شي جينپيڭ ليۋكسەمبۋرگتىڭ كىنازى حەنريمەن جۇڭگو مەن ليۋكسەمبۋرگتىڭ ديپلوماتيالىق قارىم - قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
لي كىچياڭ ليۋكسەمبۋرگتىڭ باس ءۋازىرى بەتتەرمەن ءوزارا قۇتتىقتاۋ تەلەگرامماسىن جولدادى
2022.11.17 16:25 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 16 - كۇنى، بەيجيڭ. 11 - ايدىڭ 16 - كۇنى مەملەكەت ءتوراعاسى شي جينپيڭ ليۋكسەمبۋرگتىڭ كىنازى حەنريمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 50 جىلدان بەرى جۇڭگو مەن ليۋكسەمبۋرگ باستان - اياق ءوزارا قۇرمەت ەتىپ، ءوزارا سەنىم ارتىپ، ءىرى، شاعىن ەلدەردىڭ دوستىق قارىم - قاتىناسىنىڭ، ءوزارا ءتيىمدى سەلبەستىگىنىڭ ۇلگىسىنە اينالدى. ەكى ەلدىڭ ءار سالاداعى اۋىس - كۇيىسى مەن سەلبەستىگىنىڭ تابىسى مول بولدى، جىڭجوۋ - ليۋكسەمبۋرگ «اۋە جىبەك جولى» جۇڭگو مەن ەۆروپانى ۇلاستىرۋدىڭ، تۇتاستىرۋدىڭ اۋە كوپىرىن سالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن ليۋكسەمبۋرگ ەكى ەلدىڭ دوستىعىنا تىڭ مازمۇن قوسىلدى. مەن جۇڭگو - ليۋكسەمبۋرگ قارىم - قاتىناسىنىڭ دامۋىنا ايرىقشا ءمان بەرەمىن، حەنري كىنازبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن وراي ەتىپ، جۇڭگو - ليۋكسەمبۋرگ قارىم - قاتىناسىنىڭ باياندى، اقاۋسىز دامۋىن ىلگەرىلەتىپ، ەكى ەلگە جانە ەكى ەل حالىقتارىنا باقىت جاراتۋدى قالايمىن.
حەنري مىنانى ءبىلدىردى: ليۋكسەمبۋرگ پەن جۇڭگو ديپلوماتيالىق قاتىناس ورناتقان جارتى عاسىردان بەرى ەكى جاقتىڭ ساياسي، ەكونوميكا، گۋمانيتارلىق سياقتى سالالارداعى سەلبەستىگىنىڭ تابىسى كورنەكتى بولىپ، ەكى ەل حالىقتارىنىڭ دوستىعى ۇزدىكسىز تەرەڭدەدى. ليۋكسەمبۋرگ جۇڭگومەن بىرگە اۋىس - كۇيىستى جەبەپ، سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.
وسى كۇنى مەملەكەتتىك كەڭەستىڭ زۇڭليى لي كىچياڭ ليۋكسەمبۋرگتىڭ باس ءۋازىرى بەتتەرمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو ليۋكسەمبۋرگپەن ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتاۋدى وراي ەتىپ، ەكى جاقتىڭ ءار سالاداعى ناقتى سەلبەستىگىن تىڭعىلىقتى ىلگەرىلەتىپ، جۇڭگو - ليۋكسەمبۋرگ قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. بەتتەر مىنانى ءبىلدىردى: ليۋكسەمبۋرگ ليۋكسەمبۋرگ - جۇڭگو قارىم - قاتىناسىنىڭ دامۋىنا ايرىقشا ءمان بەرەدى، جۇڭگومەن بىرگە ەكى ەل سەلبەستىگىنىڭ جاڭا سالالارىن ۇزدىكسىز اشىپ، ەكى جاقتى قاتىناستىڭ ۇزدىكسىز دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
