ماسانى تۇگەل جويۋ تۋرالى ۇسىنىس بەردى مە؟ مەملەكەتتىك دەنساۋلىق ساقتاۋ – سالاماتتىق كوميتەتىنىڭ جاۋابى
2022.09.15 15:50 كەلۋ قاينارى : حالىق تورابى
ءتىلشىنىڭ مەملەكەتتىك دەنساۋلىق ساقتاۋ – سالاماتتىق كوميتەتىنەن ۇعىسۋىنشا، 13 – كەزەكتى مەملەكەتتىك حالىق قۇرىلتايى بەسىنشى ءماجىلىسىنىڭ 5749 – ءنومىرلى «ماسانى تۇگەل جويۋ تۋرالى ۇسىنىسى» جونىندە، مەملەكەتتىك دەنساۋلىق ساقتاۋ – سالاماتتىق كوميتەتى جاۋاپ بەرگەن كەزدە بىلاي دەگەن: الدا وتانشىلدىق تازالىق قيمىلىن ىشكەرىلەي ورىستەتىپ، ادامداردىڭ قونىستانۋ ورتاسىن جاپپاي جاقسارتامىز. اۋرۋ جۇقتىرۋشى ورگانيزمدەردەن ساقتانۋ تەحنيكاسىن زەرتتەۋدى كۇشەيتىپ، تەحنيكادا جاڭالىق اشۋ ارقىلى ساقتانۋ قىزمەتىن ىلگەرىلەتىپ، قورشاعان ورتاسى جايلى، جاسىل ءارى جالعاسىمدى، ەكونوميكالىق جاقتان ۇيلەسىمدى بولعان ماسادان ساقتانۋ تەحنيكاسىن تابۋ جاعىندا ىزدەنىس جاساپ، ماسانى ازايتامىز.
ماسانى تىزگىندەۋ جانە ودان ساقتانۋ تەحنيكاسىن زەرتتەۋ، جالپى جاقتان ايتقاندا، ءالى دە ءبىرشاما ءالسىز
مەملەكەتتىك دەنساۋلىق ساقتاۋ – سالاماتتىق كوميتەتىنىڭ تانىستىرۋىنشا، جۋىرداعى جىلداردان بەرى، ەلىمىزدە اۋرۋ جۇقتىرۋشى ورگانيزمدەردەن ساقتانۋ قىزمەتى قارىشتاي دامىپ، مەملەكەت بويىنشا اۋرۋ جۇقتىرۋشى ورگانيزمدەردى باقىلاۋ تورابى قالىپتاسقان، اۋرۋ جۇقتىرۋشى ورگانيزمدەردى تەجەۋ ولشەمىنەن 66 ولشەم جاريالانىپ، اۋىر جاراتىلىستىق اپاتتار ساقتانۋ جانە كەلەلى قيمىلداردى قامتاماسىزداندىرۋ بارىسىندا ماڭىزدى رول اتقارعان، ەلىمىزدە اۋرۋ جۇقتىرۋشىلار ارقىلى تارالاتىن جۇقپالى اۋرۋلاردىڭ تارالۋ جاعدايى ورنىقتى بولعان ءارى تومەندەۋ بەتالىسىن بايقاتقان.
ۋاكىلدەر ورتاعا قويعان «ماسانى جويۋ تەحنيكاسىن زەرتتەۋدى كۇشەيتۋ» تۋرالى ۇسىنىس جونىندە، مەملەكەتتىك دەنساۋلىق ساقتاۋ – سالاماتتىق كوميتەتى بىلاي دەپ جاۋاپ بەرگەن: 2008 – جىلدان بەرى، مەملەكەت ءتۇيىندى، ارناۋلى تاقىرىپتىق نىسان ارقىلى باستى اۋرۋ جۇقتىرۋشى ورگانيزمدەردى تەكسەرۋ - باقىلاۋ جانە قاتىستى اۋرۋ قوزدىرعىشتاردىڭ تارالۋىن باقىلاۋ تەحنيكاسى قاتارلىلاردى زەرتتەۋگە قولداۋ كورسەتتى، اۋرۋ جۇقتىرۋشى ورگانيزمدەردەن (ماسا) جوعارى ونىمدىلىكپەن اۆتوماتتى ۇلگى الۋ قۇرىلعىسى، اۋرۋ قوزدىرعىشتاردى تەز ارادا تەكسەرۋ تەحنيكاسى، جۇقتىرۋشىلاردىڭ قۋاتىن تەكسەرۋ قاتارلى جاقتاردا تۇگەلدەي سىندارلى ناتيجەلەرگە قول جەتكىزدى، الايدا، ماسانى تىزگىندەۋ تەحنيكاسىن زەرتتەۋ جاعىندا جاڭالىق اشۋ ءالى دە ءبىرشاما ءالسىز بولىپ كەلەدى.
