شينجياڭ قايتالاي كەپىل بولۋ سەرىكتەستىگى:
الدىڭعى 10 ايدا تىڭنان ارتقان قارجى قۇراۋعا كەپىل بولۋ سوماسى 2 ميلليارد 800 ميلليون يۋان بولدى
2022.11.29 14:04 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 11 - ايدىڭ 27 - كۇنى ۇرىمجىدەن حابارلايدى. الدىڭعى 10 ايدا شينجياڭ قايتالاي كەپىل بولۋ (توبى) شەكتى سەرىكتەستىگى (تومەندە قىسقارتىلىپ ”شينجياڭ قايتالاي كەپىل بولۋ سەرىكتەستىگى“ دەلىنەدى) تىڭنان ارتقان 1646 قارجى قۇراۋ نىسانىنا قايتالاي كەپىل بولدى، تىڭنان ارتقان قارجى قۇراۋعا كەپىل بولۋ سوماسى 2 ميلليارد 827 ميلليون يۋان بولىپ، كولەمى سايكەس مەزگىلدەگىدەن ％5. 30 ارتتى.
شينجياڭ تيانچىڭ لۋيۋان ەلەكتر ينجەنەرياسى شەكتى سەرىكتەستىگى − ەنەرگيا ەلەكتر كاسىپ سالاسىندا ارنايىلانعان تەحنيكامەن قىزمەت وتەۋگە ويىسقان جوعارى، جاڭا تەحنيكالى كاسىپورىن، دامۋ ارىنى تەبىندى. بيىل 5 - ايدا وسى سەرىكتەستىك ماتەريال ساتىپ الۋ سياقتىلارعا جۇمساۋعا 7 ميلليون يۋان اينالىم قارجىسىن قاجەت ەتەدى، سەرىكتەستىك قارجىسى از شاعىن كاسىپورىن بولعاندىقتان، كەپىلگە قوياتىن مال - مۇلكى بانكەنىڭ قارىز بەرۋ تالابىن قاناعاتتاندىرا المايدى. قىسىلتاياڭ ساتتە، شينجياڭ قارجى قۇراۋعا كەپىل بولۋ شەكتى جاۋاپكەرشىلىك سەرىكتەستىگى ولارعا كەپىل بولادى، شينجياڭ قايتالاي كەپىل بولۋ سەرىكتەستىگى شينجياڭ قارجى قۇراۋعا كەپىل بولۋ سەرىكتەستىگىنە قايتالاي كەپىل بولىپ، تيانچىڭ لۋيۋان ەلەكتر ينجەنەرياسى شەكتى سەرىكتەستىگى بانكەدەن ساتىمەن قارىز الىپ، قارجى قىسىمىن جەڭىلدەتەدى. 10 - ايعا دەيىن تيانچىڭ لۋيۋان ەلەكتر ەنەرگياسى شەكتى سەرىكتەستىگىنىڭ تيجارات كىرىسى 35 ميلليون يۋان بولدى. ”ءبىر ءتاۋىرى، ولار قولداۋ كورسەتىپ، كومەكتەستى، سونىڭ ارقاسىندا كاسىپورىن تاماشا دامۋ كۇيىن ساقتاپ كەلدى“، - دەدى وسى سەرىكتەستىكتىڭ قازىنالىق ىستەر باس باقىلاۋشىسى ۋاڭ جىڭمين.
بيىل جىل باسىنان بەرى شينجياڭ قايتالاي كەپىل بولۋ سەرىكتەستىگى ”سەنىمدىلىك اۆياماتكاسى“ سىندى باستاماشىلىق، جەتەكشىلىك رولىن تولىق ساۋلەلەندىرىپ، رايونىمىزداعى ءارقايسى ۇكىمەت سيپاتىندىق قارجى قۇراۋ كەپىلدىك قۇرىلىمدارىنىڭ نازاردى شاعىن كاسىپورىنداردى قولداۋعا، اۋىل شارۋاشىلىعىن قولداۋعا شوعىرلاندىرۋىن اناعۇرلىم ويداعىداي دايەكتىلەندىردى، جەتەكتەدى، باستادى، جەكەلەي كەپىل سوماسى 10 ميلليون يۋان نەمەسە ودان تومەن بولعان شاعىن، ۇساق كاسىپورىندارعا جانە اۋىل شارۋاشىلىعى، اۋىل - قىستاق، شارۋالار تۇلعاسىنا ءتۇيىندى قولداۋ كورسەتىپ، قارىز اقشا سەنىمدىلىك ەستەلىگى جانە ءونىمدى كەپىل بولاتىن مۇلكى جەتكىلىكسىز بولعان، الايدا ءونىمىنىڭ بازارى بار، نىسانىنىڭ بولاشاعى بار، تەحنيكادا باسەكەلىك قۋاتقا يە شاعىن، ۇساق كاسىپورىنداردىڭ جانە اۋىل شارۋاشىلىعى، اۋىل - قىستاق، شارۋالار نەگىزگى تۇلعالارىنىڭ قارجى قۇراۋىنا الدىمەن كەپىل بولىپ، ولاردىڭ سەنىمدىلىگىنىڭ ارتۋىنا كەپىل بولىپ، اقاۋسىز دامۋىنا دەم بەردى.
