شي جينپيڭ قازاقستان رەسپۋبليكاسىندا مەملەكەتتىك ساپاردا بولدى
2022.09.15 16:09 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن نۇر - سۇلتان قالاسىنا بارىپ، قازاقستان رەسپۋبليكاسىنداعى مەملەكەتتىك ساپارىن باستادى. سۋرەتتە: قازاقستاننىڭ زۇڭتۇڭى توقايەۆ ۇكىمەت زۇڭليىنىڭ ورىنباسارى، قوسىمشا سىرتقى ىستەر مينيسترى مۇحتار تىلەۋبەردى، نۇر - سۇلتان قالاسىنىڭ باستىعى كولگىنوۆ قاتارلى جوعارى دارەجەلى ءمانساپتىلاردى باستاپ اۋەجايدا قىزۋ قارسى الۋدا.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
«حالىق گازەتى»، 9 - ايدىڭ 14 - كۇنى، نۇر - سۇلتان قالاسى (تىلشىلەر دۋ شاڭزى، يۇي حۇڭجيان). سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن نۇرسۇلتانعا بارىپ، قازاقستان رەسپۋبليكاسىنداعى مەملەكەتتىك ساپارىن باستادى.
قازاقستاننىڭ زۇڭتۇڭى توقايەۆ ۇكىمەت زۇڭليىنىڭ ورىنباسارى، قوسىمشا سىرتقى ىستەر مينيسترى مۇحتار تىلەۋبەردى، نۇر - سۇلتان قالاسىنىڭ باستىعى كولگىنوۆ قاتارلى جوعارى دارەجەلى ءمانساپتىلاردى باستاپ اۋەجايدا قىزۋ قارسى الدى. 70 نەشە قۇرمەت قاراۋىلى ەكى جاققا ساپ تۇزەپ قۇرمەت ءبىلدىردى، اسكەري وركەستر قوناقتاردى قارسى الۋ دابىلىن قاقتى. مەرەكەلىك كيىم كيگەن قازاقستاندىق 2 بويجەتكەن گۇل شوقتارىن ۇسىنىپ، ءتوراعا شي جينپيڭدى قىزۋ قارسى الاتىندارىن ءبىلدىردى.
شي جينپيڭ جازباشا ءسوز سويلەپ، جۇڭگو ۇكىمەتى مەن جۇڭگو حالقى اتىنان قازاقستان ۇكىمەتى مەن حالقىنا شىنايى سالەم جولدادى جانە ىزگى تىلەك ءبىلدىردى. شي جينپيڭ مىنالاردى اتاپ كورسەتتى: جۇڭگو مەن قازاقستان تاۋ - وزەندەرى جالعاسقان، تاعدىرى ءبىر تاتۋ كورشىلەر، ابزال دوستار، سەنىمدى سەرىكتەر. ديپلوماتيالىق قاتىناس ورناتقان 30 جىلدان بەرى ەكى ەل قاتىناسى قارىشتاپ دامىپ، ماڭگىلىك، جان - جاقتى ستراتەگيالىق سەرىكتەستىك قاتىناس سىندى جوعارى دەڭگەيگە جەتتى. ساپار كەزىندە مەن توقايەۆ زۇڭتۇڭمەن كەڭەس وتكىزىپ، جۇڭگو مەن قازاقستاننىڭ جان - جاقتى سەلبەستىگىنىڭ جاڭا جوباسىن بىرگە جاسايمىن. مەن وسى رەتكى ساپاردىڭ ەكى ەلدىڭ بىرگە دامىپ، گۇلدەنۋىن ىلگەرىلەتۋگە، ءسوز جوق، تىڭ دا پارمەندى قوزعاۋشى كۇش قوساتىنىنا سەنەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى سول ۇشاقپەن بىرگە باردى.
جۇڭگونىڭ قازاقستانداعى باس ەلشىسى جاڭ شياۋ دا اۋەجايعا بارىپ قارسى الدى.
