شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىندا جازباشا ءسوز سويلەدى
جۇڭگونىڭ ازيا - تىنىق مۇحيت تاعدىرلاس ورتاق تۇلعاسىن قۇرۋدى تاباندىلىقپەن ىلگەرىلەتەتىنىن دارىپتەدى
2022.11.18 16:24 كەلۋ قاينارى : حالىق تورابى
«حالىق گازەتى»، 11 - ايدىڭ 17 - كۇنى، بانگكوك (تىلشىلەر دۋ شاڭزى، رىن يان). سول جەر ۋاقىتى بويىنشا 11 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ۇسىنىس بويىنشا بانگكوكتا وتكىزىلگەن ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ كەڭەسىندە «اۋەلگى ماقساتتى بەرىك ساقتاپ، دامۋدى بىرگە جەبەپ، ازيا - تىنىق مۇحيت ەلدەرى سەلبەستىگىنىڭ تىڭ داستانىن جازايىق» دەگەن تاقىرىپتا جازباشا لەكسيا جاساپ (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار)، جۇڭگونىڭ ازيا - تىنىق مۇحيت تاعدىرلاس ورتاق تۇلعاسىن قۇرۋدى تاباندىلىقپەن ىلگەرىلەتىپ، ازيا - تىنىق مۇحيت ءوڭىرىنىڭ ورنىقتىلىعىنا، گۇلدەنۋىنە اناعۇرلىم كوپ ۇلەس قوساتىنىن دارىپتەدى.
شي جينپيڭ بىلاي دەپ اتاپ كورسەتتى: دۇنيە ءجۇزى تاعى دا جول ايىرىعىندا تۇر. دۇنيە ءجۇزى قايدا بارادى؟ ازيا - تىنىق مۇحيت ءوڭىرى قايتۋى كەرەك؟ ءبىز جاۋابىن بەرۋىمىز كەرەك. وتكەن نەشە ون جىلدا ازيا - تىنىق مۇحيت وڭىرىندەگى مۇشە ەلدەردىڭ ەكونوميكاسىنىڭ دامۋى ەرەكشە جەتىستىكتەرگە قول جەتكىزدى، ازيا - تىنىق مۇحيت ءوڭىرىنىڭ ەكونوميكالىق سەلبەستىگى وڭىرلىك دامۋعا قۇدىرەتتى قوزعاۋشى كۇش قوسىپ، حالىقتىڭ ىرىس - قۇتىن ءونىمدى تۇردە جوعارىلاتتى. تاجىريبە وتە قۇندى، بۇل اۋەلگى ماقساتتان اينىماۋدى قاجەت ەتەدى.
بەيبىت دامۋ جولىمەن ءجۇرۋ كەرەك. قىرعي قاباقتىق سوعىستىڭ تۇمانىنان قۇتىلعان ازيا - تىنىق مۇحيت ءوڭىرى، اسىرەسە، ورتا، شاعىن ەكونوميكالىق تۇلعالار وسىزاماندانۋدىڭ جەدەل ارناسىنا تۇسكەندە عانا، «ازيا - تىنىق مۇحيت ءوڭىرىنىڭ حيكىمەتى» جارىققا شىعادى. ازيا - تىنىق مۇحيت ءوڭىرى ەشكىمنىڭ ارتقى باقشاسى ەمەس، ءىرى ەلدەردىڭ سايىس الاڭى بولماۋى كەرەك. «جاڭا قىرعي قاباقتىق» قاسكۇنەمدىگىنىڭ قاندايىنا بولسا دا حالىق جول بەرمەيدى، ءداۋىر جول بەرمەيدى!
