شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى
«شاڭحاي رۋحىن» ۇستانىپ، ىنتىماقتى، سەلبەستىكتى كۇشەيتىپ، اناعۇرلىم نىعايعان شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتۋدى دارىپتەدى
2022.09.19 16:10 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 9 - ايدىڭ 16 - كۇنى، وزبەكستان سامارحان (تىلشىلەر دۋ شاڭزى، جاڭ پىڭحۇي). سول جەردىڭ ۋاقىتى بويىنشا 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 – ماجىلىسىنە قاتىناستى.
شاڭحاي سەلبەستىك ۇيىمىنا كەزەكتى ءتوراعا ەل وزبەكستاننىڭ زۇڭتۇڭى ميرزيويەۆ ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن رەسەيدىڭ زۇڭتۇڭى پۋتين، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، تاجىكستاننىڭ زۇڭتۇڭى راحمون، ءۇندىستاننىڭ زۇڭليى مودي، پاكيستاننىڭ زۇڭليى شەحباز، باقىلاۋشى ەلدەردەن بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى رايسي، موڭعۇليانىڭ زۇڭتۇڭى حورەلسۋح، ءتوراعا ەلدىڭ قوناعى تۇركمەنستاننىڭ زۇڭتۇڭى سەردار بەردىمۇحامەتوۆ، ازەربايجاننىڭ زۇڭتۇڭى اليەۆ، تۇركيانىڭ زۇڭتۇڭى ەردوعان جانە قاتىستى حالىقارالىق ۇيىمداردىڭ ۋاكىلدەرى ماجىلىسكە قاتىناستى.
شي جينپيڭ ماجىلىستە «ءداۋىر اعىمىن يگەرىپ، ىنتىماقتى كۇشەيتىپ، كوركەم بولاشاقتى بىرگە جاراتايىق» دەگەن تاقىرىپتا ماڭىزدى ءسوز سويلەدى (تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: بيىل − شاڭحاي سەلبەستىك ۇيىمىنىڭ ۋستاۆىنا قول قويىلعانىنىڭ 20 جىلدىعى، مۇشە ەلدەردىڭ ۇزاق ۋاقىتتىق تاتۋ كورشىلىك، دوستىق سەلبەستىك شارتىنا قول قويىلعانىنىڭ 15 جىلدىعى. وسى ەكى باعدارلامالىق قۇجاتتى يدەيالىق نەگىز جانە ارەكەت باعدارناماسى ەتىپ، شاڭحاي سەلبەستىك ۇيىمى بىرتىندەپ جاڭاشا حالىقارالىق ۇيىمداردىڭ ءوسىپ - جەتىلۋ، زورايۋ جولىن ءساتتى قاراستىرىپ، ءبىرقىدىرۋ وي سالارلىق ءمان – ماڭىزى بار تابىستى تاجىريبەلەردى توپتادى، اتاپ ايتقاندا، ساياسي ءوزارا سەنىمدىلىكتە، ءوزارا ءتيىمدى سەلبەستىكتە، تەڭ مامىلە جاساۋدا، اشىق، سيىسىمدى بولۋدا، ادىلدىك پەن ادىلەتتىلىكتە تاباندى بولدى. وسى 5 تاجىريبە ءوزارا سەنىمدىلىك، ءوزارا تيىمدىلىك، تەڭدىك، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ سىندى «شاڭحاي رۋحىن» تولىق ايگىلەدى. اماليات مىنانى دالەلدەدى: «شاڭحاي رۋحى» − شاڭحاي سەلبەستىك ۇيىمىنىڭ دامىپ زورايۋىنداعى ومىرشەڭدىك كۇش، ونان دا ماڭىزدىسى، شاڭحاي سەلبەستىك ۇيىمى، ءسوز جوق، ۇزاق ۋاقىت تاباندى بولۋعا ءتيىستى ءتۇبىرلى تياناق. وتكەندە ءبىز «شاڭحاي رۋحىن» امالياتتا ايگىلەۋدە وراسان زور تابىسقا قول جەتكىزدىك، بولاشاقتا ءبىز «شاڭحاي رۋحىن» ۇستانىپ، ۇدەرە العا تارتۋىمىز كەرەك.
