”اشا دا الۋ“ ، ”تىزگىندەي دە“ ءبىلۋ قاجەت
□ شۇي چيڭگۋاڭ
2022.11.29 14:03 كەلۋ قاينارى : شينجياڭ گازەتى
كورلا قالاسى 11 - ايدىڭ 27 - كۇنى ساعات 10نان باستاپ جۇمىستى، ءوندىرىستى، ساۋدانى، بازاردى بىرتىندەپ قالپىنا كەلتىردى! شىحىزى قالاسى 11 - ايدىڭ 27 - كۇنىنەن باستاپ ءوندىرىس، تۇرمىس ءتارتىبىنىڭ ءبىر قالىپتانۋىن جاپپاي ءتارتىپتى ىلگەرىلەتتى! ءۇرىمجى قالاسى 11 - ايدىڭ 28 - كۇنىنەن باستاپ تەمىر جول، حالىقتىق اۆياتسيا جانە الەۋمەتتىك اۆتوبۋز، تاكسي سياقتى قالا الەۋمەتتىك قاتىناسىن بىرتىندەپ تارتىپپەن قالپىنا كەلتىردى ءارى جۇمىستى، ءوندىرىستى، بازاردى بىرتىندەپ تارتىپپەن قالپىنا كەلتىرۋ جونىندە ورنالاستىرۋ جاسادى!
3 قالانىڭ وڭاي - وسپاق قولعا كەلمەگەن ىندەتكە قارسى اتتانۋ جەتىستىگى − ءار ۇلت كادرلارى مەن بۇقاراسىنىڭ ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، ىندەتكە ىنتىماقتاسا قارسى اتتانۋىنىڭ جەمىسى. باسىنان وتكىزبەگەن ادام ءىستىڭ قيىندىعىن بىلە بەرمەيدى، وسى كۇندەردەگى تاباندىلىق پەن قيىندىقتاردى ەسكە الساق، وسى ءسات، وسى جاعداي كىسىنى قالاي عانا قۋانتپاسىن.
ايتسەدە، قوعامدىق جاقتا نەگىزىنەن نولگە ءتۇسىرۋ استە حاۋىپ - قاتەردى نولگە ءتۇسىرۋ ەمەس ەكەندىگىن؛ ەڭ سوڭعى جەڭىس ەمەس، قايتا كەلەلى كەزەڭدىك ماڭىزدى جەتىستىك ەكەندىگىن ايقىن تانۋىمىز كەرەك. قازىر ەل ىشىندە جاڭادان تۋىلعان ىندەت ۇزدىكسىز بەلەڭ بەرۋدە، شينجياڭدا دا بەلگىلى كولەمدە ىندەت ءومىر ءسۇرىپ وتىر، ءسوز جوق، ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تولىق، دالمە - ءدال، جان - جاقتى دايەكتىلەندىرىپ، تياناقتاندىرىپ، ”اشا دا الۋىمىز“، ”تىزگىندەي دە الۋىمىز“، 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى شارانى اناعۇرلىم عىلمي، دالمە - ءدال تياناقتاندىرۋىمىز كەرەك.
20 تارماقتى شارانى اناعۇرلىم عىلمي، دالمە - ءدال تياناقتاندىرۋدا ”بەكىتە سالىپ بولدى - ءبىتتى دەۋدى“ باتىل تيۋ كەرەك. ”ءبىر شىبىقپەن ايداۋ“، ”ساتى - ساتى بويىنشا اۋىرتپالىق قوسۋ“، ءتىپتى، ”بەكىتە سالىپ بولدى - ءبىتتى دەۋ“ سياقتى ادىستەر ”ەكىنى ءبىر تۇتاس جوسپارلاۋعا“ قايشى، 20 تارماقتى شارانىڭ تالاپتارىنا ۇيلەسپەيدى، ءوندىرىس، تۇرمىس تارتىبىنە اۋىر ىقپال جاسايدى، ەكونوميكانىڭ، قوعامنىڭ دامۋىنا كەدەرگى بولادى. ءسوز جوق، وتكەندەگى ساباقتاردى قابىلداپ، ىندەتتەن ساقتانۋ - تىزگىندەۋدىڭ عىلميلىعىن، دالمە - دالدىگىن اناعۇرلىم جوعارىلاتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى دەڭگەيدە قورعاپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتۋ كەرەك.
