موڭعۇليادا وباعا شالدىققان ادام بايقالدى
2022.09.21 16:16 كەلۋ قاينارى : حالىق تورابى
شينحۋا اگەنتتىگىنىڭ 9 ـ ايدىڭ 20 ـ كۇنى ۇلانباتىردان بەرگەن حابارى. موڭعۇليانىڭ مەملەكەتتىك ادام مەن مالدىڭ ورتاق اۋرۋىن زەرتتەۋ ورتالىعىنىڭ 9 ـ ايدىڭ 19 ـ كۇنگى حابارلاندىرۋىنا قاراعاندا، اتالعان ەلدىڭ باتىس بولەگىندەگى قوبدا ولكەسىندە وباعا شالدىقتى دەپ دياگنوز قويىلعان ءبىر ناۋقاس بايقالعان، قازىر 48 تىعىز ارالاسقاندار شۇعىل اۋاشالاۋعا الىنعان.
ونىڭ تانىستىرۋىنا قاراعاندا، اتالعان دياگنوز قويىلعان ناۋقاس تاياۋدا سۋىر ەتىن جەگەننەن كەيىن، بەزى ءىسىنۋ سياقتى اۋرۋ بەلگىلەرى بايقالعان. ناۋقاس دەرەۋ جەرگىلىكتى شيپاحاناعا بارىپ ەمدەلەدى، موڭعۇليا مەملەكەتتىك ادام مەن مالدىڭ ورتاق اۋرۋىن زەرتتەۋ ورتالىعى ىشكەرىلەي تەكسەرۋ ارقىلى وبا دەپ دياگنوز قويادى. قوبدا ولكەسىنىڭ شۇعىل جاعداي تاراۋلارى حاۋىپ - قاتەر رايونىنا قاتىستى پەشەتتەۋ، تىزگىندەۋ شارالارىن قولدانىپ، سۋىر ەتىن ساتۋ، تاسۋ سياقتى جاعدايلاردى قاتاڭ تەكسەردى.
موڭعۇليادا سۋىر اۋلاۋعا قاتاڭ تيىم سالىنعانىمەن، ءار جىلى كوپتەگەن ادامدار زاڭسىز اڭ اۋلايدى. موڭعۇلياداعى مەملەكەتتىك ادام مەن مالدىڭ ورتاق اۋرۋىن زەرتتەۋ ورتالىعى بىلاي دەدى: قازىرگە دەيىن موڭعۇلياداعى 21 ولكەنىڭ ىشىندە 17 ولكەنىڭ 137 اۋدانى وبا ىندەتىنىڭ قاتەرلى رايونى. تەك قوبدا ولكەسىنىڭ وزىندە 13 اۋدان وبا حاۋىپ - قاتەر رايونى.
اتالعان ورتالىق بۇقاراعا سۋىر اۋلاۋعا قاتاڭ تيىم سالۋدى، ونىڭ ەتىن جەۋگە ءتىپتى دە بولمايتىندىعىن، ەگەر ۇيدە سۋىر ەتى نەمەسە تەرىسى سياقتىلار ساقتالسا، سول جەردەگى قاتىستى تاراۋلارمەن شۇعىل بايلانىس جاساپ جويۋ كەرەكتىگىن ەسكەرتتى.
وبا — ءبىر ءتۇرلى باكتەريالى جۇقپالى اۋرۋ، ول ۇنەمى تىشقان، سۋىر سياقتى كەمىرگىشتەردىڭ دەنەسىندەگى بۇرگە ارقىلى تارالادى، اۋرۋ شۇعىل، اۋرۋ بارىسى قىسقا، ءولۋ مولشەرى جوعارى، جۇعىمدالۋى كۇشتى بولۋداي ەرەكشەلىكتەرگە يە، كلينيكادا وبا، وكپە وباسى قاتارلى ۇقساماعان تۇرلەرگە بولىنەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
