الدىڭعى ءۇش ماۋسىمدا شينجياڭنىڭ ەنەرگيا ءونىم مولشەرى ورنىقتى ارتىپ، قامداۋ پارمەندى قامتاماسىز ەتىلدى
2022.11.03 15:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسىنىڭ ساناعىنا قاراعاندا، 1 - ايدان 9 - ايعا دەيىن شينجياڭنىڭ كولەمنەن جوعارى ونەركاسىپتىك كومىر ءونىم مولشەرى 291 ميلليون 323 مىڭ 900 توننا بولىپ، سايكەس مەزگىلدەگىدەن ％1. 31 ارتىپ، ارتۋ قارقىنى الدىڭعى جارتى جىلداعىدان 3. 2 پايىز جوعارىلاعان. الدىڭعى ءۇش ماۋسىمدا شينجياڭنىڭ كومىرى، شيكى مۇنايى، تاراتىلعان، پايدالانىلعان ەلەكترى كۇشتى ارىنمەن ورگە باسىپ، بۇكىل ەلدى ەنەرگيامەن قامداۋعا پارمەندى كەپىلدىك ازىرلەگەن.
قۇمىل − شينجياڭنىڭ كومىرىن سىرتقا جەتكىزۋدىڭ نەگىزگى شايقاس مايدانى. قۇمىل قالالىق دامۋ جانە رەفورما كوميتەتىنىڭ ساناعىنا قاراعاندا، الدىڭعى ءۇش ماۋسىمدا قۇمىل قالاسى وندىرگەن كومىر 88 ميلليون 620 مىڭ توننا بولىپ، سايكەس مەزگىلدەگىدەن ％82 ارتقان. بۇل كومىرلەر جەرگىلىكتى ورىندى قامداۋعا كەپىلدىك ەتۋمەن بىرگە، باسىم كوپ ءبولىمى گانسۋ، سىچۋان، چۇڭچيڭ، نيڭشيا، چيڭحاي جانە ورتا شىعىس بولىكتەگى حىنان، حۋبەي، شاندۇڭ سياقتى جەرلەرگە ساتىلعان.
مۇناي ونەركاسىپتىڭ ”قانى“ دەپ اتالادى. الدىڭعى ءۇش ماۋسىمدا شينجياڭدا مۇنايدىڭ ءونىم مولشەرى 24 ميلليون 287 مىڭ 200 توننا بولىپ، سايكەس مەزگىلدەگىدەن ％8.2 ارتىپ، بىلتىرعى سول تۇستاعى ارتۋ قارقىنىنان 7.1 پايىز جوعارى بولعان.
مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي ىلگەرىلەتۋ ءۇشىن، 9 - ايدىڭ 28 - كۇنى باتىستىڭ گازىن شىعىسقا جەتكىزۋ 4 - جەلى ينجەنەرياسى قۇرىلىس باستادى. ءتىلشىنىڭ تارىم مۇناي الابىنان ۇعىسۋىنشا، بۇل مۇناي الابىنىڭ الدىڭعى ءۇش ماۋسىمداعى تابيعي گاز ءوندىرۋ مولشەرى كۇنىنە ورتا ەسەپپەن ءبىر ميلليون تەكشەمەتردەن ارتىپ وتىرعان. قازىرگە دەيىن، تابيعي گازدى باتىستان شىعىسقا جەتكىزۋدىڭ نەگىزگى گاز قاينارى رەتىندە، وسى مۇناي الابىنىڭ تابيعي گازدى باتىستان شىعىسقا جەتكىزەتىن قۇبىر تورى ارقىلى جالپى جەتكىزگەن تابيعي گازى 310 ميلليارد تەكشەمەتردەن اسىپ، ەلىمىزدەگى 15 ولكە، رايون، قالاداعى، 120 ءىرى، ورتا قالاداعى 400 ميلليوننان استام تۇرعىنعا پايدا جەتكىزگەن.
الدىڭعى ءۇش ماۋسىمدا شينجياڭنىڭ تابيعي گاز ءونىم مولشەرى 30 ميلليارد 229 ميلليون تەكشەمەترگە جەتىپ، سايكەس مەزگىلدەگىدەن ％1. 5 ارتتى؛ تابيعي گازدى باتىستان شىعىسقا جەتكىزۋى 49 ميلليارد 365 ميلليون تەكشەمەترگە جەتىپ، سايكەس مەزگىلدەگىدەن ％4. 3 ارتتى.
تاراتىلعان، پايدالانىلعان ەلەكتر − ەكونوميكالىق اينالىمنىڭ ”بارومەترى“ جانە ”باعدارلاۋىشى“. اۆتونوميالى رايوندىق ساناق مەكەمەسىنىڭ ساندى مالىمەتىنە نەگىزدەلگەندە، شينجياڭنىڭ الدىڭعى ءۇش ماۋسىمدا تاراتقان ەلەكتر مولشەرى 350 ميلليارد 598 ميلليون كيلوۆات ساعاتقا جەتىپ، سايكەس مەزگىلدەگىدەن ％2. 1 ارتىپ، ارتۋ قارقىنى الدىڭعى جارتى جىلداعىدان 7. 0 پايىز جوعارى بولعان. بۇكىل قوعامنىڭ پايدالانعان ەلەكتر مولشەرى 259 ميلليارد 756 ميلليون كيلوۆات ساعاتقا جەتىپ، ％4. 2 ارتقان، مۇنىڭ ىشىندە، ونەركاسىپكە پايدالانىلعان ەلەكتر مولشەرى 208 ميلليارد 432 ميلليون كيلوۆات ساعاتقا جەتىپ، سايكەس مەزگىلدەگىدەن ％2. 4 ارتقان.
كەزەكتە شينجياڭ باتىس سولتۇستىك نەگىزگى تورىمەن 750 كيلوۆولتتىق ءبىرىنشى، ەكىنشى ارنانى تۇتاستىرۋ، جيچۋان تۇراقتى توگى، قۇمىلدىڭ وڭتۇستىگى − جىڭجوۋ 800 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ”ەكى ەرەكشە جوعارى كەرنەۋلى اينىمالى توك بويىنشا ەلەكتر جەتكىزۋ ارناسى، ەكى ەرەكشە جوعارى كەرنەۋلى تۇراقتى توك بويىنشا ەلەكتر جەتكىزۋ ارناسى“ سىندى شينجياڭنىڭ ەلەكترىن سىرتقا جەتكىزۋ ارناسى جۇلگەسىن قۇردى. 9 - ايدىڭ 28 - كۇنى شينجياڭنىڭ ەلەكترىن سىرتقا جەتكىزۋدىڭ ءۇشىنشى تۇراقتى توك ارناسى − قۇمىل − چۇڭچيڭ 800 ± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ سايكەستىرىلگەن كومىر ەلەكتر نىسانى قۇرىلىس باستادى، بۇل ينجەنەريا سالىنىپ بولعاننان كەيىن، شينجياڭنىڭ ەلەكترىن سىرتقا جەتكىزۋ قۋاتىن تاعى دا جوعارىلاتادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
