شي جينپيڭ يندونەزيانىڭ زۇڭتۇڭى جوكومەن كەڭەس وتكىزدى
2022.11.18 16:16 كەلۋ قاينارى : شينجياڭ گازەتى
جەرگىلىكتى ۋاقىت 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يندونەزيانىڭ زۇڭتۇڭى جوكومەن كەڭەس وتكىزدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 11 - ايدىڭ 16 - كۇنى يندونەزيانىڭ بالي ارالىنان بەرگەن حابارى (تىلشىلەر يۇي چيانلياڭ، ليۋ حۋا). جەرگىلىكتى ۋاقىت 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يندونەزيانىڭ زۇڭتۇڭى جوكومەن كەڭەس وتكىزدى. ەكى ەلدىڭ مەملەكەت باسشىلارى جۇڭگو - يندونەزيا تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلىپ، كەلەر جىلعى جۇڭگو مەن يندونەزيانىڭ جان - جاقتى ستراتەگيالىق سەرىكتەستىك قارىم - قاتىناس ورناتقاندىعىنىڭ 10 جىلدىعىن وراي ەتىپ، جوعارى دەڭگەيدەگى سەلبەستىكتىڭ جاڭا ارناسىن تۇلعالاۋعا ءبىر اۋىزدان قوسىلدى.
شي جينپيڭ مەن جوكو الدىمەن بەينە ەكراندا جاكارتا - باندۇڭ جوعارى قارقىندى تەمىر جولىنىڭ سىناق رەتىندە ىسكە قوسىلعاندىعىن كوردى ءارى ەكى ەلدىڭ سەلبەستىك جەتىستىكتەرى كورمەسى بەينەكەسكىنىن كوردى.
ەكى ەلدىڭ مەملەكەت باسشىلارى جاكارتا - باندۇڭ جوعارى قارقىندى تەمىر جولى قۇرىلىسىنىڭ ىلگەرىلەۋ جاعدايىنان بەرىلگەن مالىمەتتى تىڭدادى. ۋنيۆەرسال تەكسەرۋ - ولشەۋ پويەزىنىڭ جۇڭگو جاق پەن يندونەزيانىڭ شوفەرلارى جەكە - جەكە جاكارتا - باندۇڭ جوعارى قارقىندى تەمىر جولىن ۋنيۆەرسال تەكسەرۋ - ولشەۋ پويەزىنىڭ دايىندىعى بىتكەندىگىن مالىمدەدى.
شي جينپيڭ مەن جوكو: ”باستالسىن!“ دەگەن بۇيرىق بەردى، جاڭا دا ادەمى ۋنيۆەرسال تەكسەرۋ - ولشەۋ پويەزى تەگاللۋر ۆوگزالىنان باياۋ قوزعالىپ، بىرتىندەپ قارقىن الىپ العا قاراي ءجۇردى. بۇكىل الاڭىنان شاتىرلاعان شاپالاق ءۇنى كوتەرىلدى.
جاكارتا - باندۇڭ جوعارى قارقىندى تەمىر جولى يندونەزيا مەن شىعىس وڭتۇستىك ازياداعى تۇڭعىش جوعارى قارقىندى تەمىر جول، پويەز قاتىناعاننان كەيىن جاكارتا مەن باندۇڭ ارالىعىندا جولاۋشىلاۋ ۋاقىتى قازىرگى 3 ساعاتتان استام ۋاقىتتان 40 مينۋتقا قىسقارادى.
ەكى ەلدىڭ مەملەكەت باسشىلارى وسىدان كەيىن كەڭەس وتكىزدى.
شي جينپيڭ يندونەزيانىڭ 20 ەل توبى باسشىلارىنىڭ باسشىلار ءماجىلىسىن تابىستى وتكىزگەندىگىن قۇتتىقتادى. شي جينپيڭ بىلاي دەپ اتاپ كورسەتتى: جۇڭگو - يندونەزيا سەلبەستىگى ناقتى تابىسقا قول جەتكىزىپ، ەكى ەل حالقىن باقىتقا كەنەلتىپ قويماي، وڭىرلىك جانە الەمدىك دەڭگەيدە دە بەلسەندى ىقپال تۋدىردى. جۇڭگو كوممۋنيستىك پارتياسىنىڭ 20 - قۇرىلتايى جاڭا ءداۋىردىڭ جاڭا جورىعىنداعى جۇڭگو كوممۋنيستىك پارتياسىنىڭ وزەكتى مىندەتىن تۇراقتاندىردى. يندونەزيا دا 2045 - جىلى مەملەكەت قۇرىلعاندىعىنىڭ 100 جىلدىعى بولاشاق جوباسىنا قاراي ارشىندى قادام تاستاۋدا. جۇڭگو يندونەزيامەن سەلبەسىپ قارايلاسۋدى، سەرىكتەسىپ ساپارلاس بولۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق يندونەزيامەن بىرگە ”ءبىر بەلدەۋ، ءبىر جول“ باستاماسىن يندونەزيانىڭ ”الەمدىك تەڭىز - مۇحيت تىرەگى“ ويىمەن ۇشتاستىرۋدى ۇزدىكسىز تەرەڭدەتىپ، جاكارتا - باندۇڭ جوعارى قارقىندى تەمىر جولىنىڭ ەرتەرەك سالىنىپ ءبىتىپ ىسكە قوسىلۋىن ىلگەرىلەتۋدى قالايدى. ەكى جاق ”وڭىرلىك كەشەندى ەكونوميكالىق ءدالىز“ جانە ”ەكى ەل، ەكى باقشا“ قۇرىلىسىن ۇزدىكسىز ىلگەرىلەتىپ، ەكى جاق سەلبەستىگىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك. جۇڭگو جاق يندونەزيانىڭ وڭىرلىك ۆاكسينا ءوندىرۋ ورتالىعىن قۇرۋىن ۇزدىكسىز قولداپ، ۆاكسينانى بىرلەسىپ زەرتتەۋ - اشۋدى ىلگەرىلەتەدى. يندونەزيانىڭ باسىمدىققا يە ءتىپتى دە كوپ ونىمدەرىنىڭ جۇڭگوعا كىرۋىن قارسى الادى. جۇڭگو جاق جۇڭگو قارجىلاندىرعان تاڭداۋلى كاسىپورىنداردى يندونەزيانىڭ كەلەلى نەگىزدىك قۇرىلعى قۇرىلىستارى نىساندارىنا ات سالىسۋعا ۇزدىكسىز ىنتالاندىرىپ، يندونەزيانىڭ جاڭا استانا جانە سولتۇستىك كاليماتتان ونەركاسىپ باقشاسىن سالۋىنا كۇش ۇستەپ، سيفرلى ەكونوميكا، جاسىل دامۋ سياقتى سەلبەستىكتەردى كەڭەيتەدى.
