شي جينپيڭ وزبەكستاننىڭ زۇڭتۇڭى ميرزيويەۆپەن كەڭەس وتكىزدى
2022.09.16 16:44 كەلۋ قاينارى : حالىق تورابى
 |
سول جەردىڭ ۋاقىتى بويىنشا 9 - ايدىڭ 15 - كۇنى مەملەكەت ءتوراعاسى شي جينپيڭ سامارحاندا وزبەكستاننىڭ زۇڭتۇڭى ميرزيويەۆپەن كەڭەس وتكىزدى. كەڭەستەن بۇرىن ميرزيويەۆ شي جينپيڭگە ارناپ سالتاناتتى قارسى الۋ سالتىن وتكىزدى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
|
«حالىق گازەتى»، 9 - ايدىڭ 15 - كۇنى، وزبەكستان سامارحان (تىلشىلەر دۋ شاڭزى، جاڭ پىڭحۇي). سول جەردىڭ ۋاقىتى بويىنشا 9 - ايدىڭ 15 - كۇنى مەملەكەت ءتوراعاسى شي جينپيڭ سامارحاندا وزبەكستاننىڭ زۇڭتۇڭى ميرزيويەۆپەن كەڭەس وتكىزدى. ەكى ەل باسشىلارى جۇڭگو - وزبەكستان قاتىناسىنىڭ ۇزاق بولاشاقتىق دامۋى مەن ەكى ەل حالىقتارىنىڭ بولاشاق ىرىس - قۇتىن كوزدە ۇستاي وتىرىپ، ەكى جاقتىڭ ءوزارا ءتيىمدى سەلبەستىكتى كەڭەيتىپ، دوستىق جانە سەرىكتەستىك قاتىناستى بەكەمدەپ، تاعدىرلاس ورتاق تۇلعانى ەكى جاقتى دەڭگەيدە جۇزەگە اسىراتىندارىن جاريالادى.
التىن كۇزدەگى سامارحاندا كۇن شۇلەن شۋاعىن شاشىپ، قوڭىر كۇزدىڭ لەبى ەسەدى. جاڭادان سالىنعان حالىقارالىق ءماجىلىس ورتالىعى وزىندىك دارالىققا يە، سالتاناتتى دا ايبىندى كورىنەدى.
سول جەردىڭ ۋاقىتى بويىنشا تۇستەن بۇرىن ساعات 9 دان 45 مينۋت وتكەندە شي جينپيڭ اۆتوكولىكپەن حالىقارالىق ءماجىلىس ورتالىعىنا كەلدى، ميرزيويەۆ اۆتوموبيلدەن تۇسكەن جەردەن ىستىق ىقىلاسپەن قارسى الدى. ميرزيويەۆتىڭ سەرىك بولۋىندا، شي جينپيڭ وزبەكستاننىڭ قويۋ ۇلتتىق ءداستۇرلى ەلەمەنتتەرى قامتىلعان جانە وسى زامان تۇسىمەن جاڭاشا جوبالانعان ورتالىق زالدان ءوتىپ، سولتۇستىك قاقپانىڭ سىرتىنداعى الاڭعا باردى.
ميرزيويەۆ شي جينپيڭگە ارناپ سالتاناتتى قارسى الۋ سالتىن وتكىزدى. ەكى ەل باسشىلارى قۇرمەت قاراۋىلى مىنبەسىنە بىرگە شىقتى، اسكەري وركەستر جۇڭگو مەن وزبەكستاننىڭ مەملەكەت گيمنىن ورىندادى. شي جينپيڭ ميرزيويەۆتىڭ سەرىك بولۋىندا قۇرمەت قاراۋىلىن كوزدەن كەشىردى. ەكى ەل باسشىلارى وزدەرىنىڭ ساپارلاستارىن جەكە - جەكە تانىستىردى ءارى سالتانات قاتارىن بىرگە كوردى.
