شي جينپيڭ ۋگاندانىڭ زۇڭتۇڭى مۋسەۆەنيمەن جۇڭگو مەن ۋگاندانىڭ ديپلوماتيالىق قارىم - قاتىناس ورناتقانىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.10.19 16:24 كەلۋ قاينارى : حالىق تورابى
شينحۋا اگەنتتىگى، 10 – ايدىڭ 18 – كۇنى، بەيجيڭ. 10 – ايدىڭ 18 – كۇنى مەملەكەت ءتوراعاسى شي جينپيڭ ۋگاندانىڭ زۇڭتۇڭى مۋسەۆەنيمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ۋگاندانىڭ ءداستۇرلى دوستىعى ۋاقىت وتكەن سايىن بەكەمدەلىپ كەلەدى. تاياۋ جىلداردان بەرى ەكى ەل جان - جاقتى سەلبەستىك سەرىكتەستىك قارىم - قاتىناس ورناتىپ، ساياسيداعى ءوزارا سەنىمدىلىگى كۇن سايىن بەكەمدەلىپ، ءار سالاداعى سەلبەستىگى ۇزدىكسىز تەرەڭدەپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن - ءبىرى تاباندىلىقپەن قولداپ، حالىقارالىق جانە وڭىرلىك ىستەردە تىعىز سايكەستى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى ەل حالقى قيىندىقتى بىلەك بىرىكتىرە جەڭىپ، ءوزارا قارايلاسىپ، جۇڭگو - ۋگاندا دوستىعىنىڭ جاڭا پاراعىن اشتى. مەن جۇڭگو - ۋگاندا قارىم - قاتىناسىنىڭ دامۋىنا ايرىقشا ءمان بەرەمىن، مۋسەۆەني زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن وراي ەتە وتىرىپ، «ءبىر بەلدەۋ، ءبىر جولدى» بىرگە قۇرۋ جانە جۇڭگو - افريكا سەلبەستىك تالقى مىنبەسى اياسىندا ءار سالاداعى سەلبەستىكتى تەرەڭدەتىپ، ەكى ەلدى جانە ەكى ەل حالىقتارىن باقىتقا كەنەلتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋدى قالايمىن.
مۋسەۆەني مىنانى ءبىلدىردى: ديپلوماتيالىق قارىم - قاتىناس ورناتقان 60 جىلدان بەرى ۋگاندا مەن جۇڭگو تىعىز سايكەسىپ، كوپتەگەن كەلەلى سەلبەستىكتى بىرگە جەبەپ، ەكى ەل اراسىنداعى تاماشا قارىم - قاتىناس باستان - اياق ومىرشەڭدىك كۇشكە تولى بولدى. ۋگاندا جۇڭگومەن قارىم - قاتىناسىن ۇزدىكسىز دامىتۋعا كۇش سالادى. ەكى ەلدىڭ دوستىق سەلبەستىك قارىم - قاتىناسىنىڭ، ءسوز جوق، ۇزدىكسىز تەرەڭدەپ، ەكى ەل حالىقتارىن اناعۇرلىم باقىتقا كەنەلتىپ، دۇنيە ءجۇزىنىڭ بەيبىتشىلىگىن، ورنىقتىلىعىن جانە سەلبەستىگىن جەبەۋگە ۇلەس قوساتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
