شي جينپيڭ جۇڭگو، رەسەي، موڭعۇليا مەملەكەت باسشىلارىنىڭ 6 - رەتكى كەزدەسۋىنە قاتىناستى
2022.09.16 16:52 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ سامارحان مەملەكەتتىك قوناق ۇيىندە رەسەيدىڭ زۇڭتۇڭى پۋتينمەن، موڭعۇليانىڭ زۇڭتۇڭى حورەلسۋحپەن جۇڭگو، رەسەي، موڭعۇليا 3 ەل مەملەكەت باسشىلارىنىڭ 6 - رەتكى كەزدەسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
|
«حالىق گازەتى»، 9 - ايدىڭ 15 - كۇنى، وزبەكستان سامارحان (تىلشىلەر سۇي شين، شياۋ شينشين). سول جەردىڭ ۋاقىتى بويىنشا 9 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ سامارحان مەملەكەتتىك قوناق ۇيىندە رەسەيدىڭ زۇڭتۇڭى پۋتينمەن، موڭعۇليانىڭ زۇڭتۇڭى حورەلسۋحپەن بىرگە جۇڭگو، رەسەي، موڭعۇليا 3 ەل مەملەكەت باسشىلارىنىڭ 6 – رەتكى كەزدەسۋىن وتكىزدى.
شي جينپيڭ بىلاي دەپ اتاپ كورسەتتى: جۇڭگو، رەسەي، موڭعۇليا 3 جاقتىڭ سەلبەستىگى قۇدىرەتتى ىشكى قوزعاۋشى كۇشكە جانە دامۋ سەرپىمدىلىگىنە يە. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعانىمەن، ءۇش جاق سەلبەستىگىنىڭ قادامى ەشقاشان تولاستامادى، قول جەتكىزگەن تابىستارى تۇراقتاندىرۋعا تاتيدى. ءبىز ىندەتكە قول ۇستاسا قارسى اتتانىپ، ىندەتكە قارسى تۇرۋ زاتتارى بويىنشا دەر كەزىندە ءوزارا كومەكتەسىپ، ىندەتكە قارسى تۇرۋ تاجىريبەلەرىن بۇكپەسىز ءبولىسىپ، ءۇش ەل حالىقتارىنىڭ ءومىرىن، دەنساۋلىعىن بىرگە قورعادىق. ءبىز «بۇلتتىق اۋىس – كۇيىستى» ورىستەتىپ، بارىس - كەلىستىڭ قىزۋ ورلەۋىن جالعاستىرىپ، حالىق تىلەگىن توعىستىراتىن دانەكەردى اناعۇرلىم نىعايتتىق. ءبىز شەكارا وڭىرلەردىڭ بىرلەسىپ ساقتانۋ، بىرلەسىپ تىزگىندەۋ سەلبەستىگىن بەلسەنە ورىستەتىپ، ەكونوميكا - ساۋدا بارىس - كەلىسىنىڭ ورنىقتى، ىركىلىسسىز بولۋىن جەبەدىك، ءۇش ەلدى باسىپ وتەتىن شەكارا اتتاعان تاسىمال ازيا تاس جول تورابىن ىلگەرىلەتۋدىڭ ناتيجەسى كورنەكتى بولدى.
شي جينپيڭ جۇڭگو، رەسەي، موڭعۇليا سەلبەستىگىن ىلگەرىلەتۋ جونىندە 4 ءتۇرلى ۇسىنىس قويدى. ءبىرىنشى، ءۇش جاق سەلبەستىگىنىڭ دۇرىس بەتالىسىن مىقتاپ يگەرىپ، ساياسي سەنىمدىلىكتى تەرەڭدەتىپ، ءوزارا قولداۋدى كۇشەيتىپ، ءبىر - ءبىرىنىڭ وزەكتى مۇددەسىنە قۇرمەت ەتىپ، ءبىر - ءبىرىنىڭ نازار اۋدارىپ وتىرعان كەلەلى ىستەرىنە كوڭىل ءبولىپ، حالىقارالىق جانە وڭىرلىك ىستەردە سايكەسۋ مەن سەلبەسۋدى كۇشەيتۋ كەرەك.
ەكىنشى، شاڭحاي سەلبەستىك ۇيىمى جۇلگەسىندەگى سەلبەستىكتى جوعارىلاتىپ، حاۋىپ - قاتەر مەن سىن - سايىسقا توتەپ بەرۋدىڭ سەلبەستىك تۇعىرىن، دامۋ كومەسكى كۇشىن اشۋدىڭ ارتۋ تۇعىرىن بىرگە قۇرۋ كەرەك.