شي جينپيڭ مىنالاردى دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ادامزات قوعامى جول ايىرىعىندا تۇر، بۇرىن بولىپ كورمەگەن سايىسقا ءدوپ كەلىپ وتىر. جاڭا جاعدايدا شاڭحاي سەلبەستىك ۇيىمى حالىقارالىق جانە وڭىرلىك ىستەردەگى ماڭىزدى سىندارلى كۇش رەتىندە حالىقارالىق الماعايىپ وزگەرىستەرگە باتىلدىقپەن توتەپ بەرىپ، ءداۋىر اعىمىن مىقتاپ يگەرىپ، ىنتىماقتى، سەلبەستىكتى ۇزدىكسىز كۇشەيتىپ، اناعۇرلىم نىعايعان شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.
ءبىرىنشى، ءوزارا قولداۋدى كۇشەيتۋ كەرەك. جوعارى جىكتەگىلەردىڭ بارىس - كەلىسى مەن ستراتەگيالىق قارىم - قاتىناسىن كۇشەيتىپ، ءوزارا ءتۇسىنىسۋدى جانە ساياسي ءوزارا سەنىمدىلىكتى تەرەڭدەتىپ، ءبىر - ءبىرىنىڭ حاۋىپسىزدىك پەن دامۋ مۇددەسىن قورعاۋ جولىنداعى قۇلشىنىستارىن قولداپ، ءارقانداي سىلتاۋمەن باسقا ەلدىڭ ىشكى ىسىنە كيلىگۋگە بىرگە قارسى تۇرىپ، ءوز ەلدەرىمىزدىڭ بولاشاعى مەن تاعدىرىن ءوز قولىمىزدا مىقتاپ ۇستاۋىمىز كەرەك.
ەكىنشى، حاۋىپسىزدىك سەلبەستىگىن كەڭەيتۋ كەەك. ءارقايسى جاقتىڭ دۇنيە جۇزىلىك حاۋىپسىزدىك باستاماسىن تياناقتاندىرۋعا بىرگە ات سالىسىپ، ورتاق، كەشەندى، سەلبەسكەن، باياندى حاۋىپسىزدىك كوزقاراسىن ۇستانىپ، بىركەلكى، ءونىمدى، باياندى حاۋىپسىزدىك جۇلگەسىن ورناتۋدى ىلگەرىلەتۋىن قارسى الامىز. «ءۇش ءتۇرلى كۇشكە»، ەسىرتكى اتكەزشىلىگىنە، ينتەرنەتتىك جانە ەل اتتاعان ۇيىمدىق قىلمىستارعا قاتاڭ سوققى بەرىپ، ساندى مالىمەت حاۋىپسىزدىگى، بيولوگيالىق حاۋىپسىزدىك، سىرتقى كەڭىستىك حاۋىپسىزدىگى سياقتى بەي ءداستۇرلى حاۋىپسىزدىك سايىسىنا ءونىمدى توتەپ بەرۋ كەرەك. جۇڭگو الداعى 5 جىلدا مۇشە ەلدەرگە 2 مىڭ زاڭ اتقارۋشى قىزمەتكەردى تاربيەلەپ بەرىپ، جۇڭگو - شاڭحاي سەلبەستىك ۇيىمى لاڭكەستىككە قارسى تۇرۋ كاسىپتىك دارىندىلاردى تاربيەلەۋ بازاسىن قۇرىپ، ءار جاقتىڭ زاڭ اتقارۋ قۋاتى قۇرىلىسىن كۇشەيتۋدى قالايدى.
