گۋاڭجوۋ قالالىق پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى شيە شياۋدان پارتيادان شىعارىلدى جانە ۇكىمەت قىزمەتىنەن ايدالدى
2022.09.16 14:28 كەلۋ قاينارى : حالىق تورابى
جۇڭگو اقپارت تورابىنىڭ بەيجيڭنەن بەرگەن حابارى. گۋاڭدۇڭ ولكەلىك ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى تورابىنىڭ حابارىنا قاراعاندا، تاياۋدا گۋاڭدۇڭ ولكەلىك پارتكومنىڭ بەكىتۋىمەن گۋاڭدۇڭ ولكەلىك ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى گۋاڭدۇڭ ولكەسى گۋاڭجوۋ قالالىق پارتكومنىڭ بۇرىنعى تۇراقتى مۇشەسى، ساياسي – زاڭ كوميتەتىنىڭ بۇرىنعى شۋجيى شيە شياۋداننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزگەن.
تەكسەرۋ ارقىلى مىنالاردى انىقتاعان: شيە شياۋدان مۇرات - سەنىمىنەن ايرىلىپ، اۋەلگى ماقساتتان، بورىشتان بەزىپ، پارتياعا ادال، شىنايى بولماعان، باسقالارمەن ءتىل بىرىكتىرىپ، دالەل - ىسپاتتاردى جاسىرىپ، ۇيىمنىڭ تەكسەرۋىنە قارسى تۇرعان، سوقىر سەنىم قيمىلىنا قاتىناسقان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ – ەسكەرمەي، ۇزاق ۋاقىت بەلگىلەمەگە قايشىلىق جاساپ تارتۋ - تارالعى، اقشا العان، باسقارۋ، قىزمەت وتەۋ وبيەكتىلەرىنىڭ كولىكتەرىن بەلگىلەمەگە قايشىلىق جاساپ پايدالانعان؛ ۇيىمدىق پرينسيپكە قايشىلىق جاساپ، جەكە باسىنا قاتىستى ىستەردى بەلگىلەمە بويىنشا مالىمدەمەگەن، ۇيىم حات ارقىلى ۇعىسقاندا ماسەلەسىن قاز - قالپىندا تۇسىندىرمەگەن؛ ۇقىعىنان پايدالانىپ قارا باسىنىڭ قامىن كۇيتتەگەن، قىزمەت ۇقىعىنان پايدالانىپ تۋىس - تۋعاندارىنا قۇرىلىس وبيەكتىلەرىن سالۋ جاعىندا پايدا جەتكىزگەن؛ تۇرمىستا ءىرىپ – ٴشىرىپ، ۇقىق - ءتان ساۋداسىمەن شۇعىلدانعان؛ بارعان سايىن ارانى اشىلىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، قۇرىلىستى كوتەرىپ الۋ، دەلونى ءبىر جاقتى ەتۋ، قورا - جاي اشۋ سياقتى جاقتاردا باسقالارعا پايدا جەتكىزگەن ءارى زاڭسىز قوماقتى مال - مۇلىك العان.
شيە شياۋدان پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ تەكسەرىپ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەر جازاسى زاڭى» سياقتى قاتىستى بەلگىلەمەلەرگە ساي، گۋاڭدۇڭ ولكەلىك ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە گۋاڭدۇڭ ولكەلىك پارتكومنىڭ بەكىتۋىنە جولداۋ ارقىلى شيە شياۋدانعا پارتيادان شىعارۋ جازاسىن بەرۋدى ۇيعاردى؛ گۋاڭدۇڭ ولكەلىك باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەردى؛ ونىڭ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا تاپسىردى، ساياتىن مال ـ مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