شي جينپيڭ بىلاي دەپ اتاپ كورسەتتى: جۇڭگو مەن يندونەزيا وركەندەپ كەلە جاتقان ءىرى ەلدەردىڭ جانە بازارى جاڭادان كوركەيگەن ەلدەردىڭ ۋاكىلدەرى رەتىندە، ناعىز كوپ جاقتىلىققا تاباندى بولىپ، نازاردى كەدەيلىكتى ازايتۋ، استىق حاۋىپسىزدىگى، دامۋعا قارجى قۇراۋ سياقتى ءتۇيىندى سالالارعا شوعىرلاندىرىپ، الەمدىك دامۋ باستاماسىن تياناقتاندىراتىن كوز تارتاتىن ينجەنەريالاردى قۇرىپ، اناعۇرلىم قۋاتتى، جاسىل، اقاۋسىز الەمدىك دامۋدى جۇزەگە اسىرۋعا بەلسەندى ۇلەس قوسىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ كەرەك. جۇڭگو جاق يندونەزيانىڭ كەلەر جىلى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولۋىن قولداپ، نازاردى دامۋ مەن سەلبەستىككە شوعىرلاندىرىپ، ”بەس ۇلكەن مەكەن“ قۇرىلىسىن ىلگەرىلەتىپ، اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرادى.
جوكو مىنالاردى ءبىلدىردى: مەن ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە بەت - بەتپە قۇتتىقتاعىم كەلەدى. الگىندە ءتوراعا شي جينپيڭمەن بىرگە جاكارتا - باندۇڭ جوعارى قارقىندى تەمىر جولىنىڭ سىناق رەتىندە ىسكە قوسىلعاندىعىنا كۋا بولدىم، بۇل ەكى ەلدىڭ ستراتەگيالىق سيپاتتى سەلبەستىگىنىڭ سيمۆولى، يندونەزيا جۇڭگو جاقپەن بىرگە جاكارتا - باندۇڭ جوعارى قارقىندى تەمىر جولىنىڭ كەلەر جىلى ۋاعىندا ىسكە قوسىلۋىنا كۇش سالا شىنايى كەپىلدىك ەتۋدى قالايدى. يندونەزيا ەكى جاقتىڭ جاڭا تيپتى ايدارشا ۆيرۋس وكپە قابىنۋ ۆاكسيناسىن زەرتتەۋ - اشۋ، ءوندىرۋ سياقتى سالالارداعى سەلبەستىگىنە ءدان ريزا جانە العىس ايتادى، ەمدەۋ - دەنساۋلىق ساقتاۋ سەلبەستىگىن ۇزدىكسىز كۇشەيتۋدى قالايدى. يندونەزيا جۇڭگو جاقپەن بىرگە ”وڭىرلىك كەشەندى ەكونوميكالىق ءدالىز“، ”ەكى ەل، ەكى باقشا“ سياقتى ماڭىزدى نىسانداردى ويداعىداي قۇرۋدى جانە يندونەزيانىڭ سولتۇستىك كاليماتتان ونەركاسىپ باقشاسىن سالۋدى قالايدى. ەكى جاقتىڭ ستراتەگيالىق سەلبەستىك پەن ناقتى ىستەر سەلبەستىگىن تەرەڭدەتىپ، ەكى ەلدىڭ تاعدىرلاس ورتاق تۇلعاسىن بىرگە قۇرۋدى ءۇمىت ەتەمىن. يندونەزيا شىعىس وڭتۇستىك ازيا ەلدەرى وداعى مەن جۇڭگونىڭ دوستىق سەلبەستىك قارىم - قاتىناسىنىڭ دامۋىن بەلسەنە جەبەۋدى قالايدى.
ەكى ەلدىڭ مەملەكەت باسشىلارى جان - جاقتى ستراتەگيالىق سەرىكتەستىك قارىم - قاتىناستى كۇشەيتۋ ارەكەت جوسپارى (2022 − 2026)، ”ءبىر بەلدەۋ، ءبىر جولدى“ بىرگە قۇرۋ سەلبەستىك جوباسى جانە ەكونوميكا - ساۋدا سەلبەستىگى، سيفرلى ەكونوميكا، كاسىپتىك وقۋ - اعارتۋ، دارىلىك وسىمدىكتەر سياقتى سالالارداعى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن يندونەزيا رەسپۋبليكاسىنىڭ بىرلەسكەن مالىمدەمەسىن» جاريالادى.
ديڭ شۋەشياڭ، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
