شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسۋ ءارى كامبودجادا رەسمي ساپاردا بولۋ ءۇشىن لي كىچياڭ بەيجيڭنەن اتتانىپ، پنومپەنگە باردى
2022.11.09 16:05 كەلۋ قاينارى : حالىق تورابى
سول جەر ۋاقىتى بويىنشا 11 - ايدىڭ 8 - كۇنى كەشتە كامبودجا پاتشالىعىنىڭ باس ءۋازىرى حۇڭسىننىڭ ۇسىنىسىمەن مەملەكەتتىك كەڭەستىڭ زۇڭليى لي كىچياڭ ارناۋلى ۇشاقپەن پنومپەندەگى حالىقارالىق اۋەجايعا جەتتى، الداعى جەردە شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسادى ءارى كامبودجادا رەسمي ساپاردا بولادى. سۋرەتى شينحۋا اگەنتتىگىنىڭ ءتىلشىسى ليۋ بين تۇسىرگەن
«حالىق گازەتى»، 11 - ايدىڭ 8 – كۇنى، پنومپەن (ءتىلشى باي ياڭ). سول جەر ۋاقىتى بويىنشا 11 - ايدىڭ 8 - كۇنى كەشتە كامبودجا پاتشالىعىنىڭ باس ءۋازىرى حۇڭسىننىڭ ۇسىنىسىمەن مەملەكەتتىك كەڭەستىڭ زۇڭليى لي كىچياڭ ارناۋلى ۇشاقپەن پنومپەندەگى حالىقارالىق اۋەجايعا جەتتى، الداعى جەردە شىعىس ازيا سەلبەستىگى باسشىلارىنىڭ جەلىلەس ماجىلىستەرىنە قاتىناسادى ءارى كامبودجادا رەسمي ساپاردا بولادى. لي كىچياڭ زۇڭليدىڭ حانىمى چىڭ حۇڭ، مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە قاتارلى ساپارلاستارى وسى ۇشاقپەن بىرگە باردى.
كامبودجا باس ءۋازىرىنىڭ ورىنباسارى حى نانحۇڭ ۇكىمەتتىڭ جوعارى دارەجەلى ءمانساپتىلارىن باستاپ اۋەجايعا بارىپ قارسى الدى. قۇرمەت قاراۋىلى قىزىل كىلەمنىڭ ەكى جاعىندا ساپ تۇزەپ قۇرمەت ءبىلدىردى. سول جەردەگى جاستار لي كىچياڭ مەن حانىمى چىڭ حۇڭعا گۇل ۇسىندى. جۇڭگونىڭ كامبودجاداعى باس ەلشىسى ۋاڭ ۋىنتيان مەن شىعىس وڭتۇستىك ازيا وداعىنداعى باس ەلشىسى دىڭ شيجۇن دە اۋەجايعا بارىپ قارسى الدى.
لي كىچياڭ مىنانى ءبىلدىردى: جۇڭگو مەن شىعىس وڭتۇستىك ازيا ەلدەرى وداعى − ءبىر – ءبىرىنىڭ جالپى بەتتىك ستراتەگيالىق سەرىكتەرى جانە ەڭ ۇلكەن ساۋدا سەرىكتەرى. قازىر حالىقارالىق، وڭىرلىك جاعدايدا كۇردەلى دە تەرەڭ وزگەرىستەر تۋىلۋدا، ءتۇرلى تۇراقسىز فاكتورلار كوبەيۋدە، دۇنيە ءجۇزىنىڭ دامۋى بۇرىن بولىپ كورىلمەگەن سايىسقا ءدوپ كەلىپ وتىر. جۇڭگو جاق شىعىس ازيا سەلبەستىگى باسشىلارى جەلىلەس ماجىلىستەرىنىڭ نازاردى دامۋ مەن سەلبەستىككە شوعىرلاندىرىپ، كوپ جاقتىلىقتا جانە ەركىن ساۋدادا تاباندى بولىپ، اشىق سەلبەستىك پەن ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ىركىلىسسىزدىگىن بىرگە قورعاپ، دۇنيە جۇزىلىك سايىستارعا قول ۇستاسا توتەپ بەرىپ، وڭىرلىك ەكونوميكانىڭ ءبىر تۇلعالانۋىن جەبەۋگە، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا جانە دامۋىنا، گۇلدەنۋىنە تىڭ قوزعاۋشى كۇش قوسۋىن ءۇمىت ەتەدى.
