شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ءماجىلىسىنىڭ شاعىن قۇرامداعى كەڭەسىنە قاتىناستى
2022.09.19 16:11 كەلۋ قاينارى : حالىق تورابى
سول جەردىڭ ۋاقىتى بويىنشا 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 - رەتكى ءماجىلىسىنىڭ شاعىن قۇرامداعى كەڭەسىنە قاتىناستى. سۋرەتتە: شاعىن قۇرامداعى كەڭەستەن بۇرىن شاڭحاي سەلبەستىك ۇيىمىنا مۇشە ەلدەردىڭ باسشىلارى توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
«حالىق گازەتى»، 9 - ايدىڭ 16 - كۇنى، وزبەكستان سامارحان (تىلشىلەر دۋ شاڭزى، شياۋ شينشين). سول جەردىڭ ۋاقىتى بويىنشا 9 - ايدىڭ 16 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 22 – رەتكى ءماجىلىسىنىڭ شاعىن قۇرامداعى كەڭەسىنە قاتىناستى.
وزبەكستاننىڭ زۇڭتۇڭى ميرزيويەۆ ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن رەسەيدىڭ زۇڭتۇڭى پۋتين، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، تاجىكستاننىڭ زۇڭتۇڭى راحمون، ءۇندىستاننىڭ زۇڭليى مودي، پاكيستاننىڭ زۇڭليى شەحباز ماجىلىسكە قاتىناسىپ، شاڭحاي سەلبەستىك ۇيىمىنىڭ دامۋى، سونداي - اق وڭىرلىك ساياسي، ەكونوميكالىق جاعدايعا ساياتىن كەلەلى حالىقارالىق جانە وڭىرلىك ماسەلەلەر جونىندە پىكىر الماستىردى.
سول جەردىڭ ۋاقىتى بويىنشا تۇستەن بۇرىن ساعات 9 دان 55 مينۋت وتكەندە شي جينپيڭ مەن شاڭحاي سەلبەستىك ۇيىمىنا مۇشە ەلدەردىڭ باسشىلارى سامارحان حالىقارالىق ءماجىلىس ورتالىعىنا ىركەس - تىركەس كەلىپ، ميرزيويەۆ زۇڭتۇڭنىڭ قىزۋ قارسى الۋىنا بولەندى.
شاڭحاي سەلبەستىك ۇيىمىنا مۇشە ەلدەردىڭ باسشىلارى توپتىق سۋرەتكە ءتۇسىپ، شاعىن قۇرامداعى كەڭەس وتكىزدى.
شي جينپيڭ سوزىندە وزبەكستاننىڭ كەزەكتى ءتوراعا ەل مىندەتىن وتەگەن مەزگىلدە سامارحان باسشىلار ءماجىلىسى سياقتى قيمىلدارعا دايىندىق كورۋ، وسى ۇيىمنىڭ دامۋىن ىلگەرىلەتۋ جاقتارىندا كورسەتكەن بەلسەندى قۇلشىنىسى مەن ماڭىزدى ۇلەسىن جوعارى باعالادى.
شي جينپيڭ بىلاي دەپ اتاپ كورسەتتى: شاڭحاي سەلبەستىك ۇيىمى قۇرىلعان 20 نەشە جىلدان بەرى «شاڭحاي رۋحى» تۋىن باستان - اياق بيىك ۇستاپ، حالىقارالىق ۇيىمداردىڭ ەسەيىپ - ەرجەتۋ، زورايۋىنداعى جاڭاشا جولدى بىرتىندەپ ءساتتى قاراستىرىپ، ءبىرقىدىرۋ وي سالارلىق ءمان – ماڭىزعا يە تاجىريبەلەردى توپتادى جانە قالىپتاستىردى.
