڭجيە الداعى جەردە جولاۋشىلار اعىنى جاعدايىمەن ۇشتاستىرا وتىرىپ ناق ۋاقىتىندا رەتتەۋ جۇرگىزىپ، تۇتاس قالانىڭ بارلىق الەۋمەتتىك قاتىناس لەنيالارىنىڭ قالىپتى جۇمىسىن بىرتىندەپ قالپىنا كەلتىرەتىندىكتەرىن ءبىلدىردى.
11 - ايدىڭ 21 - كۇنىنەن باستاپ قۇلجا قالاسىنداعى ورتا، باستاۋىش مەكتەپتەردە الدىمەن وقۋ بىتىرەتىن جىلدىقتار، ونان كەيىن باسقا جىلدىقتار، الدىمەن جوعارى جىلدىقتار، ونان كەيىن تومەن جىلدىقتار نەگىزىندە، ءتارتىپ بويىنشا توپقا ءبولىپ، ۋاقىتقا ايىرىپ ساباقتى قالپىنا كەلتىردى. 11 - ايدىڭ 25 - كۇنى ءتىلشى قۇلجا قالالىق 4 - ورتا مەكتەپتە ورتا 3 - جىلدىق وقۋشىلارىنىڭ ءبىر ۋاقىتقا شوعىرلانباي مەكتەپكە كىرگەندىگىن، ءاربىر كلاستىڭ بارلىعىندا ماسكا جانە زارارسىزداندىرۋ سۇيىقتىعى دايىندالعاندىعىن كوردى. تولىق ورتا 3 - جىلدىعىنىڭ وقۋشىسى ۋي جۇنحۇي: ”مەكتەپكە قايتا ورالدىق، ءبىز ۋاقىتتى قولدان بەرمەي، جوعارى مەكتەپ ەمتيحانىنا بەلسەنە دايىندالامىز“، - دەدى.
11 - ايدىڭ 27 - كۇنى شىحىزى قالاسى قالىپتى ءوندىرىس، تۇرمىس ءتارتىبىن جالپى بەتتىك ءتارتىپتى تۇردە قالپىنا كەلتىردى، الەۋمەتتىك اۆتوبۋز، تاكسيلەر ءتارتىپتى تيجارات باستادى، جەكە اۆتوكولىكتەردىڭ قاتىناۋىنا بولاتىن بولدى، ءىرى ساۋدا دۇكەندەرى، بازار سياقتى تيجاراتتىق ورىندار ءتارتىپتى اشىلدى.
11 - ايدىڭ 28 - كۇنىنەن باستاپ كۇشار قالاسىنداعى تومەن حاۋىپ - قاتەرلى اۋماقتارداعى تۇرعىندار ىندەتتەن ساقتانۋ - تىزگىندەۋ شاراسىن ويداعىداي ىستەۋ العى شارتىندا، قالىپتى تۇرمىس ءتارتىبىن ءتارتىپتى تۇردە قالپىنا كەلتىردى.
(ءتىلشى ۋي يۇڭگۇي، قاتىناسقان تىلشىلەر گو چيان، دۋ جيانحۇي، بارشا تەگىس، رايدا، جاڭ رۇيلين، جاڭ جىلي، ەرىكتى ءتىلشى تاڭ جىياڭ)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
