شي جينپيڭ 20 ەل توبى باسشىلارىنىڭ 17 - رەتكى باسشىلار ماجىلىسىنە قاتىناستى ءارى ماڭىزدى ءسوز سويلەدى
2022.11.16 16:14 كەلۋ قاينارى : حالىق تورابى
 |
سول جەر ۋاقىتى بويىنشا 11 - ايدىڭ 15 - كۇنى 20 ەل توبى باسشىلارىنىڭ 17 - رەتكى باسشىلار ءماجىلىسى يندونەزيانىڭ بالي ارالىندا وتكىزىلدى. شي جينپيڭ ماجىلىسكە قاتىناستى ءارى «ءداۋىردىڭ سىن - سايىسىن بىرگە قارسى الىپ، كوركەم بولاشاقتى بىرگە قۇرايىق» دەگەن تاقىرىپتا ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
■ بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، بۇل − دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى. قازىر جاڭا تيپتى ايدارشا ۆيرۋس وكپە قابىنۋ ىندەتى اۋىق – اۋىق تۋىلىپ، سوزاقتالۋدا، دۇنيە ءجۇزى ەكونوميكاسىنىڭ السىزدىگى ءتىپتى دە كورنەكتىلەنىپ، وڭىرلىك ساياسي جاعداي شيەلەنىسىپ، دۇنيە ءجۇزىن جونگە سالۋ اۋىر دارەجەدە جەتەرسىزدىك بايقاتىپ، استىق پەن ەنەرگيا سياقتى كوپ ءتۇرلى داعدارىس قاباتتاسىپ، ادامزاتتىڭ دامۋى كەلەلى سىن - سايىسقا ءدوپ كەلىپ وتىر. ءار ەل ادامزاتتىڭ تاعدىرلاس ورتاق تۇلعاسى تانىمىن ورناتىپ، بەيبىتشىلىكتى، دامۋدى، سەلبەسۋدى، تەڭ يگىلىككە كەنەلۋدى دارىپتەپ، ىنتىماقتى بولشەكتەۋدىڭ ورنىنا، سەلبەسۋدى قارسىلاسۋدىڭ ورنىنا قويىپ، «دۇنيە جۇزىنە نە بولدى، ءبىز قايتەمىز» دەگەن وسى داۋىرلىك تاقىرىپتى بىرگە شەشىپ، قيىن وتكەلدەن بىرگە ءوتىپ، بولاشاقتى بىرگە اشۋى كەرەك
■ ءبىز اناعۇرلىم سيىسىمدى دۇنيە جۇزىلىك دامۋدى ىلگەرىلەتۋىمىز كەرەك. ىنتىماق − كۇش، بولشەكتەنۋدىڭ شىعار جولى جوق. ءبىز ءبىر جەر شارى قىستاعىندا جاساپ جاتىرمىز، ءتۇرلى حاۋىپ - قاتەر مەن سىن - سايىس الدىندا تار جول، تايعاق كەشۋلەردەن بىرگە ءوتۋىمىز كەرەك
■ ءبىز اناعۇرلىم جالپىعا ءتيىمدى دۇنيە جۇزىلىك دامۋدى ىلگەرىلەتۋىمىز كەرەك. ءار ەل بىرگە دامىعاندا عانا ناعىز دامۋ بولادى. دۇنيە ءجۇزىنىڭ گۇلدەنۋى مەن ورنىقتىلىعى كەدەيلەر بارعان سايىن كەدەيلەسۋ، بايلار بارعان سايىن بايۋ نەگىزىندە قۇرىلا المايدى
■ ءبىز اناعۇرلىم سەرپىمدى دۇنيە جۇزىلىك دامۋدى ىلگەرىلەتۋىمىز كەرەك. ەكونوميكانىڭ جاھاندانۋى تەرىس اعىمعا ۇشىرادى، دۇنيە ءجۇزى ەكونوميكاسى قۇلدىراۋ حاۋىپ - قاتەرىنە ءدوپ كەلدى، كوپشىلىكتىڭ تۇرمىس كەشىرۋى وڭا بولىپ وتىرعان جوق، وركەندەپ كەلە جاتقان ەلدەر الدىمەن سوققىعا ۇشىرادى. ءبىز دامۋ ماسەلەسىنە بۇرىنعى ءارقانداي كەزدەگىدەن دە باسا ءمان بەرۋىمىز كەرەك
