شي جينپيڭ وزبەكستاننىڭ زۇڭتۇڭى ميرزيويەۆ تابىستاعان «ەڭ جوعارى دوستىق» وردەنىن قابىلدادى
2022.09.16 16:46 كەلۋ قاينارى : حالىق تورابى
«حالىق گازەتى»، 9 - ايدىڭ 15 - كۇنى، وزبەكستان سامارحان (تىلشىلەر دۋ شاڭزى، سۇي شين). سول جەردىڭ ۋاقىتى بويىنشا 9 - ايدىڭ 15 - كۇنى مەملەكەت ءتوراعاسى شي جينپيڭ سامارحان حالىقارالىق ءماجىلىس ورتالىعىندا وزبەكستاننىڭ زۇڭتۇڭى ميرزيويەۆ تابىستاعان «ەڭ جوعارى دوستىق» وردەنىن قابىلدادى.
ميرزيويەۆ وردەن تابىستاۋ ءسوزىن سويلەدى. ول مىنانى ءبىلدىردى: بۇگىن − ماڭىزدى تاريحي مانگە يە كۇن. مەن وزبەكستاننىڭ شەتەلدىكتەرگە بەرەتىن ەڭ جوعارى داڭق − «ەڭ جوعارى دوستىق» وردەنىن تۇڭعىش رەت ءتوراعا شي جينپيڭگە تابىستاعانىمدى ايرىقشا ماقتانىش سەزىنەمىن. ءتوراعا شي جينپيڭ وزبەكستان - جۇڭگو دوستىعىن كۇشەيتۋگە، ءوزارا سەنىمدىلىكتى بەكەمدەۋگە، ەكى ەلدىڭ سەلبەستىگىن تەرەڭدەتۋگە كەلەلى ۇلەس قوستى. وزبەكستان حالقى ءتوراعا شي جينپيڭگە وسكەلەڭ قۇرمەت بىلدىرەدى. شي جينپيڭ − بۇگىنگى دۇنيە جۇزىندەگى ەڭ ۇلى ساياساتشى جانە ۇزدىك كوسەم. ءتوراعا شي جينپيڭنىڭ ءدانىشپان باسشىلىعى مەن تىكەلەي جوبالاۋىندا جۇڭگونىڭ ەكونوميكالىق، قوعامدىق قۇرىلىسى ماقتانارلىق تابىستارعا قول جەتكىزدى، اسىرەسە، كەدەيلىكتەن ارىلتۋدان قامال الۋ شايقاسىندا جەڭىسكە جەتىپ، جاپپاي دوڭگەلەك داۋلەتتى قوعام قۇرىپ شىعىپ، حالىقارالىق قوعامنىڭ جاپپاي قۇرمەتىنە جانە القاۋىنا يە بولدى، جۇڭگونىڭ حالىقارالىق ورنى مەن ىقپالى ۇزدىكسىز جوعارىلادى. ءتوراعا شي جينپيڭ − اتى زاتىنا ساي جۇڭگو كوممۋنيستىك پارتياسىنىڭ ۇيىتقىسى جانە بۇكىل جۇڭگو حالقىنىڭ ۇيىتقىسى. مەن ءتوراعا شي جينپيڭنىڭ پارمەندى باسشىلىعىندا جۇڭگونىڭ بۇگىنى كوركەم بولىپ قانا قالماستان، بولاشاعى ءتىپتى دە كوركەم بولاتىنىنا كامىل سەنەمىن. دوس جۇڭگونىڭ بەيبىت بولۋىن، گۇلدەنۋىن تىلەيمىن! دوس جۇڭگو حالقىنىڭ باقىتتى، امان - ەسەن بولۋىن تىلەيمىن!ميرزيويەۆ مىنانى ءبىلدىردى: ءتوراعا شي جينپيڭنىڭ تىكەلەي كوڭىل ءبولۋى مەن جەتەكشىلىگىندە، وزبەكستان - جۇڭگو قاتىناسى كۇن سايىن كەمەلدەنىپ، ومىرشەڭدىك كۇشكە تولى بولىپ، بۇرىن - سوڭدى بولماعان دەڭگەيگە جەتتى. بۇگىن ءتوراعا شي جينپيڭ ەكەۋىمىز قول قويعان بىرلەسكەن مالىمدەمە، ءسوز جوق، جاڭا داۋىردەگى وزبەكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ دەڭگەيگە كوتەرىلۋىن ىلگەرىلەتىپ، ەكى ەل مەن ەكى ەل حالىقتارىنا ۇزدىكسىز باقىت جاراتاتىن بولادى.ميرزيويەۆ ءتوراعا شي جينپيڭگە وردەن تاققاندا تۇتاس الاڭنان ۇزاققا سوزىلعان قىزۋ شاپالاق ءۇنى كوتەرىلدى.