ءۇشىنشى، ناقتى سەلبەستىكتى تەرەڭدەتۋ كەرەك. جۇڭگو ءارقايسى جاقپەن بىرگە دۇنيە جۇزىلىك دامۋ باستاماسىنىڭ ءوز وڭىرىندە تەرەڭ تامىر تارتۋىن ىلگەرىلەتىپ، ءار ەلدىڭ باياندى دامۋىن جۇزەگە اسىرۋىنا دەم بەرۋدى قالايدى. وسى رەتكى باسشىلار باس قوسۋىندا ماقۇلدانعان حالىقارالىق ەنەرگيا حاۋىپسىزدىگى، استىق حاۋىپسىزدىگى سياقتى مالىمدەمەنى ويداعىداي تياناقتاندىرۋ كەرەك. جۇڭگو قاجەتى تۇسكەن وركەندەپ كەلە جاتقان ەلدەرگە قۇنى ءبىر ميلليارد 500 ميلليون يۋاندىق استىق سياقتى شۇعىل ادامگەرشىلىك كومەك بەرەدى. ساۋدا جانە قارجى قوسۋ، نەگىزدىك قۇرىلعى قۇرىلىسى، قامداۋ تىزبەگىن قورعاۋ، عىلىم - تەحنيكادا جاڭالىق اشۋ، جاساندى زەردە سياقتى سالالارداعى سەلبەستىك قۇجاتتارىن ويداعىداي تياناقتاندىرىپ، «ءبىر بەلدەۋ، ءبىر جولدى» بىرگە قۇرۋ باستاماسىن ءار ەلدىڭ دامۋ ستراتەگياسىمەن جانە وڭىرلىك سەلبەستىك باستاماسىمەن ۇشتاستىرۋدى ۇزدىكسىز كۇشەيتۋ كەرەك. جۇڭگو جاق كەلەر جىلى وسى ۇيىمنىڭ دامۋ سەلبەستىگى مينيسترلەر كەزدەسۋىن، كاسىپ تىزبەگى، قامداۋ تىزبەگى تالقى مىنبەرىن وتكىزىپ، جۇڭگو - شاڭحاي سەلبەستىك ۇيىمى ءىرى ساندى مالىمەت سەلبەستىك ورتالىعىن قۇرىپ، بىرگە دامۋدىڭ جاڭا قوزعالتقىشىن قالىپتاستىرادى. جۇڭگو ءارقايسى جاقپەن عارىش سالاسىنداعى سەلبەستىكتى ورىستەتىپ، ءار جاقتىڭ اۋىل شارۋاشىلىعىن دامىتۋ، ۇلاستىرۋ - تۇتاستىرۋ قۇرىلىسى، اپات زيانىن ازايتۋ، اپاتتان قۇتقارۋ سياقتى ىستەرىن قولداۋدى قالايدى.
ءتورتىنشى، گۋمانيتارلىق اۋىس - كۇيىستى كۇشەيتۋ كەرەك. وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، اقپارات قۇرالدارى، راديو - تەلەۆيزيا سياقتى سالالارداعى سەلبەستىكتى تەرەڭدەتىپ، جاستاردىڭ اۋىس - كۇيىس لاگەرى، ايەلدەر تالقى مىنبەرى، حالىقتىق دوستىق تالقى مىنبەرى، ءداستۇرلى مەديتسينا تالقى مىنبەرى سياقتى ايگىلى ماركا قيمىلدارىن ۇزدىكسىز ويداعىداي وتكىزىپ، شاڭحاي سەلبەستىك ۇيىمى تاتۋ كورشىلىك، دوستىق سەلبەستىك كوميتەتى سياقتى حالىقتىق قۇرىلىمداردىڭ ءتيىستى رولىن ساۋلەلەندىرۋىنە قولداۋ كورسەتۋ كەرەك. جۇڭگو جۇڭگو - شاڭحاي سەلبەستىك ۇيىمىنىڭ قار - مۇز سپورتىنان ۇلگى كورسەتۋ رايونىن قۇرادى، كەلەر جىلى كەدەيلىكتى ازايتۋ جانە باياندى دامۋ تالقى مىنبەرىن، دوس قالا تالقى مىنبەرىن وتكىزەدى، الداعى 3 جىلدا وسى ۇيىمداعى ەلدەردىڭ بۇقاراسىنا شەل وپەراتسياسىن 2 مىڭ رەت اقىسىز جاساپ، ادام كۇشى بايلىعىن تاربيەلەۋ جاعىندا 5 مىڭ سان بەرەدى.