■ ءبىز دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن ۇزدىكسىز قورعاپ، دۇنيە جۇزىلىك ساۋدا ۇيىمىنىڭ رەفورماسىن بەلسەنە ىلگەرىلەتىپ، ساۋدا مەن قارجى قوسۋدىڭ ەركىن، قولايلى بولۋىن جەبەۋىمىز كەرەك
■ استىق، ەنەرگيا حاۋىپسىزدىگى − دۇنيە جۇزىلىك دامۋ سالاسىنداعى ەڭ كوكەي تەستى سايىس. قازىرگى داعدارىستىڭ قاينارى ءوندىرىس پەن قاجەتسىنۋ ماسەلەسى ەمەس، قايتا قامداۋ تىزبەگىنەن ماسەلە شىعىپ، حالىقارالىق سەلبەستىك كەدەرگىگە ۇشىرادى. ماسەلەنى شەشۋدىڭ جولى بازاردى باقىلاۋ - باسقارۋ سەلبەستىگىن كۇشەيتىپ، تاۋار سەلبەستىگى سەرىكتەستىك قاتىناسىن ورناتىپ، اشىق، ورنىقتى، باياندى تاۋار بازارىن قۇرىپ، قامداۋ تىزبەگىن بىرگە ىركىلىسسىزدەندىرىپ، بازار باعاسىن ورنىقتىرۋدا. استىق، ەنەرگيا ماسەلەسىن ساياسيلاندىرۋعا، قۇرال - جاراقتاندىرۋعا، قارۋعا اينالدىرۋعا باتىل قارسى تۇرىپ، سىڭار جاقتى جازالاۋ شارالارىن كۇشىنەن قالدىرۋ، قاتىستى عىلىم - تەحنيكا سەلبەستىگى شەكتەمەسىن كۇشىنەن قالدىرۋ كەرەك
■ جۇڭگو كوممۋنيستىك پارتياسى تاياۋدا مەملەكەتتىك 20 - قۇرىلتايىن وتكىزىپ، جۇڭگونىڭ الداعى 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن جوسپارلادى. جۇڭگو بەيبىت دامۋ جولىنان اۋىتقىمايدى، رەفورمانى تاباندىلىقپەن تەرەڭدەتەدى، ەسىكتى ايقارا اشادى، جۇڭحۋا ۇلتىنىڭ ۇلى گۇلدەنۋىن تاباندىلىقپەن جاپپاي ىلگەرىلەتەدى. ۇزدىكسىز وسىزاماندانۋعا بەت العان جۇڭگو، ءسوز جوق، دۇنيە جۇزىنە اناعۇرلىم كوپ وراي ازىرلەپ، حالىقارالىق سەلبەستىككە اناعۇرلىم قۇدىرەتتى قوزعاۋشى كۇش ۇستەپ، بۇكىل ادامزاتتىڭ العا باسۋىنا اناعۇرلىم زور ۇلەس قوسادى
«حالىق گازەتى»، 11 - ايدىڭ 15 – كۇنى، يندونەزيانىڭ بالي ارالى (تىلشىلەر ۋىن حۇڭيان، دۋ شاڭزى، گۋان كىجياڭ). سول جەر ۋاقىتى بويىنشا 11 - ايدىڭ 15 - كۇنى 20 ەل توبى باسشىلارىنىڭ 17 - رەتكى باسشىلار ءماجىلىسى يندونەزيانىڭ بالي ارالىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىردىڭ سىن - سايىسىن بىرگە قارسى الىپ، كوركەم بولاشاقتى بىرگە قۇرايىق» دەگەن تاقىرىپتا ماڭىزدى ءسوز سويلەدى (تولىق مازمۇنىن «حالىق گازەتىنىڭ» 2- بەتىنەن وقي الاسىزدار).