قارسى الۋ سالتىنان كەيىن ەكى ەل باسشىلارى رەسمي كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن وزبەكستان ديپلوماتيالىق قاتىناس ورناتقان 30 جىلدان بەرى ەكى ەل باستان - اياق ءوزارا قۇرمەت ەتىپ، تاتۋ كورشىلىك دوستىق ورناتىپ، تار جول، تايعاق كەشۋلەردەن بىرگە ءوتىپ، ءوزارا پايدا جەتكىزىپ، تەڭ يگىلىككە كەنەلىپ، ستراتەگيالىق ءوزارا سەنىمدىلىكتى ۇزدىكسىز تەرەڭدەتىپ، ءوزارا ءتيىمدى سەلبەستىكتى ۇزدىكسىز كەڭەيتىپ، ۇرپاقتان - ۇرپاققا جالعاسقان دوستىقتى جاپپاي ساۋلەلەندىرىپ، جۇڭگو - وزبەكستان قاتىناسىن جاپپاي ستراتەگيالىق سەرىكتەستىك قاتىناس سىندى جاڭا بيىككە كوتەرىپ، ەكى ەلدىڭ بىرگە دامىپ، گۇلدەنۋىنە قۇدىرەتتى قوزعاۋشى كۇش ازىرلەدى. وزبەكستاننىڭ ابزال دوسى، سەنىمدى سەرىگى، ەتەنە باۋىرلاسى رەتىندە جۇڭگو وزبەكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، وزبەكستاننىڭ مەملەكەتتىڭ تاۋەلسىزدىگىن، يەلىك ۇقىعىن، حاۋىپسىزدىگىن جانە قوعام ورنىقتىلىعىن قورعاۋ قۇلشىنىسىن قولدايدى، ءارقانداي كۇشتىڭ وزبەكستاننىڭ ىشكى ىسىنە كيلىگۋىنە قارسى تۇرادى. جۇڭگو وزبەكستانمەن بىرگە جۇڭگو مەن وزبەكستاننىڭ تاعدىرلاس ورتاق تۇلعاسىن امالياتتا ايگىلەپ، جان - جاقتى ءوزارا ءتيىمدى سەلبەستىكتى تەرەڭدەتىپ، كوركەم بولاشاقتى بىرگە جاراتۋدى قالايدى.
شي جينپيڭ مىنالاردى دارىپتەدى: جۇڭگو مەن وزبەكستان ءبىر - ءبىرىنىڭ يەلىك ۇقىعى، تاۋەلسىزدىگى، تەرريتوريا تۇتاستىعى سياقتى وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداپ، دامۋ ستراتەگياسىن ۇشتاستىرۋدى جەدەلدەتىپ، بىرگە دامۋدى ىلگەرىلەتۋى كەرەك. ەكى جاق ەكى ەل سەلبەستىگىنىڭ ۇدەي تۇسۋىنە، اناعۇرلىم مول جەمىس بەرۋىنە مۇمكىندىك جاراتۋى كەرەك. ەكونوميكا - ساۋدا، قارجى قوسۋ سەلبەستىگىن ۇلعايتىپ، سيفرلى ەكونوميكا مەن جاسىل دامۋعا قارجى قوسۋ سەلبەستىگىن كۇشەيتۋ كەرەك، وزبەكستان جاقتىڭ جۇڭگو حالىقارالىق يمپورت كورمەسىنە بەلسەنە قاتىناسىپ، جۇڭگونىڭ ەرەكشە كەڭ كولەمدى بازارى الا كەلگەن دامۋ ورايىنان ۇزدىكسىز تەڭ يگىلىكتەنۋىن قارسى الامىز. جۇڭگو وزبەكستانمەن بىرگە ەۆروپا - ازيا ۇلى قۇرلىعىنىڭ تاسىمال ءىرى ارناسى قۇرىلىسىن كەمەلدەندىرىپ، جۇڭگو - قىرعىزستان - وزبەكستان تەمىر جولىنىڭ ەرتەرەك باستالۋىن ىلگەرىلەتۋدى قالايدى. ەنەرگيا سەلبەستىگىن كەڭەيتىپ، جۇڭگو - ورتا ازيا تابيعي گاز قۇبىرىنىڭ حاۋىپسىز اينالىم قىزمەتىن بىرگە جاقسى ىستەپ، جاڭا ەنەرگيا