لي كىچياڭ ۆيەتنامنىڭ زۇڭليى فان ميڭجىڭمەن تەلەفوندا سويلەستى
2022.09.20 16:39 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 19 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 9 - ايدىڭ 19 - كۇنى تۇستەن كەيىن جۇڭنانحايداعى زىگۋاڭگى سارايىندا ۇسىنىس بويىنشا ۆيەتنامنىڭ زۇڭليى فان ميڭجىڭمەن تەلەفوندا سويلەستى.
لي كىچياڭ مىنانى ءبىلدىردى: جۇڭگو مەن ۆيەتنام − تاۋ – سۋى جالعاسقان تاتۋ كورشى ەلدەر. باس شۋجي شي جينپيڭ باس شۋجي رۋان فۋجۇڭمەن ۇنەمى اڭگىمەلەسىپ، ەكى جاقتى قاتىناستىڭ دامۋىن پارمەندى ىلگەرىلەتىپ وتىردى. جۇڭگو جاق ۆيەتنام جاقپەن ءار دارەجەلى بارىس - كەلىستى كۇشەيتىپ، ءار سالاداعى ناقتى سەلبەستىكتى تەرەڭدەتۋدى قالايدى، بۇل ەكى ەل حالىقتارىنا باقىت جاراتۋمەن بىرگە، ءوڭىردىڭ بەيبىتشىلىگى مەن ورنىقتىلىعىن قورعاپ، بىرگە دامىپ، گۇلدەنۋدى جەبەۋگە دە ءتيىمدى.
لي كىچياڭ بىلاي دەپ اتاپ كورسەتتى: قازىر دۇنيە ءجۇزى ەكونوميكاسىنىڭ قالپىنا كەلۋى دارمەنسىز، ءتۇرلى تۇراقسىزدىق پەن كۇردەلى فاكتورلار قاباتتاسىپ وتىر. مەجەدەگىدەن اسىپ كەتكەن فاكتورلاردىڭ سوققىسىنا ۇشىراعاندىقتان جۇڭگو ەكونوميكانىڭ قۇلدىراۋ قىسىمىنا توتەپ بەرىپ، جۇمىستانۋدى ورنىقتىرۋعا، زات باعاسىن ورنىقتىرۋعا كۇش سالىپ، اينالىمنىڭ ۇيلەسىمدى ارالىقتا بولۋىن ساقتاپ، جالپى تۇلعالىق جاقتان قالپىنا كەلۋ جاعدايىن جارىققا شىعاردى. جۇڭگو ۆيەتنامنىڭ ەكونوميكاسىنىڭ ورنىقتى ارتقانىن قۋانشىپەن كورىپ وتىر، بۇل شىعىس ازيانىڭ كاسىپ تىزبەگى مەن قامداۋ تىزبەگىنىڭ ورنىقتىلىعىنا دا ءتيىمدى. ءبىز ۆيەتنام جاقپەن كاسىپ سالاسىنىڭ ءبىرىن - ءبىرى تولىقتاۋ ابزالدىعىن ساۋلەلەندىرىپ، ەكونوميكا - ساۋدا سەلبەستىگىن كەڭەيتىپ، شەكارا وتكەلدەرىنىڭ كەدەننەن ءوتۋىنىڭ ىركىلىسسىزدىگىنە كەپىلدىك ەتىپ، ۆيەتنامنىڭ ءوتىمدى ساپالى اۋىل شارۋاشىلىق ونىمدەرىن يمپورت ەتۋدى كەڭەيتىپ، ىندەتتەن ساقتانۋ قىزمەتىن ويداعىداي ىستەۋ العى شارتىندا جۇڭگودا وقيتىن ۆيەتنامدىق وقۋشىلاردىڭ ءوز قالاۋلارى بويىنشا مۇمكىندىگىنشە مەكتەپتەرىنە ورالۋىن قارسى الىپ، ەكى ەل اراسىنداعى تىكە قاتىنايتىن كەزەكشى ۇشاقتى كوبەيتۋگە پەيىلمىز.
لي كىچياڭ بىلاي دەپ دارىپتەدى: نانحاي تەڭىزىنىڭ بەيبىتشىلىگى مەن ورنىقتىلىعى ءار جاقتىڭ ورتاق مۇددەسىنە ۇيلەسەدى. جۇڭگو شىعىس وڭتۇستىك ازيا وداعىنداعى ەلدەرمەن «نانحاي تەڭىزى ەلدەرىنىڭ ارەكەت جارناماسىنا» قول قويىلعانىنىڭ 20 جىلدىعىن وراي ەتىپ، «نانحاي تەڭىزى ارەكەت ولشەمىن» ەرتەرەك جاساپ، ءار جاقتىڭ اقىل - پاراساتىن ساۋلەلەندىرىپ، جالپى جاعدايدى كوزدە ۇستاپ، سەلبەستىكتى ىلگەرىلەتىپ، الاۋىزدىقتاردى تىزگىندەپ، نانحاي تەڭىزىن بەيبىتشىلىك، دوستىق، سەلبەستىك تەڭىزى ەتىپ قۇرىپ شىعۋدى قالايدى.
فان ميڭجىڭ مىنانى ءبىلدىردى: ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسىن بەكەمدەۋ جانە دامىتۋ − ۆيەتنامنىڭ سىرتقى ساياساتىنىڭ ماڭداي الدى ءتۇيىنى. ۆيەتنام جاق جۇڭگو جاقپەن جوعارى جىكتەگىلەردىڭ ۇنەمىلىك بارىس - كەلىسىن جالعاستىرىپ، ستراتەگيالىق سايكەسۋدى كۇشەيتىپ، الاۋىزدىقتاردى ۇيلەسىمدى ءبىر جاقتى ەتىپ، ۆيەتنام مەن جۇڭگونىڭ ساۋدا، قارجى قوسۋ، كەدەننەن ءوتۋ، گۋمانيتارلىق سياقتى ءتۇيىندى سالالارداعى سەلبەستىگىنىڭ ۇزدىكسىز تەرەڭدەۋىن ىلگەرىلەتىپ، ەكى ەل قاتىناسىنا اناعۇرلىم كوپ بەلسەندى جەتىستىك سيلاۋعا پەيىل.
شياۋ جيە جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
