شي جينپيڭ يتاليانىڭ زۇڭليىمەن، بىرلەسكەن مەملەكەتتەر ۇيىمىنىڭ باس حاتشىسىمەن جەكە - جەكە كەزدەستى
2022.11.18 16:18 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 16 - كۇنى يندونەزيانىڭ بالي ارالىنان بەرگەن حابارى (تىلشىلەر حان لياڭ، ليۋ كاي). جەرگىلىكتى ۋاقىت 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يتاليانىڭ زۇڭليى مەلونيمەن كەزدەستى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو - يتاليا ەكى ەل جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتاندى، مادەنيەت جانە ساياحات جىلىن ءوزارا وتكىزدى، جۇڭگودا ”يتاليا قاينارى − بايىرعى ريم وركەنيەتى كورمەسىن“ وتكىزدى، بۇل ەكى ەلدىڭ دوستىق بارىس - كەلىسىنىڭ جاندى كۋاسىنا اينالدى. جۇڭگو مەن يتاليا ەكەۋى دە وركەنيەتتى بايىرعى ەلدەر، ءوزارا جان - جاقتى ستراتەگيالىق سەرىكتەر، كەڭ كولەمدى ورتاق مۇددە جانە تەرەڭ سەلبەستىك نەگىزى بار. ەكى جاق ءداستۇرلى دوستىققا مۇراگەرلىك ەتىپ جانە ونى اسقاقتاتىپ، ءبىر - ءبىرىنىڭ وزەكتى مۇددەسىن جانە ءجىتى نازار اۋدارىپ وتىرعان كەلەلى ىستەرىن ءتۇسىنىپ جانە قولداپ، ورتاقتىققا ۇمتىلىپ، پارىقتاردى ساقتاپ، ورتاق تانىمدى كەڭەيتىپ، تۇرلىشە قوعامدىق تۇزىمدەگى، تۇرلىشە مادەنيەت استارىنداعى ەلدەردىڭ قارىم - قاتىناستى دامىتۋىنىڭ ۇلگىسى بولۋ كەرەك.
شي جينپيڭ بىلاي دەپ باسا دارىپتەدى: ەكى جاقتىڭ جۇڭگو - يتاليا ۇكىمەتتەرى كوميتەتتەرىنىڭ جانە ءارقايسى سالانىڭ كەڭەس مەحانيزمىنەن ۇتىمدى پايدالانىپ، وزىق جاساۋ، تازا ەنەرگيا، اۆياتسيا، عارىش جانە 3 - جاق بازارى سياقتى سالالارداعى سەلبەستىكتىڭ ارتۋ تۇيىندەرىن اشۋىن ءۇمىت ەتەمىن. جۇڭگو جاق جوعارى دەڭگەيدەگى سىرتقا ەسىك اشۋعا تاباندى بولىپ، يتاليانىڭ اناعۇرلىم كوپ ساپالى ونىمدەرىن يمپورت ەتۋدى قالايدى، يتاليانىڭ 2023 - جىلعى جۇڭگو حالىقارالىق تۇتىنۋ بۇيىمدارى كورمەسىنىڭ نەگىزگى قوناق ەلى بولۋىن قارسى الادى. ەكى جاق 2026 - جىلعى ميلان قىسقى وليمپيادا سپورت جارىسىن كوزدەي وتىرىپ، قار - مۇز سپورتى جانە كاسىپ سالاسى سەلبەستىگىن كۇشەيتۋ كەرەك. جۇڭگو جاق يتاليا جاقپەن 20 ەل توبى سياقتى كوپ جاقتى تۇعىردا تىلدەسۋدى، سايكەسۋدى ۇزدىكسىز كۇشەيتىپ، ىنتىماقتى، سەلبەستىكتى تەرەڭدەتىپ، ناعىز كوپ جاقتىلىقتى اسقاقتاتىپ، الەمدىك ەكونوميكا سياقتى كەلەلى سايىستارعا قول ۇستاسا توتەپ بەرۋدى قالايدى. كەزەكتەگى جاعدايدا جۇڭگو - ەۆروپا قارىم - قاتىناسىنىڭ نىق قاداممەن الىسقا بەت الۋىن ىلگەرىلەتۋ ماڭىزدى مانگە يە. يتاليا جاقتىڭ ەۆروپا وداعىنىڭ دەربەس، ءوز - وزىنە قوجايىن بولاتىن بەلسەندى جۇڭگو ساياساتىن اتقارۋعا تاباندى بولۋىندا ماڭىزدى رول اتقارۋىن ءۇمىت ەتەدى.
