بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ 17 - كەزەكتى شىعىس ازيا ەلدەرى باسشىلارىنىڭ ماجىلىسىنە قاتىناستى

2022.11.14 16:50     كەلۋ قاينارى : حالىق تورابى


سول جەر ۋاقىتى بويىنشا 11 - ايدىڭ 13 - كۇنى تۇستەن بۇرىن مەملەكەتتىك كەڭەستىڭ زۇڭليى لي كىچياڭ كامبودجانىڭ پنومپەن قالاسىندا 17 - كەزەكتى شىعىس ازيا ەلدەرى باسشىلارىنىڭ ماجىلىسىنە قاتىناستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن
  «حالىق گازەتى»، 11 - ايدىڭ 13 – كۇنى، پنومپەن (تىلشىلەر باي ياڭ، جاۋ ي - پۋ). سول جەر ۋاقىتى بويىنشا 11 - ايدىڭ 13 - كۇنى تۇستەن بۇرىن لي كىچياڭ كامبودجانىڭ پنومپەن قالاسىندا 17 - كەزەكتى شىعىس ازيا ەلدەرى باسشىلارىنىڭ ماجىلىسىنە قاتىناستى. شىعىس وڭتۇستىك ازيا وداعىنداعى ەلدەردىڭ باسشىلارى، سونداي - اق كورەيانىڭ زۇڭتۇڭى يىن شييۋە، ا ق ش - تىڭ زۇڭتۇڭى بايدەن، جاپونيانىڭ باس ءۋازىرى انتيان ۋىنشيۇڭ، اۆستراليانىڭ زۇڭليى البانيس، جاڭا زەللانديانىڭ زۇڭليى اردين، ءۇندىستان زۇڭتۇڭىنىڭ ورىنباسارى دانكار، رەسەيدىڭ سىرتقى ىستەر مينيسترى لاۆروۆ قاتارلىلار ماجىلىسكە قاتىناستى. كامبودجانىڭ باس ءۋازىرى حۇڭسىن ءماجىلىستى باسقاردى.

  لي كىچياڭ مىنالاردى ءبىلدىردى: قازىر حالىقارالىق، وڭىرلىك جاعداي كۇردەلى، ەنەرگيا، استىق، فينانس حاۋىپ - قاتەرى، سىن - سايىسى تولاستامادى. سونىمەن بىرگە، وسى رايون جالپى تۇلعالىق جاقتان بەيبىت، ورنىقتى وڭىرلىك ەكونوميكانىڭ ءبىر تۇلعالانۋىن ساقتاپ، ورنىقتى كاسىپ تىزبەگى مەن قامداۋ تىزبەگى جۇيەسىن قالىپتاستىردى. وڭىردەگى حالىقتىڭ بەيبىتشىلىك، دامۋ جونىندەگى اڭىسى ونان ارى كۇشەيە ءتۇستى. وڭىردەگى ەلدەر ءوزارا قۇرمەت ەتۋدە تاباندى بولىپ، ءوزارا ءتيىمدى سەلبەستىكتى تەرەڭدەتىپ، حاۋىپ - قاتەر مەن سىن - سايىسقا تىزە قوسا توتەپ بەرۋى كەرەك. لي كىچياڭ مىناداي ءۇش ءتۇيىندى باستامانى ورتاعا قويدى:

  ءبىرىنشى، ستراتەگيالىق پىكىرلەسۋدە تاباندى بولىپ، سىندارلى ىقپالداستىق ورىستەتۋ. باسشىلار جەتەكشىلىك ەتكەن ستراتەگيالىق تالقى مىنبەرى رەتىندە باسشىلار ءماجىلىسى تىلدەسۋ تۇعىرىنا اينالىپ، وڭىردەگى ەلدەردىڭ تىلدەسۋىن، كەڭەسۋىن جەبەۋگە، ءوزارا سەنىمدىلىكتى ارتتىرۋعا، الاۋىزدىقتاردى ۇيلەسىمدى ءبىر جاقتى ەتۋگە كۇش سالۋى كەرەك، الشاقتاۋعا بولمايدى، قارسىلاسۋعا ءتىپتى دە بولمايدى. جۇڭگو جاق ءار جاقپەن بىرگە ناقتى سەلبەستىكتى كەڭەيتۋگە جانە تەرەڭدەتۋگە تاماشا شارت - جاعداي ازىرلەپ، شىعىس ازيانىڭ باياندى بەيبىتشىلىگىنىڭ، ورنىقتىلىعىنىڭ ىرگە تاسىن بىرگە بەكەمدەۋدى قالايدى.