اشىق، سيىسىمدى بولۋ جولىمەن ءجۇرۋ كەرەك. نەشە ون جىلدان بەرى ازيا - تىنىق مۇحيت ەكونوميكالىق سەلبەستىك ۇيىمى اشىق وڭىرشىلدىكتى ۇستانىپ، الۋان تۇرلىلىك، كەمسىتپەۋ پرينسيبىندە تاباندى بولىپ، سيىسىمدى، جالپىعا ءتيىمدى وڭىرلىك سەلبەستىك جۇلگەسىن قالىپتاستىردى. ازيا - تىنىق مۇحيت ءوڭىرى ءدال وسىنداي پەيىلى مەن جاعدايىنا سۇيەنىپ وڭىرلىك ەكونوميكانىڭ ءبىر تۇلعالانۋى جاعىندا ءداۋىردىڭ الدىڭعى لەگىندە ءجۇردى. ازيا - تىنىق مۇحيت وڭىرىندە ۇزاق ۋاقىتتان بەرى قالىپتاسقان كاسىپ سالاسى تىزبەگىنىڭ، قامداۋ تىزبەگىنىڭ كەدەرگىگە ۇشىراۋى، ءتىپتى، تالقاندالۋى تەك قانا ازيا - تىنىق مۇحيت ەكونوميكالىق سەلبەستىگىن «تۇيىق جولعا» تۇسىرەدى.
ءبىر جاعادان باس، ءبىر جەڭنەن قول شىعارۋ جولىمەن ءجۇرۋ كەرەك. ۇزاق ۋاقىتتان بەرى ازيا - تىنىق مۇحيت ءوڭىرى تار جول، تايعاق كەشۋلەردەن بىرگە وتۋدە، قيىنشىلىقتاردى بىرگە جەڭۋدە تاباندى بولىپ، سەلبەستىك بارىسىندا ورتاق تۇلعا تانىمىن قالىپتاستىردى، بۇل ۇزدىكسىز دامۋدى جۇزەگە اسىرۋدىڭ بەرىك نەگىزىنە اينالدى. سەلبەستىكتى كۇشەيتىپ، ءوزارا قولداپ، ءبىر - بىرىنە كومەك بەرىپ، ازيا - تىنىق مۇحيت ءوڭىرى ەكونوميكاسىنىڭ دۇنيە ءجۇزى ەكونوميكاسىنىڭ قالپىنا كەلۋىندە الدىڭعى لەكتە ءجۇرۋىن ىلگەرىلەتۋ كەرەك.
شي جينپيڭ مىنالاردى دارىپتەدى: جاڭا جاعدايدا ءبىز تاريحي تاجىريبەلەر مەن ساباقتاردى قابىلداپ، ءداۋىردىڭ سىن - سايىسىنا توتەپ بەرىپ، ازيا - تىنىق مۇحيت ءوڭىرى ەكونوميكاسىنىڭ ءبىر تۇلعالانۋىن تاباندىلىقپەن ىلگەرىلەتىپ، دامۋدىڭ جاڭا جاعدايىن بىرگە اشىپ، ازيا - تىنىق مۇحيت ءوڭىرىنىڭ تاعدىرلاس ورتاق تۇلعاسىن قۇرۋىمىز كەرەك.
ءبىرىنشى، بەيبىت دامۋدىڭ نەگىزىن بەكەمدەۋ كەرەك. بىرلەسكەن مەملەكەتتەر ۇيىمى ەرەجەسىنىڭ نەگىزگى ماقساتى مەن پرينسيبىنە بويسۇنىپ، ورتاق، جالپىلىق، سەلبەسكەن، باياندى حاۋىپسىزدىك كوزقاراسىن ورناتىپ، قىرعي قاباقتىق وي مەن توپقا ءبولىنىپ قارسىلاسۋعا بىرگە قارسى تۇرىپ، ازيا - تىنىق مۇحيت حاۋىپسىزدىك قۇرىلىمىن ورناتۋ كەرەك.
ەكىنشى، حالىقتى وزەك ەتۋ ۇستانىمىندا تاباندى بولۋ كەرەك. ەكونوميكانى دامىتۋ بارىسىندا حالىق تۇرمىسىن قامتاماسىزداندىرۋعا باسا ءمان بەرىپ، قامتىمدى دامۋ ورتاسىن جەتىلدىرۋ كەرەك. ازيا - تىنىق مۇحيت وڭىرىندەگى دامىعان ەكونوميكالىق تۇلعالار دامۋ ۇستىندەگى ەكونوميكالىق تۇلعالارعا بەلسەنە قولداۋ كورسەتىپ، ىنتىماقتى، بارابار، بىركەلكى، جالپىعا ءتيىمدى جاڭا سەرىكتەستىك قاتىناس ورناتۋى كەرەك.