1 - ايدان 10 - ايعا دەيىن شينجياڭ قايتالاي كەپىل بولۋ سەرىكتەستىگى ”سەنىمدىلىكتى ارتتىرۋ، حاۋىپ - قاتەردى ءبولىسۋ“ فۋنكتسياسىن اتقارۋ ارقىلى شينجياڭ ىشىندەگى شاعىن، ۇساق كاسىپورىنداردىڭ جانە اۋىل شارۋاشىلىعى، اۋىل - قىستاق، شارۋالار نەگىزگى تۇلعالارىنىڭ 15 ميلليارد 687 ميلليون يۋان كىرىس كىرگىزۋىنە كومەكتەسىپ، 24 مىڭعا جۋىق ادامدى جۇمىستانۋعا باستاپ، جۇمىستاندىرۋدى ورنىقتىرۋ، كىرىستى ارتتىرۋ جاعىندا تاماشا قوعامدىق ونىمدىلىك جاراتتى.
وسى رەتكى ىندەت كەزىندە قامداۋمەن قامتاماسىز ەتەتىن ورىن رەتىندە، شينجياڭ لاڭچيڭ مال شارۋاشىلىعى شەكتى سەرىكتەستىگىنىڭ قارجى قىسىمى ءبىرشاما كۇشتى بولدى. 9 - ايدا وسى سەرىكتەستىكتىڭ 2 جولدا قايتاراتىن 9 ميلليون 500 مىڭ يۋان قارىزىنىڭ ۋاقىتى تولىپ، قايتالاي قارىز الۋدى شۇعىل قاجەت ەتكەندە، ىندەت ىقپالىنان جۇمىستى قالىپتى بىتىرۋگە شاراسىز قالادى. كاسىپورىننىڭ ءىس جۇزىندىك قيىنشىلىعىن ۇعىسقان سوڭ، شينجياڭ قايتالاي كەپىل بولۋ سەرىكتەستىگى شينجياڭ قارجى قۇراۋعا كەپىل بولۋ سەرىكتەستىگىمەن بىرلەسىپ دەرەۋ كاسىپورىنمەن ۇشتاستى ءارى بەلسەندى تۇردە بانكەمەن بايلانىس جاساپ، وسى سەرىكتەستىكتىڭ جاعدايىنا قاراي كەپىل بولۋ جانە قايتالاي كەپىل بولۋ جوباسىن جاسادى. سونىمەن بىرگە قىزمەت بارىسىن قاراپايىمداستىرۋ، تەكسەرىپ بەكىتۋ ۋاقىت شەكتەمەسىن قىسقارتۋ ارقىلى بانكەنى ەڭ تەز قارقىنمەن قارىز اقشا بەرۋگە سايكەستىرىپ، كاسىپورىننىڭ ىندەت كەزىندە قالىپتى تيجارات جۇرگىزۋىنە قولداۋ كورسەتتى.
”ءبىز جۇيە ىشىندەگى ۇكىمەت سيپاتىندىق كەپىلدىك قۇرىلىمدارىن ۋاقىتتىق قيىنشىلىقتى بىرگە جەڭۋگە بەلسەنە اتتانىسقا كەلتىرىپ، مولشەرىن ارتتىرۋ، ساپاسىن جوعارىلاتۋ، وزىندىك قۇنىن تومەندەتۋ سىندى ءۇش جاقتان اۋىل شارۋاشىلىعىنا، اۋىل - قىستاققا، شارۋالارعا، شاعىن، ۇساق كاسىپورىندارعا كەپىل بولۋ قىزمەت وتەۋىن ويداعىداي ىستەپ، كاسىپورىن تيجاراتىنىڭ قيىن وتكەلدەن وتۋىنە كومەكتەستىك“. شينجياڭ قايتالاي كەپىل بولۋ (توبى) شەكتى سەرىكتەستىگىنىڭ القا باستىعى جوۋ جۇن بىلاي دەدى: ”وسى رەتكى ىندەتتەن بەرى شينجياڭ قايتالاي كەپىل بولۋ سەرىكتەستىگى رايونىمىزداعى جالپى 644 اۋىل شارۋاشىلىعى، اۋىل - قىستاق، شارۋالار نەگىزگى تۇلعالارىن، شاعىن، ۇساق كاسىپورىنداردى 843 ميلليون يۋان قايتالاي كەپىل بولۋ سوماسىمەن قامدادى“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
