قىرعىزستان مەن تاجىكستان شەكارا قاقتىعىسىن شەشۋ كەلىسىمىنە قول قويدى
2022.09.22 16:29 كەلۋ قاينارى : حالىق تورابى
شينحۋا اگەنتتىگىنىڭ 9 ـ ايدىڭ 20 ـ كۇنى بىشكەكتەن بەرگەن حابارى. قىرعىزستان مەملەكەت حاۋىپسىزدىگى كوميتەتى اقپارات مەكەمەسىنىڭ 9 ـ ايدىڭ 20 ـ كۇنگى حابارلاندىرۋىنا قاراعاندا، قىرعىزستان مەن تاجىكستان 9 ـ ايدىڭ 19 ـ كۇنى ەكى ەلدىڭ شەكاراداعى قارۋلى قاقتىعىسى ماسەلەسىن شەشۋدى ماقسات ەتكەن كەلىسىم حاتىنا قول قويعان.
حابارلاندىرۋعا نەگىزدەلگەندە، قىرعىزستاننىڭ ورىنباسار زۇڭليى ءارى مەملەكەت حاۋىپسىزدىگى كوميتەتىنىڭ ءتوراعاسى تاشيەۆ تاجىكستان مەملەكەت حاۋىپسىزدىگى كوميتەتىنىڭ ءتوراعاسى ياتيموۆپەن 9 – ايدىڭ 19 – كۇنى كەشتە ەكى ەلدىڭ شەكاراسىنداعى قارۋلى قاقتىعىس ماسەلەسى جونىندە كەڭەس وتكىزدى. كەڭەس ناتيجەسى مەن ەكى جاقتىڭ 9 – ايدىڭ 16 - كۇنى كەلىسكەن جالپى بەتتىك سوعىس توقتاتۋ كەلىسىمىنە ساي، ەكى جاق اتالعان كەلىسىمگە قول قويدى. كەلىسىم حاتىنا ساي، ەكى جاق جاۋلاسۋ ارەكەتىن جاپپاي توقتاتىپ، اسكەري بولىمدەر مەن اسكەري جابدىقتاردى بۇرىنعى تۇرعان جەرىنە قايتارىپ اكەتىپ، شەكارا قاراۋىل ورىندارىن بىرلەسىپ كوزدەن كەشىرەدى. ەكى جاق تاياۋ مەزگىلدە تۋىلعان قارۋلى قاقتىعىستاردى تۇبەگەيلى تەكسەرەدى، سونداي ـ اق شەكارا ءوڭىردىڭ بەيبىتشىلىگى مەن ورنىقتىلىعىن جەدەل قالپىنا كەلتىرۋ ءۇشىن ۇزدىكسىز بىرگە قىزمەت ورىستەتەدى.
تاجىكستاننىڭ اۆيستا اگەنتتىگىنىڭ 9 – ايدىڭ 20 - كۇنگى حابارىنا قاراعاندا، ياتيموۆ 9 – ايدىڭ 19 - كۇنى قىرعىزستانمەن كەلىسىم حاتىنا قول قويعاننان كەيىن بىلاي دەدى: «ءبىز ءتىل تابىسىپ، ورتاق تانىمعا كەلدىك، ناعىز بەيبىتشىلىكتىڭ ەكى ەلدىڭ شەكارا رايونىنا كەلەتىندىگىنە سەنەمىن».قىرعىزستاننىڭ باتكەن وبلىسىنىڭ تاجىكستانمەن شەكارالاسقان وڭىردە 9 – ايدىڭ 14 – كۇنىنەن 16 – كۇنىنە دەيىن قارۋلى قاقتىعىس تۋىلىپ، ەكى جاقتان دا ءولىم – ءجىتىم بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
