قوعام حاۋىپسىزدىگى مينيسترلىگى: اۆتوموبيلدى تەكسەرتۋ پەريودى 10 – ايدىڭ 1 – كۇنىنەن باستاپ رەتتەلەدى
اۆتوموبيلدى تەكسەرۋ قىزمەتى اناعۇرلىم قولايلى بولادى
2022.09.15 17:31 كەلۋ قاينارى : حالىق تورابى
ءتىلشىنىڭ 9 – ايدىڭ 15 – كۇنى قوعام حاۋىپسىزدىگى مينيسترلىگىنەن ۇعىسۋىنشا، 10 – ايدىڭ 1 – كۇنىنەن باستاپ، ەلىمىز وتباسىلىق اۆتوموبيلدى تەكسەرۋ پەريودىن ونان ارى ۇزارتادى.
بۇل رەتكى رەفورمادا تيجاراتقا پايدالانبايتىن، ادام تاسىمالدايتىن شاعىن، ميكرو تۇرپاتتى اۆتوموبيلدەردى، موتوتسيكلدەردى تەكسەرۋ پەريودى اناعۇرلىم رەتتەلەدى. تيجاراتقا پايدالانبايتىن، ادام تاسىمالدايتىن شاعىن، ميكرو تۇرپاتتى اۆتوموبيلدەردى بۇرىن 10 جىل ىشىندە جەلىگە شىعارىپ تەكسەرۋ 3 رەت ورىندالاتىن، دەمەك، 6 – جىلى، 8 – جىلى، 10 – جىلى تەكسەرەتىن، رەتتەۋ جۇرگىزىلگەن سوڭ ەكى رەت تەكسەرۋ جۇرگىزىلەدى، اتاپ ايتقاندا، 6 – جىلى جانە 10 – جىلى جەلىگە شىعارىپ تەكسەرەدى؛ موتوتسيكلدەردى دە بيىل 10 – ايدىڭ 1 – كۇنىنەن باستاپ، 6 – جىلى جانە 10 – جىلى جيىنى ەكى رەت جەلىگە شىعارىپ تەكسەرۋدەن وتكىزسە بولعانى. 10 جىلدان اسىپ كەتكەن، تيجاراتقا پايدالانبايتىن، ادام تاسىمالدايتىن شاعىن، ميكرو تيپتەگى اۆتوموبيلدەر مەن موتوتسيكلدەرگە بۇدان بىلاي ءبىرتۇتاس جىلىنا ءبىر رەت جەلىگە شىعارىپ تەكسەرۋ جۇرگىزىلەدى. الايدا، 10 جىل ىشىندە، بۇل ەكى تيپتەگى موتورلى كولىكتەردىڭ تەكسەرۋدە تولىمدى بولعانى جونىندەگى بەلگىنى الۋعا ەكى جىلدا ءبىر رەت قوعام حاۋىپسىزدىگى ورگاندارىنا ءوتىنىش بەرۋ كەرەك.
تانىستىرۋعا قاراعاندا، باسىم كوپ ساندى مەملەكەتتەر مەن رايوندار ءماجبۇرلى تۇردە تەكسەرۋ ءتۇزىمىن اتقارادى، رەتتەۋ جۇرگىزىلگەن سوڭ، ەلىمىزدە وتباسىلىق اۆتوموبيلدەردى تەكسەرۋدەن وتكىزۋ رەت سانى باسىم كوپ ساندى ەلدەرمەن جانە رايوندارمەن جالپى جاقتان قارايلاس بولادى.
اۆتوموبيلدى تەكسەرۋ قىزمەتىندە كوپ ءتۇرلى جاڭاشا رەفورما شارالارى اتقارىلادى
ۇعىسۋعا قاراعاندا، قوعام حاۋىپسىزدىگى مينيسترلىگى، بازاردى باقىلاۋ – باسقارۋ باس مەكەمەسى، ەكولوگيالىق ورتا مينيسترلىگى، قاتىناس – تاسىمال مينيسترلىگى قاتارلى ءتورت تاراۋ بىرگە جاريالاعان «موتورلى كولىكتەردى تەكسەرۋ تۇزىمىنە ىشكەرىلەي رەفورما جاساۋ، موتورلى كولىكتەردى تەكسەرۋ قىزمەتىن جاقسارتۋ جونىندەگى پىكىردە»، بۇقارا اڭىس ەتكەن موتورلى كولىكتى تەكسەرۋ ونىمدىلىگى تومەن بولۋ، قىزمەت وتەۋدىڭ ناشار بولۋى قاتارلى ماسەلەلەر جونىندە، موتورلى كولىكتى تەكسەرۋ تۇزىمىنە رەفورما جاساۋ جونىندەگى كوپ ءتۇرلى شارالاردى ورتاعا قويدى.