بەسىنشى، كوپ جاقتىلىقتا تاباندى بولۋ كەرەك. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، بۇكىل ادامزاتتىڭ ورتاق قۇنىن ساۋلەلەندىرىپ، تەكە - تىرەس پەن توپشىلدىق ساياسيىنان اۋلاق بولۋ كەرەك. وسى ۇيىمنىڭ بىرلەسكەن مەملەكەتتەر ۇيىمى سياقتى حالىقارالىق جانە وڭىرلىك ۇيىمدارمەن بارىس - كەلىسىن كەڭەيتىپ، ناعىز كوپ جاقتىلىقتا تاباندى بولىپ، دۇنيە جۇزىلىك جونگە سالۋدى كەمەلدەندىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن قول ۇستاسا ىلگەرىلەتۋ كەرەك.
شي جينپيڭ بىلاي دەپ دارىپتەدى: ازيا - ەۆروپا ۇلى قۇرلىعىنىڭ بەيبىتشىلىگى مەن دامۋىن قورعاۋ − وسى ءوڭىردىڭ، ءتىپتى، دۇنيە جۇزىندەگى ءار ەلدىڭ ورتاق تىلەگى، شاڭحاي سەلبەستىك ۇيىمى وسى ءۇشىن ماڭىزدى مىندەت ارقالاپ وتىر. وسى ۇيىمنىڭ دامۋىن، كەڭەيۋىن ىلگەرىلەتىپ، وسى ۇيىمنىڭ بەلسەندى ىقپالىن ساۋلەلەندىرۋ ازيا - ەۆروپا ۇلى قۇرلىعىنىڭ، سونداي - اق دۇنيە ءجۇزىنىڭ باياندى بەيبىتشىلىگى مەن بىرگە گۇلدەنۋىن قورعاۋعا وڭ ەنەرگيا ۇستەپ، تىڭ ومىرشەڭدىك كۇش ازىرلەيدى. جۇڭگو مۇشە كەڭەيتۋ قىزمەتىن بەلسەندى، ورنىقتى، ويداعىداي ىستەپ، ورايدى يگەرىپ، ورتاق تانىمدى ۇيىستىرىپ، سەلبەستىكتى تەرەڭدەتىپ، ازيا - ەۆروپا قۇرلىعىنىڭ كوركەم بولاشاعىن بىرگە جاراتۋدى قولدايدى.