لي كىچياڭ مىنالاردى اتاپ كورسەتتى: جۇڭگو مەن كامبودجا جاقىن كورشىلەر، ءداستۇرلى دوستىعى تەرەڭ، ءوزارا ءتيىمدى سەلبەستىكتە ۇزدىكسىز تىڭ دامۋعا قول جەتكىزدى. جۇڭگو جاق وسى رەتكى ساپار ارقىلى كامبودجامەن ىنتىماقتى، دوستىقتى تىلگە تيەك ەتىپ، سەلبەستىك ۇلى جوسپارىن بىرگە اقىلداسىپ، جۇڭگو مەن كامبودجانىڭ تاعدىرلاس ورتاق تۇلعاسى قۇرىلىسىندا اناعۇرلىم كوپ تابىسقا قول جەتكىزۋدى ىلگەرىلەتىپ، ەكى ەل مەن ەكى ەل حالىقتارىنا ءتىپتى دە زور باقىت جاراتۋدى ءۇمىت ەتەدى.
شىعىس ازيا سەلبەستىگى باسشىلارىنىڭ جەلىلەس ماجىلىستەرىنە قاتىناسۋ كەزىندە لي كىچياڭ 25 - رەتكى جۇڭگو - شىعىس وڭتۇستىك ازيا ەلدەرى وداعى (1+10) باسشىلارىنىڭ ماجىلىسىنە، 25 - رەتكى شىعىس وڭتۇستىك ازيا ەلدەرى وداعى مەن جۇڭگو - جاپونيا - كورەيا (3+10) باسشىلارىنىڭ ماجىلىسىنە جانە 17 - كەزەكتى شىعىس ازيا ەلدەرى باسشىلارىنىڭ ماجىلىسىنە قاتىناسادى.
كامبودجادا ساپاردا بولعان كەزىندە لي كىچياڭ سيحاموني پاتشامەن كەزدەسىپ، باس ءۋازىر حۇڭسىنمەن كەڭەس وتكىزىپ، ەكى جاقتىڭ سەلبەستىك قۇجاتتارىنا قول قويۋعا بىرگە كۋا بولادى، پنومپەن - سيحانوك پورتى جوعارى قارقىندىق تاس جولىندا اۆتوموبيل قاتىناۋ، جۇڭگو كامبودجاعا كومەكتەسكەن اڭكور تاكەو بۇتحاناسىن قالپىنا كەلتىرۋ نىسانىن ناقتى تۇلعاسى بويىنشا وتكىزىپ بەرۋ سياقتى قيمىلدارعا قاتىناسادى.
«حالىق گازەتى»، 11 - ايدىڭ 8 – كۇنى، بەيجيڭ (ءتىلشى باي ياڭ). كامبودجا پاتشالىعىنىڭ باس ءۋازىرى حۇڭسىننىڭ ۇسىنىسىمەن مەملەكەتتىك كەڭەستىڭ زۇڭليى لي كىچياڭ 11 - ايدىڭ 8 - كۇنى تۇستەن كەيىن ارناۋلى ۇشاقپەن بەيجيڭنەن اتتانىپ، كامبودجاعا باردى. الداعى جەردە 25 - رەتكى جۇڭگو - شىعىس وڭتۇستىك ازيا ەلدەرى وداعى (1+10) باسشىلارىنىڭ ماجىلىسىنە، 25 - رەتكى شىعىس وڭتۇستىك ازيا ەلدەرى وداعى مەن جۇڭگو - جاپونيا - كورەيا (3+10) باسشىلارىنىڭ ماجىلىسىنە جانە 17 - كەزەكتى شىعىس ازيا ەلدەرى باسشىلارىنىڭ ماجىلىسىنە (EAS) قاتىناسادى ءارى كامبودجادا رەسمي ساپاردا بولادى.
لي كىچياڭ زۇڭليدىڭ حانىمى چىڭ حۇڭ، مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە قاتارلى ساپارلاستارى وسى ۇشاقپەن بەيجيڭنەن اتتاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