ماسادان ساقتانۋدى عىلىميلاندىرىپ باسقارۋ ۇزدىكسىز كۇشەيتىلەدى
مۇنان سىرت، ۋاكىلدەر ورتاعا قويعان «ءونىمدى تۇردە ساقتانۋ جانە جونگە سالۋ جوباسىن بەلگىلەۋ» جونىندەگى ۇسىنىس جونىندە، جاۋاپتا بىلاي دەلىنگەن: مەملەكەتتىك دەنساۋلىق ساقتاۋ – سالاماتتىق كوميتەتى ماسادان ساقتانۋدى عىلىميلاندىرىپ باسقارۋدى ۇزدىكسىز كۇشەيتەدى. اۋرۋ جۇقتىرۋشى ورگانيزمدەردى باقىلاۋدى بەلسەندى ورىستەتىپ، اۋرۋ جۇقتىرۋشى ورگانيزمدەردى باقىلايتىن مەملەكەتتىك دارەجەدەگى باقىلاۋ تۇيىندەرىنىڭ سانى 1097 ورىنعا جەتىپ، ماسا قاتارلى اۋرۋ جۇقتىرۋشى ورگانيزمدەرگە ەكولوگيا عىلىمى، ەتيولوگيا عىلىمى جانە دارىگە قارسىلىق قۋاتىن باقىلاۋ جاعىنداعى «ءۇشتى ءبىر تۇلعالاندىرعان» توراپتى قالىپتاستىرىپ، ماسا جانە ماسا ارقىلى تارالاتىن اۋرۋلارعا بولعان ساراپتاۋ، الدىن الا ساقتىق سيگنالىن بەرۋ، تىزگىندەۋ جوباسىن جاساۋ قاتارلىلارعا عىلىمي نەگىز ازىرلەدى، سونىمەن بىرگە، ماسانى تىزگىندەيتىن قۇرت ولتىرگىش دارىلەردى عىلىمي تۇردە تاڭداۋعا دا شەشۋشى نەگىز ازىرلەدى.
ۋاكىلدەر ورتاعا قويعان «قورشاعان ورتانىڭ تازالىق دەڭگەيىن جوعارىلاتىپ، وتانشىلدىق تازالىق قيمىلىن تىڭعىلىقتى ورىستەتۋ» جونىندەگى ۇسىنىسقا بەرىلگەن جاۋاپتا بىلاي دەلىنگەن: مەملەكەتتىك دەنساۋلىق ساقتاۋ – سالاماتتىق كوميتەتى ەكولوگيالىق ورتا مينيسترلىگى، تۇرعىن ءۇي جانە قالا – اۋىل قۇرىلىسى مينيسترلىگى، اۋىل شارۋاشىلىعى، اۋىل – قىستاق مينيسترلىگى قاتارلى تاراۋلارمەن بىرگە، قالالار مەن اۋىلداردا قورشاعان ورتاسىن تازالاۋ ارەكەتىن كۇش سالا ىلگەرىلەتىپ، قالا مەن اۋىلداعى قوقسىق، لاس سۋ، دارەتحانالاردى ءتۇيىن ەتىپ، نەگىزدىك قۇرىلعىلار قۇرىلىسىن جاقسارتىپ، كونەرگەن شاعىن اۋماقتار، قالا مەن اۋىل شەكتەسكەن جەرلەر، بازارلار قاتارلى ءتۇيىندى اۋماقتاردا قورشاعان ورتانىڭ تازالىعىن شوعىرلى تۇردە جونگە سالۋ ارەكەتىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