شي جينپيڭ سوزىندە بىلاي دەپ اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، بۇل − دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى. قازىر جاڭا تيپتى ايدارشا ۆيرۋس وكپە قابىنۋ ىندەتى اۋىق – اۋىق تۋىلىپ، سوزاقتالۋدا، دۇنيە ءجۇزى ەكونوميكاسىنىڭ السىزدىگى ءتىپتى دە كورنەكتىلەنىپ، وڭىرلىك ساياسي جاعداي شيەلەنىسىپ، دۇنيە ءجۇزىن جونگە سالۋ اۋىر دارەجەدە جەتەرسىزدىك بايقاتىپ، استىق پەن ەنەرگيا سياقتى كوپ ءتۇرلى داعدارىس قاباتتاسىپ، ادامزاتتىڭ دامۋى كەلەلى سىن - سايىسقا ءدوپ كەلىپ وتىر. ءار ەل ادامزاتتىڭ تاعدىرلاس ورتاق تۇلعاسى تانىمىن ورناتىپ، بەيبىتشىلىكتى، دامۋدى، سەلبەسۋدى، تەڭ يگىلىككە كەنەلۋدى دارىپتەپ، ىنتىماقتى بولشەكتەۋدىڭ ورنىنا، سەلبەسۋدى قارسىلاسۋدىڭ ورنىنا قويىپ، «دۇنيە جۇزىنە نە بولدى، ءبىز قايتەمىز» دەگەن وسى داۋىرلىك تاقىرىپتى بىرگە شەشىپ، قيىن وتكەلدەن بىرگە ءوتىپ، بولاشاقتى بىرگە اشۋى كەرەك.
شي جينپيڭ مىنالاردى دارىپتەدى: 20 ەل توبىنا مۇشە ەلدەردىڭ بارلىعى − دۇنيە جۇزىندەگى جانە وڭىردەگى ءىرى ەلدەر، ءىرى ەلدەردىڭ جاۋاپكەرلىك ارقالاۋىن ايگىلەپ، ونەگەلىك رولىن ساۋلەلەندىرىپ، ءار ەلدىڭ دامۋىن، ادامزاتقا باقىت جاراتۋدى، دۇنيە ءجۇزىنىڭ العا باسۋىن كوزدەۋى كەرەك.
ءبىز اناعۇرلىم سيىسىمدى دۇنيە جۇزىلىك دامۋدى ىلگەرىلەتۋىمىز كەرەك. ىنتىماق − كۇش، بولشەكتەنۋدىڭ شىعار جولى جوق. ءبىز ءبىر جەر شارى قىستاعىندا جاساپ جاتىرمىز، ءتۇرلى حاۋىپ - قاتەر مەن سىن - سايىس الدىندا تار جول، تايعاق كەشۋلەردەن بىرگە ءوتۋىمىز كەرەك. يدەيالوگيا ارقىلى شەك بەلگىلەپ، توپشىلدىق ساياسيمەن جانە توپقا ءبولىنىپ قارسىلاسۋمەن شۇعىلدانۋ تەك دۇنيە ءجۇزىن ءبولىپ تاستاپ، دۇنيە ءجۇزىنىڭ دامۋى مەن ادامزاتتىڭ العا باسۋىنا كەدەرگى بولادى. ادامزات وركەنيەتى 21 - عاسىرعا قادام تاستادى، قىرعي قاباقتىق