ەڭ جاڭا ەڭبەكاقى مولشەرى كەستەسى جاريالاندى! قانداي كاسىپتەردىڭ ەڭبەكاقىسى ەڭ جوعارى؟
2022.09.20 14:47 كەلۋ قاينارى : حالىق تورابى
جۇڭگو اقپارات تورابىنىڭ قازىنا – ەكونوميكا باس ءتىلشىسى لي جينلەي 9 – ايدىڭ 20 – كۇنى حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۋىردا كاسىپورىنداردىڭ 2021 – جىلعى ەڭبەكاقىسىنا تەكسەرۋ جۇرگىزۋ ينفورماتسياسىن جاريالاپ، ەڭبەكاقى مولشەرىنە قاتىستى دەرەكتەردى جاريالادى.
كاسىپورىن قىزمەتكەرلەرىنىڭ ەڭبەكاقى مولشەرى
ەڭبەكاقى مولشەرى دەپ وتىرعانىمىز كاسىپورىن قىزمەتكەرلەرىنىڭ وسى بايانداما جاسالعان مەزگىلدەگى ەڭبەكاقى ورەسىن كورسەتەدى، مۇندا نەگىزدىك ەڭبەكاقى، سيلىق قاراجات، قامقورلىق قاراجات جانە قوسىمشا قاراجات، ۇستەمە جۇمىس قاراجاتى جانە ەرەكشە جاعدايدا تولەنگەن ەڭبەكاقى قاتارلىلار قامتىلعان. بۇل بەلگىلى دەڭگەيدە ەڭبەكشىلەر بازارىنداعى باعا ورەسىن كورسەتەدى.
ورىن ءمانى دەگەن ءسوز تومەننەن جوعارىعا قاراي رەتكە تۇرعىزعاندا، ساندار تىزبەگىندەگى سايكەستى پايىزدىق ورنىنىڭ دەرەگىن كورسەتەدى. ول سايكەستى سالىستىرماداعى دەرەكتىڭ وسى ماننەن تومەن، ياكي، وعان تەڭ ەكەنىن بىلدىرەدى. ادەتتە تومەن ورىن سانى (10 نومىرلىك ورىن)، تومەنگى تورتتىك ورىن سانى (25 نومىرلىك ورىن)، ورتاشا سان (50 نومىرلىك ورىن)، جوعارعى تورتتىك ورىن سانى (75 نومىرلىك ورىن) جانە جوعارعى ورىن سانى (90 نومىرلىك ورىن) بولىپ بولىنەدى.
قانداي كاسىپتەردە ەڭبەكاقى جوعارى؟
ءتۇرلى كاسىپتەردەگى كاسىپورىن قىزمەتكەرلەرىنىڭ ەڭبەكاقى ورەسىنەن الىپ قاراعاندا، ورتاشا سانى الدىڭعى ۇشتىككە كىرەتىن كاسىپتەر جەكە – جەكە فينانستىق قىزمەت وتەۋشىلەر، جىلدىق ەڭبەكاقىسى 113.4 مىڭ يۋان؛ كاسىپورىن جانە ءىس ورىن جاۋاپتىلارى، جىلدىق ەڭبەكاقىسى 88 مىڭ يۋان؛ ينفورماتسيا تاراتۋ، جۇمساق بولشەك جانە ينفورماتسيالىق تەحنيكالىق قىزمەت وتەۋشىلەر، جىلدىق ەڭبەكاقىسى 81.1 مىڭ يۋان.
جوعارعى ورىن سانى بويىنشا الدىڭعى ۇشتىككە كىرەتىندەر: كاسىپورىن جانە ءىس ورىن جاۋاپتىلارى، جىلدىق ەڭبەكاقىسى 279.6 مىڭ يۋان؛ فينانستىق قىزمەت وتەۋشىلەر، جىلدىق ەڭبەكاقىسى 250 مىڭ يۋان؛ ينفورماتسيا تاراتۋ، جۇمساق بولشەك جانە ينفورماتسيالىق تەحنيكالىق قىزمەت وتەۋشىلەر، جىلدىق ەڭبەكاقىسى 197.3 مىڭ يۋان.
جۇڭگو اقپارات تورابى قازىنا – ەكونوميكا ارناسىنىڭ نازار اۋدارۋىنشا، جوعارى ورىن سانىنان سىرت، باسقا ورىن بويىنشا ەڭبەكاقى ورەسىن سالىستىرعاندا، فينانستىق قىزمەت وتەۋشىلەردىڭ ەڭبەكاقىسى ەڭ جوعارى بولىپ، باسقا كاسىپتەردەن اسىپ تۇسكەن.
ءىشىنارا جەرگىلىكتى ورىندار جاريالاعان ەڭبەكاقى مولشەرىنەن الىپ قاراعاندا، فينانس كاسىبىنىڭ ەڭبەكاقىسىنىڭ جوعارى ەكەنىن ىسپاتتايدى.
مىسالى، چۇڭچيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۋىردا جاريالاعان «چۇڭچيڭ قالاسىنداعى 2021 – جىلعى ەڭبەككۇش بازارىنداعى ەڭبەكاقى مولشەرى مەن كاسىپورىنداردىڭ ادام ىستەتۋ وزىندىك قۇنى ينفورماتسيالارى» اتتى قۇجاتقا قاراعاندا، كاسىپتەردىڭ ورتاشا ءتۇرىنىڭ ەڭبەكاقى مولشەرىنەن الىپ قاراعاندا، ورتاشا سانى الدىڭعى بەس ورىندا تۇراتىن كاسىپتەر جەكە – جەكە فينانستىق قىزمەت وتەۋشىلەر، ۇشاق جانە كەمە تەحنيكتەرى، عىلىمي زەرتتەۋ قىزمەتكەرلەرى، كاسىپورىن جانە ءىس ورىن جاۋاپتىلارى، زاڭ سالاسىنداعى، الەۋمەتتىك سالاداعى جانە ءدىني سالاداعى كاسىپتىك قىزمەتكەرلەر بولعان، جىلدىق ەڭبەكاقىلارى جەكە – جەكە 134642 يۋان، 108220 يۋان، 99850 يۋان، 87989 يۋان، 79200 يۋان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
