شي جينپيڭ يندونەزيانىڭ زۇڭتۇڭى جوكومەن كەڭەس وتكىزدى
2022.11.17 16:17 كەلۋ قاينارى : حالىق تورابى
 |
سول جەر ۋاقىتى بويىنشا 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يندونەزيانىڭ زۇڭتۇڭى جوكومەن كەڭەس وتكىزدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 11 - ايدىڭ 16 - كۇنى، يندونەزيانىڭ بالي ارالى (تىلشىلەر گۋان كىجياڭ، يۇي ي - چۇن). سول جەر ۋاقىتى بويىنشا 11 - ايدىڭ 16 - كۇنى كەشتە مەملەكەت ءتوراعاسى شي جينپيڭ بالي ارالىندا يندونەزيانىڭ زۇڭتۇڭى جوكومەن كەڭەس وتكىزدى. ەكى ەل باسشىلارى جۇڭگو مەن يندونەزيانىڭ تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلىپ، كەلەر جىلى جۇڭگو مەن يندونەزيانىڭ جالپى بەتتىك ستراتەگيالىق سەرىكتەستىك قاتىناس ورناتقانىنىڭ 10 جىلدىعىن وراي ەتىپ، جوعارى دەڭگەيدەگى سەلبەستىكتىڭ جاڭا جاعدايىن قالىپتاستىرۋعا ءبىر اۋىزدان ماقۇل بولدى.
شي جينپيڭ مەن جوكو الدىمەن بەينە ەكران ارقىلى جاكارتا - باندۇڭ جوعارى قارقىندىق تەمىر جولىنىڭ سىناق اينالىمىن بىرگە كوردى ءارى ەكى ەلدىڭ سەلبەستىك جەتىستىكتەرى كورمەسىنىڭ بەينە ماتەريالىن كوردى.
ەكى ەل باسشىلارى جاكارتا - باندۇڭ جوعارى قارقىندىق تەمىر جول قۇرىلىسىنىڭ ىلگەرىلەتىلۋ جاعدايى جونىندەگى مالىمەتتى تىڭدادى. پويەزدىڭ جۇمىس اينالىسىن جالپىلىق تەكسەرەتىن جۇڭگو جاقتاعى جانە يندونەزيا جاقتاعى شوفەرلەر جاكارتا - باندۇڭ جوعارى قارقىندىق تەمىر جولىنىڭ پويەزىن جالپىلىق تەكسەرۋ دايىندىعى ورىندالىپ بولعانىن جەكە - جەكە مالىمدەدى.
شي جينپيڭ مەن جوكو «باستالسىن!» دەپ بۇيرىق بەردى. شىت جاڭا، ادەمى جالپىلىق تەكسەرۋ پويەزى دەكارۋل بەكەتىنەن باياۋ شىقتى ءارى قارقىنىن بىرتىندەپ جەدەلدەتتى. تۇتاس الاڭدا دۋ قول شاپالاق ءۇنى كوتەرىلدى.
جاكارتا - باندۇڭ جوعارى قارقىندىق تەمىر جولى − يندونەزيا مەن شىعىس وڭتۇستىك ازياداعى تۇڭعىش جوعارى قارقىندىق تەمىر جول، پويەز قاتىناعاننان كەيىن جاكارتا مەن بانلۇڭ اراسىنداعى ساياحات ۋاقىتى قازىرگى 3 ساعاتتان استام ۋاقىتتان 40 مينۋتقا قىسقارادى.
ەكى ەلدىڭ مەملەكەت باسشىلارى وسىدان كەيىن كەڭەس وتكىزدى.
