ءۇش رەت ۆاكسينا ەكتىرىپ بولعان سوڭ، سىمىرەتىن فورماداعى ۆاكسينانى دا ەكتىرۋ كەرەك پە
2022.11.17 16:14 كەلۋ قاينارى : حالىق تورابى
11 - ايدىڭ 16 - كۇنى تۇستەن كەيىن، بەيجيڭ قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى 415 - رەتكى اقپار جاريالاۋ ماجىلىسىندە، چاۋياڭ رايونىنىڭ ورىنباسار باستىعى ياڭ بەيبەي بىلاي دەپ تانىستىردى: قازىر چاۋياڭ رايونى جاڭا تيپتى ايدارشا ۆيرۋستى قايتادان تۋىنداتۋدان ساقتاندىراتىن سىمىرەتىن فورماداعى ۆاكسينانى ەگۋگە تاپسىرىس بەرۋدى باستاعان، بۇل كۇشەيتپەلى ۆاكسينا ورنىندا ەگىلەدى. جاڭا تيپتى ايدارشا ۆيرۋس ۆاكسيناسىن ەكتىرۋ ءالى دە ىندەتتىڭ تارالۋىن ۇزۋدەگى ءونىمدى ءتاسىل بولۋمەن بىرگە، جۇعىمدالعان جاعدايدا ناۋقاستىڭ سالماقتى بولۋىنان نەمەسە قازا بولۋدان ساقتانۋداعى ەڭ جاقسى شارا بولىپ وتىر. ۆاكسينا ەكتىرمەگەن قالا تۇرعىندارىن، وتە - موتە، قارتتاردى، ەگەر شارت - جاعداي جار بەرەتىن بولسا، جاڭا تيپتى ايدارشا ۆيرۋس ۆاكسيناسىن دەر كەزىندە ەكتىرىپ، ءوزىن قورعاۋعا، وتباسىنداعىلاردى قورعاۋعا، يممۋنيتەت قالتقىسىن قالىپتاستىرىپ، دەنساۋلىق حاۋىپسىزدىگىن قورعاۋعا ۇندەيمىز.
بەيجيڭنەن سىرت، جۋىردا جەر - جەر «سىمىرەتىن فورماداعى ۆاكسينانى» ەگۋ قىزمەتىن باستاعان.
«ۆاكسينا ەكتىرۋ حىسۋان ناتيجەسىنە ىقپال جاساي ما»، «ۆاكسينانىڭ ءۇشىنشى دوزاسىن ەكتىرىپ بولعاندار دا ەكتىرۋى كەرەك پە؟»، «مۇنداي ۆاكسينانى بالالاردىڭ ەكتىرۋىنە بولا ما؟» ... وسى تەكتەس قاتىستى ماسەلەلەرگە جۇرت نازار اۋدارۋدا.
ۆاكسينانىڭ ءۇشىنشى دوزاسىن ەكتىرىپ بولعانداردىڭ جاڭا تيپتى ايدارشا ۆيرۋسقا باعىتتالعان «سىمىرەتىن فورماداعى» ۆاكسينانى ەكتىرۋىنىڭ قاجەتى جوق
«بەيجيڭ كەشى» گازەتىنىڭ حابارلاۋىنشا، قازىر جاڭا تيپتى ايدارشا ۆيرۋسقا باعىتتالعان «سىمىرەتىن فورماداعى» ۆاكسينا تەك 18 جاستان جوعارىلارعا ارنالعان، ونىڭ ۇستىنە، يممۋنيتەتتى كۇشەيتۋ ماقساتىندا ەگىلەدى، جانسىزداندىرىلعان ۆاكسينانىڭ ەكى دوزاسىن (بەيجيڭ بيولوگيالىق ءدارى - دارمەك سەرىكتەستىگى، كىشيڭ سەرىكتەستىگى، ۋحان بيولوگيالىق ۆاكسينا سەرىكتەستىگى وندىرگەن ۆاكسينالاردى قامتيدى) ەكتىرىپ بولعان نەمەسە كانسينو قايتا تۋىنداتىلعان جاڭا تيپتى ايدارشا ۆيرۋس ۆاكسيناسىن ەكتىرىپ بولعان سوڭ التى ايدان كەيىن ەكتىرۋ كەرەك، ۆاكسينانىڭ ءۇشىنشى دوزاسىن ەكتىرىپ بولعانداردىڭ «سىمىرەتىن فورماداعى» جاڭا تيپتى ايدارشا ۆيرۋس ۆاكسيناسىن ەكتىرۋىنىڭ قاجەتى جوق.
