حۋنان ولكەسىنەن شينجياڭعا كومەككە كەلگەن ەمدەۋ اترەتى:
”اعايىندىلار“ ءبىر نيەتتە بولىپ، تىزە قوسا ىندەتپەن شايقاستى
□ انار بۇلت \ شينجياڭ گازەتىنىڭ ءتىلشىسى يە شياۋمين، ەرىكتى ءتىلشى تاڭ ليجۇن
2022.11.28 13:42 كەلۋ قاينارى : شينجياڭ گازەتى
شينجياڭ مەديتسينا داشۋەسىنە قاراستى 8 - شيپاحانا 4 - عيماراتىنىڭ 7 - قاباتىنداعى ناۋقاستار اۋماعىندا مىناداي ءبىر جۇپ ”شيپاگەر اعايىندىلار“ بار، ولاردىڭ ءبىرى، حۋنان ولكەسىنەن شينجياڭعا كومەككە كەلگەن ەمدەۋ اترەتىنىڭ مۇشەسى، جۇڭنان داشۋەسى شياڭيا شيپاحاناسى سالماقتى اۋرۋلار مەديتسينا ءبولىمىنىڭ جاۋاپتى شيپاگەرى جاۋ چۇنگۋاڭ، ەندى ءبىرى، شينجياڭ مەديتسينا داشۋەسىنە قاراستى 3 - شيپاحانانىڭ شيپاگەرى ءدىلشات جەڭىسقان. 40 نەشە كۇننەن بەرى ەكەۋى جۇدىرىقتاي جۇمىلىپ، اۋرۋعا سايىس جاريالاپ، ناۋقاستاردى ءتىپتى دە كوپ تىرشىلىك ورايىنا يە ەتتى.
10 - ايدىڭ 16 - كۇنى حۋنان ولكەسىنەن شينجياڭعا كومەككە كەلگەن ەمدەۋ اترەتىندەگىلەر ۇرىمجىگە جەتىپ، شينجياڭ مەديتسينا داشۋەسىنە قاراستى 8 - شيپاحانا 4 - عيماراتىنىڭ 7 - قاباتىنداعى ناۋقاستار اۋماعىن وتكىزىپ الادى، جاۋ چۇنگۋاڭ مەن ءدىلشات سول كەزدەن باستاپ سەرىك بولىپ قىزمەت ىستەي باستايدى. ناۋقاستاردا تۋىلعان تۇتقيىل جاعدايلاردى ءبىر جاقتى ەتۋدە جاۋ چۇنگۋاڭنىڭ تاجىريبەسى مول بولسا، شيپاحاناداعى ءتۇرلى دياگنوز قويۋ، ەمدەۋ بارىسىنا ءدىلشات ابدەن قانىق ەدى.
11 - ايدىڭ باسىندا ءبىر ناۋقاسقا ورناتىلعان اسقازان تۇتىكشەسى تايىپ كەتەدى، جاۋ چۇنگۋاڭ مەن ءدىلشات وسى ناۋقاستىڭ وڭەشىنىڭ تومەن بولىگىندەگى ۇشتەن ءبىر بولىگىنە دەيىنگى جەردىڭ اۋىر دارەجەدە اس ەزىندىسىمەن بىتەلگەنىن بايقايدى، اسقازان تۇتىكشەسى ارى بارماي، ناۋقاستى اس قورىتۋ جولى ارقىلى جەتكىلىكتى قورەكتىكپەن قولداۋعا، كەيبىر دارىلەردى بەرۋگە دە كەلمەي قالادى. ناۋقاستىڭ ەڭ ءونىمدى جولمەن ەمدەلۋىنە كەپىلدىك ەتۋ ءۇشىن، جاۋ چۇنگۋاڭ مەن ءدىلشات سان رەت اقىلداسىپ، تاعى ءبىر اعا شيپاگەر سۋ حۋامەن بىرلەسىپ اسقازان ءدۇربىسىن سالا وتىرىپ، ناۋقاسقا اسقازان تۇتىكشەسىن بىرگە ورناتادى.