20 تارماقتى شارانى اناعۇرلىم عىلمي، دالمە - ءدال تياناقتاندىرۋدا ”اشا سالىپ بولدى - ءبىتتى دەۋدەن“ باتىل ساقتانۋ كەرەك. ساقتانۋ - تىزگىندەۋ شارالارىن ساپالىلاندىرۋ ساقتانۋ - تىزگىندەۋدى بوساڭسىتۋ ەمەس، اشا سالۋ، ”بەيعامدىققا سالىنۋ“ ءتىپتى دە ەمەس، قايتا ىندەتتەن ساقتانۋ - تىزگىندەۋدىڭ عىلميلىعىنا، دالدىگىنە، جوعارى ونىمدىلىگىنە اناعۇرلىم جوعارى تالاپ قويۋ، ”اشۋ“ مەن ”تىزگىندەۋگە“ اناعۇرلىم جوعارى تالاپ قويۋ بولىپ تابىلادى. ”اشۋ“ مەن ”تىزگىندەۋ“ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋداعى ءبىر جۇپ ديالەكتيكالىق قارىم - قاتىناس، ”تىزگىندەۋ“ ”اشۋدىڭ“ العى شارتى، ”اشۋ“ ”تىزگىندەۋدىڭ“ ماقساتى، ”اشا دا الۋ“، ”تىزگىندەي دە ءبىلۋ“ ءۇشىن، ءسوزسىز، 20 تارماقتى شارانى قاز - قالپىندا ناقتاپ تياناقتاندىرۋدى قامتاماسىز ەتىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى قاتاڭ ورىنداۋ، توسقاۋىلداۋعا تيىستىلەرىن باتىل توسقاۋىلداپ، قامال الۋعا تيىستىلەرىنەن كۇش سالا قامال الىپ، جويۋعا تيىستىلەرىن جەدەل جويىپ، شايقاس شەبىنىڭ كەڭەيۋىنەن، ۋاقىتتىڭ ۇزارۋىنان ساقتانۋ كەرەك، كۇتىپ وتىرۋعا، قاراپ تۇرۋعا، اركىم ءوز بىلگەنىن ىستەۋگە استە بولمايدى.
اسپان قانشا بيىك، جەر قانشا كەڭ بولسا دا، حالىقتىڭ ءومىرىنىڭ حاۋىپسىزدىگى مەن دەنساۋلىعى بارىنەن ماڭىزدى، ەكونوميكانىڭ، قوعامنىڭ العا قاراي دامۋى بارىنەن ماڭىزدى. ىندەتتەن ساقتانۋ - تىزگىندەۋ جاعدايىن دۇرىس يگەرىپ، ”ۇشتەن بۇلجىماۋعا“ تاباندى بولىپ، ۋاقىتقا، جاعدايعا، جەرگە قاراي دالمە - ءدال شارا قولدانىپ، ”بەكىتە سالىپ بولدى - ءبىتتى دەيتىن“، ”اشا سالىپ بولدى - ءبىتتى دەيتىن“ ەكى ءتۇرلى اسىرە نىسايدان قاتاڭ ساقتانىپ، قالىپتى ءوندىرىس، تۇرمىس ءتارتىبىن تارتىپپەن قالپىنا كەلتىرۋمەن قاتار، مەڭگەرۋگە ءتيىستى ىندەت حاۋىپ - قاتەرىن مەڭگەرىپ، تياناقتاندىرۋعا ءتيىستى ساقتانۋ - تىزگىندەۋ شارالارىن تياناقتاندىرىپ، سول ارقىلى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
