مەديتسينالىق قۇتقارۋ - ەمدەۋ جۇيەسىن ورناتىپ، بۇقارانىڭ ەمدەلۋ قاجەتىن قامتاماسىزداندىردى
□ انار بۇلت \ شينجياڭ گازەتىنىڭ تىلشىلەرى سۋ لۋپيڭ، بارشا تەگىس، دۋ جيانحۇي
2022.11.16 15:42
11 - ايدىڭ 14 - كۇنى اۆتونوميالى رايوندىق حالىق شيپاحاناسى سۋجوۋ جولى شيپاحانا اۋماعى 6 - ناۋقاستار رايونىنىڭ مەڭگەرۋشىسى لۋ جينشۋاي ۇجىمىنىڭ دەن قويا ەمدەۋىندە، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاس جاڭ گاڭ (جاناما اتى) شيپاحانادان شىعۋ ولشەمىنە جەتتى. شيپاحانا ونىڭ ۇزدىكسىز قان ءسۇزدىرۋ قاجەتىن ەسكەرە وتىرىپ، كەيىنگى مەزگىلدەگى ايىعۋ ماقساتىنداعى ەمدەلۋى ءۇشىن سارى كودتى شيپاحانامەن بايلانىس جاساپ بەردى.
وسى رەتكى ىندەت تۋىلعاننان بەرى، رايونىمىز ىندەت جاعدايىنا جانە ەمدەۋ بايلىعىنىڭ ءىس جۇزىندىگىنە ۇشتاستىرىپ، قىزىل كودتى شيپاحانا (بەلگىلەنگەن شيپاحانا)، سارى كودتى شيپاحانا (حاۋىپ - قاتەرى بار ادامدار شوعىرى شيپاحاناسى) جانە جاسىل كودتى شيپاحانا (جاي شيپاحانا) ”ءۇش ءبىر تۇلعالانعان“ مەديتسينالىق قۇتقارۋ - ەمدەۋ جۇيەسىن قۇرىپ، ءوزارا اۋىستىرىپ ەمدەپ، حالىق بۇقاراسىنىڭ ىندەت مەزگىلىندەگى ەمدەلۋىنە قىزمەت وتەۋ قاجەتىن بار كۇشپەن قامتاماسىزداندىردى.
دارەجەگە، تۇرگە ءبولىپ ەمدەدى
11 - ايدىڭ 8 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاس جاڭ يان (جاناما اتى) بوسانىپ 4 ايدان سوڭ تىنىس الۋى قيىنداسۋ، دارمەنسىزدەنۋ سياقتىلار سەبەبىنەن اۆتونوميالى رايوندىق حالىق شيپاحاناسىنىڭ ICUىنا (سالماقتى اۋرۋلاردى قاداعالاۋ بولمەسى) اۋىستىرىپ اكەلىندى. ناۋقاسقا قاتىستى تەكسەرۋلەر جاسالعاننان كەيىن، شاڭحاي قالاسىنان شينجياڭعا كومەككە كەلگەن سالماقتى اۋرۋلاردى ەمدەۋ اترەتىنىڭ باستىعى، شاڭحاي قاتىناس داشۋەسى مەديتسينا شۋەيۋانىنا قاراستى 1 - حالىق شيپاحاناسى قاتەرلى، سالماقتى اۋرۋلاردى شۇعىل ەمدەۋ ءبولىمىنىڭ ورىنباسار مەڭگەرۋشىسى شيە حۇي شيپاحاناعا دەرەۋ MDT (كوپ ءبولىم بىرلەسىپ دياگنوز قويۋ)دى ءوتىنىش ەتتى.