شي جينپيڭ يندونەزيانىڭ 20 ەل توبى باسشىلارىنىڭ باسشىلار ءماجىلىسىن ءساتتى وتكىزگەنىن قۇتتىقتادى. شي جينپيڭ بىلاي دەپ اتاپ كورسەتتى: جۇڭگو مەن يندونەزيا سەلبەستىگى ناقتى تابىستارعا قول جەتكىزىپ، ەكى ەل حالىقتارىنا باقىت جاراتۋمەن بىرگە، وڭىرلىك جانە دۇنيە جۇزىلىك دەڭگەيدە بەلسەندى ىقپال تۋدىردى. جۇڭگو كوممۋنيستىك پارتياسىنىڭ 20 - قۇرىلتايى جاڭا ءداۋىر، جاڭا جورىقتاعى جۇڭگو كوممۋنيستىك پارتياسىنىڭ وزەكتى مىندەتىن تۇراقتاندىردى. يندونەزيا دا 2045 - جىلعى مەملەكەت قۇرۋدىڭ 100 جىلدىعى بولاشاق نىساناسىنا قاراي جەدەل قادام تاستادى. جۇڭگو يندونەزيامەن ءوزارا كومەكتەسىپ، بىرگە العا باسۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق يندونەزيامەن «ءبىر بەلدەۋ، ءبىر جول» باستاماسىن ۇزدىكسىز تەرەڭدەتۋدى يندونەزيانىڭ «دۇنيە جۇزىلىك تەڭىز - مۇحيت ءتۇيىنى» وي جەلىسىمەن ۇشتاستىرىپ، جاكارتا - باندۇڭ جوعارى قارقىندىق تەمىر جولىنىڭ ەرتەرەك سالىنىپ، ىسكە قوسىلۋىن ىلگەرىلەتۋدى قالايدى. ەكى جاق «وڭىرلىك جالپىلىق ەكونوميكالىق ءدالىز» جانە «ەكى ەلدىڭ قوس باقشاسى» قۇرىلىسىن ۇزدىكسىز ىلگەرىلەتىپ، ەكى جاق سەلبەستىگىنىڭ تاعى دا تىڭ ساتىعا كوتەرىلۋىن ىلگەرىلەتۋى كەرەك. جۇڭگو جاق يندونەزيانىڭ وڭىرلىك ۆاكسينا ءوندىرۋ ورتالىعىن قۇرۋىن ۇزدىكسىز قولداپ، ۆاكسينانى بىرلەسىپ زەرتتەپ اشۋدى ىلگەرىلەتەدى. يندونەزيانىڭ اناعۇرلىم كوپ ابزال ونىمدەرىنىڭ جۇڭگوعا كىرۋىن قارسى الامىز. جۇڭگو جاق جۇڭگو قارجىلاندىرعان تاڭداۋلى كاسىپورىنداردى يندونەزيانىڭ كەلەلى نەگىزدىك قۇرىلعى قۇرىلىسى نىساندارىنا ات سالىسۋعا ۇزدىكسىز شابىتتاندىرىپ، يندونەزيانىڭ جاڭا استانا جانە سولتۇستىك كاليمانتان ونەركاسىپ باقشاسىن قۇرۋىنا دەم بەرىپ، سيفرلى ەكونوميكا، جاسىل دامۋ سياقتى سەلبەستىكتەردى كەڭەيتەدى.
شي جينپيڭ بىلاي دەپ اتاپ كورسەتتى: جۇڭگو مەن يندونەزيا وركەندەپ كەلە جاتقان ءىرى ەلدەردىڭ جانە بازارى جاڭادان گۇلدەنگەن ەلدەردىڭ ۋاكىلى رەتىندە، ناعىز كوپ جاقتىلىقتا تاباندى بولىپ، نازاردى كەدەيلىكتى ازايتۋ، استىق حاۋىپسىزدىگى، دامۋ سياقتى ءتۇيىندى سالالارعا شوعىرلاندىرىپ، دۇنيە جۇزىلىك دامۋ باستاماسىنىڭ كورىنەۋ ينجەنەرياسىن قالىپتاستىرىپ، اناعۇرلىم پارمەندى، جاسىل، اقاۋسىز دۇنيە جۇزىلىك دامۋدى جۇزەگە اسىرۋعا بەلسەندى ۇلەس قوسىپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋى كەرەك. جۇڭگو جاق يندونەزيانىڭ كەلەر جىلى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولۋىن قولدايدى، نازاردى دامۋ مەن سەلبەستىككە شوعىرلاندىرىپ، «بەس ۇلكەن مەكەن» قۇرىلىسىن ىلگەرىلەتىپ، جۇڭگو مەن شىعىس وڭتۇستىك ازيا ەلدەرى وداعىنىڭ اناعۇرلىم تىعىز تاعدىرلاس ورتاق تۇلعاسىن قۇرادى.
