شي جينپيڭ مەملەكەت قورعانىسى جانە ارميا رەفورماسى جونىندەگى زەرتتەۋ - تالقى ماجىلىسىنە ماڭىزدى نۇسقاۋ بەرىپ مىنانى دارىپتەدى
رەفورمانىڭ تابىستى تاجىريبەلەرىن مۇقيات قورىتىندىلاپ جانە پايدالانىپ، رەفورما ارقىلى ارميانى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
2022.09.22 17:07 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 21 - كۇنى، بەيجيڭ (ءتىلشى مەي چاڭۋەي). مەملەكەت قورعانىسى جانە ارميا رەفورماسى جونىندەگى زەرتتەۋ - تالقى ءماجىلىسى 9 - ايدىڭ 21 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەردى. ول مىنالاردى دارىپتەدى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەن ورتالىق اسكەري ىستەر كوميتەتى بۇرىن - سوڭدى بولماعان بەكىممەن جانە تەبىنمەن ارميانى رەفورما ارقىلى قۇدىرەتتەندىرۋ ستراتەگياسىن جاپپاي اتقارىپ، مەملەكەت قورعانىسى مەن ارميا قۇرىلىسىنا ۇزاق ۋاقىت تۇساۋ بولىپ كەلگەن تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى ىشكەرىلەي شەشىپ، مەملەكەت قورعانىسى مەن ارميا رەفورماسىن تەرەڭدەتۋدە تاريحي جەتىستىكتەرگە قول جەتكىزدى، حالىق ارمياسىنىڭ ءتۇزىلىسى، قۇرىلىمى، جاعدايى، بەت - بەينەسى جاڭاردى. رەفورمانىڭ تابىستى تاجىريبەلەرىن مۇقيات قورىتىندىلاپ جانە پايدالانىپ، جاڭا جاعداي مەن مىندەت تالاپتارىن يگەرىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، ءورىس اشا جاڭالىق اشۋعا باتىل بولىپ، بەلگىلەنگەن رەفورما مىندەتتەرىنىڭ تياناقتانۋىن تىڭعىلىقتى يگەرىپ، كەيىنگى رەفورما جوبالارىن كۇشەيتىپ، رەفورما ارقىلى ارميانى قۇدىرەتتەندىرۋدىڭ جاڭا جاعدايىن قۇلشىنا اشىپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋعا قۇدىرەتتى قوزعاۋشى كۇش ازىرلەۋ كەرەك.
ءماجىلىس ءتوراعا شي جينپيڭنىڭ ماڭىزدى نۇسقاۋىن جەتكىزدى، ۇيرەندى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭ وسى رەتكى مەملەكەت قورعانىسى جانە ارميا رەفورماسىندا قول جەتكەن كەلەلى تابىستار مەن تاجىريبەلەردى قورىتىندىلاپ، كەيىنگى رەفورمانى جوسپارلاۋ قىزمەتىن ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا رەفورما ارقىلى ارميانى قۇدىرەتتەندىرۋ ستراتەگياسىن تەرەڭ ءتۇسىنۋ، رەفورماعا شىنايى كەپىلدىك ەتۋ، ناقتى ونىمدىلىككە ۇمتىلۋ جونىندە تالاپ قويدى.
ماجىلىستە 12 ورىن قىزمەتتىڭ ءىس جۇزىندىك جاعدايىمەن ۇشتاستىرىپ، وسى رەتكى مەملەكەت قورعانىسى مەن ارميا رەفورماسىنا قاتىستى جاعدايلار جونىندە پىكىر اۋىستىرىپ، ءسوز سويلەدى.
ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ تاراۋلارىنداعى، اسكەري ىستەر كوميتەتى بىرىككەن سوعىس قولباسشىلىق ورتالىعىنداعى، سوعىس رايوندارىنداعى، ارميا، اسكەر تۇرلەرىندەگى، اسكەري ىستەر عىلىم اكادەمياسىنداعى، مەملەكەت قورعانىسى داشۋەسىندەگى، مەملەكەت قورعانىسى عىلىم - تەحنيكا داشۋەسىندەگى، قارۋلى ساقشى بولىمدەرىندەگى قاتىستى جاۋاپتى جولداستار قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
