حالىق تورابى

شي جينپيڭ تانزانيانىڭ زۇڭتۇڭى حاسانمەن كەڭەس وتكىزدى

2022.11.04 16:13 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

11 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن تانزانيانىڭ زۇڭتۇڭى حاسانمەن كەڭەس وتكىزدى. سۋرەتتە: كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا حاسانعا ارناپ قارسى الۋ سالتىن وتكىزدى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

　　شينحۋا اگەنتتىگى، 11 - ايدىڭ 3 - كۇنى، بەيجيڭ. مەملەكەت ءتوراعاسى شي جينپيڭ 11 - ايدىڭ 3 - كۇنى تۇستەن كەيىن حالىق سارايىندا جۇڭگوعا مەملەكەتتىك ساپارمەن كەلگەن تانزانيانىڭ زۇڭتۇڭى حاسانمەن كەڭەس وتكىزدى. ەكى ەلدىڭ مەملەكەت باسشىلارى جۇڭگو - تانزانيا قارىم - قاتىناسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرىلگەنىن جاريالادى.

　　شي جينپيڭ بىلاي دەپ اتاپ كورسەتتى: حاسان زۇڭتۇڭ − جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنان كەيىن جۇڭگو قارسى العان تۇڭعىش افريكا ەلىنىڭ مەملەكەت باسشىسى، بۇل جۇڭگو - تانزانيا قارىم - قاتىناسىنىڭ تىعىزدىق دەڭگەيىن جانە جۇڭگو - افريكا قارىم - قاتىناسىنىڭ جۇڭگونىڭ ديپلوماتيالىق جالپى جاعدايىنداعى ماڭىزدى ورنىن تولىق ايگىلەدى. 2013 - جىلى مەن تانزانيادا ساپاردا بولعان كەزىمدە جۇڭگو افريكا ەلدەرىمەن سەلبەستىك ورىستەتۋدە شىنايى، ادال بولۋ ۇستانىمىن ۇستانۋ كەرەكتىگىن العا قويدىم، بۇل قازىر جۇڭگونىڭ وركەندەپ كەلە جاتقان ەلدەرمەن ىنتىماقتاسۋىنا، سەلبەسۋىنە جەتەكشىلىك ەتەتىن نەگىزگى ساياساتتىق ۇستانىمعا اينالدى. جاڭا جاعدايدا جۇڭگو - تانزانيا قارىم - قاتىناسىن ويداعىداي دامىتۋ ەكى ەلدىڭ ورتاق جانە ۇزاق بولاشاقتىق مۇددەسىنە ۇيلەسىپ قالماستان، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتۋ جونىنەن دە ماڭىزدى مانگە يە.

　　شي جينپيڭ ج ك پ 20 - قۇرىلتايىنىڭ قاتىستى جاعدايلارىن تانىستىردى. شي جينپيڭ بىلاي دەپ اتاپ كورسەتتى: قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ، باستاپ، جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ. وسىزامانداندىرۋ باتىستاندىرۋ دەگەندىك ەمەس. جۇڭگو جۇڭگونىڭ مەملەكەت جاعدايىنا ۇيلەسەتىن دامۋ جولىن تاپتى. جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتقان، جۇڭگونىڭ ءىس جۇزىندىگىنە ۇيلەسەدى، جۇڭگوشا ەرەكشەلىككە يە. جۇڭگو كوممۋنيستىك پارتياسى مەن تانزانيا توڭكەرىستىك پارتياسى پارتيانى قۇدىرەتتەندىرىپ، مەملەكەتتى گۇلدەندىرۋ سىندى تاريحي بورىشتى ارقالاپ وتىر، جۇڭگو كوممۋنيستىك پارتياسى تانزانيا توڭكەرىستىك پارتياسىمەن اۋىس - كۇيىستى، سەلبەستىكتى ۇزدىكسىز كۇشەيتىپ، نيەرەرە باسشىلىق قابىلەتى شۋەيۋانىنىڭ وقىتۋى مەن جۇمىس جۇرگىزۋىنە قولداۋ كورسەتۋدى قالايدى.