قىزىل كودتى شيپاحانا رەتىندە، 11 - ايدىڭ 4 - كۇنىنەن باستاپ جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ادەتتەگى، سالماقتى، قاتەرلى ناۋقاستاردى ەمدەۋگە قابىلداعاننان بەرى، اۆتونوميالى رايوندىق حالىق شيپاحاناسى MDTدىڭ رولىن تولىق ساۋلەلەندىرىپ، ءار ءتۇرلى شۇعىل، قاتەرلى، سالماقتى ناۋقاستاردى، كۇردەلى نەگىزدىك اۋرۋى قوسانجارلانعان جۇعىمدالۋشىلاردى قۇتقارىپ - ەمدەدى، شيپاحاناداعى ءارقايسى بولىمدەردىڭ ەمدەۋ - كۇتىمدەۋ قىزمەتكەرلەرى مەن شينجياڭعا كومەككە كەلگەن ەمدەۋ اترەتتەرىنىڭ كۇش قوسا سايكەسۋىندە ناۋقاستار ءبىر - بىرلەپ حاۋىپتەن قۇتىلدى.
كوپ ءبولىم تالقىلاي كەلىپ، ماماندار جاڭ ياننىڭ اۋرۋ سەبەبىن قارىن قاقپاقشاسىنىڭ بىتەلۋى دەپ تۇراقتاندىردى. ”ءبىز قارىن قاقپاقشاسىنىڭ بىتەلۋىن جاراقات كەلتىرىپ شىعاردى دەپ تۇجىرىمدادىق، سول سەبەپتى ۇزاق ۋاقىت قورەكتىك جەتىسپەي، زات الماسۋ سيپاتتى مي اۋرۋى، دارمەنسىزدەنۋ جانە تىنىس الۋى السىرەۋ پايدا بولعان“. شيە حۇي بىلاي دەدى: ءبىز ءبىر جاعىنان، ناۋقاستىڭ قارىن قاقپاقشاسىنىڭ بىتەلۋىن باستاپقى قادامدا ءبىر جايلى ەتىپ، اس قورىتۋ جولىنىڭ ىركىلىسسىزدىگىنە كەپىلدىك ەتسەك، ەندى ءبىر جاعىنان، شيپاحانانىڭ قورەكتىك بولىمىمەن بايلانىس جاساپ جاڭ يانعا قورەكتىك كۇتىمدەۋ جۇرگىزدىك، ”بىرنەشە كۇن قورەكتىكتى كۇشەيتكەننەن كەيىن، ناۋقاستىڭ جاعدايى كورنەكتى جاقسارىپ، كەيىنگى قارىن قاقپاقشاسىنىڭ بىتەلۋ وپەراتسياسىن جاساۋعا شارت - جاعداي ازىرلەدىك“.
جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستاردى، اسىرەسە، قان سۇزدىرەتىن ناۋقاستار، بالالار، جۇكتى، بوسانعان ايەلدەر سياقتى ەرەكشە شوعىرلاردى قۇتقارۋ - ەمدەۋ بارىسىندا قىزىل كودتى شيپاحانالاردا باعىتتامالى تۇردە ارناۋلى بولىمدەر بويىنشا ناۋقاستار اۋماعى ورنالاستىرىلدى.
لۋ جينشۋاي جاۋاپتى بولعان ناۋقاستار اۋماعى قان سۇزدىرەتىن بولىمدى جۇعىمدالۋشىلاردى قابىلداپ ەمدەۋدى نەگىز ەتەدى. ءار جولى شيپاحاناعا ناۋقاس كەلگەندە، ول ۇجىمىنداعىلارمەن بىرگە 60 مينۋتتىڭ ىشىندە قان الىپ، تەكسەرۋگە جونەلتۋ، دارىمەن ەمدەۋ، شۇعىل قان ءسۇزۋ سياقتى جەدەل ءبىر جاقتى ەتۋدى ورىنداپ بولادى. ءار كۇنى تاڭەرتەڭ لۋ جينشۋاي ەمدەۋ - كۇتىمدەۋ قىزمەتكەرلەرىن باستاپ بولمەلەردى ارالاپ، ناۋقاستاردىڭ جاعدايىن ۇعىسىپ، جۇڭگوشا ەمدەۋ مەن باتىسشا ەمدەۋ ۇشتاستىرىلعان ەمدەۋ جوباسىن رەتتەپ، ناۋقاستاردى ەكپەتىنەن جاتقىزىپ تىنىس الدىرىپ، وكپەنىڭ زاقىمدالۋىن وڭايدى.
