شي جينپيڭ توگونىڭ زۇڭتۇڭى فورمەن جۇڭگو مەن توگونىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.09.20 16:38 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 19 - كۇنى، بەيجيڭ. 9 - ايدىڭ 19 - كۇنى مەملەكەت ءتوراعاسى شي جينپيڭ توگونىڭ زۇڭتۇڭى فورمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن توگونىڭ ءداستۇرلى دوستىعى تەرەڭ. ديپلوماتيالىق قاتىناس ورناتقان جارتى عاسىردان بەرى، حالىقارالىق جاعداي قالاي قۇبىلسا دا، ەكى جاق باستان - اياق شىنايى دوستىق ورناتىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىر - ءبىرىن باتىل قولداپ، ناقتى سەلبەستىكتە سۇبەلى تابىستارعا قول جەتكىزىپ، ەكى ەل حالىقتارىنا ناقتى ىرىس - قۇت جاراتتى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى ەل حالىقتارى ءبىر - بىرىنە قارايلاسىپ، قيىنشىلىقتاردى بىرگە جەڭىپ، جۇڭگو - توگو دوستىعىنىڭ تىڭ داستانىن جازدى. مەن جۇڭگو - توگو ەل قاتىناسىنىڭ دامۋىنا ايرىقشا ءمان بەرەمىن، فور زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ساياسي سەنىمدىلىكتى بەكەمدەپ، «ءبىر بەلدەۋ، ءبىر جولدى» بىرگە قۇرۋ جانە جۇڭگو - افريكا سەلبەستىك تالقى مىنبەرى جۇلگەسىندە ءار سالاداعى سەلبەستىكتى تەرەڭدەتىپ، جۇڭگو - توگو قاتىناسىنىڭ تىڭ ساتىعا كوتەرىلۋىن ىلگەرىلەتىپ، جۇڭگو مەن افريكانىڭ اناعۇرلىم نىعايعان تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايمىن.
فور مىنانى ءبىلدىردى: توگو مەن جۇڭگو ديپلوماتيالىق قاتىناس ورناتقان 50 جىلدان بەرى ەكى ەلدىڭ سەرىكتەستىك قاتىناسى بەرىك، ورنىقتى، ناتيجەلى بولدى. ەكى ەل باسشىلارىنىڭ ورتاق كوڭىل ءبولۋى مەن جەبەۋىندە، ەكى ەل قاتىناسى ۇزدىكسىز دامىپ، زورايىپ، سۇبەلى تابىستارعا قول جەتكىزىپ، ەكى ەل بۇقاراسىنا تيىمدىلىك جاسادى. جۇڭگو − باستان - اياق توگونىڭ جان - جاقتى، باياندى دامۋ جولىن قاراستىرۋداعى شەشۋشى ستراتەگيالىق سەرىگى. ءبىز جۇڭگونىڭ افريكا ەلدەرىمەن بۇرىنعىداي تاباندىلىقپەن بىرگە تۇرىپ، جۇڭگو مەن افريكانىڭ سەرىكتەستىك قاتىناسىن كۇشەيتۋگە، بىرگە گۇلدەنۋدى جۇزەگە اسىرۋعا كۇش سالعانىن القايمىز. توگو ءبىر جۇڭگو پرينسيبىندە تاباندى بولۋدان تيتتەي دە اۋىتقىمايدى. مەن ءتوراعا شي جينپيڭمەن بىرگە قۇلشىنىپ، توگو مەن جۇڭگونىڭ دوستىق سەلبەستىك قارىم - قاتىناسىنىڭ ۇزدىكسىز كۇشەيۋىن ىلگەرىلەتۋدى قالايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
