حۋنان ولكەسىنىڭ حىڭنان اۋدانى الاڭقىداعى كەڭەس ءتۇزىمىن اتقاردى
جۇرت اۋانىن تىڭداپ، حالىقتىڭ مۇڭ - مۇقتاجىن شەشۋگە كۇش سالدى (20 - قۇرىلتايدى شات مەرەيمەن قارسى الامىز)
«حالىق گازەتىنىڭ» تىلشىلەرى ۋ چيچياڭ، ۋاڭ يۇننا
2022.09.19 16:14 كەلۋ قاينارى : حالىق تورابى
20 – قۇرىلتايدى قىزۋ قارسى الىپ جاتقان ساتتە حۋنان ولكەسى حىڭنان اۋدانىنداعى كادرلار مەن بۇقارانىڭ ەكونوميكالىق دامۋدى كوزدەۋ، اۋىل - قىستاقتى گۇلدەندىرۋ جىگەرى تاسقىنداي ءتۇستى. 9 - ايدىڭ 13 - كۇنى حىڭنان اۋدانى چىجياڭ ءمالى باسقارماسى حىڭشيڭ قىستاعىنىڭ ەكى كوميتەتى الاڭقىداعى كەڭەس جيىنىن وتكىزدى.
كەشكى ساعات 8 دە داتاڭجياۋ گرۋپپاسىنىڭ فەيزىتاڭ كولشىگىنىڭ شەتىندەگى الاڭقىدا نەشە ونداعان قىزىل ءتۇستى سۋلياۋ ورىندىق رەتىمەن ءتىزىپ قويىلدى، قىستاقتا تۇراتىن قىزمەت اترەتى مەن قىستاق ەكى كوميتەتىنىڭ كادرلارى كۇنى بۇرىن كەلىپ، بۇقارانى توستى، قىستاق تۇرعىندارىنىڭ 35 ۋاكىلى ىركەس - تىركەس كەلىپ، كەڭەس باستالدى.
«مەن الدىمەن ايتايىن!» قىستاق تۇرعىنى ليۋ يوۋچاڭ ارت جاقتاعى كولشىكتى نۇسقاپ تۇرىپ بىلاي دەدى: «كوپشىلىك، بايقادىڭىزدار ما؟ فەيزى كولشىگىنىڭ ءبىر باسى ياڭمەي تاۋىنا جالعاسادى، تاۋ مەن كولشىكتىڭ اراسىندا ىقتىرما مەن قورشاۋلار جوق. وسى بىرنەشە جىلدان بەرى قىستاققا كەلىپ بالاۋىز جينايتىن ساياحاتشىلار بارعان سايىن كوبەيدى، كەيبىرى بالالارىن ەرتىپ كەلەدى، ەندى ىقتىرما جاساپ، قورشاۋ تۇرعىزباسا، جازاتايىم ىستەردەن ساقتانۋ قيىن ...»
تاۋ بوكتەرىندەگى 800 مۋ جەردەگى بالاۋىز اعاشى − قىستاقتىڭ كوللەكتيۆ كاسىبى، ول فەيزى كولشىگىمەن تۇتاسادى. بىرنەشە كۇننەن بەرى ليۋ يوۋ مىنانى بايقاپ جۇرگەن، سۋ، توپىراقتىڭ شايىلۋىنىڭ اسقىنۋىنا بايلانىستى، 10 نەشە ءتۇپ بالاۋىز اعاشىنىڭ تامىرى جالاڭاشتانىپ قالعان، «ونىڭ ۇستىنە كولشىكتە لاي - قۇم تۇنىپ، سۋ ايدىنى وتە تاياز بولعاندىقتان، سۋ كوپ جينالمايتىن بولعان. توعاندى بەتونداپ، بەتكەيدى قورعاۋ تاسقىننان ساقتانىپ، قۋاڭشىلىققا قارسى اتتانۋعا دا ءتيىمدى ەمەس پە!».
