مىناداي ەلەكتروندى تەمەكىلەردىڭ بارلىعى ساتىلمايتىن بولدى! ەلەكتروندى تەمەكىكە قاتىستى مەملەكەتتىك ولشەم اتقارىلادى
2022.09.19 15:47 كەلۋ قاينارى : حالىق تورابى
«ەلەكتروندى تەمەكىگە قاتىستى ءماجبۇرلى تۇردە اتقارىلاتىن مەملەكەتتىك ولشەم» بيىل 10 – ايدىڭ 1 – كۇنىنەن باستاپ اتقارىلادى. جۋىردا مەملەكەتتىك ولشەمدەگى تالاپتارعا ساي كەلەتىن ەلەكتروندى تەمەكى ونىمدەرى جەر – جەردە بازاردا ساتىلا باستادى. بۇل ەلەكتروندى تەمەكى كاسىپ سالاسىن زاڭمەن باسقارۋدىڭ، جۇيەلى دامىتۋدىڭ جاڭا كەزەڭگە قادام تاستاعانىن كورسەتەدى.
شىنجىن قالاسى فۋتيان رايونىنداعى ەلەكتروندى تەمەكىنى بولشەك ساتۋ دۇكەنىنىڭ دۇكەن يەسىنىڭ تىلشىگە ايتۋىنشا، بيىل 6 – ايدان بەرى ولار ەلەكتروندى تەمەكىنى بولشەك ساتۋ رۇقسات كۋالىگىن العان. مەملەكەتتىك ولشەمدەگى ەلەكتروندى تەمەكى ءونىمىنىڭ مەملەكەت بويىنشا ءبىرتۇتاس باسقارۋ تەكشەسىندە ىلگەرىندى – كەيىندى جەلىگە شىعارىلىپ ساتىلۋىنا بايلانىستى، ەلىمىز بويىنشا العاشقى توپتاعى سىناق ءتۇيىنى بولعان ساۋدا دۇكەنى رەتىندە، ولار تەكشە ارقىلى زات كىرگىزگەن.
ءتىلشىنىڭ شىنجىندەگى ەلەكتروندى تەمەكىنى بولشەك ساتاتىن باسقا ءبىر دۇكەننەن ۇعىسۋىنشا، ولار دا مەملەكەتتىك ولشەمدەگى ءتورت ءتۇرلى ماركاداعى ەلەكتروندى تەمەكى ءونىمىن ساتىپ العان، بەس كۇن ىشىندە جيىنى 20 قوراپ ساتقان.
شىنجىندەگى ەلەكتروندى تەمەكىنى بولشەك ساتاتىن بەلگىلى دۇكەننىڭ يەسى ۋ جيانشىڭ: ءبىز مەملەكەتتىڭ ساياساتىنا سايكەسىپ، تۇتىنۋشىلاردىڭ قاتىستى ونىمدەرگە الدىن الا ۇيلەسۋىنە شارت – جاعداي جاراتتىق، — دەيدى.
ەلەكتروندى تەمەكىنى باقىلاۋ – باسقارۋ وتپەلى مەرزىمىندەگى بەلگىلەمە بويىنشا، بيىل 10 – ايدىڭ 1 – كۇنى «ەلەكتروندى تەمەكىگە قاتىستى ءماجبۇرلى تۇردە اتقارىلاتىن مەملەكەتتىك ولشەم» جاپپاي كۇشكە يە بولادى ءارى ەلەكتروندى تەمەكىنى باقىلاۋ – باسقارۋ جاپپاي اتقارىلاتىن كۇن بولىپ سانالادى، سول كەزدە جەمىستىڭ دامىنە ەلىكتەپ جاسالعان بارلىق ەلەكتروندى تەمەكىلەردى ساتۋ توقتاتىلادى، مەملەكەت بويىنشا ءبىرتۇتاس ەلەكتروندى تەمەكى ساۋداسىن باسقارۋ تەكشەسى تەك تەمەكى يىسىنە ەلىكتەپ جاسالعان مەملەكەتتىك ولشەمدەگى ەلەكتروندى تەمەكىنى جانە بالالاردىڭ پايدالانۋىنان ساقتاناتىن قۇلپى بار قۇرالداردى عانا ساتادى. وسى سالاداعى مامانداردىڭ ايتۋىنشا، ەلەكتروندى تەمەكىنىڭ مەملەكەتتىك ولشەمى ارقىلى باقىلاۋ – باسقارۋداعى باستى ماقسات — ونىمدەردىڭ «شىرعالاۋ سيپاتىن» ازايتۋ، ازامات جاسىنا تولماعانداردى قورعاۋدى كۇشەيتۋگە ءمان بەرۋ. بۇل — ەلەكتروندى تەمەكى كاسىپ سالاسىن جۇيەلى دامىتۋداعى جاڭا باستاماعا اينالادى. قازىر ەلىمىز بويىنشا ەلەكتروندى تەمەكىنىڭ جيىنى 37 ءتۇرلى ماركاسى بار، كەمىندە 80 نەشە ءونىم بەكىتۋدەن ءوتىپ، بازارعا شىعارۋعا رۇقسات العان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
