قىسقا شولۋ: ويلاماعان جاعداي تۋىلىپ، كەيىن قالعان كوماندا باسىپ وزدى، مىنە، بۇل الەم چەمپيوناتىنىڭ تارتىمدى بولۋىنىڭ سىرى
2022.11.23 15:04 كەلۋ قاينارى : حالىق تورابى
جەرگىلىكتى ۋاقىت بويىنشا 11 - ايدىڭ 22 - كۇنى، كاتار الەم چەمپيوناتىنىڭ گرۋپپالىق جارىسى كەزەڭىندە C گرۋپپاداعى العاشقى جارىس ارگەنتينا كومانداسى مەن ساۋد ارابياسى اراسىندا وتكىزىلدى، بۇل مەسسيدىڭ بەسىنشى رەت قاتىناسقان الەم چەمپيوناتىنداعى العاشقى جارىسى. سۋرەتتە: مەسسي قارسى كوماندانىڭ قورعانىسىن بۇزىپ وتۋدە.
جۇڭگو اقپارات تورابىنىڭ 11 - ايدىڭ 22 - كۇنى بەرگەن حابارى. الەم چەمپيوناتىنىڭ گرۋپپالىق جارىس كەزەڭىندەگى C گرۋپپا بويىنشا ءبىرىنشى اينالىمداعى جارىستا ساۋد ارابياسى 2 - 1 ۇپايمەن ارگەنتينانى ۇتىپ، ويلاماعان ناتيجەگە قول جەتكىزدى. ارگەنتينا كومانداسى الدەقاشان رەنارد قۇرعان تۇزاققا تۇسكەن، ساۋد ارابياسى ويلاماعان جەردەن ورتاڭعى الاڭعا جاقىن جەردەن قورعانىس شەبىن جايىپ، جارىستىڭ العاشقى جارىمىندا كوكالا كيىمدىلەردىڭ شابۋىل شەبىنە «وفسايدشىلار» دەگەن «ات سيلادى».
كەشەگى يران كومانداسىمەن ۇقسامايتىن جەرى، مەسسيگە بۇيىرعان ايىپ دوپ ساۋد ارابياسى فۋتبولشىلارىنىڭ جىگەرىن جاسىتا المادى، جارىستىڭ الدىڭعى جارىمىنىڭ قالعان ۋاقىتىندا ولاردىڭ ويىن شەبەرلىگى كورەرمەنگە ارگەنتينانىڭ ءبىر ۇپاي ىلگەرى ەكەنىن ۇمىتتىرعانداي، سونىمەن بىرگە، قارسىلاستارىنا دا الەم چەمپيوناتىندا ونەر كورسەتىپ جاتقانىن ۇمىتتىرعانداي بولدى. شەحري مەن سالىم العان «ازيا الاۋى» دەگەن ات قويۋعا تۇرارلىق ەكى ۇپايدان سوڭ، تۇسىنەن شوشىپ ويانعانداي بولعان ارگەنتينالىقتار سۇراپىل شابۋىلعا ءوتتى.
امال قانشا، 2014 - جىلعى ىنمايا نەمەسە 2018 - جىلعى حالدورسونداي ەمەس، ولار وسى جولى مۇحاممەد ءال - ۆايستىڭ «قورعانىس داۋالىنا» ءدوپ كەلدى. وسى جولى ساۋد ارابياسى كومانداسىنىڭ ءبىر جاعادان باس، ءبىر جەڭنەن قول شىعارعانداي ۇزدىك قورعانىس ورەسى مەن قارسى شابۋىلعا باتىل كىرىسۋى كورەرمەنگە تەرەڭ اسەر قالدىردى. باتىس ازيانىڭ ارىندى كومانداسى وسى رەتكى الەم چەمپيوناتىندا تاعى دا تىڭ ناتيجەلەرىمەن تاڭداندىرادى دەپ سەنەمىز!
مەسسيدىڭ الەم چەمپيوناتىنداعى ارمانى ءالى اياقتاعان جوق، الايدا، كەشەگى كەش ساۋد ارابياسىنا، ازيا فۋتبولىنا ءتان كەش بولدى. بالكىم، ارگەنتينانىڭ تالەيسىزدىگىنە ءالى كۇرسىنىپ جۇرگەندەر كوپ شىعار، الايدا، ويلاماعان ناتيجەلەر، كەيىن قالعان كوماندانىڭ باسىپ وزۋى، «ءالسىزدىڭ كۇشتىنى جەڭۋى»، «ەلەۋسىز ادامنىڭ بىردەن تانىمالى بولۋى» سياقتى جاعدايلار تۋىلسا، الەم چەمپيوناتىنىڭ تارتىمدىلىعىنىڭ سىرى دا ءدال وسىندا ەمەس پە؟
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