وسى اراعا كەلگەندە داتاڭجياۋ گرۋپپاسىنىڭ باستىعى ۋاڭ يۋانلۋ ءسوز قىستىرىپ: «سۋ جيناپ، قۋاڭشىلىققا قارسى تۇرۋعا كەلسەك، فەيزىتاڭ − قىستاعىمىزدىڭ تىرەكتى كولشىگى، تومەنگى اعارداعى 5 گرۋپپاداعى 700 مۋعا جۋىق كۇرىش اتىزىن سۋمەن قامدايدى. الايدا، كولشىكتەن سۋ باستايتىن وسى نەگىزگى توعان ءالى دە بالشىق توعانعا جاتادى، لاي - قۇم ۇنەمى توعاندى بىتەپ تۇرادى. بيىل قۋاڭشىلىققا قارسى اتتانۋ ءۇشىن، قىستاق تۇرعىندارى ءار كۇنى تۇنبالاردى تازالاۋمەن ابىگەر بولدى، قىستاق وسى توعانعا بەتون جاتقىزا الا ما، جوق پا؟»
«سولاي ەمەس پە! سۋ بالشىق توعانمەن اقسا، وتە ىسىراپ بولادى» دەپ تولىقتىردى 3 مۋ جەرگە كۇرىش ەككەن ليۋ يوۋچاڭ.
ءبىر ادام ءسوز باستاعان سوڭ قىستاق تۇرعىندارىنىڭ ۋاكىلدەرى ارت - ارتىنان پىكىر ءبىلدىردى
«قىستاقتاعى بارلىق وتباسى تاۋىق، ۇيرەك باعادى، بىتىراندى باعىلىپ جاتقاندارى از ەمەس، بۇل ورتا تازالىعىنا ىقپال جاسايدى».
«ساياحاتشىلار كوبەيسە دە، قىستاقتا كوڭىلدەگىدەي ماشينا توقتاتۋ الاڭى جوق».
«ءبىز سىرت جەرلەرگە بارىپ ەكسكۋرسيالادىق، باسقا قىستاقتار جولدارىنا اسفالت توسەپ بولعان ەكەن».
كوپشىلىك ءار تاقىرىپتان پىكىر ايتۋدا. قىستاقتا تۇراتىن ءبىرىنشى شۋجي ۋ گوچىڭ شەتىنەن ەستەلىككە الۋدا، ول بىلاي دەدى: «بۇل ماسەلەلەردە كوپشىلىكتىڭ حىڭشيڭ قىستاعىنىڭ دامۋىنا دەگەن ءۇمىتى قامتىلعان، كەلەسى قادامداعى قىزمەتىمىزدىڭ ماڭىزدى تۇيىندەرى كورسەتىلدى».
ول كوپشىلىككە فەيزى كولشىگىنىڭ ىقتىرماسى مەن قورشاۋىنا قاراتا قىستاقتىڭ تەز ارادا ناقتى جوبا جاسايتىنىن ايتتى. بالاۋىز تاۋى مەن فەيزىتاڭ قىستاقتىڭ كوللەكتيۆ كاسىبى بولعاندىقتان، قىستاق كوللەكتيۆى ءبىر ءبولىم قارجىنى سايكەستىرىپ، 11 - ايدا سۋ باستاۋ توعانىن قورعاۋ قۇرىلىسىن ورىنداۋعا كۇش سالادى. فەيزىتاڭ كولشىگىنىڭ نەگىزگى ارناسىن جوندەۋدى قىستاق ەرتەدە - اق جوسپارلاي باستاعان، قازىر اۋداندىق اۋىل شارۋاشىلىق، اۋىل - قىستاق مەكەمەسىنىڭ جوعارى ولشەمدى ەگىس اتىزى قۇرىلىسى نىسانىنا قول جەتكىزدى، مەجەمەن 10 - ايدىڭ ورتا شەنىندە مەردىگەر شاقىرۋدى ورىنداپ، 10 - ايدىڭ سوڭىنان باستاپ قۇرىلىس جۇرگىزىپ، سۋارۋداعى قيىنشىلىقتى تۇبەگەيلى شەشپەك.
«قىستاقتىڭ نەگىزگى جولى 8.85 كيلومەتر، قارجى جەتپەگەندىكتەن، قازىر تۇگەلدەي اسفالت جاتقىزۋعا امالسىز قالدىق، بيىل ءبىز 1.5 كيلومەتر جول سالۋعا قۇلشىنامىز». ۋ گوچىڭ بىلاي دەدى: قىستاقتىڭ جوباسى بويىنشا، الداعى جەردە 3 كولىك توقتاتۋ الاڭىن سالىپ، 40 تان استام كولىك قويۋ ورنىن ازىرلەيمىز.