  ەكىنشى، ءوزارا ءتيىمدى سەلبەستىكتە تاباندى بولىپ، حاۋىپ - قاتەر مەن سىن - سايىسقا قول ۇستاسا توتەپ بەرۋ. ەكونوميكانىڭ جاھاندانۋىنىڭ دۇرىس بەتالىسىندا تاباندى بولىپ، ساۋدا مەن قارجى قوسۋدىڭ ەركىن، قولايلى بولۋىندا تاباندى بولىپ، وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىن ويداعىداي اتقارىپ، كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن، ىركىلىسسىزدىگىن قورعاپ، وڭىرلىك ەكونوميكانىڭ ءبىر تۇلعالانۋ اياق الىسىن ۇزدىكسىز ىلگەرىلەتۋ كەرەك. ەنەرگيا جانە استىق حاۋىپسىزدىگىن قورعاپ، كىليمات وزگەرىسى جانە ەكولوگيالىق ورتا باسەكەسىنە بىرگە قارسى تۇرىپ، ءوڭىردىڭ باياندى دامۋىن ىلگەرىلەتۋ كەرەك.

  ءۇشىنشى، شىعىس وڭتۇستىك ازيا ەلدەرى وداعىنىڭ وزەكتى ورنىندا تاباندى بولىپ، قامتىمدى وڭىرلىك جۇلگە ورناتۋ. شىعىس وڭتۇستىك ازيا ەلدەرى وداعى جەتەكشىلىك ەتكەن سەلبەستىك جۇلگەسى ءار جاقتىڭ مۇددەسىن قامتىدى، ءوڭىردىڭ ءىس جۇزىندىگىنە ۇيلەسەدى. بۇل قۇرىلىمدى جاعدايدىڭ وزگەرىسىنە قاراي ۇزدىكسىز ساپالىلاندىرىپ، كەمەلدەندىرۋگە بولادى، الايدا شىعىس وڭتۇستىك ازيا وداعىنىڭ نەگىزى رەتىندەگى وزەكتى ورنىنان اۋىتقۋعا بولمايدى. ءار قايسى جاق شىعىس وڭتۇستىك ازيا ەلدەرى وداعىنىڭ شىعىس ازيا سەلبەستىگىندەگى جەتەكشى ورنىن قولداۋى كەرەك. جۇڭگو شىعىس وڭتۇستىك ازيا ەلدەرى وداعىنىڭ ىنتىماعى مەن سەلبەستىگىن قورعاۋدى قولدايدى، حالىقارالىق قوعام بۇعان تاماشا سىرتقى ورتا جاراتۋى كەرەك.

  لي كىچياڭ مىنالاردى ءبىلدىردى: نانحاي تەڭىزىندە قاتىناۋ ەركىندىگىن قورعاۋ ءار جاقتىڭ ورتاق مۇددەسىنە ۇيلەسەدى. ەڭ ءىرى زات ساۋداسى ەلى رەتىندە، جۇڭگونىڭ %60 تىك ساۋداسى نانحاي تەڭىزى ارقىلى وتەدى، جۇڭگو جاق نانحاي تەڭىزىنىڭ بەيبىتشىلىگى مەن ورنىقتىلىعىن جانە سۋ جولىنىڭ ىركىلىسسىزدىگىن قورعاۋدى دارىپتەيدى، قول قويىلعانىنا 20 جىل بولعان «نانحاي تەڭىزىندەگى ءارقايسى جاقتىڭ ارەكەت جارناماسىنىڭ» رۋحىنا جانە «بىرلەسكەن مەملەكەتتەر ۇيىمىنىڭ تەڭىز - مۇحيت زاڭى شارتىن» قامتىعان حالىقارالىق زاڭنىڭ پرينسيبىنە ساي، كەڭەسىپ بىرلىككە كەلۋ پرينسيبى بويىنشا «نانحاي تەڭىز ارەكەت ولشەمى» كەڭەسىن جەدەل ىلگەرىلەتۋدى قالايدى. وڭىردەگى ەلدەردىڭ نانحاي تەڭىزىن بەيبىتشىلىك، دوستىق جانە سەلبەستىك تەڭىزىنە اينالدىرۋىن قولدايدى.