جوكو مىنالاردى ءبىلدىردى: مەن ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيلىگىنە تاعى دا تاعايىندالعانىن بەتپە - بەت قۇتتىقتايمىن. الگىندە ءتوراعا شي جينپيڭ ەكەۋىمىز جاكارتا - باندۇڭ جوعارى قارقىندىق تەمىر جولىنىڭ سىناق اينالىمىنا كۋا بولدىق، بۇل − ەكى ەلدىڭ ستراتەگيالىق سەلبەستىگىنىڭ سيمۆولى، يندونەزيا جۇڭگومەن بىرگە جاكارتا - باندۇڭ جوعارى قارقىندىق تەمىر جولىنىڭ كەلەر جىلى ۋاعىندا ىسكە قوسىلۋىنا كەپىلدىك ەتۋدى قالايدى. يندونەزيا ەكى جاقتىڭ جاڭا تيپتى ايدارشا ۆيرۋس وكپە قابىنۋى ۆاكسيناسىن زەرتتەۋ - اشۋ، ءوندىرۋ سياقتى سالالارداعى سەلبەستىگىنە ريزالىق بىلدىرەدى جانە العىس ايتادى، ەمدەۋ - دەنساۋلىق ساقتاۋ سەلبەستىگىن ۇزدىكسىز كۇشەيتۋدى قالايدى. يندونەزيا جۇڭگومەن بىرگە «وڭىرلىك جالپىلىق ەكونوميكالىق ءدالىز»، «ەكى ەلدىڭ قوس باقشاسى» سياقتى ماڭىزدى نىسانداردى، سونداي - اق يندونەزيانىڭ سولتۇستىك كاليمانتان ونەركاسىپ باقشاسى قۇرىلىسىن ويداعىداي جۇرگىزۋدى قالايدى. ەكى جاقتىڭ ستراتەگيالىق سەلبەستىك پەن ناقتى سەلبەستىكتى تەرەڭدەتىپ، ەكى ەلدىڭ تاعدىرلاس ورتاق تۇلعاسىن بىرگە قالىپتاستىرۋىن ءۇمىت ەتەمىن. يندونەزيا شىعىس وڭتۇستىك ازيا ەلدەرى وداعى مەن جۇڭگونىڭ دوستىق سەلبەستىك قاتىناسىنىڭ دامۋىن بەلسەندىلىكپەن جەبەۋدى قالايدى.
ەكى ەلدىڭ مەملەكەت باسشىلارى جالپى بەتتىك ستراتەگيالىق سەرىكتەستىك قارىم - قاتىناستى كۇشەيتۋ ارەكەت جوسپارىنا (2022 − 2026)، «ءبىر بەلدەۋ، ءبىر جولدى» بىرگە قۇرۋ سەلبەستىك جوباسىنا، سونداي - اق ەكونوميكا - ساۋدا سەلبەستىگى، سيفرلى ەكونوميكا، كاسىپتىك وقۋ - اعارتۋ، دارىلىك وسىمدىكتەر سياقتى سالالارداعى سەلبەستىك قۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن يندونەزيا رەسپۋبليكاسىنىڭ بىرلەسكەن مالىمدەمەسىن» جاريالادى.ديڭ شۋەشياڭ، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