”ءبىزدىڭ ءار كۇندىك 3 ۋاق اسىمىزدى شيپاحانانىڭ بۇيرەك اۋرۋلارى ءبولىمىنىڭ جەتەكشىلىگىندە ازىق - تۇلىك ورتالىعى ارنايى دايىندايدى، ءبىز سياقتى قان سۇزدىرەتىن ناۋقاستارعا لايىقتى“. ەمدەۋ - كۇتىمدەۋ قىزمەتكەرلەرىنىڭ كۇتىمدەۋىندە، شامامەن ءبىر اپتاداي ۋاقىتتا جاڭ گاڭ شيپاحانادان شىعۋ ولشەمىنە جەتتى.
جاسىل ارنانى ىركىلىسسىزدەندىردى
وسى رەتكى ىندەت تۋىلعاننان بەرى، اۆتونوميالى رايوندىق 3 - حالىق شيپاحاناسى اۆتونوميالى رايونداعى العاش تۇراقتاندىرىلعان ”سارى كودتى“ شيپاحانا رەتىندە، جوعارى حاۋىپ - قاتەرى بار ادامدار شوعىرىن قابىلداپ ەمدەدى. 10 - ايدىڭ اياق شەنىندەگى ءبىر كۇنى اتالعان شيپاحانا ءۇرىمجى قالالىق 120 قولباسشىلىق ورتالىعىنىڭ ىشتەگى بالا شۇعىل حاراكتەرلى قىسىلعان، شارانا 3 - دارەجەدە لاستانعان، شۇعىل حاراكتەرلى كىندىك تومەندەگەن، جۇكتى بولعانىنا 42 اپتا بولعان ءبىر ايەلدىڭ جاعدايىنىڭ اۋىر ەكەندىگىن ايتقان تەلەفونىن قابىلدايدى.
شيپاحانا دەرەۋ جۇكتى، بوسانعان ايەلدەرگە ارنالعان جاسىل ارنانى ىسكە قوسادى، تۋىت ءبولىمىنىڭ مەڭگەرۋشىسى سۇن شيۋلي ۇجىمىن باستاپ، قۇرساقتى جارىپ بوساندىرۋ وپەراتسياسىن جاسايدى. شارانا اۋىر دارەجەدە لاستانعاندىقتان، نارەستە دۇنيەگە كەلە سالا اۋىر دارەجەدە تۇنشىعىپ، نارەستەلەردى سالماقتى اۋرۋ بويىنشا قاداعالاۋ بولمەسىنە اپارىلادى. اتالعان شيپاحانانىڭ نارەستەلەر اۋرۋلارى ءبولىمىنىڭ مەڭگەرۋشىسى حۋاڭ شياۋلي ۇجىمىن باستاپ، باستاپقى قادامدا ەس جيدىرىپ جانە اۋرۋ جاعدايىن ساراپتاپ، تىنىس الدىرۋ جابدىعىمەن ونىڭ تىنىس الۋىن دەمەۋ، ەستەن تانۋعا قارسى شارا قولدانۋ، بۇكىلدەي ۆەنادان قورەكتىك بەرۋ، ينفەكسيالانۋدىڭ الدىن الۋ سياقتى ءبىر قىدىرۋ ەمدەۋ شارالارىن قولدانىپ، بالانى اقىرىندا قاتەردەن اراشالاپ قالدى.
ىندەت تۋىلعاننان كەيىن، رايونىمىزدىڭ ءارقايسى ءىرى شيپاحانالارى شۇعىل، قاتەرلى، سالماقتى ناۋقاستارعا ارنالعان جاسىل ارنانى ىركىلىسسىزدەندىرىپ، دارەجەگە، تۇرگە ءبولىپ قۇتقارۋ - ەمدەۋ جۇرگىزدى. سونىمەن بىرگە اۆتونوميالى رايوندىق پارتكوم مەن ۇكىمەتتىڭ تالابىنا ساي، العاشقى دياگنوز قويۋشى جاۋاپتى بولۋ ءتۇزىمىن قاتاڭ تياناقتاندىرىپ، ناۋقاستاردى تاباندا بار كۇشپەن قۇتقارىپ - ەمدەدى.