سياقتى سالالارداعى سەلبەستىكتى كەڭەيتىپ، كوپ نەگىزدى، سترەولدى ەنەرگيا سەلبەستىگىنىڭ جاڭا جاعدايىن قالىپتاستىرۋ كەرەك. وقۋ - اعارتۋ، مادەنيەت، ساياحات، جەرگىلىكتى ورىن، قورشاعان ورتانى قورعاۋ، ارحەولوگيا سياقتى گۋمانيتارلىق اۋىس - كۇيىس پەن سەلبەستىكتى جاپپاي ىلگەرىلەتۋ كەرەك، جۇڭگو جاق وزبەكستان جاق العا قويعان «ورتا ازيا ەلدەرى مەن جۇڭگو حالقىنىڭ مادەنيەت - كوركەمونەر جىلى» باستاماسىن قولداپ جانە وعان بەلسەنە ات سالىسىپ، ءوزارا مادەنيەت ورتالىعىن اشۋدى جانە لۋبان شەبەرحاناسىن قۇرۋدى جەدەلدەتىپ، جاڭا داۋىردەگى جۇڭگو - وزبەكستان دوستىق حيكاياسىن ويداعىداي بايانداپ، جۇڭگو - وزبەكستان قاتىناسىنىڭ باياندى، اقاۋسىز دامۋىنا بەرىك حالىق رايى نەگىزى مەن قوعامدىق نەگىز قالايدى. وزبەكستان جاستارىنىڭ جۇڭگوعا بارىپ حانزۋ ءتىلىن ۇيرەنۋىن قارسى الامىز. جۇڭگو وزبەكستانمەن ەمدەۋ، ۆاكسينا، ءدارى جاساۋ سياقتى سالالارداعى سەلبەستىكتى ۇزدىكسىز ورىستەتىپ، وزبەكستاندا ۆاكسينا ءوندىرۋ ورتالىعىن قۇرۋدى قولدايدى. ەكى جاق كەدەيلەردى ازايتۋ سەلبەستىگىن كۇشەيتىپ، ەكونوميكانى دامىتۋ جانە حالىق تۇرمىسىن جەبەۋ جاقتارىندا ءوزارا ۇيرەنىپ، ءوزارا ۇلگى الۋى، ءوزارا كومەكتەسۋى كەرەك.
شي جينپيڭ بىلاي دەپ اتاپ كورسەتتى: جۇڭگو مەن ورتا ازيا ەلدەرى − ءبىر - بىرىنە ارقا سۇيەيتىن، امانشىلىق پەن جامانشىلىقتا بىرگە بولاتىن تاعدىرلاس ورتاق تۇلعا. جۇڭگو جاق وزبەكستان جاقپەن سەلبەستىكتى كۇشەيتىپ، سىرتقى كۇشتەردىڭ ىشكى ىسكە كيلىگۋىنە باتىل قارسى تۇرىپ، ءوز ەلدەرىنىڭ ورنىقتىلىعىن باتىل قورعاپ، ءوڭىردىڭ حاۋىپسىزدىك مۇددەسىن باتىل قورعاۋدى قالايدى. جۇڭگو جاق وزبەكستان جاقتىڭ شاڭحاي سەلبەستىك ۇيىمىنىڭ سامارحانداعى باسشىلار ءماجىلىسىن ءساتتى وتكىزۋگە قوسقان ماڭىزدى ۇلەسىن القايدى، وزبەكستانمەن بىرگە وسى ۇيىمنىڭ ورنىقتى، باياندى دامۋىن قول ۇستاسا ىلگەرىلەتۋدى قالايدى. جۇڭگو وزبەكستان قاتارلى وڭىردەگى ەلدەرمەن بىرگە «جۇڭگو + ورتا ازياداعى 5 ەل» كەزدەسۋ مەحانيزمىن الۋەتتەندىرىپ، جۇڭگونىڭ ورتا ازيا ەلدەرىمەن سەلبەستىگىنە تىڭ دا كەڭ ءورىس اشۋدى قالايدى. جۇڭگو جاق وزبەكستان جاقپەن بىرگە دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسىن بەلسەنە تياناقتاندىرىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، عالامدىق جونگە سالۋدىڭ اناعۇرلىم ءادىل، ۇيلەسىمدى جۇيەسىن ورناتۋدى ىلگەرىلەتۋگە ۇلەس قوسۋدى قالايدى.