«تاۋىق، ۇيرەكتى كاتەكشەدە باعۋ جونىندە قىستاق تۇرعىندارىنىڭ ءالى دە ءبىرتالاي ۋايىمى بار». ۋ گوچىڭ بىلاي دەدى: «كەيبىر تۇرعىن قورادا باعىلعاننان كەيىن تاۋىق، ۇيرەك جۇمىرتقالامايدى دەپ الاڭدايدى، كەيبىرەۋى قورادا باعىلعاننان كەيىن تاۋىق ەتى، ۇيرەك ەتى ءدامدى بولمايدى دەپ الاڭدايدى. ءبىز ۇزدىكسىز الاڭقى كەڭەس جيىنى ارقىلى قىزمەت ىستەيمىز، كوپشىلىك يدەيانى بىرلىككە كەلتىرگەننەن كەيىن ونى اتقارامىز».
ليۋ يوۋچاڭ ورنىنان تۇرىپ: «ەگەر قاجەت بولسا، قىستاق تۇرعىندارىنىڭ ۇيىنە بارىپ قىزمەت ىستەپ، كاتەكشەدە باعۋدىڭ پايداسىن ايتىپ بەرۋىمە بولادى» دەدى، سول جەردەگى پارتيا مۇشەلەرى مەن تۇرعىندار ارت - ارتىنان پوزيتسيا ءبىلدىرىپ، قولداۋ كورسەتتى.
الاڭقىداعى كەڭەس حالىقتىڭ تىلەگىنە قۇلاق اسىپ، حالىقتىڭ مۇڭ - مۇقتاجىن شەشۋگە كۇش سالدى. 2019 - جىلدان بەرى حىڭشيڭ قىستاعى 65 رەت الاڭقى كەڭەس جيىنىن وتكىزىپ، لاس سۋدى شوعىرلى ءبىر جاقتى ەتۋ، جول شىراقتارىن ورناتۋ سياقتى ماسەلەلەردى شەشىپ، قىستاق تۇرعىندارىن تەڭىز شايانى باعىمشىلىعى، ماندارين ەگۋ سياقتى كاسىپتەردى دامىتۋعا جەتەكتەدى. «كوپ رەت كوپتىڭ اقىل - پاراساتىن شوعىرلاندىرۋ ارقىلى كوپشىلىك جۇدىرىقتاي جۇمىلىپ، كۇشتى ءبىر جەرگە شوعىرلاندىردى». ۋ گوچىڭ بىلاي دەدى: بىلتىر حىڭشيڭ قىستاعىنىڭ جان باسىندىق يگەرىلمەلى كىرىسى 28 مىڭ يۋانعا جەتتى.
حىڭنان اۋداندىق پارتكومنىڭ شۋجيى حۋ گوشيۇڭ مىنانى ءبىلدىردى: الاڭقىداعى كەڭەس تۇعىرىنان ۇزدىكسىز ويداعىداي پايدالانىپ، حالىق بۇقاراسىنىڭ نەگىزگى ساتى قوعامىن جونگە سالۋعا ات سالىسۋداعى ىشكى قوزعاۋشى كۇشىن ۇزدىكسىز تاسقىنداتىپ، نەگىزگى ساتىنىڭ قوعامدىق جونگە سالۋ ونىمدىلىگىن ۇزدىكسىز جوعارىلاتىپ، ءىس جۇزىندىك ارەكەتىمىزبەن پارتيانىڭ 20 - قۇرىلتايىنىڭ جەڭىسپەن اشىلۋىن قارسى الامىز.
حىڭنان اۋدانى تاياۋ جىلداردان بەرى الاڭقىداعى كەڭەستەرى ءتۇزىمىن اتقارىپ، بۇقارانىڭ ىرگەسىندە ساياساتتى ۇگىتتەپ، حالىق تىلەگىن تىڭداپ، قايشىلىقتاردى، قيىنشىلىقتاردى شەشىپ، دامۋدى جوسپارلادى، 2019 - جىلدان بەرى 12 مىڭ 928 مايدان كەڭەس وتكىزىپ، 10 مىڭ 293 ۇسىنىس - پىكىر جيناپ، 8 مىڭ 403 ماسەلەنى شەشتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