كۇز ورتاسىنداعى نۇر - سۇلتان قالاسىندا قوڭىر سامال ەسىپ، اقشا بۇلت قالىقتايدى. جولدىڭ ەكى جاعالاۋىنداعى تۋ باعاناسىندا بەس جۇلدىزدى نارت قىزىل تۋ جەلبىرەپ تۇر. شي جينپيڭ وتىرعان مەملەكەتتىك قوناقتار اۆتوموبيل اترەتى موتوتسيكلشىلەر قۇرمەت اترەتىنىڭ قورعاۋىندا زۇڭتۇڭ سارايىنا جەتتى. زۇڭتۇڭ توقايەۆ اۆتوموبيلدەن تۇسكەن جەردە ىستىق ىقىلاسپەن قارسى الدى. ەكى ەل باسشىلارى زۇڭتۇڭ سارايىنىڭ زالىنا بىرگە كىردى.
زۇڭتۇڭ سارايىنىڭ زالى كوركەم دە سالتاناتتى بەينەگە ەنگەن، شىراقتار سامالاداي جارقىراپ تۇر، قۇرمەت قاراۋىلى ايبىندى كورىنەدى.
توقايەۆ شي جينپيڭگە ارناپ سالتاناتتى قارسى الۋ سالتىن وتكىزدى. ەكى ەل باسشىلارى قۇرمەت قاراۋىلى مىنبەسىنە بىرگە شىعىپ، اسكەري وركەستر جۇڭگو مەن قازاقستاننىڭ مەملەكەت گيمنىن ورىندادى. شي جينپيڭ توقايەۆتىڭ سەرىك بولۋىندا قۇرمەت قاراۋىلىن كوزدەن كەشىردى.
قارسى الۋ سالتىنان كەيىن توقايەۆ شي جينپيڭدى «قازاقستان – جۇڭگو: مىڭ جىلدىق ديالوگ» اتىنداعى كوركەمونەر كورمەسىن بىرگە ەكسكۋرسيالاۋعا ۇسىنىس ەتتى. كورمەگە قازاقستان مەملەكەتتىك كوركەمونەر مۇراجايىندا ساقتالعان جۇڭگو - قازاقستان ەلدەرىنىڭ كوركەمونەر بۇيىمدارى قويىلعان. جۇڭگونىڭ اسەم سۋرەت تۋىندىلارى، فارفور بۇيىمدارى، سونداي - اق قازاقستاننىڭ جىبەك توقىما بۇيىمدارى، فارفور بۇيىمدارى جۇڭگو مەن قازاقستاننىڭ مىڭ جىلدىق شۇعىلالى مادەنيەتىندەگى ءوزارا ۇيرەنىپ، ءوزارا ۇلگى الۋىنىڭ جاندى كورىنىسى، سونداي - اق ەكى ەل حالىقتارىنىڭ ۇرپاقتان - ۇرپاققا جالعاسقان دوستىق بارىس - كەلىسىنىڭ تاريحي ايعاعى ىسپەتتى.
ەكى ەلدىڭ مەملەكەت باسشىلارى رەسمي كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن قازاقستان ديپلوماتيالىق قاتىناس ورناتقان 30 جىلدان بەرى ەكى ەل قاتىناسى حالىقارالىق اۋمالى - توكپەلى جاعدايدىڭ سىنىنان ءوتتى، مازمۇنى ۇزدىكسىز بايىپ، دەڭگەيى ۇزدىكسىز جوعارىلاپ، تابىسى اناعۇرلىم مول بولدى. ەكى ەل شەكارا ماسەلەسىن الدىمەن شەشىپ، شەكارا اتتاعان مۇناي، تابيعي گاز قۇبىرىن الدىمەن سالىپ، حالىقارالىق ءوندىرىس قۋاتى سەلبەستىگىن الدىمەن ورىستەتىپ، ماڭگىلىك، جان - جاقتى ستراتەگيالىق سەرىكتەستىك قاتىناستى الدىمەن ورناتىپ، كوپتەگەن «بىرىنشىلىكتى» جاراتتى. جۇڭگو قازاقستانمەن قاتىناسىنا ايرىقشا ءمان بەرەدى، قازاقستاننىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن قورعاۋىن باتىل قولدايدى، قازاقستاننىڭ مەملەكەتتىڭ ورنىقتىلىعى مەن دامۋىن قورعاۋدا قولدانعان رەفورما شارالارىن باتىل قولدايدى. جۇڭگو ماڭگى قازاقستاننىڭ سەنىمدى، قادىرلى دوسى جانە سەرىگى، جۇڭگو جاق قازاقستان جاقپەن بىرگە ءبىر - ءبىرىنىڭ دامۋى مەن گۇلدەنۋىنىڭ بەرىك تىرەگى بولىپ، ءبىر - ءبىرىنىڭ دامىپ، گۇلدەنۋىن جۇزەگە اسىرۋعا دەم بەرۋدى قالايدى. جۇڭگو مەن قازاقستاننىڭ دوستىعى بەرىك، دۇنيە جۇزىندەگى بەلسەندى كۇشتەر مەن العاباسار كۇشتەردىڭ دامۋىنا، سونداي - اق ادامزاتتىڭ تاعدىرلاس ورتاق تۇلعاسىن قۇرۋعا ءتيىمدى.