ءۇشىنشى، جۇڭگو، موڭعۇليا، رەسەي ەكونوميكالىق ءدالىزى قۇرىلىسىندا ورتاق تانىمعا كەلىپ، كورشىلەس وڭىرلەردىڭ ەكونوميكا - ساۋدا، گۋمانيتارلىق، ساياحات سياقتى سالالارداعى سەلبەستىگىن ۇزدىكسىز تەرەڭدەتۋىن ىلگەرىلەتىپ، ءۇش ەلدىڭ ونەركاسىپ - ساۋدا سالاسىنا ۇزدىكسىز ساپالى اۋىس - كۇيىس تۇعىرىن ورناتۋ كەرەك.
ءتورتىنشى، ءۇش جاق سەلبەستىگىنىڭ اناعۇرلىم كوپ جەتىستىكتەرىن جەتىلدىرىپ، ءوزارا ساۋدا نەگىزگى اقشاسىنىڭ ەسەپ جابۋ كولەمىن كەڭەيتۋدى قولداۋ كەرەك، رەسەي مەن موڭعۇلياداعى ءتىپتى دە كوپ فينانس قۇرىلىمدارىنىڭ حالىق اقشاسىنىڭ شەكارا اتتاپ تولەۋ جۇيەسىنە كىرىپ، وڭىرلىك فينانس حاۋىپسىزدىگى قالتقىسىن بەكەمدەۋىن قارسى الامىز.
پۋتين مىنانى ءبىلدىردى: رەسەي، جۇڭگو، موڭعۇليا 3 جاق سەلبەستىگىنىڭ ناتيجەسى كورنەكتى بولدى، كورنەكتى ءوزارا تيىمدىلىك جەتكىزۋ سيپاتىنا يە، ءوزارا قارىم - قاتىناستىڭ دامۋىنا قوسىمشا قۇن قوستى. ءۇش ەل جاقىن كورشى رەتىندە ءبىرىن - ءبىرى ءتۇسىنىپ، ءبىرىن - ءبىرى قولداپ، ءۇش جاقتىڭ سەلبەستىگىن جاپپاي بەكەمدەۋى، ىلگەرىلەتۋى كەرەك. ءۇش ەل كاسىپكەرلەرىن اۋىس - كۇيىستى، سەلبەستىكتى كۇشەيتۋگە شابىتتاندىرىپ جانە قولداپ، قاتىناس، زات اينالىمى، شەكارا اتتاعان تاسىمال، ەنەرگيا، جوعارى، جاڭا تەحنيكا، ساياحات، گۋمانيتارلىق سياقتى سالالارداعى سەلبەستىكتە اناعۇرلىم كوپ ماندىك ىلگەرىلەۋشىلىككە قول جەتكىزۋدى ىلگەرىلەتۋ كەرەك.
حورەلسۋح مىنانى ءبىلدىردى: جۇڭگومەن، رەسەيمەن تاتۋ كورشىلىك، دوستىق سەلبەستىكتى دامىتۋ − موڭعۇليا ديپلوماتياسىنىڭ باستى باعىتى. قازىرگى كۇردەلى حالىقارالىق جاعدايدا موڭعۇليا، جۇڭگو، رەسەي ءۇش جاقتىڭ سەلبەستىگىن كۇشەيتۋ توتەنشە ماڭىزدى. موڭعۇليا جاق جۇڭگومەن، رەسەيمەن قارىم - قاتىناستى كۇشەيتىپ، ەكى جاقتىڭ جانە ءۇش جاقتىڭ ساۋدا، قارجى قوسۋ، قورشاعان ورتا، ەنەرگيا، تەمىر جول، ساياحات سياقتى سالالارداعى سەلبەستىگىنىڭ بەلسەندى ىلگەرىلەۋشىلىكتەرگە قول جەتكىزۋىن جەبەۋدى قالايدى.
3 جاق «جۇڭگو، موڭعۇليا، رەسەي ەكونوميكالىق ءدالىزىن قۇرۋ جوبا باعدارلاماسىن» 5 جىل ۇزارتىپ، جۇڭگو، موڭعۇليا، رەسەي ەكونوميكالىق ءدالىزىنىڭ ورتا جەلىسىندەگى تەمىر جولدىڭ دارەجەسىن جوعارىلاتۋ، جاڭالاۋ جانە دامىتۋ سەنىمدىلىگىن زەرتتەۋدى رەسمي باستاپ، جۇڭگو - رەسەي تابيعي گاز قۇبىرىنىڭ موڭعۇليادان ءوتۋىن بەلسەنە ىلگەرىلەتۋ نىسانىن اقىلداسىپ بەلگىلەۋدى تۇراقتاندىردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
