جۇڭگو 30 نەشە مەملەكەتتىڭ اتىنان قارسىلىق ءبىلدىردى
2022.09.23 15:10 كەلۋ قاينارى : حالىق تورابى
بىرلەسكەن مەملەكەتتەر ۇيىمىنىڭ 51 – كەزەكتى ءماجىلىسى 9 – ايدىڭ 21 – كۇنى ەكونوميكالىق، قوعامدىق، مادەنيەت جاقتارىنداعى ۇقىعىن جانە دامۋ ۇقىعىن قامتىعان ارناۋلى تاقىرىپتاعى ادامدىق ۇقىق ماسەلەسى جونىندە جاي پىكىر تالاس ۇيىمداستىردى. جۇڭگونىڭ بىرلەسكەن مەملەكەتتەر ۇيىمىنىڭ جەنەۆادا تۇراتىن ءىس باسقارماسى مەن شۆەتسارياداعى باسقا حالىقارالىق ۇيىمدارداعى ۋاكىلى چىن شۇي باس ەلشى 30 نەشە مەملەكەتتىڭ اتىنان ورتاق سوزگە شىعىپ، ءارقايسى جاقتاردى حالىقتى وزەك ەتۋگە، ەكونوميكالىق، قوعامدىق، مادەنيەت جاقتارىنداعى ۇقىقتاردى ىلگەرىلەتۋدى جانە قورعاۋدى كۇشەيتۋگە، تەڭسىزدىكتەردى جويۋعا جۇمسالاتىن قوسىلىمدى ارتتىرۋعا، حالىقارالىق زاڭدىق نەگىزى جوق سىڭار جاقتى جازالاۋ شارالارىنا قارسى تۇرۋعا ۇندەدى.
ورتاق سوزدە مىنالار اتاپ كورسەتىلدى: جاڭا تيپتى ايدارشا ۆيرۋس وكپە قابىنۋ اۋرۋى دۇنيە ءجۇزىنىڭ دامۋ جەتىستىكتەرىندە كەرى بۇرىلىس تۋدىردى، بىرلەسكەن مەملەكەتتەر ۇيىمىنىڭ 2030 – جىلعا دەيىنگى ءۇرتىس دامۋ كۇن ءتارتىبىنىڭ تياناقتاندىرىلۋ ءۇردىسى كەدەرگىگە ۇشىرادى، مەملەكەتتەردىڭ ىشكى بولىگى مەن مەملەكەتتەر اراسىنداعى تەڭسىزدىك اسقىنا ءتۇستى. بۇل ەكونوميكالىق، قوعامدىق، مادەنيەت جاقتارىنداعى ۇقىقتى ىلگەرىلەتىپ، تەڭسىزدىكتەردى جويۋدىڭ ماڭىزدىلىعىن كورنەكتىلەندىرە ءتۇستى.
ورتاق سوزدە ءارقايسى جاقتاردى حالىقتى وزەك ەتۋدە تاباندى بولىپ، دامۋ جەتىستىكتەرىمەن بارلىق توپتاردى اناعۇرلىم مول، اناعۇرلىم ءادىل يگىلىكتەندىرۋگە، وتە – موتە، ءالسىز جانە شەتتەتىلگەن توپتاردىڭ وقۋ – اعارتۋ، مەديتسينالىق ەمدەۋ، تۇرعىن ءۇي، ويداعىداي قىزمەت قاتارلى نەگىزدىك ۇقىقتاردان تەپە – تەڭ يگىلىكتەنۋىنە شارت – جاعداي ازىرلەۋگە، ەشقانداي ادامدى قاتاردان قالدىرماۋعا، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم جالعاسىمدى، اناعۇرلىم حاۋىپسىز دامۋدى ىسكە اسىرۋعا ۇندەدى؛ ءارقايسى جاقتاردى حالىقارالىق ىنتىماقتى كۇشەيتىپ، ىندەتكە كەڭ پەيىلدى شارالار ارقىلى توتەپ بەرۋگە ءارى ىندەتتەن كەيىنگى قايتا گۇلدەنۋدى ىلگەرىلەتىپ، ۆاكسينا مەن ءدارىنى ءبولۋدىڭ ءادىل ءارى قولجەتىمدى بولۋىنا كەپىلدىك ەتۋگە ۇندەدى.
ءارقايسى ەلدەردىڭ تۇرلىشە جاعدايىن، كۇش - قۋاتىن جانە دامۋ ورەسىن ويلاستىرا وتىرىپ، ءار ەلدىڭ ساياساتى مەن الدىمەن ويلاستىراتىن تۇستارىنا قۇرمەت ەتىپ، 2030 – جىلعا دەيىنگى دامۋ كۇن ءتارتىبىن تياناقتاندىرۋدى حالىقارالىق سەلبەستىك كۇن تارتىبىندەگى الدىمەن ويلاستىراتىن ورىنعا قويىپ، 17 ءتۇرلى ءۇرتىس دامۋ نىساناسىن بەلگىلەنگەن مەرزىمدە ىسكە اسىرۋعا قۇلشىنۋى كەرەك. دامىعان ەلدەر اناعۇرلىم ناقتى شارالاردى ورتاعا قويۋى، حالىقارالىق فينانس قۇرىلىمدارى ەكونوميكالىق، قوعامدىق، مادەنيەت جاقتارىنداعى ۇقىقتارعا كەدەرگى بولاتىن ىقشامداۋ ساياساتتارىن اتقارۋدان ساقتانۋى كەرەك؛ بىرلەسكەن مەملەكەتتەر ۇيىمىنىڭ ادامدىق ۇقىق مەحانيزمىن بەلسەندى رول اتقارۋعا، ەكونوميكالىق، قوعامدىق، مادەنيەت جاقتارىنداعى ۇقىقتاردى ىلگەرىلەتۋ جانە قورعاۋ، تەڭسىزدىكتى جويۋ قاتارلى جاقتارداعى قوسىلىمدى ارتتىرۋعا، ىسكە قاتىستى مەملەكەتتەردىڭ ماقۇلداۋىنان وتكىزۋ نەگىزىندە ءونىمدى كومەك بەرۋگە ۇندەدى. ادامدىق ۇقىق القالار كەڭەسى مەن ادامدىق ۇقىق ىستەرىنە جاۋاپتى جوعارى دارەجەلى ارناۋلى قىزمەتكەر كەڭسەسى قاتارلىلار ءار ەلدىڭ دەربەس تاڭداعان دامۋ جولىمەن ءجۇرۋ ۇقىعىن قورعاۋى، باسقا ەلدەردىڭ ىشكى ىستەرىنە ارالاسۋعا قارسى تۇرۋى، حالىقارالىق زاڭدىق نەگىزى جوق سىڭار جاقتىلى جازالاۋ شارالارىنا قارسى تۇرۋى، دامۋ ۇقىعىن ساياسيلاندىرۋعا جانە شەتتەندىرۋگە قارسى تۇرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
