ىشكى موڭعۇل ساقشى جاعى ۋلى ارىقتاتۋ ءدارىسىن جاساۋعا قاتىستى ەرەكشە ءىرى دەلونى انىقتادى
دەلوعا قاتىستى سوما 22 ميلليون يۋان بولعان
2022.09.20 16:33 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى جاڭ لينحۋ 9 – ايدىڭ 19 – كۇنى حۇلۇنبەردەن حابارلايدى. سۇلۋلىقتى كىم سۇيمەيدى. تال شىبىقتاي بۇرالعان سىمباتتى بولۋعا تالپىنعانداردىڭ كوبى ارىقتاتۋ دارىسىنەن پايدالانىپ ارىقتاۋدى كوزدەيدى. الايدا، بۇزاقىلار وسىدان «ساۋدا ورايىن» تابادى.
ءتىلشىنىڭ 9 – ايدىڭ 19 – كۇنى ىشكى موڭعۇل اۆتونوميالى رايونى حۇلۇنبەر قالاسى چىنباتىرحۋ حوشۋنى قوعام حاۋىپسىزدىگى مەكەمەسىنەن ۇعىسۋىنشا، اتالعان مەكەمە ۋلى ارىقتاتۋ ءدارىسىن جاساۋعا قاتىستى ەرەكشە ءىرى دەلونى انىقتاپ، قىلمىس كۇماندىلارىنان 9 ادامدى تۇتقىنداعان، بۇل دەلوعا ساياتىن سوما 22 ميلليون يۋان بولعان.
بيىل 4 – ايدىڭ 30 – كۇنى چىنباتىرحۋ حوشۋنى ساقشى مەكەمەسىنە جاڭ X ەسىمدى ادام قاتىستى ماسەلەنى مالىمدەيدى، ونىڭ ايتۋىنشا، ۋيچات ارقىلى ساتىپ العان ارىقتاتۋ ءدارىسىن تۇتىنعان سوڭ، دەنەسى جايسىزدانعان، وسى ارىقتاتۋ ءدارىسىنىڭ كەسىرىنەن بولار دەپ كۇماندانعان، قۇنتتاپ كورگەن سوڭ، بۇل ارىقتاتۋ ءدارىسىنىڭ «ۇشتەن جۇرداي» (وندىرىلگەن ۋاقىتى جازىلماعان، ساپالىق تولىمدىلىق كۋالىگى جوق، وندىرگەن زاۆودى جازىلماعان ءارى كەلۋ قاينارى انىق ەمەس) ءونىم ەكەنىن بىلەدى.
حالىق ساقشىلارى دەرەۋ ۇلگى الىپ تەكسەرۋ جۇرگىزگەن، تەكسەرۋ ناتيجەسىنە قاراعاندا، بۇل ءونىمنىڭ قۇرامىنا مەملەكەت ايقىن بۇيرىق شىعارىپ تيىم سالعان «سيبۋترامين» قۇرامى قوسىلعان.
«سيبۋترامين قوسىلعان ارىقتاتۋ ءدارىسىن ىشكەن سوڭ دەنە جايسىزدانادى، ءتىپتى قول – اياق تارتىلۋى مۇمكىن». ۋلى ارىقتاتۋ ءدارىسىن ساتىپ العان الارمان ماسەلەنىڭ اۋىر ەكەنىن حالىق ساقشىسى وسىلاي تۇسىندىرگەن سوڭ بارىپ ءبىراق ءبىلىپ، الدانعانىن سەزدى.
وسىدان سوڭ، حالىق ساقشىسى دەرەك بويىنشا ىزىنە ءتۇسىپ، بارلاۋ جۇرگىزۋ جانە زەرتتەپ تۇجىرىم جاساۋ ارقىلى، حىنان ولكەسى شاڭچيۋ قالاسى توڭىرەگىندە سيبۋتراميندى ارىقتاتۋ ءدارىسىن وزدەرى جاساپ - ساتاتىن قىلمىستىق توپتىڭ جاعدايىن العاشقى قادامدا مەڭگەرەدى. اتالعان قىلمىستىق توپتىڭ قۇرىلىمى كۇردەلى، دەلوعا قاتىستى ادامدار كوپ بولعان، ەلىمىزدىڭ جەر – جەرىنەن 200 نەشە ۋاكىلدىك ساتۋشى قابىلداعان، ارىقتاتۋ ءدارىسىن ساتىپ العان الارمانداردىڭ سانى نەشە مىڭ ادامعا جەتكەن، دەلونى ءبىتىرۋدىڭ قيىندىق دارەجەسى وتە زور بولعان.
دەلونى بىتىرگەن حالىق ساقشىلارى كوپ جەرگە بارىپ بارلاۋ جۇرگىزىپ، ىلگەرىندى – كەيىندى قىلمىس كۇماندىسى ۋاڭ XX قاتارلىلاردى قولعا تۇسىرگەن. ونىڭ مويىنداۋىنشا، ول ۋيچات شەڭبەرىندە ساتقان ارىقتاتۋ ءدارىسىن ءوزىن ۋاكىلدىككە قابىلداعان لي X تەن ساتىپ العان. شايقاس ناتيجەسىن ونان ارى قازبالاي ءتۇسۋ ءۇشىن، حالىق ساقشىلارى تاعى دا كوپ جەرگە بارىپ، لي X قاتارلى قىلمىس كۇماندىلارىن دا قولعا تۇسىرگەن.
سونىمەن، ۋلى ارىقتاتۋ ءدارىسىن جاساۋعا، ساتۋعا قاتىستى ەرەكشە ءىرى دەلو ءساتتى انىقتالعان، ساقشى جاق قىلمىس كۇماندىلارىنان 9 ادامدى تۇتقىنداپ، جەلىم قابىرشاقتى ارىقتاتۋ دارىلەرىنەن 10 مىڭ تالدان استامىن، سيبۋتراميننەن 5000 گرامنان استامىن قولعا تۇسىرگەن، بۇل دەلوعا ساياتىن قاراجات سوماسى 22 ميلليون يۋانعا جەتكەن.
قازىر 9 قىلمىس كۇماندىسىنا تۇگەلدەي زاڭعا ساي قىلمىستىق ىستەر بويىنشا ماجبۇرلەۋ شاراسى اتقارىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