ويدىڭ الدەقاشان ۋاقىتى ءوتتى. ءبىز قول ۇستاسا قۇلشىنىپ، سەلبەسىپ تەڭ يگىلىككە كەنەلۋدىڭ جاڭا ءورىسىن اشۋىمىز كەرەك. ءار ەل ءبىرىن - ءبىرى قۇرمەتتەپ، پارىقتاردى ساقتاپ، ورتاقتىققا ۇمتىلىپ، بەيبىت قاتار تۇرىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋى، كورشىسىنە زيان جەتكىزبەۋى، «شاعىن اۋلا قورعانىن» تۇرعىزباۋى، وزگەلەردى قاقپايلايتىن توماعا - تۇيىق شەڭبەرمەن اينالىسپاۋى كەرەك. 20 ەل توبى ىنتىماقتاسا سەلبەسۋ اۋەلگى ماقساتىنان اينىماي، قيىندىقتى بىلەك بىرىكتىرە جەڭۋ رۋحىن جالعاستىرىپ، كەڭەسىپ بىرلىككە كەلۋ پرينسيبىندە تاباندى بولۋى كەرەك. بولشەكتەۋشىلىك، قارسىلاسۋ ءارقانداي ءبىر جاقتىڭ مۇددەسىنە ۇيلەسپەيدى، ىنتىماقتاسىپ بىرگە جاساۋ عانا دۇرىس تالعام سانالادى.
ءبىز اناعۇرلىم جالپىعا ءتيىمدى دۇنيە جۇزىلىك دامۋدى ىلگەرىلەتۋىمىز كەرەك. ءار ەل بىرگە دامىعاندا عانا ناعىز دامۋ بولادى. دۇنيە ءجۇزىنىڭ گۇلدەنۋى مەن ورنىقتىلىعى كەدەيلەر بارعان سايىن كەدەيلەسۋ، بايلار بارعان سايىن بايۋ نەگىزىندە قۇرىلا المايدى. ءاربىر ەل جاقسى تۇرمىس كەشىرۋدى ويلايدى، وسىزاماندانۋ قايسى ءبىر ەلدىڭ ەرەكشە ۇقىعى ەمەس. الدا جۇرگەن ەلدەر باسقا ەلدەردىڭ دامۋىنا شىن نيەتىمەن كومەكتەسىپ، اناعۇرلىم كوپ دۇنيە جۇزىلىك الەۋمەتتىك ونىمدەرمەن قامداۋى كەرەك. ءىرى ەلدىڭ ءىرى ەلدىك جاۋاپكەرلىگى بولۋى، دۇنيە جۇزىلىك دامۋ ىستەرى ءۇشىن بار ىنتا - پەيىلىمەن كۇش سالۋى كەرەك. جۇڭگو جاق دۇنيە جۇزىلىك دامۋ باستاماسىن العا قويىپ، دۇنيە جۇزىلىك دامۋ جانە وڭتۇستىك - وڭتۇستىك سەلبەستىك قورىن قۇردى، جۇڭگو - بىرلەسكەن مەملەكەتتەر ۇيىمى بەيبىتشىلىك جانە دامۋ قورىنا ۇسىنىلىمدى ارتتىرىپ، 100 دەن استام مەملەكەتپەن جانە حالىقارالىق ۇيىممەن وسى باستامانى ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا تىڭ دەمەۋشى كۇش ازىرلەيدى.