　　شي جينپيڭ بىلاي دەپ دارىپتەدى: جۇڭگو جاق باستان - اياق ستراتەگيالىق بيىكتەن جۇڭگو - تانزانيا قارىم - قاتىناسىنا مامىلە جاسايدى، باستان - اياق تانزانيا جاق سەنىم ارتاتىن دوس بولادى. ەكى جاق جۇڭگو مەن تانزانيانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن جەتەكشى ەتىپ، كەلەسى ساتىداعى ءار سالاداعى دوستىق سەلبەستىكتى ءبىر تۇتاس جوسپارلاپ ىلگەرىلەتۋى كەرەك. جۇڭگو تانزانيانىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باتىل قولدايدى، تانزانيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن باتىل قولدايدى، تانزانيامەن بىرگە ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى ۇزدىكسىز تاباندىلىقپەن قولداۋدى قالايدى. جۇڭگو جاق تانزانيانىڭ ەرەكشە ونىمدەرىن يمپورت ەتۋدى ۇزدىكسىز كەڭەيتىپ، جۇڭگو كاسىپورىندارىنىڭ تانزانياعا بارىپ قارجى قوسىپ، كاسىپتى گۇلدەندىرۋىنە قولداۋ كورسەتىپ، تانزانيانىڭ ەكونوميكالىق، قوعامدىق دامۋىنا شاماسىنىڭ جەتىسىنشە كومەك بەرۋدى قالايدى. جۇڭگو جاق تانزانيامەن اۋىل - قىستاقتى گۇلدەندىرۋ تاجىريبەلەرى مەن ادىستەرى جونىندە اۋىس - كۇيىس جاساپ، تانزانيانىڭ حالىق تۇرمىسىن دامىتۋىن قولداۋدى قالايدى.

　　شي جينپيڭ بىلاي دەپ اتاپ كورسەتتى: تانزانيا - زامبيا تەمىر جولى − جۇڭگو - تانزانيا جانە جۇڭگو - افريكا دوستىعىنىڭ ەسكەرتكىشى. سول جىلدارى جۇڭگو ءوزى ءالى دە كەدەي بولىپ تۇرعان كەزدە، ءبىز افريكاداعى باۋىرلاستاردىڭ تانزانيا – زامبيا تەمىر جولىن سالۋىنا قايراتتانىپ كومەكتەستىك. قازىر ءبىز دامىدىق، ءتىپتى دە قۇلشىنىپ، شىنايى، ادال بولۋ ۇستانىمىن نەگىز ەتىپ، افريكاداعى دوستاردىڭ بىرگە دامۋدى جۇزەگە اسىرۋىنا كومەكتەسىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋىمىز كەرەك. جۇڭگو - افريكا قاتىناسىن دامىتۋدا ءوزارا سەنىمدىلىك، ءوزارا تيىمدىلىك، ءوزارا ۇلگى الۋ، ءوزارا كومەكتەسۋ سىندى ۇلكەن باعىتتان اۋىتقىماۋ كەرەك. جۇڭگو مەن افريكا ەكى جاق تاڭداۋلى داستۇرگە مۇراگەرلىك ەتىپ، جۇڭگو - افريكا دوستىق، سەلبەستىك رۋحىن ساۋلەلەندىرىپ، جۇڭگو - افريكا دوستىق ىستەرىن ىلگەرىلەتۋدىڭ تاريحي ىرىقتىلىعىن ۇزدىكسىز كۇشەيتۋى كەرەك. جۇڭگو ءوزىنىڭ جاڭا دامۋى ارقىلى افريكا جاققا جاڭا وراي ازىرلەپ، «9 ءتۇرلى ينجەنەريانى» جەدەل تياناقتاندىرىپ، نەگىزدىك قۇرىلعىلاردى جەتەكشى ەتىپ، ساۋدا، قارجى قوسۋ، قارجى قۇراۋ سىندى ءۇش ۇلكەن تىرەكتى بەكەمدەپ، جۇڭگو - افريكا سەلبەستىگىنىڭ جاڭا قوزعاۋشى قۋاتىن جەتىلدىرۋدى قالايدى. جۇڭگو جاق افريكا جاقپەن بەيبىت قاتار تۇرۋدىڭ بەس پرينسيبى سياقتى حالىقارالىق قارىم - قاتىناستىڭ نەگىزگى ولشەمدەرىندە تاباندى بولىپ، دۇنيە جۇزىلىك دامۋ باستاماسىن بەلسەنە تياناقتاندىرىپ، وركەندەپ كەلە جاتقان ەلدەردىڭ دۇنيە جۇزىلىك جونگە سالۋداعى ۋاكىلدىك سيپاتى مەن سويلەۋ ۇقىعىن جوعارىلاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.