شي جينپيڭ بىلاي دەپ دارىپتەدى: جۇڭگو - قازاقستان سەلبەستىگىنىڭ نەگىزى بەرىك، كومەسكى كۇشى زور، بولاشاعى نۇرلى. ەكى جاق زۇڭليلەردىڭ مەرزىمدى كەزدەسۋى، ۇكىمەتتەر ارا سەلبەستىك كوميتەتى سياقتى قازىرگى مەحانيزمدەردەن ويداعىداي پايدالانىپ، ستراتەگيالىق ۇشتاسۋدى تەرەڭدەتىپ، ءبىرىن - ءبىرى تولىقتاۋ ابزالدىعىن ساۋلەلەندىرىپ، ەكى ەل سەلبەستىگىن شىت جاڭا كولەم مەن دەڭگەيگە كوتەرۋى كەرەك. ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرىپ، ەكونوميكا - ساۋدا، ءوندىرىس قۋاتى، ۇلاستىرۋ - تۇتاستىرۋ، ىندەتكە قارسى اتتانۋ سياقتى سالالارداعى سەلبەستىكتى كەڭەيتىپ، ءىرى ساندى مالىمەت، جاساندى زەردە، سيفرلى فينانس، شەكارا اتتاعان ەلەكتروندىق ساۋدا، جاسىل ەنەرگيا، جاسىل نەگىزگى قۇرىلىس سياقتى جاڭالىق اشۋ سەلبەستىگىن كەڭەيتۋى كەرەك. حالىق تىلەگىنىڭ توعىسۋىن كۇشەيتىپ، ەكى ەل حالىقتارىنىڭ دوستىق بارىس - كەلىسى مەن ءوزارا ءتۇسىنىسۋىن جەبەۋ كەرەك.
شي جينپيڭ بىلاي دەپ دارىپتەدى: جۇڭگو ورتا ازيا ەلدەرىنىڭ ساياسي حاۋىپسىزدىگى مەن قوعام ورنىقتىلىعىن قورعاۋىن قولدايدى، ورتا ازيا ەلدەرىنىڭ ءبىر تۇلعالانعان سەلبەستىكتى كۇشەيتۋىن قولدايدى، قازاقستانمەن تىعىز قارىم - قاتىناستى ساقتاپ، ءتۇرلى جاڭا ماسەلەلەرگە، جاڭا سىن - سايىسقا ۇيلەسىمدى توتەپ بەرىپ، سىرتقى كۇشتەردىڭ ورتا ازيا ەلدەرىنىڭ ىستەرىنە كيلىگۋىنە قارسى تۇرىپ، وسى ءوڭىردىڭ باياندى تىنىشتىعىن بىرگە قورعاۋدى قالايدى. ەكى جاق شاڭحاي سەلبەستىك ۇيىمى، ازيا ءوزارا ىقپالداستىق جانە سەنىم شارالارى كەڭەسى، «جۇڭگو + ورتا ازياداعى 5 ەل» سياقتى كوپ جاقتى مەحانيزم اياسىنداعى سەلبەستىكتى كۇشەيتىپ، شاڭحاي سەلبەستىك ۇيىمىنىڭ سامارحانداعى باسشىلار باس قوسۋىن ويداعىداي وتكىزۋگە بىرگە قولداۋ كورسەتىپ، وسى ۇيىمنىڭ كەلەسى كەزەڭدەگى دامۋىنا تىڭ قوزعاۋشى كۇش قوسۋى كەرەك. ەكى جاق حالىقارالىق سەلبەستىكتى كۇشەيتىپ، ناعىز كوپ جاقتىلىقتى امالياتتا ايگىلەپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى جۇيەسىن ورناتۋعا «جۇڭگو - قازاقستان ۇلەسىن» قوسۋى كەرەك.