ميرزيويەۆ مىنالاردى ءبىلدىردى: ءتوراعا شي جينپيڭنىڭ ءدانىشپان باسشىلىعىندا، جۇڭگو كۇللى دۇنيە ءجۇزىن جالت قاراتقان ۇلى دامۋ جەتىستىكتەرىنە قول جەتكىزدى، دوس جۇڭگو حالقى جۇڭگو ارمانىن جۇزەگە اسىرۋ جولىندا تاباندىلىقپەن ىلگەرىلەۋدە. ج ك پ 20 - قۇرىلتايىنىڭ تابىستى بولۋىن تىلەيمىن! ءتوراعا شي جينپيڭنىڭ وزبەكستانداعى تاريحي ساپارى وزبەكستان مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعىمەن جانە وزبەكستان مەن جۇڭگونىڭ ستراتەگيالىق سەرىكتەستىك قاتىناس ورناتقانىنىڭ 10 جىلدىعىمەن تۇسپا – تۇس كەلىپ وتىر، ءسوز جوق، ەكى ەلدىڭ ءداستۇرلى دوستىعىن بەكەمدەپ، بولاشاق سەلبەستىك بەتالىسىن جوبالاپ، وزبەكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىن تىڭ دەڭگەيگە كوتەرىپ، تىڭ ومىرشەڭدىك كۇش قوسىپ، تىڭ پاراق اشادى. جۇڭگو − وزبەكستاننىڭ سەنىمدى دوسى جانە جان - جاقتى ستراتەگيالىق سەرىگى، وزبەكستان - جۇڭگو قاتىناسى ءوزارا قۇرمەت ەتۋدى، تاتۋ كورشىلىك دوستىقتى، ءوزارا پايدا جەتكىزۋدى، ءوزارا تيىمدىلىك جاساۋدى تولىق ايگىلەدى. جۇڭگو جاقتىڭ وزبەكستاننىڭ مەملەكەتتى دامىتۋىنا جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى قولداۋ كورسەتكەنىنە العىس ايتامىن. وزبەكستان ءبىر جۇڭگو پرينسيبىندە بۇلجىماستان، توتەنشە ايقىن كۇيدە تاباندى بولادى، جۇڭگونىڭ تايۋانعا، شينجياڭعا ساياتىن وزەكتى مۇددە ماسەلەسىندەگى تۇرعىسىن بۇلجىماستان قولدايدى، وزبەكستان ماڭگى جۇڭگونىڭ سەنىم ارتاتىن تاتۋ كورشىسى، ابزال دوسى، سەنىمدى سەرىگى بولادى. وزبەكستان جاق جۇڭگو جاقتىڭ كەدەيلىكتى ازايتۋداعى تابىستى تاجىريبەلەرىنەن ۇلگى الىپ، «ءبىر بەلدەۋ، ءبىر جولدى» بىرگە قۇرۋعا ۇزدىكسىز بەلسەنە ات سالىسىپ، جۇڭگو - قىرعىزستان - وزبەكستان تەمىر جولى قۇرىلىسىن ىلگەرىلەتىپ، ەكونوميكا - ساۋدا، قارجى قوسۋ، تابيعي گاز، جاڭا ەنەرگيا، اۋىل شارۋاشىلىق نەگىزدىك قۇرىلعىلارى، مادەنيەت، جەرگىلىكتى ورىن، گۋمانيتارلىق سياقتى سالالارداعى سەلبەستىكتى كۇشەيتۋدى ءۇمىت ەتەدى. وزبەكستان جاق جۇڭگو جاق العا قويعان دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسىن بار كۇشپەن قولدايدى، جۇڭگونىڭ وزبەكستاننىڭ شاڭحاي سەلبەستىك ۇيىمىنا كەزەكتى ءتوراعا ەل مىندەتىن وتەۋىنە زور قولداۋ كورسەتكەنىنە العىس ايتادى، جۇڭگومەن شاڭحاي سەلبەستىك ۇيىمى، «جۇڭگو + ورتا ازياداعى 5 ەل»، «بريكس +» سياقتى مەحانيزمدەر جۇلگەسىندەگى سەلبەستىكتى كۇشەيتىپ، «شاڭحاي رۋحىن» ساۋلەلەندىرىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋدى قالايدى. كەڭەستەن كەيىن ەكى ەل باسشىلارى «جۇڭحۋا حالىق رەسپۋبليكاسى مەن وزبەكستان رەسپۋبليكاسىنىڭ بىرلەسكەن مالىمدەمەسىنە» قول قويدى جانە ونى جاريا ەتتى. ەكى ەلدىڭ قاتىستى تاراۋلارى اۋىل شارۋاشىلىعى، سيفرلى ەكونوميكا، جاسىل دامۋ، مادەنيەت، جەرگىلىكتى ورىن، اقپارات قۇرالدارى سياقتى سالالارداعى كوپ ءتۇرلى سەلبەستىك قۇجاتتارىنا قول قويدى.