ءۇشىنشى، اناعۇرلىم جوعارى دەڭگەيدەگى ەسىك اشۋ جاعدايىن قالىپتاستىرۋ. ازيا - تىنىق مۇحيت ەركىن ساۋدا رايونىنىڭ اياق الىسىن ىلگەرىلەتىپ، دۇنيە جۇزىلىك ساۋدا ۇيىمىنىڭ رەفورماسىنا جاپپاي ىشكەرىلەي ات سالىسىپ، «وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن»، «العا باسۋ مەن تىنىق مۇحيت اتتاعان سەرىكتەستىك قاتىناس كەلىسىمىن»، «سيفرلى ەكونوميكالىق سەرىكتەستىك قاتىناس كەلىسىمىن» ءوزارا ۇشتاستىرۋدى ىلگەرىلەتۋ كەرەك.
ءتورتىنشى، اناعۇرلىم جوعارى دەڭگەيدەگى ۇلاستىرۋ، تۇتاستىرۋدى جۇزەگە اسىرۋ كەرەك. ازيا - تىنىق مۇحيت ەكونوميكالىق سەلبەستىك ۇيىمىنىڭ ۇلاستىرۋ، تۇتاستىرۋ جوباسىن جەتەكشى ەتىپ، قاتتى بولشەكتەردى، جۇمساق بولشەكتەردى، ادامداردىڭ بارىس - كەلىسىن تارتىپپەن ىلگەرىلەتۋ كەرەك. جۇڭگو «ءبىر بەلدەۋ، ءبىر جولدى» بىرگە قۇرۋدى ءار جاقتىڭ دامۋ ستراتەگياسىمەن ۇشتاستىرۋدى بەلسەنە ىلگەرىلەتىپ، ازيا - تىنىق مۇحيت ءوڭىرىنىڭ ساپالى ۇلاستىرۋ، تۇتاستىرۋ تورىن بىرگە قۇرادى.
بەسىنشى، ورنىقتى، ىركىلىسسىز كاسىپ تىزبەگى مەن قامداۋ تىزبەگىن قالىپتاستىرۋ كەرەك. ەكونوميكالىق زاڭدىلىققا بويسۇنىپ، بازار پرينسيبىندە تاباندى بولىپ، ازيا - تىنىق مۇحيت ءوڭىرىنىڭ قولايلى، جوعارى ءونىمدى، حاۋىپسىز كاسىپ تىزبەگىن، قامداۋ تىزبەگىن قالىپتاستىرۋ كەرەك. سىڭار جاقتىلىققا، قورعانىمپازدىققا بىرگە قارسى تۇرۋ كەرەك.
التىنشى، ەكونوميكانى ساپالىلاندىرۋدى، دارەجەسىن جوعارىلاتۋدى ىلگەرىلەتۋ كەرەك. عىلىم - تەحنيكادا جاڭالىق اشۋ مەن تۇزىمدە جاڭالىق اشۋدى جەدەلدەتىپ، جاڭا ەكونوميكانى، جاڭا كاسىپ كۇيىن، جاڭا ساۋدا ۇلگىسىن جەتىلدىرىپ، ازيا - تىنىق مۇحيت ءوڭىرى ەكونوميكاسىنىڭ سيفرلانىپ تيبىن وزگەرتۋىن جۇزەگە اسىرۋ كەرەك. جاسىل، تومەن كومىرتەكتى دامۋدا تاباندى بولىپ، جاسىل كاسىپ سالاسى مەن جاسىل فينانستى كەڭەيتىپ، ازيا - تىنىق مۇحيت ءوڭىرىنىڭ جاسىل سەلبەستىك جاعدايىن جەدەل قالىپتاستىرۋ كەرەك.