توقايەۆ جۇڭگونىڭ ءتوراعا شي جينپيڭنىڭ باسشىلىعىندا ۇلى دامۋ جەتىستىكتەرىنە قول جەتكىزگەنىن قىزۋ قۇتتىقتاپ، جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ تولىق تابىستى بولۋىن تىلەدى. توقايەۆ مىنانى ءبىلدىردى: ءتوراعا شي جينپيڭ جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن تۇڭعىش رەت قازاقستانعا ساپارلاي كەلدى، سونداي - اق قازاقستان مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعىنا تۇسپا – تۇس كەلىپ وتىر، بۇل قازاقستان مەن جۇڭگو اراسىنداعى وسكەلەڭ ءوزارا سەنىمدىلىكتى جانە قازاقستان مەن جۇڭگونىڭ ماڭگىلىك، جان - جاقتى ستراتەگيالىق سەرىكتەستىك قاتىناسىنىڭ جوعارى دەڭگەيىن تولىق ايگىلەدى. ءبىز بىرلەسكەن مالىمدەمەگە بىرگە قول قويامىز، بۇل ەكى جاقتىڭ قازاقستان - جۇڭگو قاتىناسىنىڭ جاڭا التىن 30 جىلدىعىن اشۋعا باتىلدىقپەن كۇش سالاتىنىن بىلدىرەدى، بۇل قازىرگى اۋمالى - توكپەلى، كۇردەلى حالىقارالىق جاعدايدا ەرەكشە ماڭىزدى مانگە يە، ءتوراعا شي جينپيڭنىڭ وسى رەتكى ساپارىنىڭ، ءسوز جوق، قازاقستان - جۇڭگو قاتىناسىنىڭ دامۋ تاريحىنداعى جاڭا بەلەس بولىپ، قازاقستان مەن جۇڭگونىڭ ماڭگىلىك، جان - جاقتى ستراتەگيالىق سەرىكتەستىك قاتىناسىنىڭ دامۋىنا تىڭ مازمۇن جانە قوزعاۋشى كۇش ۇستەيتىنىنە سەنەمىن. قازاقستان جاق ءبىر جۇڭگو ساياساتىن ۇزدىكسىز تاباندىلىقپەن اتقارىپ، ءارقانداي جاعدايدا جۇڭگو ارقا سۇيەي الاتىن سەنىمدى سەرىك، ابزال دوس بولادى. كەلەر جىلى − ءتوراعا شي جينپيڭ العا قويعان «ءبىر بەلدەۋ، ءبىر جول» باستاماسىنىڭ 10 جىلدىعى، «ءبىر بەلدەۋ، ءبىر جولدى» بىرگە قۇرۋ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ماڭىزدى قوزعالتقىشىنا اينالدى، قازاقستان ۇزدىكسىز بەلسەندىلىكپەن قولدايدى جانە ات سالىسادى. جۇڭگو جاقتىڭ قازاقستان جاقتىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە جانە ەكونوميكالىق قۇرىلىسىنا قاستەرلى قولداۋ كورسەتكەنىنە العىس ايتامىن، قازاقستان جاق جۇڭگو جاقپەن دامۋ ستراتەگياسىن ۇشتاستىرۋدى كۇشەيتىپ، ءار جىكتەگىلەردىڭ بارىس - كەلىسىن جيىلەتىپ، ەكونوميكا - ساۋدا، نەگىزدىك قۇرىلعى، ەنەرگيا، جاساۋ كاسىبى، عىلىم - تەحنيكا، ساياحات، گۋمانيتارلىق سياقتى سالالارداعى سەلبەستىكتى تەرەڭدەتۋدى ءۇمىت ەتەدى. قازاقستان جاق جۇڭگو جاقپەن بىرگە دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسىن ويداعىداي تياناقتاندىرىپ، شاڭحاي سەلبەستىك ۇيىمى، ازيا ءوزارا ىقپالداستىق جانە سەنىم شارالارى كەڭەسى، «جۇڭگو + ورتا ازياداعى 5 ەل» سياقتى جۇلگەلەردە تىعىز سايكەسىپ جانە سەلبەسىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاپ، بىرگە دامۋدى جەبەۋدى قالايدى. ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ ديپلوماتيالىق قاتىناس ورناتقانىنىڭ 30 جىلدىعى جونىندەگى بىرلەسكەن مالىمدەمەگە» قول قويىپ جانە ونى جاريا ەتىپ، جۇڭگو مەن قازاقستاننىڭ ۇرپاقتان - ۇرپاققا جالعاسقان دوستىق، وسكەلەڭ ءوزارا سەنىمدىلىك، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا قۇرۋ نىساناسى مەن بولاشاعى ءۇشىن قۇلشىناتىندارىن جاريالادى.