ساياسي سەنىمدىلىكتى جەتىلدىرۋ كەرەك. مۇشە ەلدەردىڭ ۇرپاقتان - ۇرپاققا جالعاسقان دوستىعىن ۇستانىپ، بەيبىتشىلىك ۇستانىمىن ماڭگى ساقتاپ، ءبىر - ءبىرىنىڭ وزەكتى مۇددەسى مەن تاڭداعان دامۋ جولىنا قۇرمەت ەتىپ، ءار جاقتىڭ بەيبىتشىلىك، ورنىقتىلىق جانە دامۋ، گۇلدەنۋ ىستەرىن جۇزەگە اسىرۋىن قولداۋ كەرەك. ءوزارا ءتيىمدى سەلبەستىك ورىستەتۋ كەرەك. ءبىر - ءبىرىنىڭ مۇددە تالابىنا كوڭىل ءبولىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىندە تاباندى بولىپ، دامۋ ستراتەگياسىن ۇشتاستىرۋدى كۇشەيتىپ، باستان - اياق ءوزارا تيىمدىلىك جەتكىزىپ، تەڭ يگىلىككە كەنەلۋ، بىرگە گۇلدەنۋ جولىمەن ءجۇرۋ كەرەك. تەڭ تۇرعىدا مامىلە جاساۋدا تاباندى بولۋ كەرەك. ۇلكەن - كىشى ەلدەردىڭ تەرەزەسى تەڭ بولۋدى دارىپتەپ، كەڭەسىپ بىرلىككە كەلۋ پرينسيبىن اتقارىپ، ىسكە جولىققاندا كوبىرەك اقىلداسۋ، جۇمىس بولسا كەڭەسىپ شەشۋ، ۇلكەننىڭ كىشىنى باسىنۋىنا، كۇشتىنىڭ ءالسىزدى باسىنۋىنا جول بەرمەۋ كەرەك. اشىق، سيىسىمدى بولۋدى دارىپتەۋ كەرەك. تۇرلىشە مەملەكەتتىڭ، تۇرلىشە ۇلتتىڭ، تۇرلىشە مادەنيەتتىڭ جاراسىمدى قاتار تۇرۋىن، ءوزارا ۇيرەنىپ، ءوزارا ۇلگى الۋىن قۋاتتايمىز، وركەنيەتتەر ارا تىلدەسۋدى، پارىقتاردى ساقتاپ، ورتاقتىققا ۇمتىلۋدى دارىپتەيمىز، مۇراتتاس، جولى ءبىر اناعۇرلىم كوپ ەلدەرمەن جانە حالىقارالىق ۇيىمدارمەن سەرىكتەستىك قارىم - قاتىناس ورناتۋدى جانە ءوزارا ءتيىمدى سەلبەستىكتى دامىتۋدى قالايمىز.
شي جينپيڭ مىنالاردى دارىپتەدى: بۇگىنگى دۇنيە تىنىش ەمەس. ىنتىماق پەن بولشەكتەۋشىلىك، سەلبەستىك جانە قارسىلاسۋ سىندى ەكى ۇلكەن ساياساتتىق بەتالىستىڭ سايىسى كۇن سايىن كورنەكتىلەنە ءتۇستى. بۇل دۇنيە ءجۇزىنىڭ بەيبىتشىلىگى مەن ورنىقتىلىعىنا سوققى بەرۋمەن بىرگە، وسى ءوڭىردىڭ ۇزاق بولاشاقتىق دامۋىنا دا ءتيىمسىز. كۇردەلى جاعداي الدىندا ءبىز وسى ۇيىمنىڭ دامۋ بەتالىسىن ءدال يگەرىپ، ءار سالاداعى سەلبەستىكتى تەرەڭدەتىپ، مۇشە ەلدەردىڭ دامىپ، گۇلدەنۋىنە ۇزدىكسىز ءتيىمدى ورتا ازىرلەۋىمىز كەرەك.
شي جينپيڭ مىنا قىزمەتتەردى ءتۇيىندى تۇردە ىلگەرىلەتۋدى ۇسىنىس ەتتى.
ءبىرىنشى، «شاڭحاي رۋحىن» ساۋلەلەندىرۋدە تاباندى بولىپ، ىنتىماقتى، سەلبەستىكتى بەكەمدەۋ. وسى ۇيىمنىڭ اۋەلگى ماقساتىنان، بورىشىنان جازباي، ءوزارا سەنىمدىلىكتى ارتتىرىپ، سىرتقى ورتاداعى كۇردەلى وزگەرىستەرگە تىزە قوسا توتەپ بەرۋ كەرەك. ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا قولداۋ كورسەتىپ، ءبىر - ءبىرىنىڭ دامىپ، گۇلدەنۋىن جۇزەگە اسىرۋداعى بەرىك سۇيەنىشىنە اينالۋ كەرەك.