شي جينپيڭ بىلاي دەپ اتاپ كورسەتتى: بيىل جىل باسىنان بەرى جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا تاباندى بولىپ، حالىقتىڭ باس اماندىعى مەن دەنساۋلىعىن ەڭ زور دارەجەدە قورعادى ءارى ەكونوميكالىق، قوعامدىق دامۋدىڭ نەگىزگى جاعدايىن ەڭ زور دارەجەدە ورنىقتىردى. جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، اينالۋ مۇمكىندىگى كەڭ، ۇزاق ۋاقىت جاقسارۋ نەگىزگى جاعدايى وزگەرمەيدى، بۇل دۇنيە ءجۇزى ەكونوميكاسىنىڭ ورنىقتى قالپىنا كەلۋىنە قۇدىرەتتى قوزعاۋشى كۇش ازىرلەپ، ءار ەلگە اناعۇرلىم كەڭ بازار ورايىن ازىرلەيدى. ەندى ءبىر ايدان كەيىن ءبىز جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىن اشىپ، جۇڭگونىڭ رەفورما، دامۋ ىستەرىندە قول جەتكىزگەن كەلەلى تابىستارى مەن باعالى تاجىريبەلەرىن جان - جاقتى قورىتىندىلاپ، جاڭا ءداۋىر، جاڭا جورىقتاعى جۇڭگو ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا تىلەگىن جاپپاي يگەرىپ، ارەكەت باعدارناماسى مەن كەلەلى باعىت - ساياساتتارىن بەلگىلەيمىز. ءبىز جۇڭگوشا وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بەلسەنە ىلگەرىلەتىپ، جۇڭگونىڭ جاڭا دامۋى ارقىلى دۇنيە جۇزىنە جاڭا وراي اكەلىپ، دۇنيە ءجۇزىنىڭ بەيبىتشىلىگى مەن دامۋىنا جانە ادامزات وركەنيەتىنىڭ العا باسۋىنا اقىل - پاراساتىمىز بەن كۇش - قۋاتىمىزدى ارنايمىز.
شي جينپيڭ سوڭىندا بىلاي دەپ دارىپتەدى: جول الىس بولعانىمەن، جۇرە بەرسەك، نىساناعا جەتەمىز. ءبىز «شاڭحاي رۋحىن» بارىنشا ساۋلەلەندىرىپ، شاڭحاي سەلبەستىك ۇيىمىنىڭ ورنىقتى، باياندى دامۋىن ىلگەرىلەتىپ، بەيبىت، ورنىقتى، گۇلدەنگەن، كورىكتى تاماشا مەكەندى بىرگە قۇرايىق.
مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ سامارحان جارناماسىنا» قول قويدى جانە ونى جاريالادى. ماجىلىستە حالىقارالىق استىق حاۋىپسىزدىگىن، حالىقارالىق ەنەرگيا حاۋىپسىزدىگىن قورعاۋ، كليمات وزگەرىسىنە توتەپ بەرۋ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋدىڭ كوپ نەگىزدەنۋى سياقتى كوپتەگەن مالىمدەمەلەر مەن قۇجاتتار جاريالانىپ، يراننىڭ شاڭحاي سەلبەستىك ۇيىمىنا كىرۋ مىندەتتەمەلەرى جونىندەگى ەسكەرتپە حات، بەلورۋسسيانى مۇشەلىككە قابىلداۋ ءتارتىبىن باستاۋ، ەگيپەتتىڭ، ساۋد ارابياسىنىڭ، كاتاردىڭ جاڭا تىلدەسۋ سەرىكتەسى بولۋىن بەكىتۋ، باحرەيىننىڭ، مالديۆتىڭ، اراب بىرىككەن امىرلىگىنىڭ، كۆەيتتىڭ، بيرمانىڭ جاڭا تىلدەسۋ سەرىكتەسى بولۋىنا قوسىلۋ، مۇشە ەلدەردىڭ تاتۋ كورشىلىك، دوستىق ۇزاق ۋاقىتتىق سەلبەستىك شارتىنىڭ الداعى 5 جىلداعى اتقارۋ باعدارلاماسىن بەكىتۋ سياقتى ءبىرقىدىرۋ قارارعا قول قويىلدى. ءماجىلىس ءۇندىستاننىڭ 2022 - جىلدان 2023 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتكىزىپ الۋىن ۇيعاردى.
ديڭ شۋەشياڭ، ياڭ جيەچى، ۋاڭ ي قاتارلىلار ماجىلىسكە قاتىناستى.
كەلۋ قاينارى: حالىق تورابى
 |
سول جەردىڭ ۋاقىتى بويىنشا 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناستى ءارى ماڭىزدى ءسوز سويلەدى. سۋرەتتە: كەڭەيتىلگەن قۇرامداعى كەڭەستىڭ الدىندا ماجىلىسكە قاتىناسقان جاقتار توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