ساپار كەزىندە جۇڭگو، قىرعىزستان، وزبەكستاننىڭ قاتىستى تاراۋلارى جۇڭگو - قىرعىزستان - وزبەكستان تەمىر جول قۇرىلىسى نىسانى (قىرعىزستان شەكاراسى ىشىندەگى) سەلبەستىگى جونىندەگى تۇسىنىستىك ەسكەرتپەسىنە» قول قويدى.
كەڭەستەن كەيىن شي جينپيڭ ميرزيويەۆ وتكىزگەن قوناعاسىعا قاتىناسىپ، ورتاق كوڭىل ءبولىپ وتىرعان ماسەلەلەر جونىندە ىشكەرىلەي پىكىر اۋىستىردى.
قوناعاسى اياقتاعاننان كەيىن ميرزيويەۆ شي جينپيڭدى سامارحان حالىقارالىق ءماجىلىس ورتالىعىنىڭ سولتۇستىك قاقپاسىنىڭ سىرتىنداعى الاڭعا ءبىر ءتۇپ كاۋچۇك اعاشىن ەگۋگە ۇسىنىس ەتتى. ەكى ەل باسشىلارى قالامشانىڭ شۇڭقىرىنا توپىراق سالىپ، سۋاردى. كاۋچۇك اعاشى باياندى ومىرشەڭدىك كۇشكە ۋاكىلدىك ەتەدى، جۇڭگو - وزبەكستان دوستىعىنىڭ ماۋەلەپ، تىنباي ءوسىپ - جەتىلۋىنە سيمۆول بولادى.
شي جينپيڭ بىلاي دەپ اتاپ كورسەتتى: مەنىڭ وسى رەتكى ساپارىمنىڭ ۋاقىتى قىسقا بولعانىمەن، ميرزيويەۆ زۇڭتۇڭمەن توتەنشە ءونىمدى قارىم - قاتىناس جاساپ، ساپاردا قوماقتى تابىسقا قول جەتكىزدىم. بۇگىنگى دۇنيە ءجۇزى كوپتەگەن جاڭا حاۋىپ - قاتەر مەن تىڭ سىن - سايىسقا ءدوپ كەلىپ وتىر، بۇل ءبىزدىڭ ىنتىماقتاسا توتەپ بەرۋىمىزدى قاجەت ەتەدى. مەن ميرزيويەۆ زۇڭتۇڭمەن قارىم - قاتىناستى، اۋىس - كۇيىستى ۇزدىكسىز جالعاستىرىپ، جۇڭگو - وزبەكستان قارىم - قاتىناسىن ويداعىداي دامىتۋدى قالايمىن.
ميرزيويەۆ مىنانى ءبىلدىردى: ءتوراعا شي جينپيڭ مەنىڭ قۇرمەتتى اعايىنىم، سىزبەن بارىس - كەلىس جاساۋ مەنى قاشان دا يگىلىككە كەنەلتەدى. ءسىزدىڭ تاريحي ساپارىڭىزدىڭ تابىسى مول بولىپ، وزبەكستان - جۇڭگو قاتىناسىنا ايقىن باعدار كورسەتەدى. مەن ءتوراعا شي جينپيڭمەن تىعىز بارىس - كەلىستى ۇزدىكسىز جالعاستىرۋدى ءۇمىت ەتەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىستى قيمىلدارعا قاتىناستى.
كەلۋ قاينارى: حالىق تورابى
 |
سول جەردىڭ ۋاقىتى بويىنشا 9 - ايدىڭ 15 - كۇنى مەملەكەت ءتوراعاسى شي جينپيڭ سامارحاندا وزبەكستاننىڭ زۇڭتۇڭى ميرزيويەۆپەن كەڭەس وتكىزدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