ەكىنشى، ستراتەگيالىق دەربەستىكتە تاباندى بولىپ، ءوڭىردىڭ ورنىقتىلىعىن قورعاۋ. ورتاقتىق، جالپىلىق، سەلبەستىك، باياندىلىق سىندى حاۋىپسىزدىك كوزقاراسىن دارىپتەپ، توپقا ءبولىنىپ قارسىلاسۋ تۋدىراتىن، ءوڭىردىڭ ورنىقتىلىعىن بۇلدىرەتىن ءارقانداي قاسكۇنەمدىككە قارسى تۇرۋ كەرەك. وڭىرلىك مەملەكەت حاۋىپسىزدىگى قاجەتىن تياناق ەتىپ، حاۋىپسىزدىك سەلبەستىگى جونىندەگى ورتاق تانىمدى كۇشەيتىپ، وڭىرلىك باياندى تىنىشتىقتى كۇش بىرىكتىرە قورعاۋ كەرەك. وسى ۇيىمنىڭ زاڭ اتقارۋ، حاۋىپسىزدىك سەلبەستىگى دەڭگەيىن جوعارىلاتىپ، لاڭكەستىك ۇشقارى كۇشتەردىڭ وڭىرلىك حاۋىپسىزدىكتى بۇلدىرۋىنەن قاتاڭ ساقتانۋ كەرەك.
ءۇشىنشى، جالپىعا ءتيىمدى، سيىسىمدى بولۋدا تاباندى بولىپ، دامۋ سەلبەستىگىن ىلگەرىلەتۋ. ساۋدا مەن قارجى قوسۋدىڭ ەركىن، قولايلى بولۋىن بەلسەنە ىلگەرىلەتىپ، كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قورعاپ، بايلىق فاكتورلارىنىڭ ءتارتىپتى اۋىسۋىن جەبەپ، وڭىرلىك ەكونوميكانىڭ توعىسپالى دامۋىن جۇزەگە اسىرۋ كەرەك. «ءبىر بەلدەۋ، ءبىر جولدى» بىرگە قۇرۋ باستاماسىن ءار ەلدىڭ دامۋ ستراتەگيالارىمەن جانە ءوڭىردىڭ ءبىر تۇلعالانۋىنداعى باسقا دا باستامامەن ۇشتاستىرۋدى كۇشەيتىپ، ءار ەل ەكونوميكاسىنىڭ ارتۋ ومىرشەڭدىگىن قاۋلاتۋ كەرەك.
ءتورتىنشى، مۇشەلەردى كەڭەيتۋ اياق الىسىن ىلگەرىلەتۋدە تاباندى بولىپ، ۇيىمدىق مەحانيزم قۇرىلىسىن كەمەلدەندىرۋ. كوپتەگەن ەلدىڭ «شاڭحاي سەلبەستىك ۇيىمىنا مۇشە بولۋدى» ءوتىنىش ەتۋى شاڭحاي سەلبەستىك ۇيىمىنىڭ سەلبەستىك يدەياسىنىڭ جۇرت جۇرەگىنە تەرەڭ ۇيالاپ، دامۋ بولاشاعىنىڭ كەڭ كولەمدە ايگىلەنگەنىن تولىق ايگىلەدى. ورايدى يگەرىپ، قىزمەتتى جەدەلدەتىپ، وسى ۇيىمنىڭ سەلبەستىك قوسىنىن ۇزدىكسىز كەڭەيتىپ، حالىقارالىق ادىلدىك پەن ادىلەتتىلىكتى قورعايتىن جاندى كۇشتەردى ۇلعايتۋ كەرەك.
شي جينپيڭ مىنانى دارىپتەدى: جۇڭگو كوممۋنيستىك پارتياسى الداعى جەردە 20 - رەتكى مەملەكەتتىك قۇرىلتايىن اشىپ، كەلەسى كەزەڭدەگى جۇڭگونىڭ دامۋ جوباسىن جان - جاقتى جاسايدى. حالىقارالىق جاعداي قالاي وزگەرسە دە، جۇڭگو بەيبىت دامۋدا، اشىق دامۋدا، سەلبەسىپ دامۋدا، بىرگە دامۋدا باستان - اياق تاباندى بولادى، شاڭحاي سەلبەستىك ۇيىمىن ديپلوماتيانىڭ الدىمەن ەسكەرەتىن باعىتى دەپ قارايدى، ءوزىنىڭ دامۋى ارقىلى وڭىردەگى ەلدەردىڭ دامۋىنا دەم بەرىپ، ءار ەل حالىقتارىنا ءتىپتى كوپ ىرىس - قۇت جاراتۋدى قالايدى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