ءبىز اناعۇرلىم سەرپىمدى دۇنيە جۇزىلىك دامۋدى ىلگەرىلەتۋىمىز كەرەك. ەكونوميكانىڭ جاھاندانۋى تەرىس اعىمعا ۇشىرادى، دۇنيە ءجۇزى ەكونوميكاسى قۇلدىراۋ حاۋىپ - قاتەرىنە ءدوپ كەلدى، كوپشىلىكتىڭ تۇرمىس كەشىرۋى وڭا بولىپ وتىرعان جوق، وركەندەپ كەلە جاتقان ەلدەر الدىمەن سوققىعا ۇشىرادى. ءبىز دامۋ ماسەلەسىنە بۇرىنعى ءارقانداي كەزدەگىدەن دە باسا ءمان بەرۋىمىز كەرەك. دۇنيە جۇزىلىك ەكونوميكانى قالپىنا كەلتىرۋ سەرىكتەستىك قاتىناسىن ورناتىپ، دامۋدى الدىمەن ويلاسۋدا، حالىقتى وزەك ەتۋدە تاباندى بولىپ، وركەندەپ كەلە جاتقان ەلدەردىڭ قيىنشىلىعىن باستان - اياق ويلاپ، وركەندەپ كەلە جاتقان ەلدەردىڭ كوڭىل بولگەن ىستەرىنە كوڭىل ءبولۋ كەرەك. جۇڭگو افريكا وداعىنىڭ 20 ەل توبىنا كىرۋىن قولدايدى. ءار جاق ىندەتكە قارسى اتتانۋ حالىقارالىق سەلبەستىگىن ۇزدىكسىز تەرەڭدەتىپ، دۇنيە ءجۇزى بويىنشا اقشانىڭ قۇنسىزدانۋىن تەجەپ، جۇيەلىك ەكونوميكا، فينانس حاۋىپ – قاتەرىن باسەيتۋى كەرەك، اسىرەسە، دامىعان ەكونوميكالىق تۇلعالار اقشا ساياساتىن رەتتەۋدىڭ ۇنامسىز سىرتقا كەڭەيۋ اسەرىن ازايتۋى كەرەك. حالىقارالىق فينانس قۇرىلىمدارى مەن ساۋدا الاشاق ادامدارى وركەندەپ كەلە جاتقان ەلدەردىڭ نەگىزگى الاشاق يەسى رەتىندە وركەندەپ كەلە جاتقان ەلدەرگە قاراتىلعان قارىزدى جەڭىلدەتۋ، كەشەۋىلدەتۋ ارەكەتىنە قاتىناسۋى كەرەك. جۇڭگو جاق 20 ەل توبىنىڭ قارىز قايتارۋدى كەشەۋىلدەتۋ باستاماسىن جاپپاي تياناقتاندىردى، قارىز قايتارۋدى كەشەۋىلدەتۋ جالپى سوماسى 20 ەل توبى مۇشەلەرىنىڭ اراسىندا ەڭ ۇلكەن بولىپ، وركەندەپ كەلە جاتقان ەلدەردىڭ قيىن وتكەلدەن وتۋىنە قولداۋ كورسەتتى.
ءبىز دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن ۇزدىكسىز قورعاپ، دۇنيە جۇزىلىك ساۋدا ۇيىمىنىڭ رەفورماسىن بەلسەنە ىلگەرىلەتىپ، ساۋدا مەن قارجى قوسۋدىڭ ەركىن، قولايلى بولۋىن جەبەۋىمىز كەرەك. جۇڭگو جاق سيفرلى جاڭالىق اشۋ سەلبەستىك ارەكەت جوسپارىن العا قويىپ، ءار جاقپەن بىرگە اشىق، ءادىل، كەمسىتپەيتىن سيفرلى ەكونوميكانىڭ دامۋ ورتاسىن قالىپتاستىرىپ، وڭتۇستىك پەن سولتۇستىك ەلدەرى اراسىنداعى سيفر جىلعاسىن كىشىرەيتۋدى ءۇمىت ەتەدى. كليمات وزگەرىسىنىڭ سىنىنا توتەپ بەرىپ، جاسىل، تومەن كومىرتەكتى دامۋعا قاراي بۇرىلىس جاساۋدا، ءسوز جوق، ورتاق، ءبىراق پارىقتى جاۋاپكەرلىك پرينسيبى بويىنشا، قارجى، تەحنيكا، قابىلەت قۇرىلىسى سياقتى جاقتاردا وركەندەپ كەلە جاتقان ەلدەرگە قولداۋ كورسەتۋ كەرەك. جەمقورلىققا استە جول بەرمەۋدە تاباندى بولىپ، قاشقىنداردى قۋعىنداۋ، ارام اقشانى قايتارىپ اكەلۋ جونىندەگى حالىقارالىق سەلبەستىكتى كۇشەيتۋ كەرەك.