مەلوني مىنالاردى ءبىلدىردى: مەن ءساتى كەلىپ ءتوراعا شي جينپيڭمەن كەزدەسكەندىگىمە ەرەكشە قۋانامىن. يتاليا مەن جۇڭگو ەكەۋى دە وركەنيەتتى بايىرعى ەلدەر، دوستىق بارىس - كەلىسىنىڭ تاريحى ۇزاق. يتاليا جاق ەكى ەلدىڭ مادەنيەت جانە ساياحات جىلى قيمىلىنا رازى، ەكى ەلدىڭ ساۋدا، مادەنيەت سياقتى سالالارداعى اۋىس - كۇيىسىن، سەلبەستىگىن ۇزدىكسىز ىلگەرىلەتۋدى قالايدى. يتاليا جاق توپقا ءبولىنىپ قارسىلاسۋدى جاقتامايدى، ءاربىر ەل ءبىر - ءبىرىنىڭ پارقىنا جانە الاۋىزدىعىنا قۇرمەت ەتىپ، ىنتىماقتى كۇشەيتىپ، كەڭەسۋگە، اۋىس - كۇيىس جاساسۋعا كۇش سالىپ، ءوزارا ءتۇسىنىسۋدى نىعايتۋى كەرەك دەپ قارايدى. جۇڭگو دۇنيە جۇزىندەگى ءىرى ەل، ازيانىڭ جەر شارىنداعى ىقپال كۇشى بارعان سايىن ارتۋدا، يتاليا جاق جۇڭگومەن بىرلەسكەن مەملەكەتتەر ۇيىمى، 20 ەل توبى سياقتى جۇلگەلەردە تىعىز ىستەستىك ورناتىپ، كەزەكتە دۇنيە ءجۇزى ءدوپ كەلگەن ءتۇرلى كوكەي تەستى سايىستارعا اناعۇرلىم ءونىمدى توتەپ بەرۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 16 - كۇنى يندونەزيانىڭ بالي ارالىنان بەرگەن حابارى (تىلشىلەر حۋاڭيىن جيازى، شيە مەيحۋا). جەرگىلىكتى ۋاقىت 11 - ايدىڭ 16 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى.
شي جينپيڭ بىلاي دەپ اتاپ كورسەتتى: كەزەكتە حالىقارالىق جاعدايدا كەلەلى وزگەرىستەر تۋىلۋدا. ءبىز، ءسوزسىز، ادامزاتتىڭ بولاشاعىن، تاعدىرىن ماڭىزدى ورىنعا قويىپ، قيىندىقتى بىلەك بىرىكتىرە جەڭىپ، ۋاقىتتىق قيىنشىلىقتى بىرگە ەڭسەرۋىمىز كەرەك. اسىرەسە، ءىرى ەل ءوزى ونەگە بولىپ، باستاماشىلدىق رولىن ساۋلەلەندىرىپ، دۇنيە جۇزىنە كوبىرەك سەنىم جانە كۇش - قۋات ۇستەۋى كەرەك. مەن بەيبىتشىلىك، دامۋ، سەلبەسۋ، بىرگە يگىلىككە كەنەلۋ سىندى تاريح اعىمىنىڭ ءالى دە بوگەۋ بەرمەيتىندىگىنە، ادامزاتتىڭ بولاشاعىنىڭ جارقىن ەكەندىگىنە كامىل سەنەمىن.