اۆتوموبيلدى تەكسەرتۋگە ينتەرنەت ارقىلى الدىن الا تاپسىرىس بەرۋ مۇمكىندىگىن ىلگەرىلەتەدى
بۇل رەتكى رەفورمادا، جەر – جەر ينتەرنەت، قولفون App قاتارلىلار ارقىلى الدىن الا «دالمە – ءدال» تاپسىرىس بەرۋ مۇمكىندىگى ىلگەرىلەتىلەدى، جۇرتشىلىقتىڭ قاتىناس ساقشىسى «12123» App دەتالىمەن اۆتوموبيل تەكسەرتۋگە ينتەرنەت ارقىلى الدىن الا تاپسىرىس بەرۋىنە بولادى، بۇل جۇرتشىلىقتىڭ «ءبىر تەتىك ارقىلى الدىن الا تاپسىرىس بەرۋىنە»، «كەزەك كۇتپەي تەكسەرتۋىنە» قولايلىلىق جاراتادى.
اۆتوموبيلدى تەكسەرۋ ءتارتىبىن جاقسارتادى
اۆتوموبيلدى تەكسەرۋ ءتارتىبىن جاقسارتۋ جاعىندا، جەر – جەر اۆتوموبيلدى تەكسەرتۋگە قاتىستى «كىلت تاپسىرۋ» اتتى قولايلى قىزمەت وتەۋ ءتۇرىن ىسكە قوسىپ، اۆتوموبيلدى تەكسەرتۋ ءتارتىبىن جاقسارتادى، تەكسەرۋشى قۇرىلىمنىڭ قىزمەتكەرى ءبىر رەتتە ءبىتىرىپ بەرۋگە جاۋاپتى بولادى، جۇرتشىلىق اۆتوموبيل تەكسەرتكەندە تەك ءبىر رەت قانا وشىرەتكە تۇرىپ، بارلىق جۇمىستى ءبىر تەرەزە ارقىلى بىتىرە الادى.
تەرەزەلىك قىزمەت وتەۋ ولشەمىن جۇيەگە تۇسىرەدى
سونىمەن بىرگە، جەر – جەر تەكسەرۋ قۇرىلىمدارىن باسقارۋ جانە قىزمەت وتەۋ ولشەمىن دايىنداپ، اۆتوموبيل تەكسەرۋ جاعىندا قىزمەت وتەۋ زالىن، قىزمەت وتەۋ تەرەزەسىن، تەكسەرۋ ءتارتىبىن ولشەمدەندىرۋدى ىلگەرىلەتىپ، ولشەم ارقىلى جۇيەگە ءتۇسىرۋدى جەبەپ، قىزمەت وتەۋ ارقىلى ساپانى جوعارىلاتىپ، اۆتوموبيلدى تەكسەرۋ قىزمەتىنىڭ ورەسىن جاپپاي جوعارىلاتادى.
زاڭسىز دەلدالدارعا قاتاڭ سوققى بەرەدى
رەفورما شارالارىن تياناقتاندىرۋعا كەپىلدىك ەتۋ ءۇشىن، قوعام حاۋىپسىزدىگى مينيسترلىگى، بازاردى باقىلاۋ – باسقارۋ باس مەكەمەسى، ەكولوگيالىق ورتا مينيسترلىگى، قاتىناس – تاسىمال مينيسترلىگى قاتارلى ءتورت تاراۋ تىعىز سايكەسىپ، اتقاراتىن ەگجەي – تەگجەيلى ەرەجەسىن بەلگىلەپ، رەفورما شارالارىن تياناقتاندىرۋدى شىنايى تۇردە مىقتى ۇستاپ، زاڭسىز دەلدالداردىڭ جۇرتشىلىقتى مازالاۋى سىندى ماسەلەنى قاينارىنان باستاپ شەشىم ەتەدى. زاڭسىز دەلدالداردىڭ جۇرتشىلىقتى مازالاۋى، ءىش پەن سىرتتان استاسىپ، تەكسەرۋ بارىسىندا بەلگىلەمەگە قايشى كەلۋى قاتارلى ماسەلەلەر كورنەكتى بولسا، تەكسەرىپ ءبىرجاقتى ەتۋ قىزمەتىن بىرلەسىپ ۇيىمداستىرىپ، زاڭ بويىنشا جاۋاپكەرشىلىگىن قاتاڭ قۋزاستىرادى ءارى اقپارات قۇرالدارى ارقىلى جاريالايدى. (باس ستانسيا ورتالىق تەلەۆيزياسىنىڭ ءتىلشىسى لي جۇن، جوۋ كۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