  لي كىچياڭ مىنالاردى دارىپتەدى: جۇڭگونىڭ رەفورما جاساپ، ەسىك اشقان 40 نەشە جىلدا قول جەتكىزگەن ەكونوميكالىق، قوعامدىق دامۋ جەتىستىكتەرى − بەيبىت سىرتقى ورتا مەن ورنىقتى وڭىرلىك ورتانىڭ ارقاسى، بۇل جۇڭگونىڭ ءتۇبىرلى مۇددەسىنە ۇيلەسەدى. جۇڭگو دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتى باتىل اتقارادى، بەيبىت دامۋ جولىمەن جۇرۋدە تاباندى بولادى، ءوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارادى، ءوزىنىڭ دامۋى ارقىلى دۇنيە جۇزىندەگى ءار ەلدىڭ دامۋىنا وراي جاراتادى، ءار جاقپەن بىرگە پىكىرلەسۋدى، سەلبەسۋدى كۇشەيتىپ، شىعىس ازيا سىندى كورىكتى مەكەندى بىرگە قۇرىپ، دۇنيە ءجۇزىنىڭ بەيبىتشىلىگى مەن گۇلدەنۋىن بىرگە قورعاۋدى قالايدى.

  ءماجىلىس حالىقارالىق جانە وڭىرلىك قولامتالى ماسەلەلەردى شوعىرلى تالقىلادى. ۋكراينا داعدارىسى جونىندە لي كىچياڭ بىلاي دەپ اتاپ كورسەتتى: جۇڭگو جاق ءار ەلدىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋدى، بىرلەسكەن مەملەكەتتەر ۇيىمى ەرەجەسىنىڭ نەگىزگى ماقساتى مەن پرينسيبىنە بويسۇنۋدى، داعدارىستى بەيبىت جولمەن شەشۋ جولىنداعى بارلىق قۇلشىنىستى دايەكتى قولدايدى، ۇستامدىلىقتى ساقتاپ، يادرولىق قارۋلاردى ىستەتۋگە جانە قوقانلوقى جاساۋعا قارسى تۇرادى، يادرولىق قارۋلاردى ىستەتۋگە، يادرولىق سوعىستاردى جۇرگىزۋگە بولمايدى، ءالى دە دۇنيە ءجۇزىنىڭ بەيبىت ءتارتىبىن قورعاۋ كەرەك. لي كىچياڭ تاعى چاۋشيان تۇبەگىنىڭ جاعدايى، بيرما سياقتى ماسەلەلەر جونىندە جۇڭگونىڭ پرينسيپتىك تۇرعىسىن پايىمدادى.

  ماجىلىسكە قاتىناسقان باسشىلار مىنالاردى ءبىلدىردى: قازىرگى حالىقارالىق شۇعىل جاعداي مەن كوپ ءتۇرلى سىن - سايىس الدىندا وڭىردەگى مەملەكەتتەر بەرەكە - بىرلىكتى ساقتاپ، ءوزارا قۇرمەتتەۋدە تاباندى بولىپ، تىلدەسۋدى، سەلبەسۋدى ورىستەتىپ، اشىق، سيىسىمدى كوپ جاقتىلىقتى امالياتتا ايگىلەپ، ورتاق مۇددەنى قورعاپ، ورتاق سىن - سايىسقا توتەپ بەرۋى كەرەك. شىعىس ازيا ەلدەرى باسشىلارىنىڭ ءماجىلىسى ستراتەگيالىق پىكىرلەسۋ مەن ماندىك سەلبەستىكتى ىلگەرىلەتۋ جاعىندا ءتيىستى رولىن ۇزدىكسىز ساۋلەلەندىرۋى كەرەك. شىعىس وڭتۇستىك ازيا ەلدەرى وداعىنىڭ شىعىس ازيا سەلبەستىگىندەگى وزەكتى ورنىن كۇشەيتىپ، ەكونوميكا - ساۋدا، ەنەرگيا، استىق، ۇلاستىرۋ - تۇتاستىرۋ، سيفرلى ەكونوميكا، كليمات وزگەرىسىنە توتەپ بەرۋ سياقتى سالالارداعى سەلبەستىكتى تەرەڭدەتىپ، ەكونوميكانىڭ قالپىنا كەلۋى مەن باياندى دامۋىن بىرگە جەبەپ، بەيبىت، جاراسىمدى، گۇلدەنگەن شىعىس ازيا رايونىن قۇرۋ كەرەك.

  شياۋ جيە ماجىلىسكە قاتىناستى.
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار