قۇرىلعىلى اۋىل شارۋاشىلىعىن دامىتىپ، ەگىنشىلەردىڭ كىرىسىن ارتتىرىپ، اۋقاتتانۋعا باستادى
2022.09.16 15:53 كەلۋ قاينارى : حالىق تورابى
جۋىق جىلداردان بەرى، موڭعۇلكۇرە اۋدانىنىڭ ۇزىنبۇلاق قالاشىعى قۇرىلعىلى اۋىل شارۋاشىلىق بازاسى قۇرىلىسىنا سۇيەنىپ، تەحنيكا مەن تاربيەلەۋدى ۇشتاستىرۋ ۇلگىسى ارقىلى اۋىل شارۋاشىلىق تەحنيكاسىن جەتتىك مەڭگەرگەن شارۋالاردى تاربيەلەپ، اۋىل شارۋاشىلىعىنىڭ كاسىپ قۇرىلىمىن رەتتەۋدى ىلگەرىلەتىپ، اۋىل شارۋاشىلىعىنىڭ ونىمدىلىگىن، شارۋالاردىڭ كىرىسىن ارتتىرۋدى جەبەپ، جوعارى ءونىمدى اۋىل شارۋاشىلىعىن دامىتىپ، اۋىل ـ قىستاقتىڭ گۇلدەنۋىن جەبەۋدە تىڭ جول اشتى.
موڭعۇلكۇرە اۋدانى ۇزىنبۇلاق قالاشىعى دۇڭشىڭ قىستاعىنىڭ قۇرىلعىلى اۋىل شارۋاشىلىعى بۇلدىرگەن ەگۋ بازاسىندا، جاسىل جاپىراقتاردىڭ اراسى قىپ ـ قىزىل بۇلدىرگەنگە تولىپ، جەمىستىڭ جاعىمدى ءيىسى اڭقيدى، ءبىر مۋ كولەمدەگى وسى جىلىجايدان اپتاسىنا 70 تە 100 كيلوگرام بۇلدىرگەن تەرىپ الۋعا بولادى.
بىرنەشە كۇننەن بەرى، ەگىنشى جاڭ جيشان ءوزىنىڭ جىلىجايىندا ەگىلگەن بۇلدىرگەندەرىن باعىپ - باپتاۋمەن قاربالاس. قىستاقتا تۇراتىن «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت اترەتى مەن قىستاق «ەكى كوميتەتىنىڭ» كادرلارى وتباسىلاردى ارالاۋ بارىسىندا جاڭ جيشاننىڭ ۇيىنە دە كەلىپ، بۇلدىرگەن ەگۋ جاعدايى مەن ساتىلۋ جاعدايىن ۇعىستى.
ۇزىنبۇلاق قالاشىعى دۇڭشىڭ قىستاعىنداعى بۇلدىرگەن ەككەن ەگىنشى جاڭ جيشان بىلاي دەدى: قازىر بۇلدىرگەننىڭ ءوسۋى وتە جاقسى، ساتىلۋ مولشەرى دە جاقسى، ءار كۇنى تاڭەرتەڭ تەرىپ، ەرەن بازارلارعا جانە جەمىس - جيدەك دۇكەندەرىنە اپارامىز، بۇلدىرگەندى ءوزى تەرۋدىڭ قىزىعىن سەزىنگىسى كەلەتىن ساياحاتشىلار دا كەلىپ تەرەدى، بيىل جالپى جاقتان بۇلدىرگەننىڭ ءتۇسىمى جاقسى، نەگىزىنەن ماۋسىم ايىنان قازان ايىنا دەيىن جالعاستى بۇلدىرگەن ۇزۋگە بولادى. بيىل دا ءبىراز اقشا تاۋىپ، قاتتى قۋانىشتامىز.
ۇعىسۋعا قاراعاندا، بۇلدىرگەن ەگۋدەن باعىپ باپتاۋ سوڭعى مەزگىلدەگى باسقارۋىنا دەيىن كوپتەگەن تەحنيكا قاجەت ەكەن، وسى جونىندە، «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن قىستاق «ەكى كوميتەتى» بۇلدىرگەن ەككەن ەگىنشىلەردى تەحنيكا جانە باسقارۋ جاعىندا تاربيەلەپ، ءبىر توپ جاڭاشا شارۋالار مەن اۋقاتتانۋدىڭ باستاماشىلارىن جەتىلدىرىپ، ولار ارقىلى توڭىرەكتەگى بۇقارانى ەكونوميكالىق داقىلداردى ەگۋمەن شۇعىلدانۋعا باستاپ، اۋقاتتاندىرۋ ماقساتىنا مىعىم نەگىز قالادى.
ۇزىنبۇلاق قالاشىعى دۇڭشىڭ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى گىڭ جىنيۇي بىلاي دەدى: سوڭعى جىلدارى، اۋدانىمىزدىڭ ۇزىنبۇلاق قالاشىعى دۇڭشىڭ قىستاعى جىلىجاي ەكونوميكاسىن دامىتۋدى كۇش سالا جەتىلدىرىپ، جىلىجايدا ەرەكشە جەمىس ـ جيدەك، كوكونىس ەگۋدى شارۋالاردىڭ كىرىسىن ارتتىرىپ، اۋقاتتانۋىنىڭ ماڭىزدى جولىنا اينالدىردى، جاڭا تەحنيكا مەن جاڭا سورتتاردىڭ ۇزدىكسىز ەنگىزىلۋى ءونىم مولشەرى مەن ءونىم ساپاسىنا كەپىلدىك ەتىپ، وسى زامانعى جوعارى ءونىمدى اۋىل شارۋاشىلىق ۇلگىسى بارعان سايىن كوپ شارۋالاردى يگىلىككە كەنەلتتى. قازىر دۇڭشىڭ قىستاعىندا كوكونىس قالتقىسىنان 109 ى، بۇلدىرگەن قالتقىسىنان 17 سى بار بولىپ ، ءار جىلى ءبىر بۇلدىرگەن قالتقسىنان تۇسەتىن پايدا، ءتۇسىمى جاقسى بولسا 50 مىڭ يۋان اينالاسىندا بولىپ، وتە جاقسى بولسا 70 مىڭ يۋانعا دەيىن جەتىپ، تەك بۇلدىرگەن ەگۋدەن قۇرىلعىلى اۋىل شارۋاشىلىعى ەگىنشىلەرىنىڭ ءبىر جىلداعى كىرىسى 70 - 80 مىڭ يۋانعا جەتەدى دەپ مەجەلەنىپ وتىر.
سوڭعى جىلداردان بەرى، موڭعۇلكۇرە اۋدانى ءار ۇلت بۇقاراسىنىڭ ءوندىرىس، تۇرمىس شارت - جاعدايىن جاقسارتۋدى باستان ـ اياق شىعار ءتۇيىن ەتىپ، قۇرىلعىلى اۋىل شارۋاشىلىعىن جەدەل دامىتۋدى اۋىل شارۋاشىلىعىنىڭ كاسىپ قۇرىلىمىن رەتتەۋدىڭ جانە شارۋالاردىڭ كىرىسىن ارتتىرىپ، اۋقاتتاندىرۋدىڭ ماڭىزدى قامال الۋ ءتۇيىنى ەتىپ، قۇرىلعىلى كوكونىس، قۇرىلعىلى جەمىس ورمانىن بار كۇشپەن دامىتىپ، «عىلىم ـ تەحنيكا ارقىلى جەتەكشىلىك ەتۋ، عىلمي باسقارۋ، ءوندىرىستى ارناعا ءتۇسىرۋ، كىرىستى ارتتىرىپ، حالىقتى اۋقاتتاندىرۋ» سىندى دامۋ جولىمەن ءجۇرىپ، شارۋالاردىڭ اۋقاتتانۋىنا، كىرىسىن ارتتىرۋىنا بەلسەندى جەتەكشىلىك ەتتى. قازىر اۋدانىمىز 200 مۋدان استام جەردە قۇرىلعىلى اۋىل شارۋاشىلىعىن دامىتىپ، جىلىنا 400 توننادان استام ءتۇرلى جەمىس ـ جيدەك، كوكونىس وندىرەدى. (يۇي بيجياڭ)
حاباردىڭ كەلۋ قاينارى: موڭعۇلكۇرە اۋداندىق توعىسپالى مەديا ورتالىعى
اۋدارعان: ساۋلەت ءشارىپقان ۇلى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