ءدامى تاتتىلەۋ
«سىمىرەتىن فورماداعى» جاڭا تيپتى ايدارشا ۆيرۋس ۆاكسيناسىن ەكتىرىپ بولعان جاڭ مىرزا: «سەسترا اق ءتۇستى گازدى ستاكانعا قۇيىپ، ماعان اۋىز ارقىلى سىمىرگەن سوڭ تىنىس الماۋدى ايتتى، ءدامىنىڭ تاتتىلەۋ ەكەنىن سەزدىم، ۆاكسينا ەكتىرۋ بارىسىندا ەشقانداي جايسىزدانبادىم»، — دەدى. جاڭ مىرزا بۇكىل بارىستىڭ وتە تەز بولعانىن، شامامەن ءبىر مينۋت اينالاسىندا ۆاكسينانى ەكتىرىپ بولعانىن ايتتى.
ەكتىرىپ بولعان سوڭ، كەز كەلگەن ۋاقىتتا حىسۋان ىستەتۋگە بولادى
ۆاكسينا ەگۋگە جاۋاپتى سەسترانىڭ تانىستىرۋىنشا، «سىمىرەتىن فورماداعى» جاڭا تيپتى ايدارشا ۆيرۋس ۆاكسيناسىن ەكتىرۋ بارىسى باستىسى بۋلاندىرۋ جانە ءسىمىرۋ سىندى ەكى باسقىشتى قامتيدى. ۆاكسينا سۇيىقتىعىن بۋلاندىرۋ اسپابى ارقىلى بۋلاندىرىپ، ۇساق تۇيىرلەرگە اينالدىرعان سوڭ، بۋلاندىرۋ ستاكانىنا قۇيادى، ىلە - شالا، ۆاكسينا سۇيىقتىعى بۋلانعان سوڭ 15 سەكۋند ىشىندە ۆاكسينا ەكتىرۋشى اۋىزبەن ءسىمىرۋدىڭ بۇكىل بارىسىن ورىنداپ بولۋى كەرەك ءارى كەمىندە بەس سەكۋند تىنىس الماۋى كەرەك. «ەكتىرىپ بولعان سوڭ، ويداعىداي دەمالۋ، كەيبىر وڭاي رەاكسيا بەرەتىن ازىقتىقتاردى جەۋدەن ساقتاۋ كەرەك، ەكتىرىپ بولعان سوڭ، حىسۋان ناتيجەسىنە ىقپال جاسامايدى، تۇرعىنداردىڭ كەز كەلگەن ۋاقىتتا حىسۋان تەكسەرتۋىنە بولادى».
ەمدەۋ قىزمەتكەرلەرى ۆاكسينا ەكتىرىپ بولعان تۇرعىندارعا مىنانى ەسكەرتەدى: سىمىرەتىن فورماداعى جاڭا تيپتى ايدارشا ۆيرۋس ۆاكسيناسى ءداستۇرلى ۋكىل فورماسىنداعى ۆاكسينامەن ۇقساس، ەكتىرىپ بولعان سوڭ ەكەۋى دە 30 مينۋتتىق باقىلاپ كورۋدى قاجەت ەتەدى، قايتىپ بارعان سوڭ جۋىنۋعا بولادى، الايدا، ەكتىرگەن كۇنى قاتتى ارەكەتتەنبەگەن ءجون، اراق ىشۋگە دە بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
