ءبىر پارشا العىس حاتقا ارقاۋ بولعان ىجداعاتتى قۇتقارۋ - ەمدەۋ
□ انار بۇلت \ شينجياڭ گازەتىنىڭ ءتىلشىسى سۋ لۋپيڭ، ەرىكتى ءتىلشى جياڭ ياڭ
2022.11.09 16:09 كەلۋ قاينارى : شينجياڭ گازەتى
”اكە - شەشەمنىڭ ەكەۋى دە 80نەن اسقان قارت كىسىلەر، ءجۇرىس - تۇرىسى قولايسىز، ەمدەۋ - كۇتىمدەۋ قىزمەتكەرلەرىنىڭ شىنايى قامقورلىعى مەن كومەگىنىڭ ارقاسىندا ولار باعىتتامالى ەمدەۋگە قول جەتكىزدى“... 11 - ايدىڭ 5 - كۇنى شينجياڭ مەديتسينا داشۋەسىنە قاراستى 8 - شيپاحانادا اكەسى ۋاڭ گاڭ مەن شەشەسى جاڭ لاننىڭ ونى - مۇنىسىن جيناستىرىپ بولىپ، ۋاڭ لين ءوز قولىمەن جازعان ءبىر پارشا العىس حاتتى ەرەكشە ىلتيپاتپەن جاۋاپتى شيپاگەرگە ۇستاتتى (ناۋقاستارعا جانە ولاردىڭ ۇيىندەگىلەرگە تۇگەلدەي بۇركەنشىك ات قولدانىلدى).
10 - ايدىڭ 24 - كۇنى، ەرلى - زايىپتى ۋاڭ گاڭداردىڭ اياق استىنان دەمى سىعىلىپ، ەس - تۇستەرىن جاقسى بىلمەي، شينجياڭ مەديتسينا داشۋەسىنە قاراستى 8 - شيپاحانانىڭ 1 − 5 ناۋقاستار اۋماعىنا قۇتقارۋ - ەمدەۋگە جەتكىزىلەدى. شيپاحاناعا كىرگەندە، ۋاڭ گاڭ الدەقاشان ەسىنەن تانىپ، جۇرەك سوعۋى ەرەكشە باياۋلاعان ەدى، اتالعان شيپاحانانىڭ تىنىس جولى اۋرۋلارى ءبولىمىنىڭ تەتە اعا شيپاگەرى جاڭ جيانفىڭ ەمدەۋ - كۇتىمدەۋ قىزمەتكەرلەرىن باستاپ دەرەۋ ناۋقاسقا وتتەگىمەن تىنىس الدىرۋ، كارديوگراممالىق باقىلاۋ جۇرگىزۋ، ۆەنا تامىرىنا ۋكول قويۋ سياقتى اۋرۋ بەلگىسىنە قاراي جەدەل قۇتقارۋ جۇمىستارىن جۇرگىزىپ، ناۋقاس جاعدايىن بىرتىندەپ ورنىقتىرادى.
ەكى قارتتىڭ ەكەۋىندە دە جوعارى قان قىسىمى سياقتى سوزىلمالى اۋرۋ بولعاندىقتان، جاڭ جيانفىڭ قۇتقارۋ - ەمدەۋ ساپاسىن قالاي جوعارىلاتۋ جونىندە ەڭ كوپ باس قاتىرىپ، ەمدەۋ - قۇتقارۋ جوباسىن جاقسارتادى. ءار كۇنى تاڭەرتەڭ ەرتەمەن ول ەمدەۋ - كۇتىمدەۋ قىزمەتكەرلەرىن باستاپ قارتتاردىڭ دەنساۋلىعىن تەكسەرىپ، مەملەكەت پەن اۆتونوميالى رايوننىڭ ماماندار گرۋپپاسىمەن بىرىگىپ دياگنوز قويىپ، اۋرۋ جاعدايىن تۇجىرىمداپ، قارتتارعا دياگنوز قويۋ جانە ولاردى ەمدەۋ جوباسىن دەر كەزىندە رەتتەپ وتىرادى.
ەمدەۋ بارىسىندا، سەسترالار توقتاۋسىز ارالاپ تەكسەرىپ، ۋاڭ گاڭ مەن جۇبايىنىڭ قان قىسىمى، تىنىس الۋ ءريتمى، جۇرەك سوعۋى، قاننىڭ وتتەگىمەن قانىعۋ دارەجەسى سياقتى جاعدايلارىن دەر كەزىندە باقىلاپ، ارالاپ تەكسەرۋ ەستەلىگىن ۋاقتىلى ويداعىداي جاساپ وتىرادى. ”بۇلاي ىستەۋدەگى ماقسات، ءبىر جاعىنان، ەمدەۋ جوباسىن ءونىمدى تياناقتاندىرۋ بولسا، ەندى ءبىر جاعىنان، شيپاگەرلەرگە ءدال دايەك ۇسىنۋ ءۇشىن“، - دەدى اتالعان ناۋقاستار اۋماعىنىڭ سەسترالار باستىعى ۋاڭ ليحۇڭ.
ەكى قارتقا كۇندەلىكتى كۇتىمدەۋ جۇمىسىن ويداعىداي ىستەۋمەن قاتار، سەسترالار قارتتاردىڭ نەگىزگى تۇرمىسىن دا دەن قويا كۇتىمگە الادى. قارتتاردىڭ اس - سۋىنىڭ نەعۇرلىم ىستىعىراق بولۋى ءۇشىن، سەسترالار ءار جولى تاماقتى ميكروتولقىندى پەشكە سالىپ ىسىتقان سوڭ اكەلىپ بەرەدى، كەيدە اۋەلى، ناۋقاس توسەگىنىڭ جانىندا كۇتىپ وتىرادى... ۋاڭ لين وسىلاردىڭ بارلىعىن بۇگە - شىگەسىنە دەيىن كوڭىلىنە توقي بەرىپتى. قارتتار شيپاحانادان شىعاردان ءبىر كۇن بۇرىن كەشتە، ول ەمدەۋ - كۇتىمدەۋ قىزمەتكەلەرىنە دەگەن العىسىن جانە كۇش - قايراتقا تولى ىنتالاندىرۋ سوزدەرىن حاتقا تۇسىرگەن − الدىڭعى شەپتە ىندەتپەن كۇرەسىپ جۇرگەندەردىڭ ماشاقاتتى قۇلشىنىسىنىڭ ارقاسىندا، كوپشىلىكتىڭ بىرگە قۇلشىنۋىندا ىندەتتى، ءسوز جوق، جەڭىپ شىعاتىندىعىمىزعا سەنەمىن.
قازىرگى تاڭدا، سارى ءتۇستى كودپەن بەلگىلەنگەن شيپاحاناعا اۋىستىرىلعان ەكى قارت باسقا نەگىزدىك اۋرۋلارىن ەمدەتۋدى جالعاستىرىپ جاتىر. ”كلينيكالىق قىزمەت جاپالى بولعانىمەن، ساۋىعىپ شيپاحانادان شىققان ناۋقاستاردىڭ قۋانىشتى كۇلكىلەرىن كورگەن سايىن، بارلىق قۇلشىنىسىمىز تەككە كەتپەگەنىن سەزىنەمىن“، - دەدى اتالعان ناۋقاستار اۋماعىنىڭ جاۋاپتى شيپاگەرى پىڭ چيۋيان.
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