ەكى ەلدىڭ قاتىستى تاراۋلارى ەكونوميكا - ساۋدا، ۇلاستىرۋ - تۇتاستىرۋ، فينانس، سۋ يگىلىگى، اقپارات قۇرالدارى سياقتى سالالارداعى كوپ ءتۇرلى ەكى جاقتى سەلبەستىك قۇجاتتارىنا قول قويدى. ەكى جاق شي - ان مەن اقتوبەدە ءوزارا باس كونسۋلحانا قۇرۋدى ۇيعاردى.
كەڭەستەن كەيىن شي جينپيڭ توقايەۆ وتكىزگەن قارسى الۋ قوناعاسىنا قاتىناسىپ، ورتاق كوڭىل ءبولىپ وتىرعان ماسەلەلەر جونىندە ىشكەرىلەي پىكىر اۋىستىردى.
قوناعاسى اياقتاعاننان كەيىن شي جينپيڭ قازاقستان رەسپۋبليكاسىنداعى مەملەكەتتىك ساپارىن اياقتاتىپ، ارناۋلى ۇشاقپەن نۇر - سۇلتان اتتانىپ، سامارحانعا جول تارتتى. توقايەۆ ۇكىمەتتىڭ جوعارى دارەجەلى ءمانساپتىلارىن باستاپ اۋەجايعا بارىپ اتتاندىرىپ سالدى.
توقايەۆ مىنانى ءبىلدىردى: ءتوراعا شي جينپيڭنىڭ وسى رەتكى ساپارىنىڭ ۋاقىتى قىسقا بولعانىمەن، مازمۇنى باي، تابىسى مول بولدى. ءبىز كوپتەگەن ماڭىزدى ورتاق تانىمعا كەلدىك، الدا قازاقستان - جۇڭگو قاتىناسىنىڭ اناعۇرلىم جوعارى دەڭگەيگە كوتەرىلۋىنە جەتەكشىلىك ەتەمىز. شي جينپيڭ بىلاي دەپ اتاپ كورسەتتى: مەنىڭ بۇل رەتكى ساپارىم − جۇڭگو - قازاقستان قارىم - قاتىناسىنىڭ جاڭا باستاماسى، ەكى جاقتىڭ بىرگە قۇلشىنۋىندا، بولاشاقتا جۇڭگو - قازاقستان قارىم - قاتىناسىنىڭ اناعۇرلىم زور دامۋشىلىقتارعا قول جەتكىزەتىنىنە سەنەمىن. ەكى ەل باسشىلارى ءتۇرلى تاسىلدەرمەن تىعىز بارىس - كەلىستى ۇزدىكسىز جالعاستىرۋعا ۋاعدالاستى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.
كەلۋ قاينارى: حالىق تورابى
 |
سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن نۇر - سۇلتان قالاسىنا بارىپ، قازاقستان رەسپۋبليكاسىنداعى مەملەكەتتىك ساپارىن باستادى. زۇڭتۇڭ توقايەۆ ءتوراعا شي جينپيڭگە ارناپ سالتاناتتى قارسى الۋ سالتىن وتكىزدى. سۋرەتتە: شي جينپيڭ توقايەۆتىڭ سەرىك بولۋىندا قۇرمەت قاراۋىلىن كوزدەن كەشىرۋدە.
سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
|
 |
سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن نۇر - سۇلتان قالاسىنا بارىپ، قازاقستان رەسپۋبليكاسىنداعى مەملەكەتتىك ساپارىن باستادى. ءتوراعا شي جينپيڭ توقايەۆ زۇڭتۇڭمەن رەسمي كەڭەس وتكىزدى. سۋرەتتە: كەڭەستەن بۇرىن ەكى ەل باسشىلارى سۋرەتكە تۇسۋدە.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
