«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگوشا سوتسياليزمدە تاباندى بولۋدى جانە ونى دامىتۋدى دايەكتى جالعاستىرۋ كەرەك
2022.09.16 16:55 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 15 – كۇنى، بەيجيڭ. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 18 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگوشا سوتسياليزمدە تاباندى بولۋدى جانە ونى دامىتۋدى دايەكتى جالعاستىرۋ كەرەك» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: جاڭا داۋىردەگى جۇڭگوشا سوتسياليزم − پارتيامىزدىڭ حالىققا باسشىلىق ەتىپ، ۇلى قوعامدىق توڭكەرىس جۇرگىزۋىنىڭ جەمىسى، سونداي - اق پارتيامىزدىڭ حالىققا باسشىلىق ەتىپ، ۇلى قوعامدىق توڭكەرىس جۇرگىزۋىنىڭ جالعاسى، ونى، ءسوز جوق، دايەكتى جالعاستىرۋ كەرەك. تاريح پەن رەالدىق بىزگە قوعامدىق توڭكەرىستە ەڭ سوڭعى جەڭىسكە جەتۋ ءۇشىن، ەكىنىڭ بىرىندە، ۇزاق تاريحي بارىس قاجەت ەكەنىن ۇعىندىردى. تەك باسىپ وتكەن جولىمىزعا قايىرىلا قاراپ، باسقالاردىڭ جولىمەن سالىستىرىپ، العا باسۋ جولىمىزعا كوز جىبەرىپ، قايدان كەلگەنىمىزدى، قايدا باراتىنىمىزدى انىقتاعاندا عانا، كوپتەگەن ماسەلەنى ىشكەرىلەي، ءدال اڭعارا الامىز.
ماقالادا بىلاي دەپ اتاپ كورسەتىلدى: جۇڭگوشا سوتسياليزم اسپاننان تۇسكەن جوق، قايتا پارتيا مەن حالىقتىڭ جاپا - ماشاقاتتى باستان كەشىرىپ، ءتۇرلى بوداۋ بەرىپ قول جەتكىزگەن باعالى تابىسى. بۇل ناتيجەگە قول جەتكىزۋ وڭاي – وسپاق بولعان جوق.
ماقالادا بىلاي دەپ اتاپ كورسەتىلدى: رەفورما جاساپ، ەسىك اشقاننان بەرى ءبىز باستان – اياق امالياتتان وتكىزىپ جانە ىزدەنىس جاساپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىندە تاباندى بولۋ العى شارتىندا، سوتسياليزم جولى، نازاريا، ءتۇزىم، مادەنيەت جاقتارىندا ءبىرقىدىرۋ توڭكەرىستىك وزگەرىس جاساپ، جۇڭگوشا سوتسياليزم جولىن اشىپ، ەلىمىز دامۋىنىڭ ارشىندى قاداممەن داۋىرگە ىلەسۋىنە مۇمكىندىك جاسادىق. جۇڭگوشا سوتسياليزمنىڭ جۇڭگودا وراسان زور تابىسقا قول جەتكىزۋى سوتسياليزمنىڭ جويىلماعانىن ءارى جويىلمايتىنىن، ونىڭ ۇستىنە تاسقىنداعان ومىرشەڭدىك كۇشىن ايگىلەي بەرەتىنىن دالەلدەدى. عىلمي سوتسياليزمنىڭ جۇڭگوداعى تابىسى، ماركسيزمنىڭ، عىلمي سوتسياليزمنىڭ ماڭىزى، دۇنيە جۇزىلىك سوتسياليزم جونىنەن توتەنشە كەلەلى ماڭىز الادى.
