شي جينپيڭ قازاقستاننىڭ زۇڭتۇڭى توقايەۆ تابىستاعان «التىن قىران» وردەنىن قابىلدادى
2022.09.15 16:21 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ نۇر - سۇلتان قالاسىنداعى زۇڭتۇڭ سارايىندا قازاقستاننىڭ زۇڭتۇڭى توقايەۆ تابىستاعان «التىن قىران» وردەنىن قابىلدادى.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
«حالىق گازەتى»، 9 - ايدىڭ 14 - كۇنى، نۇر - سۇلتان قالاسى (تىلشىلەر دۋ شاڭزى، جوۋ حانبو، رۇڭ ي). سول جەردىڭ ۋاقىتى بويىنشا 9 - ايدىڭ 14 - كۇنى تۇستەن كەيىن مەملەكەت ءتوراعاسى شي جينپيڭ نۇر - سۇلتان قالاسىنداعى زۇڭتۇڭ سارايىندا قازاقستاننىڭ زۇڭتۇڭى توقايەۆ تابىستاعان «التىن قىران» وردەنىن قابىلدادى.
اق ءمارماردان تۇرعىزىلعان زال سالتاناتتى كورىنەدى، جۇڭگو مەن قازاقستاننىڭ مەملەكەت تۋلارى قاز - قاتار ءتىزىلىپ، ايبىندى دا دۋماندى بەينەنى اڭعارتادى.
توقايەۆ وردەن تابىستاۋ ءسوزىن سويلەدى. توقايەۆ مىنانى ءبىلدىردى: بۇگىن ۇلى جۇڭگونىڭ مەملەكەت ءتوراعاسى شي جينپيڭ قازاقستانعا مەملەكەتتىك ساپارمەن كەلىپ وتىر، بۇل − قازاقستان جاق ءۇشىن زور مارتەبە. ءتوراعا شي جينپيڭ − ناعىز ۇلى كوسەم، جۇڭگو حالقىنىڭ شىن جۇرەكتەن قولداپ - قۋاتتاۋىنا يە بولدى. ءتوراعا شي جينپيڭنىڭ ەرەن باسشىلىعىندا جۇڭگو ۇلى دامۋ جەتىستىكتەرىنە قول جەتكىزىپ، مۇلدەم كەدەيلىكتى جويىپ، جاپپاي دوڭگەلەك داۋلەتتى قوعام قۇرىپ شىعىپ، جۇڭحۋا ۇلتىنىڭ ۇلى گۇلدەنۋى جاڭا ساپارعا قادام تاستادى. ءتوراعا شي جينپيڭنىڭ ءدانىشپان باسشىلىعىندا جۇڭگونىڭ جاپپاي سوتسياليستىك وسىزاماندانعان مەملەكەت قۇرۋ ۇلى نىساناسىن ۋاعىندا جۇزەگە اسىراتىنىنا سەنەمىن. ءتوراعا شي جينپيڭ «ءبىر بەلدەۋ، ءبىر جولدى» بىرگە قۇرۋ جانە ادامزاتتىڭ تاعدىرلاس ورتاق تۇلعاسىن قۇرۋ ۇلى باستاماسىن العا قويىپ، جاڭاشا حالىقارالىق قارىم - قاتىناس ورناتۋدى ىلگەرىلەتۋگە كورنەكتى ۇلەس قوستى. ءتوراعا شي جينپيڭ العا قويعان دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسى بۇگىنگى دۇنيە ءجۇزى ءدوپ كەلىپ وتىرعان حاۋىپ - قاتەر مەن سىن - سايىستى شەشۋدە ماڭىزدى ستراتەگيالىق مانگە يە.
توقايەۆ ءتوراعا شي جينپيڭنىڭ ەكى ەل حالىقتارىنىڭ دوستىعىن بەكەمدەۋدە جانە قازاقستان - جۇڭگو قاتىناسىنىڭ دامۋىن ىلگەرىلەتۋدە اتقارعان تاريحي رولى مەن قوسقان وراسان زور ۇلەسىن ايرىقشا القاپ، مىنانى ءبىلدىردى: ءتوراعا شي جينپيڭنىڭ بۇگىنگى ساپارى، ءسوز جوق، قازاقستان - جۇڭگو قاتىناسىنىڭ تاريح بەتىنە جازىلادى. قازاقستان جۇڭگومەن بىرگە قۇلشىنىپ، ەكى ەلدىڭ بىرگە گۇلدەنىپ - كوركەيۋىن، دامۋىن جەبەپ، ەكى ەل حالىقتارىنىڭ ىرىس - قۇتىن ارتتىرىپ، اناعۇرلىم كوركەم بولاشاققا قول ۇستاسا قادام تاستاۋدى قالايدى.
توقايەۆ شي جينپيڭگە «التىن قىران» وردەنىن تابىستادى. ەكى ەلدىڭ مەملەكەت باسشىلارى ەستەلىك سۋرەتكە ءتۇستى.
شي جينپيڭ قارىمتا ءسوز سويلەدى. شي جينپيڭ بىلاي دەپ اتاپ كورسەتتى: توقايەۆ زۇڭتۇڭنىڭ ماعان «التىن قىران» وردەنىن تابىستاۋى قازاقستاننىڭ جۇڭگو - قازاقستان قاتىناسىنا ايرىقشا ءمان بەرەتىنىن، سونداي - اق قازاقستان حالقىنىڭ جۇڭگو حالقىنا دەگەن تەرەڭ سۇيىسپەنشىلىگىن ايگىلەدى. ديپلوماتيالىق قارىم - قاتىناس ورناتقان 30 جىلدان بەرى جۇڭگو - قازاقستان قارىم - قاتىناسى باستان - اياق جوعارى دەڭگەيدەگى اينالىمدى جالعاستىردى. ەكى جاقتىڭ ساياسي سەنىمدىلىگى ۇزدىكسىز بەكەمدەلىپ، ءار سالاداعى سەلبەستىگى قارىشتاپ دامىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدىڭ تابىسى مول بولىپ، حالىقارالىق ىستەردە تىعىز سەلبەسىپ، ەكى جاقتىڭ دامۋىنا، گۇلدەنۋىنە پارمەندى تىرەك ازىرلەپ، ءوڭىردىڭ بەيبىتشىلىگى مەن ورنىقتىلىعىنا پارمەندى قوزعاۋشى كۇش ۇستەدى. بولاشاققا كوز جىبەرسەك، ەكى ەلدىڭ ۇرپاقتان - ۇرپاققا جالعاسقان دوستىعىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ، گۇلدەنۋگە قادام تاستاۋىنىڭ بولاشاعى توتەنشە نۇرلى. مەن ەكى ەل حالىقتارىنىڭ دوستىعىنىڭ سيمۆولى بولعان وسى وردەندى ايرىقشا قاستەرلەيمىن. ەكى جاقتىڭ بىرگە قۇلشىنۋىندا جۇڭگو - قازاقستان قاتىناسىنىڭ قىران قۇستاي الىسقا سامعاپ، ەكى ەل حالىقتارىنا ءتىپتى دە كوپ باقىت جاراتاتىنىنا سەنەمىن.
«التىن قىران» وردەنى − قازاقستاننىڭ ەڭ جوعارى داڭقى، مۇندا قازاقستاننىڭ مەملەكەت قۇرىلىسىنا جانە سىرتقى دوستىق قارىم - قاتىناسىنا ەلەۋلى ۇلەس قوسقان قايراتكەرلەردى ماراپاتتاۋ باستى ماقسات ەتىلگەن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار وردەن تابىستاۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