شي جينپيڭ بىلاي دەپ دارىپتەدى: استىق، ەنەرگيا حاۋىپسىزدىگى − دۇنيە جۇزىلىك دامۋ سالاسىنداعى ەڭ كوكەي تەستى سايىس. قازىرگى داعدارىستىڭ قاينارى ءوندىرىس پەن قاجەتسىنۋ ماسەلەسى ەمەس، قايتا قامداۋ تىزبەگىنەن ماسەلە شىعىپ، حالىقارالىق سەلبەستىك كەدەرگىگە ۇشىرادى. ماسەلەنى شەشۋدىڭ جولى بازاردى باقىلاۋ - باسقارۋ سەلبەستىگىن كۇشەيتىپ، تاۋار سەلبەستىگى سەرىكتەستىك قاتىناسىن ورناتىپ، اشىق، ورنىقتى، باياندى تاۋار بازارىن قۇرىپ، قامداۋ تىزبەگىن بىرگە ىركىلىسسىزدەندىرىپ، بازار باعاسىن ورنىقتىرۋدا. استىق، ەنەرگيا ماسەلەسىن ساياسيلاندىرۋعا، قۇرال - جاراقتاندىرۋعا، قارۋعا اينالدىرۋعا باتىل قارسى تۇرىپ، سىڭار جاقتى جازالاۋ شارالارىن كۇشىنەن قالدىرۋ، قاتىستى عىلىم - تەحنيكا سەلبەستىگى شەكتەمەسىن كۇشىنەن قالدىرۋ كەرەك. 20 ەل توبى ءوندىرىس، ساقتاۋ، قارجى، تەحنيكا سياقتى جاقتاردا وركەندەپ كەلە جاتقان ەلدەرگە قاجەتتى قولداۋ كورسەتۋى كەرەك. جۇڭگو جاق 20 ەل توبىندا حالىقارالىق استىق حاۋىپسىزدىگى سەلبەستىگى باستاماسىن العا قويدى، ءار جاقپەن سەلبەستىكتى تەرەڭدەتۋدى ءۇمىت ەتەدى.
شي جينپيڭ سوڭىندا بىلاي دەپ دارىپتەدى: جۇڭگو كوممۋنيستىك پارتياسى تاياۋدا مەملەكەتتىك 20 - قۇرىلتايىن وتكىزىپ، جۇڭگونىڭ الداعى 5 جىلداعى، ءتىپتى ونان دا ۇزاق مەزگىلدەگى پارتيا مەن مەملەكەت ىستەرى دامۋىنىڭ نىسانا - مىندەتتەرى مەن كەلەلى باعىت - ساياساتتارىن جوسپارلادى. جۇڭگو بەيبىت دامۋ جولىنان اۋىتقىمايدى، رەفورمانى تاباندىلىقپەن تەرەڭدەتەدى، ەسىكتى ايقارا اشادى، جۇڭحۋا ۇلتىنىڭ ۇلى گۇلدەنۋىن تاباندىلىقپەن جاپپاي ىلگەرىلەتەدى. ۇزدىكسىز وسىزاماندانۋعا بەت العان جۇڭگو، ءسوز جوق، دۇنيە جۇزىنە اناعۇرلىم كوپ وراي ازىرلەپ، حالىقارالىق سەلبەستىككە اناعۇرلىم قۇدىرەتتى قوزعاۋشى كۇش ۇستەپ، بۇكىل ادامزاتتىڭ العا باسۋىنا اناعۇرلىم زور ۇلەس قوسادى!
ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