ماقالادا بىلاي دەپ اتاپ كورسەتىلدى: تۋ باعىتتى بەلگىلەيدى، جول تاعدىردى بەلگىلەيدى. پارتيانىڭ 19 - قۇرىلتايى جۇڭگوشا سوتسياليزمنىڭ جاڭا داۋىرگە ءوتۋى سىندى كەلەلى ساياسي تۇجىرىمدى العا قويدى، ءبىز، ءسوز جوق، وسى جاڭا ءداۋىردىڭ باسقا ءبىر جاڭا ءداۋىر ەمەس، قايتا جۇڭگوشا سوتسياليزمنىڭ جاڭا ءداۋىرى ەكەنىن تانىپ جەتۋىمىز كەرەك. پارتيا جاڭا تاريحي بەلەستە جاڭا داۋىردەگى پارتيانىڭ تاريحي بورىشىن جۇزەگە اسىرۋى ءۇشىن، ەڭ ءتۇبىرلىسى، جۇڭگوشا سوتسياليزم ۇلى تۋىن بيىك ۇستاۋ كەرەك. جۇڭگوشا سوتسياليزم 21 - عاسىرداعى عىلمي سوتسياليزمنىڭ دامۋ تۋىنا، دۇنيە جۇزىلىك سوتسياليزمدى گۇلدەندىرۋدىڭ تىرەگىنە اينالۋدا، پارتيامىز عىلمي سوتسياليزمنىڭ جاڭا دامۋىنا اناعۇرلىم زور تاريحي ۇلەس قوسۋعا مىندەتتى، سەنىمدى، قابىلەتتى.
ماقالادا مىنالار اتاپ كورسەتىلدى: اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءۇشىن، ءبىز كوممۋنيستەر ەكەنىمىزدى، توڭكەرىسشىلدەر ەكەنىمىزدى ۇمىتپاۋىمىز، توڭكەرىستىك رۋحتان ايرىلماۋىمىز كەرەك. پارتيامىز توڭكەرىستى، قۇرىلىستى، رەفورمانى باستان كەشىرىپ، حالىققا باسشىلىق ەتىپ، بۇكىل ەلدىڭ اكىمياتىن قولعا كەلتىرۋ جولىندا كۇرەس جۇرگىزگەن پارتيادان حالىققا باسشىلىق ەتىپ، بۇكىل ەلدىڭ بيلىگىن يگەرگەن ءارى ۇزاق ۋاقىت بيلىك جۇرگىزگەن پارتياعا اينالدى؛ سىرتقى قۇرساۋلاۋعا ۇشىراعان جانە جوسپارلى شارۋاشىلىق شارت - جاعدايىندا مەملەكەت قۇرىلىسىنا باسشىلىق ەتكەن پارتيا سىرتقا ەسىك اشۋ جانە سوتسياليستىك بازار شارۋاشىلىعىن دامىتۋ شارت - جاعدايىندا مەملەكەت قۇرىلىسىنا باسشىلىق ەتەتىن پارتياعا اينالدى. پارتيامىز − ماركسيزمدىك بيلىكتى پارتيا، ءبىراق سونىمەن بىرگە ماركسيزمدىك توڭكەرىستىك پارتيا، بۇرىنعى توڭكەرىستىك سوعىس داۋىرىندەگى قايراتتى، توڭكەرىستىك ىنتانى، جانقيارلىق رۋحتى ساقتاپ، توڭكەرىستىك قىزمەتتى سوڭىنا دەيىن ىستەۋ كەرەك.
ماقالادا بىلاي دەپ دارىپتەلدى: كەشەگى تابىس بۇدان بىلاي ماڭگى تابىسقا جەتۋگە ۋاكىلدىك ەتپەيدى، وتكەندەگى شۇعىلالى تابىستار بولاشاقتىڭ ماڭگى شۇعىلالى بولاتىنىنان دەرەك بەرمەيدى. ءداۋىر − ەمتيحان الۋشى، ءبىز − ەمتيحان بەرۋشىمىز، حالىق − ەمتيحان تەكسەرۋشى. پارتيا مەن مەملەكەتتىڭ گۇلدەنىپ - كوركەيۋىن، باياندى تىنىشتىعىن جۇزەگە اسىرۋ ءۇشىن، بۇكىل پارتياداعى جولداستار، ءسوز جوق، توڭكەرىستىك رۋحتى، توڭكەرىستىك كۇرەس جىگەرىن ساقتاپ، پارتيامىزدىڭ حالىققا باسشىلىق ەتىپ جۇرگىزگەن ۇلى قوعامدىق توڭكەرىسىن ۇزدىكسىز ىلگەرىلەتۋگە باتىل بولۋى كەرەك، جەڭىسكە بولا داندايسۋعا استە بولمايدى، تابىسقا بولا بويكۇيەزدىككە سالىنۋعا استە بولمايدى، قيىنشىلىققا بولا شەگىنۋگە استە بولمايدى، جۇڭگوشا سوتسياليزمنىڭ اناعۇرلىم قۇدىرەتتى، اناعۇرلىم يلانىمدى اقيقات كۇشىن ايگىلەۋىنە كۇش سالۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