شي جينپيڭ جۇڭگو ۇلگىسىندەگى وسىزامانداندىرۋدىڭ نەگىزگى ەرەكشەلىگى مەن ماندىك تالابىن ىشكەرىلەي پايىمداپ، بىلاي دەپ اتاپ كورسەتتى: جۇڭگونىڭ ءبىر ميلليارد 400 ميلليوننان استام حالقىنىڭ وسىزاماندانۋدى جۇزەگە اسىرۋى − ادامزاتتىڭ دامۋ تاريحىنداعى بۇرىن بولىپ كورمەگەن ءىرى ءىس. جۇڭگو حالىقتى وزەك ەتۋدە تاباندى بولىپ، ورتاشا كىرىستەگى قاۋىمنىڭ الداعى 15 جىلدا 800 ميلليوننان اسۋىنا مۇمكىندىك جاساپ، وراسان كولەمدى بازاردىڭ ۇزدىكسىز دامۋىن ىلگەرىلەتەدى. جۇڭگو جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتىپ، دۇنيە جۇزىلىك دامۋ سەلبەستىگىنە بايلىق قوسىلىمىن ارتتىرىپ، دۇنيە جۇزىلىك دامۋ باستاماسىن تياناقتاندىرۋدى ىلگەرىلەتىپ، دۇنيە جۇزىلىك دامۋ ورتاق تۇلعاسىن قۇرادى. جۇڭگو حالىقتىڭ زاتتىق تۇرمىس جانە رۋحاني تۇرمىس ورەسىن ۇزدىكسىز جوعارىلاتىپ، بۇكىل ادامزاتتىڭ ورتاق قۇنىن ساۋلەلەندىرىپ، دۇنيە ءجۇزى وركەنيەتىنىڭ تەپە - تەڭ، بەلسەندى بولۋ، ىزگىلىككە ۇمتىلۋ بەتالىسىنا قاراي دامۋىنا دەم بەرەدى. جۇڭگو ەكونوميكالىق، قوعامدىق دامۋدىڭ جاپپاي جاسىل تيپكە وزگەرتۋىن جەبەپ، ادام مەن تابيعاتتىڭ تىرشىلىك ورتاق تۇلعاسىن بىرگە قۇرادى. جۇڭگو دۇنيە ءجۇزىنىڭ بەيبىتشىلىگى مەن دامۋىن باتىل قورعاۋ بارىسىندا وزىندىك دامۋعا تالپىنادى ءارى ءوزىنىڭ دامۋى ارقىلى دۇنيە ءجۇزىنىڭ بەيبىتشىلىگى مەن دامۋىن اناعۇرلىم ويداعىداي قورعايدى.
شي جينپيڭ بىلاي دەپ دارىپتەدى: جۇڭگونىڭ دامۋى ازيا - تىنىق مۇحيت وڭىرىنەن يگىلىكتەندى، سونداي - اق ءوزىنىڭ دامۋى ارقىلى ازيا - تىنىق مۇحيت وڭىرىنە پايدا جەتكىزىپ، ازيا - تىنىق مۇحيت ءوڭىرىن باقىتقا كەنەلتتى. جۇڭگو ازيا - تىنىق مۇحيت ءوڭىرىنىڭ تاعدىرلاس ورتاق تۇلعاسىن قۇرۋدى تاباندىلىقپەن ىلگەرىلەتىپ، ازيا - تىنىق مۇحيت ءوڭىرىنىڭ ورنىقتىلىعىنا، گۇلدەنۋىنە اناعۇرلىم كوپ ۇلەس قوسادى. ونەركاسىپ - ساۋدا سالاسىنداعى دوستاردىڭ ەكونوميكالىق سەلبەستىكتى بەلسەنە جەبەپ، جۇڭگونىڭ رەفورما جاساپ، ەسىك اشۋ جانە وسىزامانداندىرۋ قۇرىلىسىنا بەلسەنە ات سالىسىپ، ازيا - تىنىق مۇحيت ءوڭىرى مەن دۇنيە ءجۇزىنىڭ دامۋىنا، گۇلدەنۋىنە وڭ ەنەرگيا قوسۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