10 - ايدىڭ 16 - كۇنىنەن باستاپ، ىلە قازاق اۆتونوميالى وبلىستىق دوستىق شيپاحاناسى امبولاتوريادا تەكسەرۋدى، ناۋقاستار اۋماعىنا قابىلداپ ەمدەۋدى بىرتىندەپ قالپىنا كەلتىرىپ، ىندەتتەن ساقتانۋ - تىزگىندەۋ جاعدايىنا جانە ناۋقاستاردىڭ ەمدەلۋ قاجەتىنە ۇشتاستىرىپ قىزمەت وتەۋ شارالارىن دەر كەزىندە رەتتەپ جاقسارتتى، ءارقايسى بولىمدەر كاسىپ تىرەكتىلەرىن ەمدەۋگە ورنالاستىرىپ، ناۋقاستاردا ۇنەمى كەزدەسەتىن اۋرۋلارعا دياگنوز قويىپ ەمدەۋدى، وپەراتسيا جاساۋدى، اسىرەسە، قاتەرلى، سالماقتى اۋرۋلاردى قۇتقارۋدى - ەمدەۋدى قامتاماسىز ەتتى.
”سول كەزدە اكەمنىڭ جاعدايى ەرەكشە قاتەرلى ەدى، دوستىق شيپاحاناسى دەر كەزىندە قۇتقارىپ ەمدەمەگەندە، ارتى قالاي بولارىن كىم ءبىلسىن“. 11 - ايدىڭ 14 - كۇنى لي ليانجى تەلەفوندا تىلشىگە بىلاي دەدى: 9 - ايدىڭ 13 - كۇنى اكەم لي جىيىڭ قوس وكپە كۇلبىرەۋ سەبەبىنەن وڭ جاق كوكىرەك قۋىسىنا اۋا تولىپ ىلە وبلىستىق دوستىق شيپاحاناسىنا جەتكىزىلدى. سول كەزدە شيپاحانانىڭ قاقپاسىندا كەزەكشىلىكتە تۇرعان ىلە وبلىستىق دوستىق شيپاحاناسىنىڭ ورىنباسار باستىعى شۇي مين قايتەرىن بىلمەي داعدارعان اكەلى - بالالى ەكەۋىمىزدى كورىپ، دەرەۋ كەلىپ بىزدەن جاعداي ۇعىسىپ، ەمدەۋ - كۇتىمدەۋ قىزمەتكەرلەرىنە ەكەۋىمىزگە لەزدە حىسۋان تەكسەرۋىن جاساتقىزىپ، جاسىل ارنا اشىپ، ءبىزدى شيپاحاناعا جاتىپ ەمدەلۋگە جايعاستىردى“.
وسىدان كەيىن شيپاحانا لي جىيىڭدى شۇعىل CTعا ءتۇسىرىپ، شۇعىل ەمدەۋ بويىنشا وپەراتسياعا ورنالاستىردى. سول كۇنى كەشتە وپەراتسيا اقىرلاسىپ، لي جىيىڭ قاتەردەن قۇتىلىپ، 10 كۇننەن كەيىن ساۋىعىپ شيپاحانادان شىقتى.