”بۇل ىستەۋ قيىن، بەلگىلى دارەجەدە حاۋىپ - قاتەرى بار شارۋا، ءبىز، ءسوز جوق، تولىق دايىندىق جاساۋىمىز كەرەك“. ءدىلشات سويلەي ءجۇرىپ، جاۋ چۇنگۋاڭمەن بىرگە اسقازان ءدۇربىسىن سالۋدىڭ ەگجەي - تەگجەيلى، تىڭعىلىقتى جوباسىن جاسادى. ءبىر ساعاتتان استام ۋاقىت قۇلشىنىس جاساۋدىڭ ارقاسىندا، ناۋقاستىڭ وڭەشىنە تىعىلىپ قالعان اس ەزىندىسىنىڭ اراسىنان ءبىر كىشكەنە ساڭلاۋ اشادى ءارى اسقازان تۇتىكشەسىن اسقازان ءدۇربىسى ارقىلى ناۋقاستىڭ اسقازان قۋىسىنا ءساتتى ورناتىپ، مۇلدە مۇمكىنشىلىگى جوق دەرلىك جاعدايدا اسقازان - ىشەك جولدارىن قۋاتتاندىرۋ جولىن اشادى.
”سول ساتتەن باستاپ ءبىز تىزە قوسا شايقاس جاساپ، ەتەنە اعايىندارعا اينالدىق“، - دەدى جاۋ چۇنگۋاڭ.
11 - ايدىڭ ورتا شەنىندە قانتتى نەسەپ اۋرۋىنا شالدىققان شياۋجياڭ (جاناما اتى) ەسىمدى جاس ناۋقاس ۇيىندەگىلەرمەن ارازداسىپ قالعاندىقتان ينسۋليندى ۋاقىتىندا قويدىرماي گيپەرتوندىق كەتونەمياسىز قانتتى نەسەپ اۋرۋى پايدا بولىپ، ەسىنەن تانىپ، شيپاحاناعا جەتكىزىلەدى. شياۋجياڭ ءبىر كۇن شيپاحاناعا جاتىپ ەمدەلگەننەن كەيىن ەسىن جيادى، ول اكەسىمەن حابارلاسقىسى كەلگەنىمەن، نامىسقا تىرتىسىپ اكەسىنە تەلەفون شالماي قويادى. شيپاحانانىڭ تاعى ءبىر ناۋقاستار اۋماعىندا ەمدەلىپ جاتقان شياۋجياڭنىڭ اكەسى دە بالاسىمەن رەنجىسكەنىنە قاتتى وپىق جەيدى.
جاۋ چۇنگۋاڭ مەن ءدىلشات بۇل جاعدايدان حاباردار بولعاننان كەيىن، اكە - بالا ەكەۋىنىڭ اراسىندا جاراستىرۋشى بولادى. ”مەن بالانى جۇباتۋعا بارايىن، سەن بالانىڭ اكەسىمەن اڭگىمەلەسىپ كور“، - دەدى جاۋ چۇنگۋاڭ، ”ولار الما - كەزەك سەلبەسۋ ارقىلى اكەلى - بالالى ەكەۋىنىڭ كوڭىلدەرىندەگى تۇيتكىلدى شەشىپ، ولاردىڭ اراسىنداعى ۇعىسپاستىقتى سەيىلتتى“. وسىدان كەيىن ولار شياۋجياڭنىڭ اكەسى جاتقان ناۋقاستار اۋماعىنىڭ اعا شيپاگەرىمەن بايلانىس جاساپ، شياۋجياڭ مەن اكەسىن ءبىر بولمەگە ورنالاستىرادى. جاۋ چۇنگۋاڭ: اكەلى - بالالى ەكەۋىنىڭ كوڭىل تۇيتكىلى شەشىلدى، ناۋقاسى دا تەز تاۋىرلەنە باستادى، - دەدى.
قىزمەت باسىمىن جەڭىلدەتىپ، ابىرجىعان كوڭىل كۇيلەرىن ساباسىنا ءتۇسىرۋ ءۇشىن، جاۋ چۇنگۋاڭ مەن ءدىلشات قولدارى بوساعاندا ۇنەمى اڭگىمەلەسىپ تۇرادى. جاۋ چۇنگۋاڭ مۇز ءۇستى سپورتىن وتە جاقسى كورەدى، ءدىلشات فۋتبول تەبۋدى ۇناتادى، قازىر وتكىزىلىپ جاتقان دۇنيە جۇزىلىك فۋتبول ساۋىتىنا تالاسۋ جارىسىن تىلگە تيەك ەتۋ ولار ءۇشىن بىتپەس اڭگىمە. جاۋ چۇنگۋاڭ ءدىلشاتتى كەيىن حۋنانداعى شيپاحاناعا بارىپ كورۋگە ۇسىنىس ەتتى. ءدىلشات ءۇرىمجىنىڭ تۇرمىس ءتارتىبى قالپىنا كەلگەننەن كەيىن، جاۋ چۇنگۋاڭمەن بىرگە شينجياڭنىڭ ءدامدى تاعامدارىنان ءدام تاتاتىندىقتارىن ايتتى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
