شي جينپيڭ سامارحانعا باردى
وزبەكستان رەسپۋبليكاسىنداعى مەملەكەتتىك ساپارىن باستادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناسادى
2022.09.15 16:28 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 14 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن سامارحانعا بارىپ، وزبەكستان رەسپۋبليكاسىنداعى مەملەكەتتىك ساپارىن باستادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ماجىلىسىنە قاتىناسادى. سۋرەتتە: وزبەكستاننىڭ زۇڭتۇڭى ميرزيويەۆ، ۇكىمەتتىڭ زۇڭليى اريپوۆ، سىرتقى ىستەر مينيسترى نوروۆ، سامارحان وبلىسىنىڭ باستىعى تۇرزيموۆ قاتارلى جوعارى دارەجەلى ءمانساپتىلار اۋەجايدا قىزۋ قارسى الۋدا.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
«حالىق گازەتى»، 9 - ايدىڭ 14 - كۇنى، سامارحان (تىلشىلەر دۋ شاڭزى، شياۋ شينشين). سول جەردىڭ ۋاقىتى بويىنشا 9 - ايدىڭ 14 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن سامارحانعا بارىپ، وزبەكستان رەسپۋبليكاسىنداعى مەملەكەتتىك ساپارىن باستادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 – ماجىلىسىنە قاتىناسادى.
وزبەكستاننىڭ زۇڭتۇڭى ميرزيويەۆ، ۇكىمەتتىڭ زۇڭليى اريپوۆ، سىرتقى ىستەر مينيسترى نوروۆ، سامارحان وبلىسىنىڭ باستىعى تۇرزيموۆ قاتارلى جوعارى دارەجەلى ءمانساپتىلار اۋەجايدا قىزۋ قارسى الدى.
ميرزيويەۆ اۋەجايدا ءتوراعا شي جينپيڭگە ارناپ سالتاناتتى قارسى الۋ سالتىن وتكىزدى. جۇڭگو مەن وزبەكستاننىڭ جۇزگە جۋىق مەملەكەت تۋى جەلبىرەپ تۇر، ءجۇز مەتر ۇزىندىقتاعى كىلەمنىڭ ەكى جاعىندا قۇرمەت قاراۋىلى ايبىندى بەينەمەن ساپ تۇزەگەن. ەكى ەل باسشىلارى وزبەكستاننىڭ ۇلتتىق ەرەكشەلىككە يە تاماشالاۋ مىنبەسىنە شىقتى. وزبەكستاننىڭ ءداستۇرلى ۇزىن كەرنايلارىمەن قوناقتاردى قارسى الۋ مۋزىكاسى ورىندالدى، سول جەردەگى جاستار ۇلتتىق كيىم كيىپ، ءان ايتىپ، ءبي بيلەپ، شات - شادىمان ريتىممەن ەڭ قادىرلى قوناقتى قارسى الدى.
شي جينپيڭ جازباشا ءسوز سويلەپ، جۇڭگو ۇكىمەتى مەن جۇڭگو حالقى اتىنان وزبەكستان ۇكىمەتى مەن حالقىنا شىنايى سالەم جولدادى جانە ىزگى تىلەك ءبىلدىردى. شي جينپيڭ مىنالاردى اتاپ كورسەتتى: جۇڭگو مەن وزبەكستان ەكى ەلدىڭ جانە ەكى ەل حالىقتارىنىڭ دوستىعى مىڭ جىلدىق تاريح اعىسىنان ءوتىپ، جالىندى تىرشىلىك تىنىسى مەن ومىرشەڭدىك كۇشىن ۇزدىكسىز تاسقىنداتتى. جۇڭگو مەن وزبەكستاننىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋى جەدەل ارناعا ءتۇسىپ، ەكى ەل حالىقتارىنا باقىت جاراتۋمەن بىرگە، ءوڭىردىڭ بەيبىتشىلىگى مەن ورنىقتىلىعىن جانە گۇلدەنىپ - كوركەيۋىن، دامۋىن پارمەندى جەبەدى. مەن ميرزيويەۆ زۇڭتۇڭمەن ەكى ەلدىڭ سەلبەستىگىن تەرەڭدەتۋ جانە ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو - وزبەكستان قاتىناسىنىڭ دامۋ جوباسىن بىرگە جوبالايمىن. مەن شاڭحاي سەلبەستىك ۇيىمىنىڭ سامارحانداعى باسشىلار ماجىلىسىنە قاتىناسىپ، ءار جاقپەن بىرگە «شاڭحاي رۋحىن» ساۋلەلەندىرىپ، ءوزارا ءتيىمدى سەلبەستىكتى تەرەڭدەتىپ، وسى ۇيىمنىڭ اقاۋسىز، ورنىقتى دامۋىن جەبەۋدى ءۇمىت ەتەمىن.
ميرزيويەۆ شي جينپيڭمەن بىرگە اۋەجايدىڭ سيلى قوناق عيماراتىنان ءوتتى. ەلەكتروندىق ەكراننان ءتوراعا شي جينپيڭنىڭ الىپ سۋرەتى كوزگە ۇرىندى، سونىمەن بىرگە، حانزۋشا، وزبەكشە جازىلعان «جۇڭحۋا حالىق رەسپۋبليكاسىنىڭ ءتوراعاسى، مارتەبەلى شي جينپيڭنىڭ وزبەكستان رەسپۋبليكاسىندا مەملەكەتتىك ساپاردا بولۋىن قىزۋ قارسى الامىز» دەگەن جازۋ كورىندى.
شي جينپيڭ مەن ميرزيويەۆ اۆتوكولىككە شىعۋ ورنىندا قوشتاسىپ، ەرتەڭ رەسمي كەڭەس وتكىزىپ، جۇڭگو مەن وزبەكستاننىڭ دوستىعىن ىلگەرىلەتۋ جونىندە ىشكەرىلەي پىكىر الماستىرۋعا ۋاعدالاستى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى سول ۇشاقپەن بىرگە باردى.
جۇڭگونىڭ وزبەكستانداعى باس ەلشىسى جياڭ يان دا اۋەجايعا بارىپ قارسى الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