شي جينپيڭ بىلاي دەپ باسا دارىپتەدى: جۇڭگو بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنىڭ باتىل قولداۋشىسى. دۇنيە ءجۇزىنىڭ بەيبىتشىلىگىن جۇزەگە اسىرۋ ءۇشىن «بىرلەسكەن مەملەكەتتەر ۇيىمى ۋستاۆىنىڭ» باس ماقساتى مەن پرينسيبىنە، ءسوزسىز، بويسۇنۋ، ءار ەلدىڭ حاۋىپسىزدىك جونىندەگى ۇيلەسىمدى ءجىتى قاداعالاپ وتىرعان ماسەلەلەرىنە، ءسوزسىز، ءمان بەرۋ كەرەك. قازىر جەر شارىنىڭ دامۋ ءۇردىسى بۇرىن بولماعان سايىستارعا ءدوپ كەلدى، وركەندەپ كەلە جاتقان ەلدەر، اسىرەسە، ءالسىز ەلدەر اۋىر سوققىعا ۇشىرادى. ءبىز دامۋدى حالىقارالىق كەڭەس ءتارتىبىنىڭ وزەكتى ورنىنا قويىپ، الەمدىك دامۋدىڭ جاڭا قوزعاۋشى قۋاتىن جەتىلدىرىپ، الەمدىك دامۋدىڭ سەرىكتەستىك قارىم - قاتىناسىن ورناتىپ، اناعۇرلىم تەبىندى، جاسىل، اقاۋسىز الەمدىك دامۋدى جۇزەگە اسىرۋدى ىلگەرىلەتىپ، دامۋ جەتىستىكتەرىنەن ءاربىر ەلدىڭ، ءاربىر ادامنىڭ اناعۇرلىم مول، اناعۇرلىم ءادىل يگىلىكتەنۋىنە مۇمكىندىك جاساۋىمىز كەرەك. وسى جاقتا ءار ەل ايتقانىن ورىنداپ، ناتيجەسىن كورسەتۋى، قۇر ايعاي، ۇران سالا بەرمەۋى كەرەك. جۇڭگو جاق بىرلەسكەن مەملەكەتتەر ۇيىمىمەن سەلبەستىكتى كۇشەيتىپ، الەمدىك دامۋ باستاماسىنىڭ، الەمدىك حاۋىپسىزدىك باستاماسىنىڭ ناقتى جەتىستىكتەرگە قول جەتكىزۋىن بىرگە ىلگەرىلەتۋدى قالايدى. ءبىز جۇڭگو ۇلگىسىندەگى وسىزامانداندىرۋ ارقىلى ادامزاتتىڭ تۇتاستاي العا باسۋىن ىلگەرىلەتىپ، جۇڭگونىڭ جاڭا دامۋىمەن دۇنيە جۇزىنە جاڭا وراي اكەلىپ، اۋمالى - توكپەلى دۇنيە ءجۇزى ءۇشىن اناعۇرلىم كوپ ورنىقتىلىق جانە تۇراقتىلىق ازىرلەيمىز. جۇڭگو جاق ناعىز كوپ جاقتىلىققا ۇزدىكسىز تاباندى بولىپ، بىرلەسكەن مەملەكەتتەر ۇيىمىنىڭ قىزمەتىن تاباندىلىقپەن قولدايدى.
گۋتەرەس شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە قۇتتىقتادى. ول مىنالاردى ءبىلدىردى: وركەندەپ كەلە جاتقان ەلدەر استىق، ەنەرگيا، كليمات وزگەرىسى سياقتى ءبىر - بىرلەگەن داعدارىستاردى باستان وتكىزۋدە، الەمدىك دامۋدىڭ تەپە - تەڭ بولماۋ، بىركەلكى بولماۋ جايتى ەرەكشە اۋىر. بىرلەسكەن مەملەكەتتەر ۇيىمى جۇڭگونىڭ كوپ جاقتىلىققا تاباندى بولعاندىعىن ايرىقشا القايدى. جۇڭگو جاق العا قويعان الەمدىك دامۋ باستاماسى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەس تارتىبىنە ۇيلەسەدى، وركەندەپ كەلە جاتقان ەلدەردىڭ بىرگە دامۋىنا كومەكتەسۋ جاعىندا جۇڭگونىڭ جاساعان قۇلشىنىستارى تەڭدەسسىز. بىرلەسكەن مەملەكەتتەر ۇيىمى ءبىر جۇڭگو پرينسيبىن باتىل قولدايدى، ءبىر جۇڭگو پرينسيبى سوقتىعۋعا بولمايتىن قىزىل سىزىق، ءسوزسىز، قۇرمەتتەلۋى كەرەك. بىرلەسكەن مەملەكەتتەر ۇيىمى جۇڭگومەن قويۋ سەلبەستىكتى جالعاستىرۋدى قالايدى، جۇڭگونىڭ دۇنيە ءجۇزىنىڭ بەيبىتشىلىگى مەن دامۋىن قورعاۋدا اناعۇرلىم ماڭىزدى رول اتقارۋىن ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