شي جينپيڭ قارىمتا ءسوز سويلەدى. شي جينپيڭ مىنالاردى اتاپ كورسەتتى: ميرزيويەۆ زۇڭتۇڭنىڭ ماعان «ەڭ جوعارى دوستىق» وردەنىن بەرۋى وزبەكستان جاقتىڭ جۇڭگو - وزبەكستان قاتىناسىنا ايرىقشا ءمان بەرەتىنىن، سونداي - اق وزبەكستان حالقىنىڭ جۇڭگو حالقىنا دەگەن تەرەڭ دوستىعىن تولىق ايگىلەدى. وزبەكستاننىڭ ايگىلى اقىنى ناۆوي: «دوستىقپەن تۇرمىس كەشىرۋدەن ارتىق ءىس جوق» دەگەن بولاتىن. سوناۋ 2 مىڭ جىلدىڭ الدىندا جۇڭگو مەن وزبەكستان ەكى ۇلى ۇلت جىبەك جولىن دانەكەر ەتىپ، ءبىرىنىڭ كەمىن ءبىرى تولىقتاپ، بىرىنەن ءبىرى ۇيرەنىپ، ءبىرىن - ءبىرى ۇلگى ەتكەن. 30 جىلدىڭ الدىندا جۇڭگو مەن وزبەكستان ديپلوماتيالىق قاتىناس ورناتىپ، ەكى ەل حالىقتارىنىڭ دوستىعىنىڭ تىڭ پاراعىن اشتى. ەكى ەلدىڭ جالپى بەتتىك ستراتەگيالىق سەرىكتەستىك قاتىناسى قارىشتاپ دامۋدى جۇزەگە اسىرىپ، ءار سالاداعى سەلبەستىكتە سۇبەلى تابىستارعا قول جەتكىزىپ، وزدەرىنىڭ دامۋىن، گۇلدەنۋىن پارمەندى جەبەدى، سونداي - اق ورتا ازيا ءوڭىرىنىڭ، ءتىپتى، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا وڭ ەنەرگيا قوستى. پرەزيدەنت ميرزيويەۆ ەكەۋىمىز جاڭا داۋىردەگى جۇڭگو مەن وزبەكستاننىڭ جالپى بەتتىك ستراتەگيالىق ارىپتەستىك قاتىناسىن تەرەڭدەتىپ، جۇڭگو مەن وزبەكستاننىڭ تاعدىرلاس ورتاق تۇلعاسىن ىسكە اسىرۋعا كۇش سالۋدى اقىلداسىپ بەلگىلەدىك. جۇڭگو جاق وزبەكستان جاقپەن بىرگە قۇلشىنىپ، جۇڭگو - وزبەكستان دوستىعىنىڭ تىڭ داستانىن جازۋدى قالايدى.
«ەڭ جوعارى دوستىق» وردەنى − وزبەكستاننىڭ شەتەلدىكتەرگە بەرەتىن ەڭ جوعارى داڭقى، مۇندا وزبەكستانمەن دوستىق قارىم - قاتىناستى دامىتۋدا، حالىقارالىق جانە وڭىرلىك قولامتالى ماسەلەلەردى شەشۋدە، سونداي - اق وزبەكستان ەلىنىڭ دامۋىندا ەرەكشە ۇلەس قوسقان قايراتكەرلەردى ماداقتاۋ باستى ماقسات ەتىلگەن. بۇل «ەڭ جوعارى دوستىق» وردەنىنىڭ بەلگىلەنگەننەن بەرگى تۇڭعىش رەت تابىستالۋى سانالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار وردەن تابىستاۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