نەگىزگى ەمدەۋدى قامتاماسىز ەتتى
11 - ايدىڭ 13 - كۇنى تۇستەن بۇرىن بايىنعولين موڭعۇل اۆتونوميالى وبلىستىق حالىق شيپاحاناسىنىڭ قاقپاسىنداعى الدىن الا تەكسەرىپ ەمدەۋگە ءبولۋ ورنىندا ەمدەلۋگە بارعان ناۋقاستار قىزمەتكەرلەردىڭ جەتەكشىلىگىندە شيپاحاناعا تارتىپپەن كىرىپ ەمدەلدى. ”ءبىز جاسىل كودتى شيپاحانامىز، قاقپادا شينجياڭ ۇكىمەت ىستەرىنەن قىزمەت وتەۋ ەكى ولشەمدى كودى جاپسىرىلعان، ناۋقاستاردىڭ سالاماتتىق كودىن جايمالاعاننان كەيىن، 24 ساعات ىشىندەگى حىسۋان تەكسەرۋ ناتيجەسىن كورسەتىپ، دەنە تەمپەراتۋراسى قالىپتى ەكەندىگى انىقتالعاننان كەيىن ەمدەلۋىنە بولادى“. بايىنعولين وبلىستىق حالىق شيپاحاناسى امبولاتوريا ءبولىمىنىڭ مەڭگەرۋشىسى سۋيۇن چيميك: ەرەكشە جاعدايدا، شيپاحانا شۇعىل، قاتەرلى، سالماقتى ناۋقاستاردى الدىمەن قۇتقارۋ - ەمدەۋدى ورنالاستىرادى، - دەدى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ءبىر تۇتاس جوسپارلاۋىندا، ءارقايسى ءىرى شيپاحانالار شيپاحانا اۋماقتارىنىڭ ەمدەلۋ ءتارتىبىن جاقسارتىپ، ەمدەۋگە قابىلدايتىن توسەك ورىنداردى بار كۇشپەن كوبەيتىپ، توسەك ورىن اينالىمىن جەدەلدەتىپ، ەمدەۋ قۇرىلىمدارىنىڭ ىندەت كەزىندەگى دياگنوز قويۋ، ەمدەۋ قۋاتىن جوعارىلاتتى. ”ينتەرنەت + ەمدەۋدى“ بەلسەندىلىكپەن ىلگەرىلەتىپ، ينتەرنەت جەلىسىندە دياگنوز قويۋ، ەمدەۋ، ءدارى - دارمەكتى الدىن الا كەلىسىپ جەتكىزۋ سياقتىلاردى ورىستەتتى. سونىمەن بىرگە مامانداردىڭ بايلانىس ءنومىرىن جاريالاپ، ناۋقاستاردى ۇيلەسىمدى ەمدەلۋگە جەتەكتەدى.
وسى رەتكى ىندەت تۋىلعاننان بەرى، شينجياڭ مەديتسينا داشۋەسىنە قاراستى 1 - شيپاحانا ينتەرنەت جەلىسىندە، ينتەرنەت جەلىسىنەن تىس بىرلەسىپ دياگنوز قويۋ، ەمدەۋ ۇلگىسىن جولعا قويدى، امبولاتوريادا دياگنوز قويۋ، ەمدەۋ قىزمەت وتەۋىنەن سىرت، ينتەرنەت شيپاحاناسىن اشىپ، 86 ماماننىڭ اقىل - كەڭەس تەلەفون ءنومىرىن جاريالادى، اۋرۋ - سىرقاۋ نەمەسە دارىدەن پايدالانۋ ماسەلەلەرى جونىندە تەلەفون ارقىلى نەمەسە ينتەرنەت جەلىسىندە اقىل - كەڭەس سۇراۋىنا بولادى.
”شيپاحانامىز 9 - ايدىڭ 12 - كۇنىنەن بەرى ينتەرنەت شيپاحاناسىندا اقىل - كەڭەس بەرىپ، 44 كاسىپتىك شيپاگەر جيىنى 4000نان استام سۇراۋعا اقىل - كەڭەس بەردى. شيپاحانامىز بەينە ەكران نەمەسە ينتەرنەت ءتاسىلى ارقىلى ءتىپتى دە كوپ ناۋقاستاردىڭ ۇيدەن شىقپاي - اق اۋرۋ كورسەتۋ قاجەتىن قاناعاتتاندىردى“، - دەدى شينجياڭ مەديتسينا داشۋەسىنە قاراستى 1 - شيپاحانا امبولاتوريا ءبولىمىنىڭ مەڭگەرۋشىسى ما جۇنچي.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