　　حاسان مىنالاردى ءبىلدىردى: مەن جۇڭگو كوممۋنيستىك پارتياسىنىڭ 20 - قۇرىلتايى جەڭىسپەن اشىلعاننان كەيىن كوپ وتپەي ۇسىنىس بويىنشا جۇڭگوعا ساپارلاي كەلگەنىمە ەرەكشە اسەرلەندىم جانە داڭق سەزىندىم، بۇل تانزانيا - جۇڭگو قارىم - قاتىناسىنىڭ جوعارى دەڭگەيىن تولىق ايگىلەدى. مەن تانزانيا توڭكەرىستىك پارتياسى مەن تانزانيا ۇكىمەتى اتىنان ج ك پ 20 - قۇرىلتايىنىڭ ءساتتى اشىلعانىن، ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيلىگىنە تاعى دا سايلانعانىن قىزۋ قۇتتىقتايمىن. تانزانيا جاق جۇڭگونى ناعىز ەڭ ماڭىزدى دوس سانايدى، ماڭگى جۇڭگونىڭ سەنىمىنە لايىق سەرىك بولۋدى، جۇڭگومەن بىرگە جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتۋدى وراي ەتىپ، ءار سالاداعى ناقتى ىستەر سەلبەستىگىن كۇشەيتىپ، تانزانيا - جۇڭگو قارىم - قاتىناسىن جاڭا دەڭگەيگە كوتەرىپ، جاڭا داۋىردەگى افريكا - جۇڭگو قارىم - قاتىناسىنىڭ ۇلگىسىنە اينالدىرۋدى قالايدى. تانزانيا جاق تايۋان، شينجياڭعا ساياتىن ىستەر، شياڭگاڭعا ساياتىن ىستەر سياقتى جۇڭگونىڭ وزەكتى مۇددەسىنە ساياتىن ماسەلەلەردە جۇڭگونى ۇزدىكسىز باتىل قولدايدى. جۇڭگو جاقتىڭ نيەرەرە باسشىلىق قابىلەتى شۋەيۋانىنىڭ دامۋىنا قولداۋ كورسەتكەنىنە العىس ايتامىن، وڭتۇستىك افريكاداعى 6 ەتەنە پارتيا جۇڭگومەن ەل باسقارۋ تاجىريبەلەرىن اۋىستىرۋدى كۇشەيتىپ، اناعۇرلىم جاقسى دامۋدى جۇزەگە اسىرۋدى ءۇمىت ەتەدى. جۇڭگو - افريكا سەلبەستىك تالقى مىنبەرى افريكا ەلدەرىنىڭ قاتىستى سالالارداعى دامۋىن بارىنشا جەبەۋمەن بىرگە، باسقا ەلدەردىڭ افريكامەن سەلبەستىكتى دامىتۋىندا ۇلگىلىك، جەتەكشىلىك رول اتقارىپ، افريكانىڭ حالىقارالىق ىقپالىن جوعارىلاتتى، تانزانيا جاق تالقى مىنبەرىنىڭ دامۋىنا ۇزدىكسىز بەلسەنە ات سالىسادى ءارى قولداۋ كورسەتەدى. ءتوراعا شي جينپيڭ العا قويعان دۇنيە جۇزىلىك دامۋ باستاماسى قازىر ءدوپ كەلىپ وتىرعان دۇنيە جۇزىلىك سىن - سايىستى شەشۋگە ءتيىمدى، تانزانيا جاق جۇڭگو جاقپەن بىرگە بەلسەنە تياناقتاندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

　　ەكى ەلدىڭ مەملەكەت باسشىلارى ءبىر اۋىزدان مىنالارعا ماقۇل بولدى:

　　جوعارى جىكتەگىلەردىڭ بارىس - كەلىسى مەن تىلدەسۋ جاعدايىن جالعاستىرىپ، ەكى ەلدىڭ جەرگىلىكتى ورىندارىنىڭ، زاڭ شىعارۋ قۇرىلىمدارىنىڭ جانە ساياسي پارتيالار اراسىنداعى ءار دارەجەدەگىلەردىڭ اۋىس - كۇيىسى مەن سەلبەستىگىن جيىلەتۋ؛

　　ەكى جاقتى ساۋدانىڭ كولەمىن كەڭەيتىپ، ەكى جاقتى ەكونوميكا - ساۋدا سەلبەستىگىنىڭ دەڭگەيىن جوعارىلاتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى تەرەڭدەتىپ، نەگىزدىك قۇرىلعى نىساندارى سەلبەستىگىن ىلگەرىلەتىپ، كاسىپ سالالارىنىڭ ۇشتاسۋىن جانە ءوندىرىس قۋاتى سەلبەستىگىن ىلگەرىلەتىپ، وڭدەۋ - جاساۋ، جاسىل دامۋ، سيفرلى ەكونوميكا سياقتى سالالارداعى ءوزارا ءتيىمدى سەلبەستىكتى كەڭەيتۋ؛

　　گۋمانيتارلىق اۋىس - كۇيىستى كەڭەيتىپ، جۇڭگو - تانزانيا ساياحات مادەنيەت جىلىن لايىقتى مەزگىلدە وتكىزىپ، ەكى ەل وقىمىستىلارىنىڭ، اقپارات قۇرالدارىنىڭ اۋىس - كۇيىستى كۇشەيتۋىن ىلگەرىلەتىپ، ەكى ەلدىڭ حالىقتىق دوستىعىنا مۇراگەرلىك ەتۋ جانە ونى ساۋلەلەندىرۋ؛

　　حالىقارالىق جانە كوپ جاقتى سەلبەستىكتى نىعايتىپ، كليمات وزگەرىسى، 2030 - جىلعا دەيىنگى باياندى دامۋ كەڭەستىك ءتارتىبى سياقتى ماڭىزدى كەڭەستىك تاقىرىپتاردا تىلدەسۋدى، سەلبەسۋدى كۇشەيتىپ، حالىقارالىق ادىلدىكتى، ادىلەتتىلىكتى جانە ەكى جاقتىڭ ورتاق مۇددەسىن قورعاۋ.

　　كەڭەستەن كەيىن ەكى ەل باسشىلارى ەكى ەلدىڭ ساۋدا، قارجى قوسۋ، دامۋ سەلبەستىگى، سيفرلى ەكونوميكا، جاسىل دامۋ، كوك ءتۇستى ەكونوميكا سياقتى ەكى جاقتى سەلبەستىك قۇجاتتارىنا قول قويۋعا بىرگە كۋا بولدى. ەكى جاق «جۇڭحۋا حالىق رەسپۋبليكاسى مەن تانزانيا بىرلەسكەن رەسپۋبليكاسىنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتۋ جونىندەگى بىرلەسكەن مالىمدەمەسىن» جاريالادى.

　　كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا حاسانعا ارناپ قارسى الۋ سالتىن وتكىزدى.

　　حاسان جەتكەن كەزدە تيان - انمىن الاڭىندا 21 رەت قۇرمەت ساليۋتى اتىلدى، 17 قۇرمەت قاراۋىلى باسپالداقتاعى قىزىل كىلەمنىڭ ەكى جاعىندا ساپ تۇزەپ قۇرمەت ءبىلدىردى، قوناقتاردى قارسى الۋ سىرنايى شالىنىپ، قۇرمەت ءبىلدىرىلدى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن تانزانيانىڭ مەملەكەت گيمندەرىن ورىندادى. حاسان شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

　　كەڭەس اياقتاعاننان كەيىن شي جينپيڭ حالىق سارايىنىڭ التىن ءتۇستى زالىندا حاسانعا ارناپ قارسى الۋ قوناعاسىن بەردى.

　　ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved